أكثر لاعب إنجلد المسكين ، ومع ذلك م نشوف أي قرارات تتخذ !! وماننسى الكرت الأحمر الظالم اللي أخذه قدام المانيو



إذا التدخل ب رجلين والكوره معك كرت أحمر مباشر ! طيب الحاله أعلاه وش نقول عنها ؟

،



نقطه تحول في المباراه ، كان بيتغير شي كثير لو إحتسبت ركله جزاء .. كرس فوي من مباراتنا ضد الكيو بي أر وطرده ل بوسينجوا ودروقبا وأنا كارهه كره اليهود .. هو نفسه اللي طرد هازارد يوم سالفه البزر ، وهو نفسه اللي حرمنا من ركله جزاء وأحمر مستحق ل أغويرو .. الواحد م وده يتطرق للأمور التحكيميه الظالمه اللي يمر فيها خصوصاً إننا عارفين هذا الشي موجود بكره القدم الإنجليزيه .. بس بالشكل هذا ؟ ياخي أوقات تحس بعض الحكام يستقصدونك !! حسبي الله عليك ي فوي ..

نفس سيناريو مباراتنا معهم بالدرع ، نسلمهم كوره يسجلون أهداف من أخطاء دفاعنا ، نبي نرجع نتدارك الوقت ونعدل بس م يسعفنا الوقت .. وأنا أشوف المباراه سيناريو الدرع جا على بالي ، هدفهم الثاني قتل المباراه نوعاً ما ، تشلسي بالشوط الأول إحترم الستي أكثر من الازم .. شفنا كيف يوم مسكنا الملعب وحشرناهم م نفسو وسجلنا الأول وضاعت فرصتين م تدري شلون ضاعت .. لو المباراه 100 دقيقه بدال 90 متأكد إننا بنسجل التعادل بس م الله كتب لنا الفوز ، الفريق يصحى متأخر بعد م يلقم هدف ولا هدفين وصارت ها الموسم كثير .. قدام المانيو أكبر مثال ، ماتا كان مختفي على مستوى الصناعه .. هدفهم الأول حرام يدخل .. يايا يتمشى لحاله بوسطنا ويلعبها بعمق دفاعنا ويستلمها المهاجم بكل أريحيه ومانشوف أي ضغط عليه .. الكوره تبي نصري والحظ لعب معه دور كبير .. 1-0 حلوه إنك ترجع بالشوط الثاني وتدخل بكل قوه وحسيت ها الشي يوم شفت الفريق نازل بدري .. بس فجأه نشوف هدف ثاني مع بدايته وسوء تغطيه من دفاعنا ! دفاع كارثي للأسف .. مثل هذه الأهداف حرام تدخل فيك .. وقتها تحطمت وقلت مافيه أمل نرجع .. بس هدف ديمبا والإنتفاضه اللي جات بعده رجعلي التفائل وتحمست لأخر دقيقه .. بس فوي كان له كلام ثاني !



إن كان فيه واحد بالفريق يبرد قلبك ، فهو هذا الاعب ..

،

الحمد لله على كل حال ، يمكن تكون خيره بتحقيق أخر بطوله تبقت لنا وهي اليورباليق ، م يغبنك ها الموسم إلا البطولات اللي خسرناها وحده ورى الثانيه .. المفترض يكون موسم حصاد لكن وش نقول ؟ م تدري مين تلوم بالضبط .. بس كل اللي أعرفه إن الموسم الجاي بيكون موسم مغاير تماماً ل تشلسي .. وبنشوف صحوة أسسد من جديد !

هاردلكم عشاق الفخر ..

هههههههههه ، هذي و ربي كلاتنبيرج يحتسبها ، طيب اذا انت ناوينا ي غبي احتسب اشياء واضحة مو تنكب عمرك ي غبي اجل هذي مافيها شي ، انا مدري وشلون اللاعبين يمسكون اعصابهم عليه ، هو اصلاً من بداية المباراة و هو مستقصدنا و فاولات واضحه لنا مايحتسبها و يايا يضارب لاعبينا و يصفقهم و ماحد يقول شي و اي التحام مع لاعبي السيتي فاول ع طول !!'



