لما تشوف الحالة النفسية اللي كان عليها الفريق في مباراة البارحة بعد دخول ميسي والانقلاب اللي حصل في أداء اللاعبين لدرجة انه حتى بيدرو الميت بعادته فجأة أصبح من أكثر اللاعبين حركية في وسط الهجوم ، والتحسن الواضح على الليو من الناحية اللياقية يعطيك نوع من التفاؤل في مباراة البايرن بانتفاضة بلوجرانية قوية في الكامب نو مساء الأربعاء .

لكن بالمقابل لما تشوف المشاكل في الدفاع ما بين هفوات بيكيه والبطء في التغطية وهو الاختصاصي الأساسي في هذا المركز مع غياب ألبا للإيقاف وإرهاق ألفيس ولا يبقى غيرهم إلا أدريانو أو بارترا وانت بحاجة إلى انه مرماك ما يستقبل أي هدف ، مع القوة الهجومية للبايرن بعودة هداف الفريق والبوندسليغا مانزوكيتش واللي كان موقوف في مباراة الذهاب هنا يعطيك نوع من الإحباط أو انها العودة للواقعية بعيد عن العاطفة بأنها أشبه بالمهمة المستحيلة على وزن فيلم Mission Impossible .

صورة للفسيفساء التي ستعملها الجماهير والشكل الذي سيكون عليه ملعب الكامب نو مساء الأربعاء في مباراة البايرن بحضور أكثر من 90 ألف متفرج ..

BARCA ... ORGULL ... BARCA

( برسا ... فخر وكبرياء ... برسا )

إقتباس الرسالة الأصلية كتبت بواسطة Hilali 3asal في البداية حياك اخوي عبدالله معنا وياهلا فيك وبمشاركتك ،، صراحة قعدت أحلل في هذي التشكيلة شوي تقنعني وبعدها أغير رأيي ، لكن النتيجة النهائية انها ما دخلت رأسي .. يعني انت ركزت على عملية تكثيف الوسط من أجل السيطرة والاستحواذ مع انه برشلونه بطريقته المعتادة بثلاث لاعبين دائما عنده نسبة الاستحواذ الأعلى يعني ماحنا ناقصين زيادة لاعبين في الوسط ،، القضية هنا انه بهذي التشكيلة صحيح ركزت على موضوع وسط الملعب لكن تسبب مشاكل اولا انه راح يتسبب بازدواجية في الأدوار بين لاعبي الوسط بوجود 4 لاعبين وعادة انيستا يضم معهم يعني زحمة في خط الوسط يكون نتيجتها استحواذ سلبي بدون فائدة .. النقطة الثانية انك خليت ثلاث مدافعين اثنين منهم لاعبي الأظهرة ( ألبا موقوف ما راح يلعب لكن ماهي مشكلة امشي معك ) ، يعني بكذا راح تصعب من عملية تقدمهم وترك مراكزهم خوف من المساحات وبكذا تخسر قوة انك تفتح اللعب على الأطراف ويكون التركيز في الهجوم من العمق خاصة وانه مثل ما قلت لك انيستا وميسي كثير دخولهم لوسط الملعب .. البايرن فريق قوي من الأطراف ومجرد تقدم الظهيرين لو حصل تترك مدافع واحد اللي هو بيكيه وحتى مع وجود لاعبين اثنين في المحور اللي هم بوسكيتز وسونغ لكن عندهم نوع من البطء وصعب انهم ينتقلون بالسرعة لتغطية الاطراف ، يعني مجرد كورة من الحارس نوير يلعبها طويلة لروبن او ريبري في حالة الهجمة لبرشلونه خلاص دفاعك يبقى مكشوف .. وحياك معنا من جديد ..

