إقتباس الرسالة الأصلية كتبت بواسطة THE KOP فيه اخبار لا اعلم مدى صحتها ان ديمبسي سيكون في ليفربول الاسبوع القادم ، واحتمال يدخل ادم بالصفقة .. 2-3 مليون + ادم مقابل ديمبسي .. ان صارت فهي كارثة .. تراه لاعب له 29 عام ، اوكي روجرز ماتبي ادم ومايناسبك خطتك .. بس استفيد منه بطريقة افضل من كذا .. السيتي قرر الابتعاد عن اغير بعد مطالب ليفربول الكبيرة ، ليفربول مشترط 27 مليون .. او 23 مليون + ادم جونسون مقابل اغير وادارة السيتي رافضه هالكلام ، بقاء اغير صفقه بحد ذاتها ! هناك اخبار من اسبانيا ان ليفربول يرغب بضم شاهين وكذلك الارسنال وسوف يحسم مستقبل الاعب بالاسبوع القادم ، طبعاً عرض الارسنال وليفربول هو اعاره منتهية بالشراء ! اما عن كارول فروجرز رافض بقاء الاعب بتاتاً .. بس ينتظر لأخر السوق ويرى المستجدات ، عرض ويستهام مازال على طاولة ليفربول بس الاعب مايبي يروح لويستهام .. واخبر ادارة النادي انه اذا لم تكن تريده فلن يغادر الا لنادي يلعب ببطولة اوربية .. هو يقصد ناديه السابق نيوكاسل ، ونيوكاسل حتى الان لم يتقدم بشي .. لكن من المتوقع ان يتحرك نيوكاسل اخر السوق للحصول على كارول بأفضل سعر ممكن ! هذا ابرز ماعندي

ماشاء الله عليك رؤية فنية منتازة


صدقت في ديمبسي بس بيني وبينك ديمبسي لعيب وأتمنى جيته بس ودي تكون الصفقة هندو إعارة + 4 مليون = ديمسبي

وبالنسبة للصخرة الدينماركية أنا ودي يروح ب 30 مليون عشانه في عز مستواه + اللاعب كثير إصابات ويمكن في الصيف الجاي ينزل سعره ونتوهق

وبالنسبة لشاهين صعبة جيته بسبب أنديه كثيرة حاطة عينها عليه صعب ناخذه منهم

وبالنسبة للناقة ياليته ينقلع هالحين (( اليورو كبر سعره )) ولا هو 10 مليون كثيرة عليه


THE KOP أنا من متابعينك في تويتر ياليتك تدخل الرابطة مثل ما تدخل التويتر


يقولون في تويتر ليفربول بيوقع مع راميرز ب 18 مليون يورو !!



راميرز لعيب بس معقولة يستاهل 18 مليون أحس المبلغ كبير عليه ولا وش رايكم ؟؟؟؟

إقتباس الرسالة الأصلية كتبت بواسطة الانفلد رود Agger wants Reds stay اغر يصرح برغبته في البقاء في الانفلد ولكن الامر ليس بيده Agger wants Reds stay | Liverpool News, Fixtures, Results, Transfers | Sky Sports

يا عيني عليك يا آغر رغم كل العروض اللي جته الا انه متمسك بالليفر ولا قال آمر أنتقالي بيد الإدارة موب مثل الخاين سيء الذكر توريس

إقتباس الرسالة الأصلية كتبت بواسطة الانفلد رود ايه كذا اشتغلوا شوي الصراحه انا ما اعرف الاعب ولا اعرف مستواه

لا فيه تقارير تقول ان راميرز بيروح للإنتر الظاهر انه اشاعة زي إشاعة الهولندي لوك دي يونغ

إقتباس الرسالة الأصلية كتبت بواسطة الانفلد رود Reds hopeful on Skrtel deal الليفر يامل في تجديد عقد الوحش سكرتل Reds hopeful on Skrtel deal | Liverpool News, Fixtures, Results, Transfers | Sky Sports

يا لبيه يا وحش أفضل لاعب في ليفربول الموسم اللي راح مستواه ثابت + ماشاء الله عليه ما يصاب
(( عيني عليه باردة