|| رابطة عشاق ملوك اوروبا Real Madrid 2012-2013 || - صفحة رقم 582 - نادي الهلال السعودي - شبكة الزعيم

CR7 2012 · #8716 14/03/2013, 05:30 PM

-

شباب من ذا كاكا عشان يكون عنده بديل

.. اغلب مباريات الموسم مورينهو يستبعده ويتككي بـ المدرجات .. يعني مانحتاج بديل له .. ايسكو اذا جاء بيكون مع دي ماريا و اوزيل وتكون فيه مداوره بينهم في حال انخفض مستوى احدهم .. اعتقد كاكا تكلمة عدد ورحيله مسألة وقت لا اكثر ..

قلب دفاع!! .. عندك افضل مدافع بالعالم ( فاران ) وتجيب له بديل ؟! .. بيبي و راموس .. اذا غاب راموس فيه بيبي يعوضه واذا غاب بيبي فيه راموس يعوضه .. يعني اذا غاب راموس عن اياب دور الثمانيه .. بيكون عندنا قلب دفاع بنفس الكفه ان لم يكن افضل .. الاشكاليه ونقطة الضعف هي بـ مركز المهاجم .. وان شاء الله المو مع الشامخ بيحلونها في الصيف الجاي وبنشوف مدريد اقوى وافضل بالموسم القادم .. الظهير الايمن ماهي مشكله كبيره اللي ممكن تحرمنا من بطوله ..

الحديث عن المريكاتو الصيفي وخقتكم مع ايسكو اعتقد انها مبكره جداً .. عندك قرعة دور الثمانيه ومباراة مايوركا خلونا نتكلم عنها ولكل حادثاً حديث ..

wele-star · #8717 14/03/2013, 05:38 PM

المون: رونالدو يمكن مضاهاة غيغز وسكولز

يعتقد مدرب ريال مدريد البرتغالي جوزيه مورينيو من أن موآطنه كريستيانو رونالدو يمكن أن يسير على خطى
ثنآئي مانشستر يونايتد بـول سكولز و ريان غيغز الثنائي، توسيع مسيرته الكروية.البرتغالي الدولي وصآحب
28 عاماً لعب أكثر مـن 500 مبـاراة رسمية على مستوى الأندية، لا يزال لديه طريق طويل إذا أرآد اللحاق
بركب غيغز الـذي لعب مـؤخراً مباراته رقم 1000.وقآل المون لـ صحيفة ذآ صن: "أنا واثق من أن كريس
يستطيع أن يفعل ذلك، لكن أنا لا أعرف حتى الآن إذا كآن يريد هذآ أو لا".وأضآف: "غيغز وسكولز لا يزآلون
يلعبون ويرغبون في اللعب أيضاً، أتمنى ومن مصلحة كرة القدم بشكل عآم أن يستمر كريس في اللعب".

المصدر

المخاطر _99 · #8718 14/03/2013, 07:16 PM

إقتباس

الرسالة الأصلية كتبت بواسطة CR7 2012


	- شباب من ذا كاكا عشان يكون عنده بديل .. اغلب مباريات الموسم مورينهو يستبعده ويتككي بـ المدرجات .. يعني مانحتاج بديل له .. ايسكو اذا جاء بيكون مع دي ماريا و اوزيل وتكون فيه مداوره بينهم في حال انخفض مستوى احدهم .. اعتقد كاكا تكلمة عدد ورحيله مسألة وقت لا اكثر .. قلب دفاع!! .. عندك افضل مدافع بالعالم ( فاران ) وتجيب له بديل ؟! .. بيبي و راموس .. اذا غاب راموس فيه بيبي يعوضه واذا غاب بيبي فيه راموس يعوضه .. يعني اذا غاب راموس عن اياب دور الثمانيه .. بيكون عندنا قلب دفاع بنفس الكفه ان لم يكن افضل .. الاشكاليه ونقطة الضعف هي بـ مركز المهاجم .. وان شاء الله المو مع الشامخ بيحلونها في الصيف الجاي وبنشوف مدريد اقوى وافضل بالموسم القادم .. الظهير الايمن ماهي مشكله كبيره اللي ممكن تحرمنا من بطوله .. الحديث عن المريكاتو الصيفي وخقتكم مع ايسكو اعتقد انها مبكره جداً .. عندك قرعة دور الثمانيه ومباراة مايوركا خلونا نتكلم عنها ولكل حادثاً حديث ..