الله يحيك حبيب البي

كلامك صحيح ،، وممكن انت تفهم في طريقة واسلوب البرسا اكثر مني

بس فيه كم نقطة ابعقب عليها من كلامك

- تكثيف خط الوسط انا ما كان قصدي فيه عشان السيطره ،، السيطره هي للبرسا مثل ما ذكرت قبل حتى لو لعبو بخطتهم المعتاده ،، بس القصد من كلامي هو تشافي يكون اكثر حرية ،، بتكون عليه رقابه طبعا ،، بس راح تكون اقل من مباراة الذهاب ،، وجود فابري معه في صناعة اللعب راح تخفف العبأ على تشافي ،، انا كان ممكن اقولك تشافي وانيستا ،، بس انا افضل انيستا على الاطراف بسبب مهارته وسرعته ،، ولو تلاحظ المباراة الذهاب ،، اول ما يمسك انيستا الكوره تلقى 3 داخلين عليه ،، البرسا الحين مفروض انهم عارفين النقطه هذي والمفروض و"اللاززززم" هو استغلال هذي نقطه ،، طيب ،، كيف تقدر تستغلها ؟؟ انا اقولك كيف اذا انيستا على الطرف معناها راح يكون قريب من منطقة ال 18 ،، منطقه خطرة وحساسه ،، لا مسك الكوره على اقل تقدير فيه 2 او 3 لاعبين من البايرن بيدخلون عليه ،، في هذا الوقت اكيد يا فابري او تشافي الرقابه بتكون عليهم بشكل اقل ،، يقدر يرجع الكوره لواحد منهم وبيكون قريب من المرمى وسهل التسجيل في هذي المناطق. والحال هذا نفسه ينطبق على ميسي ،، عشان كذا اخترت انيستا وميسي على الاطراف ،، لان لو تفكر فيها شوي ،، ميسي لو كان بالعمق راح يكون تايه ،، 2 قلوب الدفاع والمحاور كلها فوق راسه بس انك تحطه على الاطراف راح تكون اسهل مو ل ميسي وانيستا بس ،، لا ،، بتكون اسهل ل تشافي - فابري - فيا حتى ...

- بخصوص الاظهره ،، كلامك جدااا منطقي وسليم ،، بس انا اخترت سونق يكون داعم لخط الدفاع في حالات الهجمه المرتده ،، لاعب فنان في قطع الكور ،، انت لازم تضحي في البا او الفيس وتخلي ادواره دفاعيه اكثر من هجوميه ،، والبرسا اذا كان متقدم ومستحوذ ،، راح تشوف فريق البايرن كللللله في مناطقه ،، وهذا الشي راح يبطء من هجماتهم

- اما بخصوص ال 3 مدافعين ،، انا عندي فكره في بالي ،،هي فلسفه اذا خط دفاعك تعبان وجايب العيد لا تكثر لاعبين ،، حط لك واحد على اساس يكون هو اللي شايل المسؤلية كامله ،، سوء التفاهم في خط الدفاع هو اللي يضر الفريق ،، مو قلة عددهم ،، ولا يخفى على احد ضعف خط دفاع البرسا ،، طيب لو لعبت ماسكيرانو مع بيكي ،، ايش راح تستفيد ؟؟ انت فريقك يحتاج 4 اهداف عشان يرجع للمباراة ،، وهذا اللي انا خلاني اختار 3-4-3 ،، والبايرن صحيح فريق قوي وكبير ،، بس احرمه من الكوره بتوقف خطورة اطرافه


انا ابحط لك طريقة اللعب عشان اكون اوضح


في حالة الهجوم:

فالديز

البا - بيكي -الفيس

سونق

تشافي - بوسكيتس - فابري

انيستا - فيا - ميسي


سونق يكون في وسط الملعب وما يتقدم ابداا



في حالة الدفاع:


فالديز

البا - سونق - بيكي - الفيس

بوسكيتس

فابري - تشافي

انيستا - فيا - ميسي


هي مثل ما قلت قبل فيها مجازفه ،، بس البرسا عشان يرجع لازززم عليه يتقدم باكثر عدد ممكن من اللاعبين


ومعليش ادري كلامي ملخبط شوي بس الدوام والكرف

برشلونة يبدأ مفاوضاته لضم هوملز


ذكرت صحيفة "ماركا" الإسبانية أن نادي برشلونة بدأ تحركاته من أجل ضم المدافع الألماني ماتس هوملز إلى صفوفه في فترة الانتقالات الصيفية القادمة.
وقالت الصحيفة إن برشلونة بدأ مفاوضاته فعلياً مع مدافع بوروسيا دورتموند الألماني ماتس هوملز من أجل ضمه إلى الفريق الكتالوني الذي يعاني من ضعف خطه الخلفي خاصة مع تقدم القائد كارلس بويول في السن.
وأشارت الصحيفة أن برشلونة رصد مبلغ ما بين 20 و25 مليون يورو من أجل الفوز بخدمات المدافع الفذ، خاصة في ظل المنافسة التي قد يجدها من أندية إنكليزية إضافة إلى غريمه ريال مدريد.


