اليوم فيه اكثر من سيناريو متوقع من دورتموند ،، اما الريال فاتوقع واضحه طريقة لعبهم كيف بتكون.
الشوط الاول اتوقع دورتموند
بيلعب بطريقته المعتاده ،، هم بالارقام متقدمين علينا ب 3 اهداف ،، كلوب عارف وشايف حماس لاعبي وجمهور الريال ،، ف احد السيناريوات المتوقعه انه يقتل الحماس من بداية المباراة او من الشوط الاول ويطلع فيه بهدف على الاقل ،، بغض النظر على كم بيسجل الريال ،، بس هو بيحاول يسجل ،، لان في حساباته ماراح يخسر حتى لو الريال سجل هدفين ،، ف هو ممكن يمشي على المثل اللي يقول " تغد عليه قبل لا يتعشى عليك "
او ،، يبدا المباراة
بتشكيله وخطة دفاعيه ،، يقفل المناطق الخلفيه ،، ويكثف لاعبي الوسط ،، ويلعب بخط دفاع متقدم مثل ما كان الريال يلعب ضد البرسا ،، خط دفاع متقدم والضغط العالي على حامل الكوره والاعتماد على المرتدات ،، بحيث انه يسحب لاعبي الريال لمناطقه وبعدها تجي المرتده عن طريق سرعة اطرافه
بس بالنسبة لي اشوف انه يعتمد على طريقة لعبه المعتاده افضل للريال ،، بالطريقة هذي راح تكون اسهل للتسجيل والسيطرة على وسط الملعب ،، بوجود ( الونسو - مودريتش - اوزيل - دي ماريا - كريس ) في خط الوسط بيسهل الوضع ،، بنقدر نمسك الكوره ونوقف خطورة هجومه ونمشي المباراة على كيفنا
مباراة الذهاب عيب الريال مثل ما هو معروف عند الكل بطء خط الوسط ،، خصوصا خضيرة ،، يعطل ويوقف سرعة هجماتنا + سهل تقطع منه الكوره ،، بس المباراة الجايه بيختلف الوضع باذن الله
ما راح اخفي عليكم ،، انا تجيني اوقات اتشائم
كل ماتذكرت البثر لوفاندوسكي وريوس وقوتزه تجيني غلقه
احس ان الريال ممكن يسجل ويجيب ال 3 اهداف بس بغلطة دفاعيه راح تضيع علينا التعب كله ،، وبرضو فريق مثل دورتموند صعععب جدا تلعب ضده ،، فريق يتعبك ويرهقك ،، يعرف متى يتقدم ومتى يتراجع
وبنفس الوقت اتفائل لان الريال الموسم هذا عودنا على نقطتين ،، عودنا باللعب الممتع وغزارة الاهداف في البرنابيو ،، وبرضو عودنا على مستويات كبيره ضد الانديه الكبيره ،، انا اشوف ان الريال الموسم هذا بدع ضد كل الاندية الكبيره الا دورتموند ،، وان شالله مباراتنا الجايه راح نبدع ونوصل للنهائي
وماعندي شي اقوله غير والله الاعصاب مشدوده اووووي
الله يستر بس