لاحظ ان المو اعتمد على أوزيل اعتماد شبه كلي مع دي ماريا وبشكل اكثر من الموسم الماضي وهذي حالة استثنائية ،، مودريتش تم التعاقد معه على أساس تغطية مركز ألونسو كمحور صانع لعب خلفي بأدوار دفاعية ويقوم بتغطية اوزيل استثناءاً لعدم وجود الكفؤ ! ،، الريال تقريبا اصبح مكشوف تماما ومع ذلك المو قدر يتصرف هالموسم بمفاجآت بسيطة في طريقة اللعب واوقاتها لكن في الاغلب التشكيلة معروفة سلفا ،، بداية الموسم الكارثية كانت بسبب انخفاض مستوى اوزيل ودي ماريا والاداء الكارثي لكاسياس وطبعا ما انسى الثنائي المرح في الهجوم .. لو كنا نملك صانع لعب مثل ايسكو كمثال راح ينافس فيه اوزيل ( اللي هو بنفسه عارف ان ماله بديل حاليا في الريال ) بالاضافة الى اننا نقدر نلعب اكثر من مباراة بصانع لعب اضافي ،، كاكا لعب الموسم الماضي التاريخي في الليغا أكثر من مباراة اساسي وساهم بالفوز وساهم براحة اوزيل ،، فكيف لو قدرنا نتعاقد مع موهبة عمره 20 مهاري وقابل للتطور بشكل خرافي .. كلامي على أنه بديل لكاكا يعني انه راح يجلس مكان كاكا اللي ان شاء الله راح يمشي ويريحنا من راتب 9 مليون يورو ..

قلب الدفاع ،، هوميلز حاليا بالنسبة يعتبر افضل قلب دفاع في العالم ،، فاران المطور

،، هدوء سرعة وثقة بالنفس وارتقاء عالي وتركيز وردة فعل ممتازة ،، لكن اللي يميزه شي مهم جداً يحتاجه الريال ولهذا انا اطالب فيه ولو بخروج راموس ..
اللي يميزه هي صناعة اللعب الخلفي ،، بمعنى آخر لو تشوف معاناة الريال في اي مباراة تشوفها ما تطلع من مشكلتين :
1- اندية تقفل ملعبها ،، والريال يفتقد لصانع اللعب المهاري ولصانع اللعب الهجومي ( اوزيل لو قدر يطور مهاراته وقدراته الهجومية ويتجرأ بالتسديد على المرمى بنكون حلينا جزء كبير من المشكلة ) + الرأسيات ما فيه احد يستغلها الا رونالدو والمهاجم ،، لا اوزيل ولا دي ماريا سبق وسجلوا من رأسيات !
2- اندية تقفل على الريال باغلاق المنافذ على ألونسو ،، الونسو عنده دور رئيسي في ريال مدريد وهو التحكم برتم الفريق وبدء الهجمة تتم غالبا عن طريقه ،، دورتموند استغل هالشي ومانشستر راقب الونسو بلاعبين! كلوب مدرب دوتموند كان يقول لايقاف الريال عليك ايقاف الونسو .. المو عارف هالشي ولذلك تعاقد مع مودريتش حفاظا على مركز الونسو + ممكن يلعبون مع بعض مثل ما صار في اياب الابطال مع دورتموند لكن راح نخسر مركز مقابل فك الرقابة على ألونسو ..
هوميلز عنده ميزه بناء الهجمة ،، عنده ميزة الكرات الطولية الدقيقة .. وهو يقدر يلعب كذلك في مركز المحور الدفاعي .. مراقبة الونسو ما راح تكون مجدية مثل اللي صاير الحين .. تراقب الونسو يجيك هوميلز .. وهكذا ..