المصدر

ورب الكعبه روسيل يستهبل مستحيل يوافق درتموند على هالملبغ الريال يريد الاعب وش الحل مع هالرئيس البخيل

25 مليـون صـدقني تـكفـي لـ هوملز.. يـعني كـم تبـي برشلونه يـدفع ؟؟ 30 - 35 مليـون اشـوف انهـا كثيـره صراحه وخصـوصاً ان برشـلونه ناوي على نيـمار الصيف هذا ان شاء الله

بـرشلونه لازم يصـرف هذا الصيـف بـس مـو لـ درجة انه يـدفع مبـلغ كبيـــر على مدافع

إقتباس الرسالة الأصلية كتبت بواسطة سوبر الازرق برشلونة يبدأ مفاوضاته لضم هوملز ذكرت صحيفة "ماركا" الإسبانية أن نادي برشلونة بدأ تحركاته من أجل ضم المدافع الألماني ماتس هوملز إلى صفوفه في فترة الانتقالات الصيفية القادمة. وقالت الصحيفة إن برشلونة بدأ مفاوضاته فعلياً مع مدافع بوروسيا دورتموند الألماني ماتس هوملز من أجل ضمه إلى الفريق الكتالوني الذي يعاني من ضعف خطه الخلفي خاصة مع تقدم القائد كارلس بويول في السن. وأشارت الصحيفة أن برشلونة رصد مبلغ ما بين 20 و25 مليون يورو من أجل الفوز بخدمات المدافع الفذ، خاصة في ظل المنافسة التي قد يجدها من أندية إنكليزية إضافة إلى غريمه ريال مدريد. المصدر ورب الكعبه روسيل يستهبل مستحيل يوافق درتموند على هالملبغ الريال يريد الاعب وش الحل مع هالرئيس البخيل

لا بالعكس لو فعلا هذا عرض برشلونة فالعرض معقول جدا ، ميزة هاللاعب انه مميز وسعره معقول جدا وحسب المواقع الأجنبية سعر اللاعب تقريبا ما بين 21 الى 24 مليون جنيه استرليني ، يعني تقريبا باليورو من 25 الى 28.5 مليون ، و لازم تحط ببالك ان فيه اندية راح تزايد على اللاعب يعني لو بديت بقوة راح تزايد عليك الأندية القوية ماليا مثل باريس و السيتي وغيرهم ووقتها ما راح تقدر تنافسهم ، وبالأخير رغبة اللاعب بتختصر المفاوضات كثير وبإذن الله اللاعب راغب ببرشلونة ، وسبق انه صرح وقال " انا ووالدي رفضنا 99% من العروض المقدمة لي ، لكن برشلونة هو احد ناديين او ثلاثة الذين سأفكر بالانتقال لهم ان قدموا عرض رسمي "

إقتباس الرسالة الأصلية كتبت بواسطة Hilali 3asal صورة للفسيفساء التي ستعملها الجماهير والشكل الذي سيكون عليه ملعب الكامب نو مساء الأربعاء في مباراة البايرن بحضور أكثر من 90 ألف متفرج .. BARCA ... ORGULL ... BARCA ( برسا ... فخر وكبرياء ... برسا )

القهر ان الجزيرة الرياضية بتحرمنا من هالمشاهد الحلوة

والسبب الفقرة التحكيمية الغبية اللي تسبق المباراة

تفوت علينا لقطات دخول اللاعبين للملعب

شبـاب وين ارخـص محل يـجدد بطايق الجـزيره ؟؟ بالله بـسرعه اليوم انقطع ومابي افـوت مباريات الاسبوع هذا

رحت لـ اكثـر من محل كلـهم يـقولون بـ 460 !! وين عايشـين حنا !! اذكـر اول اجدد الباقه كامـله بـ 290 او 320 بالـكثيـر

وحـاولت القى طريقه تجديد عن طريق النت بس مالقيـت وحده تضـبط ويعضـهم يقولون الطريقه انلـغت

^^^

مالك الا الحداد هو وكيلهم في السعودية

إقتباس الرسالة الأصلية كتبت بواسطة M_E_S_S_I شبـاب وين ارخـص محل يـجدد بطايق الجـزيره ؟؟ بالله بـسرعه اليوم انقطع ومابي افـوت مباريات الاسبوع هذا رحت لـ اكثـر من محل كلـهم يـقولون بـ 460 !! وين عايشـين حنا !! اذكـر اول اجدد الباقه كامـله بـ 290 او 320 بالـكثيـر وحـاولت القى طريقه تجديد عن طريق النت بس مالقيـت وحده تضـبط ويعضـهم يقولون الطريقه انلـغت

هذي أخوي أسعارهم الحين ماعاد فيه 200 و 300 ريال ، يعني لو تدخل موقع الجزيرة الرسمي تلقى قيمة تجديد الاشتراك للقنوات المشفرة من +1 إلى + 10 مع قنوات الاتش دي 115 دولار اللي هو يعادل حوالي 430 ريال ، وتعرف أصحاب المحلات عندنا يحاول يستفيد بـ 20 أو 30 ريال فوق القيمة الأصلية .

من جريدة الرياض