إقتباس الرسالة الأصلية كتبت بواسطة ريفآلدوٍ ردآ على أخوي هنتلار اذا يسمح لي النصف الأول فيما يخص روبينهو .. روبينهو نجح مع الريال .. فترته كانت رائعه وكان يعد احد الركائز الاساسيه بالفريق المدريدي .. كان له هالة وكان لاعب ممتاز لما جى للريال وقدم مستوى من افضل مايكون ! .. من وجهة نظري افضل فترات روبينهو في مسيرته كانت مع الريال .. فأشوف إنه نجح مافشل .. هذا النصف الأول والمتعلق بروبينهو .. النصف الثاني لوبيز كان راس حربه وهداف بالدوري الارجنتيني .. ماهو معروف مرة بس صفقه جات فجاة وكان مبلغه بسيط برضو .. بمعنى ماتقارنه بمستوى نيمار حاليا .. نيمار من وجهة نظري بالفترة الحاليه افضل لاعبي العالم مهاره .. عكس لوبيز اللي كان يعرف بحس تهديفي .. من وجهة نظري بيكون مفيد ومفيد بشكل كبير للفريق .. الحلول ببتوافر وبكثره في الخطا الأمامي .. وبيقل إعتمادنا الشبه كلي على ميسي .. وشكرا

روبينهو ليس بالفاشل عزيزي لكن ايضا لم يكن بمستوي الهالة والصدى الي رافقت اخبار انتقاله بيليه القادم و نجم

البرازيل الاوحد جميعها القاب كانت اعلى منه بكثير. اذكر ان الريال سعي للتخلص منه سعيا في جلب كرستيانو رونالدو

فحكمت انه ليس قد طموحهم ورغبتهم. الدجاجة ماكسي لوبيز وهناك من كان يقول باتيستوتا الجديد والهداف العالمي

..... الخ بالاخير راح اعارة لمايوركا وبعدها روسيا هههههه.

نيمار سيكون هو اللاعب البرازيلي رقم ( 28 ) الذي ينضم إلى برشلونه عبر تاريخه حيث كانت البداية مع وصول اللاعب فاوستو دوس سانتوس في موسم 1931/1932 .

الموقع الرسمي للنادي يُرحب بـ نيمار

اخوي هلالي عسل .. ممكن اخذ من وقتك شوي ..

ابي مواصفات نيمار بما اني ماتابعه ولا اشوفه الا في اليوتيوب .. واكون شاكر لك

الممر الشرفي درس من دروس التربية للابن العاق

مبروك الفوز وتعادل الغريم مع انه يستحق الخساره بخماسيه او سداسيه لولا حارسهم لوبيز ..

قادمون ي 100 نقطططه

إقتباس الرسالة الأصلية كتبت بواسطة هــلاالـي اخوي هلالي عسل .. ممكن اخذ من وقتك شوي .. ابي مواصفات نيمار بما اني ماتابعه ولا اشوفه الا في اليوتيوب .. واكون شاكر لك

شوف اخوي هلالي ، نيمار لاعب ما عليه كلام لكن انا راح اتكلم من وجهة نظري عن الإضافة اللي ممكن يقدمها اللاعب لبرشلونه وهذا هو الأهم :

- اللاعب يملك المهارة والتهديف يعني مثل ما قلتها قبل انه قادر على مساعدة ميسي في الهجوم ، والشيء الثاني انه بدل ما يكون عندك لاعب واحد يملك سلاح المهارة يصير الحين اثنين ... في مباريات كثيرة لما نواجه تكتلات دفاعية كنا دائما نطالب ميسي انه يلعب بعيد عن منطقة الجزاء لسحب المدافعين معه وترك المساحات ، الحين عندك ميسي ونيمار وكلهم قادر على تأدية هذا الدور وإشغال مدافعي الخصم .

- عنصر المفاجأة في الهجوم بمعنى انه لاعب لما تكون الكورة معه المدافع اللي قدامه يحتار كيف يمكن انه يتجاوزه ... يعني بصراحة لاعبين الطرف عندنا سواء تيلو او سانشيز او بيدرو كلهم طريقتهم مكشوفة للمدافعين وعارفين اسلوبهم في المراوغة ... لو آخذ تيلو مثال معروف يستلم الكورة ويوقفها تحت رجله لحظة ويدفها قدام وتشوف سباق في السرعة .

- سلاح الهجمات المرتدة نيمار عنده الجرأة الهجومية انه ينطلق مباشرة بشكل طولي مع السرعة نحو مرمى الخصم بعكس مثلا سانشيز او بيدرو اللي نشوفهم حتى لو كان قدامه المساحة فجأة يوقف ويبدأ يدور حول نفسه ويرجع بالكورة لأقرب لاعب في الخلف .

- النقطة الأخيرة في الجرأة في التسديد البعيد على المرمى وهذي ميزة يمكن نفتقدها في جميع لاعبينا ... يعني كنت اراجع بعض الإحصائيات والأرقام للاعب ، منذ بداية عام 2013م لعب 22 مباراة مع سانتوس والبرازيل سدد خلالها 88 تسديدة على المرمى بمعدل 4 تسديدات في كل مباراة ... أحيانا في مباريات لبرشلونه لو تحصي كل تسديدات الفريق يمكن ما توصل لهذا العدد .

برأيي انه اللاعب قادر على التكيف والنجاح مع برشلونه لكن يمكن الخوف عليه من أشياء عديدة : أولها الاعلام والصحافة والمقارنة مع ميسي يعني لو يجلس كذا مباراة ما يسجل مثلا على طول تبدأ مثل هالمقارنات واللي تضعه تحت ضغط نفسي كبير ... ثانيا قدرته على تغيير نمط حياته والتكيف مع الحياة الجديدة بعيد عن حياة الليل والسهر والحفلات مثل ما كان في البرازيل ... ثالثا لازم يفهم اللاعب انه اسلوب وطريقة اللعب في اسبانيا أو أوروبا تختلف عن البرازيل ، يعني نيمار تعرض للطرد في 4 أو 5 مرات بسبب استفزازات الخصم والخشونة بحكم ربما انه يجد المحاباة والحماية من الحكام ، وهذا الوضع سيختلف مع برشلونه لأنه سيتعرض لمثل هالأمور وراح يكون مطالب بتعديل مزاجه وضبط أعصابه داخل الملعب .