كارفخال ما اعرفه لكن اللي اسمعه انه طلع من الكاستيا ولعب في الدوري الالماني وتميز بشكل لا يصدق .. اذا كان يجيد اللعب كظهير هجومي فهذا عز الطلب .. اذا كان دفاعي وهو اللي اتوقعه فراح يكون بديل لاربيلوا بعد سنتين أو ثلاث وسيتم تجهيزه بالتدريج مثل فاران ..تذكر بعد اصابة مارسيلو وش صار بالريال ! الفريق انخفض رتمه الهجومي بسبب ان مارسيلوا كان يقوم بدور خفي وهو مساندة رونالدو على الجناح الايسر ومساندة الفريق هجوميا ( اوزيل - رونالدو- بنزيما ) المو عالج الموقف بكونتراو بعد كم جولة ولكن تأثيره الهجومي اقل من مارسيلو .. رونالدو اذا تحول لليمين ما فيه اي مساند له ،، اربيلوا دفاعي ويغطي المحاور ،، الونسو صانع اللعب الخلفي مراقب ،، اوزيل مراقب ،، انتهت الحلول الهامة تقريبا في الوسط .. لو كنا نملك ظهير ايمن هجومي راح نستفيد من عنصر المفاجأة ( اي فريق ما راح يقدر يعرف من التشكيلة : رونالدو راح يلعب اليوم يمين أو يسار جهة الهجوم اليمين أو اليسار ! ) تقفل اليمين يتحول رونالدو يسار مع مساند ،، والعكس

اذا قدر اوزيل بس يرفع مهاراته شوي ويتدرب في الفترة الصيفية على التهديف وتجاوز اللاعبين مع القوة البدنية + وقدر ديماريا يحل مشكلته في صناعة اللعب من العمق راح يكون الريال فريق مرعب هجوميا ،، هالاشياء البسيطة اشوفها تتسبب بخروج الريال متعادل أو خاسر في كثير من المباريات ..

Abdullah-88 · #8719 14/03/2013, 07:39 PM

^^^

اتفق مع كلامك 100٪ ماعدا اني اجيب هاميلس على حساب راموس.

راموس اللي يميزه عن اغلب المدافعين هو:

-موسم عن موسم تشوفه يتطور بالاداء (اكيد فيه هفوات بس بشكل عام يتطور)
-السرعه والقوة البدنيه >> وهذي نادر انك تشوفها في لاعب قلب دفاع
-يلعب قلب دفاع وظهير ايمن
-حماس اللاعب وحبه للشعار اللي لابسه
-يعتبر نسبيا صغير بالسن ،، وقدامه سنيين ان الله اراد

ممكن الشي الوحيد اللي يعيب راموس هو مرات الحماس الزايد يخليه يرتكب اخطاء تضر الفريق ،، ومن وجهة نظري السلبيه هذي ممكن مع الموسم الجاي راح تختفي وراح يتعلم منها

يسووووووف · #8720 14/03/2013, 08:08 PM

انا ابي فريق عادي بدور الـ 8

عشان بنصف النهائي كل اللاعبين يكونون متاحين لنا ومافي ايقاف لا سمح الله

وبعدين الاعصاب تلفت خلاص يكفي فرق كبيرة

*

بالنسبة للتعاقدات اشوفكم تتكلمون عن هوملز اشوفها صعبة جيتة

لان الاقرب بالصيف راح يرجع ظهيرنا الشاب ويمسك الجهة اليمنى مع اربيلوا
وفي قلب الدفاع يصير عندك ( بيبي - راموس - فاران ) < الي يعتمد عليهم

اما لو تعاقدت مع هوملز هذا يعني عدم قدوم ظهيرنا الشاب ويمسك راموس مع اربيلوا
الجهة اليمنى

* ايسكو < هالموسم هذا فعلا كنا بحاجة لمثل هاللاعب
لان في بداية الموسم انخفض مستوى اوزيل ودي ماريا وعانا الفريق

