هاردلكم خسارة الهلال وروما كلهم وبالأربعة ..وطارت الآسيوية.... 2001 < الله ماجملها من سنة الهلال تأهل للعالمية وبعدها كم شهر روما جاب الأسكودتيو
أرجع للكالشيو
أنا لو مشجع لليوفي والعياذ بالله بعد ال 2006 وفضيحة الكالشيو بولي وبعد ماأنكشف المستور .. ماراح اقول اترك تشجيع اليوفي والا اقول اترك الهياط واترك الكورة واعتزل التشجيع ولا اأبين وجهي أنها مغسولة بمرق ووو .. لا بس كل اللي اسويه اني افرح بفوز فريقي وادس راسي بالارض مثل النعام هذا اسلم شئ ممكن اسويه بدون ماتكلم عن الفرق الثانية
بدون أدى شك الأيام والسنين لن تنسينا ماسرقتوه ومكان يحدث من امور غير اخلاقية من موجي ترتب عليها سرقة اكثر من اسكوديتو وماحدث بالـ 2006 كشف كل شئ انا ماراح اتكلم عن قضية الكالشيو بولي وكواليسها وكثر النقاشات اللي صارت بذيك السنة ولا عن هل هناك مؤامرة هدفها الإطاحة بيوفنتوس من تليكوم ايطاليا وفاكيتي وموراتي او ان هناك مثل ماذكر مؤخرا ان هناك مؤامرة هدفها الإطاحة بموجي فقط بغض النظر عن سمعة اليوفي والبيت اليوفي كان مشترك فيها من جهة عائلة الكان وفق ماذكر من الكتاب القريبين من يوفنتوس كل هذا الكلام غير مهم ولايهمني ماحدث اصلاً لليوفنتوس
أيضاً كل التسجيلات وماورد فيهاهي بكل شك ادلة دامغة وفاضحة فضحت المستور وكشفت ماكان خافي عنا طوال سنين .. لكن هذا مايهمني مايهمني هي عيني اللي كانت ترى وتتابع وتشاهد ... في التسعينات ثم في الألفية واوائلها وحنا نشوف اليوفي كيف يفوز وبنفس الطرق الملتوية وبمساعدة الصافرات والبلنتيات الخرافية .. انا بالتسعينات كنت احب الكرة الايطالية واتابع اخباراها ولاكنت التفت لمايقال من اليوفي فريق التحكيم والحكام واستمرت المتابعة والتشجيع لروما بالألفبة وبدايتها وفرحت فيها بفوز باسكوديتو واستمرت العين وهي تشاهد كيف اليوفي يفوز واضعت الكثير من الأموال في اشتركات القنوات الباهضة الثمن وانا هدفي فقط مشاهدة روما وتوتي هو وكاسانو والمتعة اللي كانوا يقدمونها وعيني في نفس الوقت كانت تشوف كيف اليوفي كان يفوز وبنفس الطرق وبأذكر سالفة وقصة مهمة في سنة من السنين في مباراة بين روما واليوفي سنة 2003 المباراة انتهت 2-2 وكانت في رمضان وكنت اتابع المباراةمع عدة اصدقاء من بين المتابعين كان شخص مايتابع المباريات الاوروبية بس يتابع الهلال ولايعرف فريق روماولايوفنتوس لكن الان حاليا يعرفهم في ذيك المباراة الشاهد كانوا لعيبة اليوفي يضربون ويسوون فاولات على لعيبة روما والحكم مايصفرعلى اي شئ لروما المهم هذا الشخص قال الحكم يلعب مع الفريق الاسود والابيض وهو مايعرفه وايضا من احداث هاذي المباراة ندفيد على مرأ الحكم كان يخنق ماسيني البرازيلي و مع ذلك ماطرده واناهنا اذكر اللي صار فقط لتبيان ماكانت تشاهد عيني طوال سنوات وسنوات ..حتى حتى حتى سنة الفضيحة2006 لتبرر وتعطيني اجابات شافية وبنفس الوقت انصدمت.. معقول ماكان يصير .. كل هالخساير فقط حتى نشاهد روما واخرتها هناك من يخمبق ويتلاعب ويلعب في خلف الكواليس ..!!
هذا بعض ماكنت تشاهد عيني طوال سنوات والا غيره كثير .. اتمنى ايقاف صوت الموسيقى رجاءاً
واليوم وبعد الكالشيو بولي انا بصراحة اشاهد ماكنت اشاهده بالأمس .. ولو سئلت هل تغير شئ بعد الكالشيو بولي .. لأجبت اللي تشوفه عيني بالامس البعيد هو نفسه اللي تشوفه اليوم..
