25/04/2013, 05:08 PM
|
| زعيــم فعــال | | تاريخ التسجيل: 12/06/2009 المكان: الشرقية
مشاركات: 254
| |
.
.
. خذلتنا !
بعض المدريديين همه الأول الدفاع عن مورينهو وكأنه لا يخطئ مورينهو بلا أعذار !
3 سنوات والسنه الماضيه كان خروجنا بشكل مشرف وأمام بايرن ميونيخ وبدون بعض اللاعبين الموجودين الأن !
والسنه اللي بعدها نخرج ب هالطريقه وأمام هالنادي اللي قابلناه مؤخرا في المجموعات ولا استفدنا !
الأسماء ريال مدريد الأفضل ولكن المدرب المدرب المدرب هو اللي فرق مدربهم قلتها لكم أمس دورتموند يلعب على
نقاط ضعفنا أكثر من لعبهم على نقاط قوتهم !
قلت في تويتر قبل المباراه هالتويته :
ألونسو الليله سوف ينفذ عليه حكم (السجن) في ألمانيا , كلوب يعرف قيمة اللاعب !
وشفنا كيف ألونسو كان مضغوط طول المباراه لدرجة أنه تسبب في بلنتي غريب وبدون أي داعي للاحتكاك !
وسط دورتموند تفوق على وسط ملعبنا بسرعته الخياليه وخضيره وألونسو كانو مثل العجائز امام أطفال تجري امامهم !
من البدايه كان خطئ مورينهو في التشكيل قلنا لكم ريال مدريد من افضل أنديه العالم ولازم يلعب بمستواه وبتشكيلته المعتاده واحنا اللي نجبر الفريق اللي قدمنا يلعب بطريقه مختلفه !
ولمن فريقك يكون يدافع ويجي عليه هدف من الدقيقه 8 أعرف وقتها أن فريقك خلق للهجوم !
وجود مودريتش من البدايه وأوزيل في الملعب حائر ولا يعرف وين مكانه ورونالدو وحيد ومضغوط من اكثر من لاعب وهيقوين ماتوصله كور ابدا , تشكيله غريبه جدا !
اذا لاحظتم أخر 15 دقيقه من الشوط الاول لمن اوزيل تحرك الى الجناح الايمن بدأت خطورة مدريد وقلنا لكم تبي تقضي على دورتموند ألعب بالاطراف بالاطراف بس تشكيل مورينهو بالشوط الأول قضى علينا !
حتى الهدف اللي جاء لنا كان هيقوين متحرك من الجهة اليمنى من الطرف وتسبب في خطأ المدافع صنع الهدف , وشفنا كوينتراو حتى كيف يوصل الى مرماهم اذا تقدم ولكن مدري وش أقول !
تكديس لاعبين بالنص بلا فائده وبلا منطق !
أكثر اللاعبين قطع للمسافات في البطوله 5 من لاعبين دورتموند و 4 من لاعبين البايرن و 1 لاعب من مدريد وهو رونالدو !
السرعه والضغط قضة على وسط مدريد بالكامل مود يتش بطيء بالنسبه لهم وألونسو واضح جدا بطئه في التمرير وخضيره حدث ولا حرج !
تدرون متى يكون لمورينهو عذر ؟ اذا كان مدرب دورتموند وكلوب مدرب مدريد !
مورينهو استهان كثيرا بمدرب دورتموند كلوب وكلوب كان دارس مورينهو وعارف اش يسوي مورينهو بالضبط , هل يعقل دورتموند أقوى من برشلونه بداية الموسم ؟ هل يعقل تلعب ضد برشلونه بتشكيلتك الشبه هجوميه
ومع دورتموند تدافع !
طيب لو طلعنا بتعادل كان قلت مورينهو صدق وكان الهدف من الخطه الدفاعيه الخروج بأقل الاضرار طيب اذا انهزمت 4 بتشكيل دفاعي .. مين يكون المخطئ ؟
أنت عارف انه عندك نقص في الدفاع وفريقك قوته في الهجوم ليه تتفلسف وتدفاع !
لولا هدية دورتموند لنا لكانت النتيجه 4-0 !
ولولا تصديات لوبيز لكانت النيجه 6 وما فوق !
في دوري الأبطال لمن تلعب خارج ارضك وانت نادي كبير يكون قدام المدرب طريقه من طريقتين !
ألعب بشكل هجومي عشان اقدر اسجل في ملعب الخصم وأنهي كل أماله في الاياب !
ألعب بشكل دفاعي ومايتسجل علي اي هدف او اتعادل سلبيا او ايجابيا !
مورينهو فشل في كل هذي لعب بطريقه دفاعيه وتسجل عليه اربعه وبالنهايه لعب بطريقه هجوميه ولا قدر يسجل
ولا هدف !
البعض كان يتكلم بعد المباراه ويقول المكائن الألمانيه لا تقف و و و الخ من هذا الكلام
طيب المكائن الألمانيه في فريقنا : أوزيل و خضيره تعطلوا والا خلص الضمان ؟
المباراه كانت مباراة مدربين وأخطاء فادحه من بعض اللاعبين , بيبي وألونسو صراحه خذلوني بالأمس !
ألونسو ايام ليفربول كان متميز لانه جمبه لاعب يقدر يصنع ويتحرك ويشوت ويهاجم وهو جيرارد ولكن في ريال مدريد بجانبه خضيره دفاعي بحت وعك هجومي فضضيع !
وبيبي بعد الأصابه تحول الى أسوء مدافع في الريال بل أسوء حتى من ألبيول اللي ظهر في أخر مباراة بشكل جيد !
همسه بس على طاري بيبي : تذكرون مين تسبب في بلنتي ماريو قوميز السنه الماضيه بنفس المرحله من البطوله ؟
الموسم الماضي قدام بايرن ميونيخ كنا مقابلين برشلونه في الكلاسيكو قبل الاياب ومع هذا طلعنا بكل شرف !
فيه كلام كثير لازم ينقال وكلام ماجاء على بالي حاليا ولكن بالنسبه لي خسارة الأمس يتحملها مورينهو بنسبة 65%
برشلونه قبلنا بيوم لمن أنهزموا بربااعيه قالو المدرب لأنه مب معقوله نادي زي ريال مدريد وبرشلونه وب هالأسماء ينهزم ب هالنتياج الا المدرب مخطي أخطاء فادحه !
طيب خلاص مورينهو ما غلط بدوري الأبطال , وش أخبار الدوري ؟ باقي أمل !
هالكلمه تنقال عشان الواحد يهون على نفسه الخساره ولكن اذا كانت الخساره ب هالنتيجه وب هالمستوى
فهو يكذب على نفسه ب هالكلمه !
أبي أي مدريدي بخاطره (أمل) يشوف صورة هاللاعب ويقول ايه هذا ماراح يسجل ولا هدف في البرنابيو
بالنسبه لي خرجنا وهاردلك |