ولا ننسى اسباني + عمره 20 سنة ويلعب ماشاءالله عليه بهذا المستوى شلون
لا وصل لـ 25 سنة ولا 27 سنة ؟ ويلعب خلف المهاجم وعلى الاطراف ! يعني
راح يفيدك بشكل كبير

الموسم الجاي شكله ميركاتو نار

مهاجم عليه الكلام فالكاو او كافاني <
ظهيرنا الشاب المبدع بالبوندزليغا كارفخال <

خروج كاكا وكاليخون والبيول وكارفا وهيقوين <

وقدوم ايسكو وبيل وكارفخال وكافاني او فالكاو

+ محور دفاعي في حال رجع ايسيان لتشيلسي .

الموسم الجاي الملكي بياكل الاخضر واليابس

.

maxezo7 · #8721 14/03/2013, 08:17 PM

الشوالي يكشف عن ميولـه

المخاطر _99 · #8722 14/03/2013, 08:44 PM

إقتباس

الرسالة الأصلية كتبت بواسطة Abdullah-88


	^^^ اتفق مع كلامك 100٪ ماعدا اني اجيب هاميلس على حساب راموس. راموس اللي يميزه عن اغلب المدافعين هو: -موسم عن موسم تشوفه يتطور بالاداء (اكيد فيه هفوات بس بشكل عام يتطور) -السرعه والقوة البدنيه >> وهذي نادر انك تشوفها في لاعب قلب دفاع -يلعب قلب دفاع وظهير ايمن -حماس اللاعب وحبه للشعار اللي لابسه -يعتبر نسبيا صغير بالسن ،، وقدامه سنيين ان الله اراد ممكن الشي الوحيد اللي يعيب راموس هو مرات الحماس الزايد يخليه يرتكب اخطاء تضر الفريق ،، ومن وجهة نظري السلبيه هذي ممكن مع الموسم الجاي راح تختفي وراح يتعلم منها

هالمميزات كلها بتشوفها مع هوميلز مع ان هوميلز اصغر من راموس بسنتينن + صناعة اللعب من الخلف + عقلية هوميلز مشابهة لعقلية فاران .. راموس عقلية طفولية وقنبلة موقوتة داخل الملعب ما تدري متى تنفجر وكروته الحمراء القياسية تشهد له .. ما احد يقول انه لاعب سيء ولكن اذا استمرت مشاكله وكاسياس مع المو اتمنى ابعادهم عن الفريق لأي فريق خارج اسبانيا ..

Madr!d · #8723 14/03/2013, 09:10 PM

جنون الهلآل · #8724 14/03/2013, 09:19 PM

-

آلمخآطر وينك من زمآن . . آضآفه جميله لـ آلرآبطه مع بآقي آلآخوآن آلمتوآجدين مسبقاً

آذكر فيه رد قبل مده طويله يتحدث عن آن [ تشلسي ] حقق آلآبطآل بسبب وجود دفآع قوي بقيآدة تيري وكآهيل ولويز وآيفآنوفيتش و كول
وكآن آلرد من آحد آلآخوآن هنآ . . ويعذرني نسيت آسمه :$
آلمهم هو كآن يتكلم بحرقه بعد آلمستويآت آلكآرثيه للدفآع . . و هَ آلكلآم كآن قبل آن يتم آلآعتمآد على فآرآن
لكن بعد مآ آعتمدنآ على آلفرنسي . . آشوف آن آلدفآع تغير للأفضل طبعاً
ولو نرجع لـ فآرآن في آلمبآريآت آللي لعبهآ . . بنشوف آنه فكنآ من آنفرآدآت بتدخلآته آلموفقه . . غير آنه لآعب هآدئ

آمآ بخصوص رآموس . . قلتهآ وآكررهآ آللآعب [ مطفوق ] يعني يبدع طول آلمبآرآه . . و ب سذآجه يكلفك مآلآ تتوقعه !
ليش ؟! لأنه لمآ يتنرفز على طول يطلع عن جو آلمبآرآه . . وهَ آلشيء يؤثر على مستوآه وقتهآ