هالحيوان ماسك علينا شي و لا وش السالفة ؟ بمباراة الكيو بي ار طرد لاعبين منا و حتى بمباراة سوانزي اياب نصف نهائي الكاس و بالمباراة ذي بعد ، لو حسب البلنتي اجزم لكم اننا بنتأهل لأني السيتي وقتها راح ينهار نفسياً و معنوياً بس الحمدلله ع كل حال

حصل ماكنت اخشاه ، الفريق قامط من السيتي بشكل مبالغ فيه الشوط الأول و انا قلتها اكثر من مرة اذا دافعنا بنلقم و اذا لقمنا صعب بنرجع ، و بالوقت اللي ماحد توقع فيه رجعة البلوز ، كعادتهم يلخمونا قبل العالم و يجيبون هدف و يحشرون السيتي مما جعل كريس يهبد ظهره و يقول ازهلوها ي عيال مانشستر

بس لا تخلونا نظلم رافا صحسح جاب العيد بجعله لهازارد جناح ايمن لكن بعد صحح خطاه و خاطر و اشرك توريس بدال ميكيل و التبديل كانت له فايدتين و كان سلاح ذو حدين
الفايدتين : 1- انه كان لازم يخفف الضغط ع ديمبا و يعزز الهجوم بتوريس
2- ان يرجع اوسكار للوسط لتبتدي الهجمة بشكل سليم مما جعل هازارد يعود للخانة لليسرى و بعدها ايدين قلب مو 180 درجة إلا 360 درجة
و كان سلاح ذو حدين انه يخاطر و يفتح الملعب و يلعب بدون محور دفاعي صريح و يهاجم و ممكن يتعادل
او يزيد الطين بله و ياكلها من مرتدات السيتي و يلقم ثالث و رابع و خامس و بعدها بياكلها من ابرا

هاردلك ي اسود و بإذن الله نشفي غليلنا من مانشستر عن طريق فولهام

مباراتنا اليوم ضد فولهام بالدوري ، مؤجله طبعاً والفوز فيها لابد منه ل توسيع الفارق النقطي مع المنافسين
المباراه بتكون في أرض فولهام .. فريق مريح عكس تشلسي المكروف ب مبارتين ل ثلاث إسبوعياً

اللي بنشوفه اليوم على أرضيه المباراه راح يعكس الخساره من الستي والخروج من بطوله الكاس ..
ي بنشوف رده فعل قويه ومغايره للفريق وعلى إثرها بيكون شي إيجابي لنا ل باقي المباريات قدام ..

أو بنشوف رده فعل ضعيفه وخيبه أمل وتخاذل من بعض الاعبين ممكن ينهون موسمنا من بدري !
أهم م على رافا بها المباراه التجهيز الذهني ، ورفع التركيز للاعبين اللي يفرقون لك كثير مثل ماتا وهازارد

ورامي وفرانكي ، لازم نشوف شي جديد يرجع الثقه والروح للفريق وهنا يجي دور المدرب .. م أشك بقدرات رافا
بكثر م أشك بتخاذل الاعبين داخل الملعب ، التوقعات تشير لفوز تشلساوي لكن داخل الملعب وبأرض خصم بثر تتغير المعطيات

وتعثر الأرسنال والإيفرتون بالأمس بيكون دافع كبير للفوز اليوم ولا شي غير الفوز والثلاث نقاط ..
لازم يحط رافا بذهنه إذا يبغى يضمن مركز مؤهل إنه يفوز بالمبارتين الثلاث القادمه في الدوري .. أهمها اليوم والليفر

وتوتنهام .. قدام مانشستر م نبيك تفوز جب التعادل وكثر الله خيرك ، برضو قدام الإيفرتون نبي فوز عشان نضمن المركز
متى م إنتصرت على منافسينك بالمواجهات المباشره مكانك بالمركز المؤهل للأبطال راح يرتفع أسهمه بشكل كبير

وبإذن الله قادرين على الفوز اليوم ..