من ثاني اسبوع حتى لا احد يذكر اني ابرر هزيمة روما وانا ذكرت زيمان ماينخاف عليه الا من العصابات ومن الخمبقات والألاعيب اللي ممكن تصيروحذرت منها ..الهدف هو فقط تطفيش زيمان ومحاربته حتى روما تقيله .. زيمان بيستمر بالتصريحات وكلها راح تكون موجهة ضد اليوفي لذلك الحرب متواصلة عليه حتى يقال الحرب كيف بتكون ...؟؟؟
الحرب شاهدنا بوادرها في مباراة كتانيا وسامبدوريا واليوفي وراح نشاهدها بالجولات الجاية و والكلام لجماهير روما سجلوا عندكم ياجماهير ولاحظوا اللي بيحدث ويصير
ومباراة اليوفي معطينها لريزولي ياسلام ... ريزولي اللي تاريخه مشرف مع روما ريزولي اللي مرة شتمه توتي لانه يعرف من هو ومع ذلك ماطرد توتي لانه عارف انه جاي لمهمة مدفوعة الثمن وش بيستفيد من طرد توتي . لذلك توتي لما نزل بمباارة الانتر وثم ضرب بالوتيلي عارف أن المباراة كان يستحيل الفوز فيها بوجود ريزولي قبل سنتين في نهائي كأس ايطاليا
نجي لشئ غريب طالع لنا سؤال كم اسكوديتو فاز فيها اليوفي انا اللي اعرفه 27 غير اللي سحبت منه وموجوده في الدولايب عند موراتي ..!!
اليوفي عنده 28 لقب كسب عبر المكالمات التليفونية تم توريدها لخزائن اليوفنتوس والتسجيلات موجودة ومترجمة باليوتيوب والمتهم موجي حتى الان مذنب وتم شطبه وطرده من الكرة الإيطالية وانتهى .. وتاريخه كله ملوث وعنده من السوابق مايكفي أن لوثت بها سمعة اليوفنتوس وتاريخ اليوفي واعطت تاريخاً أسودا لليوفي كلما ذكرت بطولاته وعموما شاهده شاهدتها في حياتي بالنسبة لليوفي كلما ذكر في اي نقاش رياضي في المجالس الرياضية اول مايتبادر اذا ذكر اليوفي يذكر بأنه المتلاعب بحكامه والهابط للسيريا B والسجل الغير مشرف من بطولات مشكوك في صحتها وهذا يتبادر ويذكر ويعرفه حتى من لايتابع البطوالات الأوروبية لذلك سمعة اليوفي من عدة شواهد اصبحت اليوم سوداء مثل ألوانه
فعلا ألقاب vinti sul campo
وبالمناسبة اللقب الـ 29 القادم في اي هاتف نقال تتوقعون يحطونه بأيفون 5 والا تورش المطور ؟
بالنسبة لبلنتي روما ياسعد مالقيت الا بلنتي روما اللي احتسبه ريزولي ؟؟؟ ترى لنا بلنتيين اوضح منها للوكاتوني مع نفس الحكم ريزولي في نهائي كأس ايطاليا مع الانترقبل سنتين وماحتسبها واللقطات موجودة ونزلتها بالمنتدى ويعرفونها شباب رابطتنا لو يتكرم احد ينزلها .. لذلك بلنتي روما اشبه باللي واحد قتل واحد وعشان يضيع جريمته حط المسدس في يد المقتول.. بلنتي روما كان فقط لتغطية الجريمة !!
بالنسبة لي الحمد الله ماشتركت بالجزيرة لحد الان وأنصح بقية جماهير روما بهالشئ وعدم اضاعة الوقت والمال وش تبون توتي ماعاد يقدم ذيك المتعة اللي قبل سنوات ..لذلك لاتضيعون اموالكم وبعدها نكتشف هناك من يتلاعب بالكواليس مثل ماحدث ب2006
هآردلك يـ شبآب الهزيمة من .... ، وان شاء الله معوضين بـ قآدم المبآريآت ..
إقتباس
بالنسبة لي الحمد الله ماشتركت بالجزيرة لحد الان وأنصح بقية جماهير روما بهالشئ وعدم اضاعة الوقت والمال وش تبون توتي ماعاد يقدم ذيك المتعة اللي قبل سنوات ..