أتوقع رافا بيدخل بالتشكيله :

تشيك
برتراند ، لويز ، إيفا ، أزبي
ميكيل ، لامبارد
هازارد ، ماتا ، راميريز
توريس

التشكيله المتوقعه ل مباراه اليوم ..

أخر 6 مواجهات لكلا الفريقين ..

شوية تفاصيل عن المباراه /
المعلق ، عصام عبده

القناه الناقله / أبوظبي 4
مباراه الذهاب إنتهت سلبيه ، 0 - 0

حكم اللقاء / مايك دين

مبروك تعثر الارسنال

اليوم المباراة اللي ابثرت اصلكم فيها المباراتين اللي ابثرتكم فيها و كنت متشائم منها هي و ساوثهامبتن A و للأسف صدق احساسي و خسرنا من ساوثهامبتن و اليوم ما اتوقعها خسارة لكن اتوقعها تعادل و باذن الله يلخموني العيال بمستوى مغاير و رائع و نتيجة عريضة ، يارب

.. [ وضع الفريق ] ..

الفريق اليوم قدامه خيارين ي اما تكون ردة فعله من مباراة السيتي قوية و يحط حرته بفولهام و يضرب بيد من حديد و يحصل ع الثلااث نقط وهذا ما يتمناه الجميع

او ناكلها و يصير مثل ماصار بعد مباراة اليونايتد H من تخاذل و تهاون و صدمة و تفريط للنقاط ، و هذا ماهو متوقع لأن الفريق ارهق بشكل ( مُقرف ) ، مش ممكن تلعب مع سندرلاند بعدين تسافر لروسيا و تخسر مع اني متأكد انها ماهزت فيهم شعره
قلتها بالتويتر و سأكررها هنا : اذا رافا قلب معنويات و نفسيات اللاعبين إلى الأفضل و سحق فولهام و قتها راح اكون من مسانديه و لا راح ارضى عليه و لا بكلمة > خف علينا ي ابرا
بالمباراة ذي الكلمة بتكون لرافا فهو من سيقرر ؛ هل سيكون الرابح او الخاسر و بإذن الله بيكون الرابح

.. [ حلول الفريق ] ..
بالترتيب

1- برأيي اليوم الحلول تكمن في فرانكي بتمريراته الطويلة سواء كان ديمبا او توريس و اتمنى ديمبا ، لأن هالنوع من الكور تروق و تنفع لديمبابا اكثر ، خصوصاً انه مهاجم ( كلاسيكي ) بعكس توريس الغير متمركز و لما يلعب توريس وقتها صعب تطالب فرانكي بإرسال كور طويلة لتوريس لأنها بالنهاية سوف تكون لدفاعات فولهام

2- هازارد و ماتا و حالتهم الذهنية و الفنية ع ارض الملعب و انا بهالمباراة اتوقع سطوع ايدين اكثر ، لكن اتمنى ماتا لأن ماتا رئة الفريق ، لأنه بمثابة قلب اخر ينبض للفريق و للكيان و و بهالمباراة خصيصاً نحتاج لهالأثنين ليقدمون مباراة العمر و ليقدمو افضل ما عندهم في ارض الملعب
اتمنى رافا يدخل بهالتشكيلة
تشيك
بيرتراند / لويز / تيري / ايفا
ميكيل / لامبس
مازكار
ديمبابا

و بالتوفيق للأسود في حصد الثلاث نقاط و العودة للمركز الثالث

و الله و مير رافا يدهور حل من حلول الفريق !
التشكيلة الرسمية : تشيك / لويز / تيري / بيرتراند / ايفا / رامي / لامبس / ماتا / هازارد / موسيس / توريس !
Come on chelsea

سلاااااااام

زمان والله عن الرابطه الظاهر اخر رد كان مباراة ريدينغ 4-2 بالدور الاول

الزبده مبروووووك الفوز وان شاء الله الفوز على توتنهام وخلاص نضمن التأهل للتشامبينز ..



تويتر : @TERRY26CFC

أهداف المباراه ، لويز أتعب وأنا أقوول خررافي !!

طقم تششلسي للموسم القادم ( رسمياً )

















خرررررررافي