مشهور ، دائما تعجبني ردودك واسلوبك بـ الطرح ، مثآل كبير لـ المشجع الرومآنيستآ الشريف ، لكن اللي فوق ^ بالاحمر ازعل منك هآه ؟!
للاسف دورت على بلنتيآت لوكآ توني بـ كاس ايطآليآ ما حصلت الصور اللي تبيهن !
بالنسبة لـ مبآرآتنآ مع كآليآري ، هذآ نقآش بسيط :/ 1 / التشكيلة المثآلية ؟ 2 / سينآريو المبآرآة المتوقع ؟ 3 / نتيجة المبآرآة ؟ 4 / نجم المبآرآة ؟ 5 / يسجل توتي ؟!
# توتي سجل على اتلآنتآ 6 اهداف من قبل بـ ( الدوري ) . # المباراة بتنقل على الجزيرة +1 والمعلق عبدالله الحربي .
روما عناصرياً في المجمل من أفضل أندية الكالتشو ، المشكلة هي في طريقة اللعب وتكتيك زيمان الدفاعي ، خصوصاً إن روما ما تملك
عناصر " تطبق " طريقة زيمان بـ الشكل الي يبيه ، لا من ناحية الأجنحة أو الأظهرة أو خط الدفاع في موضوع مصيدة التسلل . لهذا
روما ما أتوقع ممكن تعود من جديد لـ المنافسة ع المراكز الأوروبية ، إلا إذا تنازل زيمان شوي عن بعض قناعاته إلا يناير مثلاً ، بعد
يناير ممكن الإدارة تدعم الفريق بـ ظهير أيمن + قلب دفاع + جناح صدقي
* الظهير الأيمن + قلب الدفاع كان المفروض أولوية ، من قبل بداية الموسم ! مشكلة سابا إنه يقوي في جهة و يهمل في
جهة أخرى ، مثل الي حاصل الآن في الهجوم و الدفاع مثلاً !
وقبللها على فكرة ماطرد ماترازي بعد انفراد فوسنيتش .. الله يا فوسنيتش بعد سنين الحرمان مع الحكام والبلنتيات اللي ماتنحسب له مع روما .. اللحين مع اليوفي في عز وخير
إقتباس
بيروتا : ماتيرازي يستحق الطرد
تصريح بيروتا لقناة روما لعبنا بشكل جيد لكن للأسف كانت خيبة لنا الانتر استغل فرصة وسجل ميليتو كانت هناك حالات غريبة داخل منطقة الجزاء ماتيرازي يستحق الطرد لأنه آخر مدافع
عموما انا اجازتي انتهت اليوم واعذرني يانس وباقي الشباب راح انقطع فترة اخذت اجازة اسبوع على بالي هالاسبوع بيكون مليان افراح لكن طلع اسبوع كئبب الهلال طلع من الاسيوية وانهزم روما
عوافي إبراهيم باشا , و مبرووووووووك يا بندر المنصب الجديد و تستاهل .. و بهذه المناسبة يسرني
دعوتكم لمؤدبة عشاء فاخرة من البيك على حساب رئيس الرابطة أنس و باقي التفاصيل ستأتيكم بالخاص :P
اللي يبي نكثر ثوم يرفع يدّه
مبرووووووووك يا بندر المنصب الجديد و تستاهل .. و بهذه المناسبة يسرني
دعوتكم لمؤدبة عشاء فاخرة من البيك على حساب رئيس الرابطة أنس و باقي التفاصيل ستأتيكم بالخاص :P
اللي يبي نكثر ثوم يرفع يدّه
الله يبآرك فيك يا محمد
تستاهل الطيب ..
اما البيك عآد والله ما قد ذقته
قواك الله يا أنس
في خطوة تسويقيه جديدة
فولكس فاغن الشركة الالمانيه العريقه و عقد شراكة جديد مع روما
الداير : سعيد لاختياري ضمن المشاهير في قاعة مشاهير روما
لآ استطيع الحكم على زيمان حتى أرى النهاية .. كاستان جيد جدا
وكيل اعمال ظهير أيمن نادي ايندهوفن ( مانوليف )
اللآعب يريد اللعب في ايطاليا
و أنباء عن مفاوضات من نادي روما
![|| .. رآبٍـطًـةٌ عُـشّـآق الـذّئآب .. ][ 2012 / 2013 ][ ♥ Forza Roma ♥ || ](iconimages/t1110562_rtl.gif)
134Likes
2001 < الله ماجملها من سنة الهلال تأهل للعالمية وبعدها كم شهر روما جاب الأسكودتيو 
..
الوضع العادي