-> شوفوآ من آللي ورآ فآرآن

كآن زآحف شوي

قناص سعودي · #8725 14/03/2013, 09:23 PM

الفريقين :ريـال مدريدvsريـال مايوركا ..
المناسبة : الجولة الـ 28 من الدوري الإإسباني ..
تاريخ اللقاء : السبت
موعد اللقاء : 00 : 22 بتوقيت مكة المكرمة
حكم اللقاء : أنطونيو ماتيو لاهوز ..
ملعب اللقاء :السانتياغو بيرنابيو ..
القناة الناقلة : الجزيرة الرياضية [ +2 - HD2 ] ..
معلق اللقاء : أيمن جادة ..

- نلعب مع صآحب آلمركز 18 .. مآيعني آن آلخصم يعآني من مشآكل فنيه وآلدليل ترتيبه .. كيف تقرأ آلمبآرآه ؟!

- بعد مجهودآته آلمميزه في آلمبآريآت آلحآسمه . . هل آنت مع آرآحة رونآلدو حتى لآيُرهق آكثر ؟!

- برأيك . . مآهي آلتشكيله آلمثآليه لـ آلريآل في آلمبآرآه آلقآدمه ؟!

. . [ آوزيل ] . .

- مبآرآه فوق ومبآرآه تحت . . مآسبب تذبذب مستوى آوزيل ؟!
- كيف تقيم مستوى آوزيل منذ بدآية آلموسم حتى آلآن ؟!
- هل تتوقع آن يعود لـ مستوآه آلمعروف خلآل آلفتره آلقآدمه ؟!

فريق آلعمل :-
التوقعات : قناص سعودي
إعدآد آلفقرآت : جنون الهلآل - ..[ Dany ]..

قناص سعودي · #8726 14/03/2013, 09:27 PM

53 جنون الهلآل
51 يسووووووف
raul gonzales blanco 50
50 ..[ Dany ]..
50 وهب الريس
Abdullah-88 46
45ا مير الذوقA
44 -Sraab-
CR7 2012:37
23يتسلى
malak mrini 22
22مــاج ــد
16آ لجني آلآزرق 9
15 زيزو المنتظر 10
Madr!d 13
12 جرآنيرو بيرسي
11: .. [ MK_94 ] ..
Alessandro Nestaa11
9 كرستيآنــو رونآلــدو
Y A S E E R 8
wanted.707 7
c.r.7mode 5
5المهآأإ
4 نسيت انساكـــ
ABDULAZIZ9 4
3 ابو محمد2009
Bojan 9 3
Abu Yaseer 3
2 كبير دائما
wele-star 2
ZeZo 2-
2 مجنون ريكاردو كاكا
2 شهيد مدريد
alshammry 2
1 ظــل الــزعــيــم...
Mu-95 1
1 هلالي مدريدي من قدي
CRAZY madrid CR7 1
1 راعي المرجله
0عاشق هلاله

القيصر توتي · #8727 15/03/2013, 12:19 AM

..

مدري ليه احس اننآ بنطيح مع اليوفيَ ، بل ومتأكد من هالشيءَ ، المشكلة اليوفيً قويَ فكونا منه فريق كامل وما ينقصة الى راسَ الحربة ، + نفس وضع الريـآل ، اليوفي يتفوق بالوسط والدفاع
اما الريـآل بمهارات اللاعبين الفردية ، فقط ممكن يفرق

^
ترا اتكلم كذا لأني شبة متاكد ان اليوفي والريالً هي قمة دور الـ 8 .. بس ان شاء الله يخيب هالاحساس ..

لو تسأل اي فريقَ بيقولك ، ابعد عني البايرن واليوفي بسَ .. ( مستوى البايرن ف اياب ارسنال مش مقياسَ ) الفريق لأزال هو المرشح الاكبر مع اليوفي للبطولة ..

اتمناها كذا ..

مدريد ، غلطا سراي ..

برسا ، بي اس جي ..

وان شاء الله يوفي وبايرن ، لكن زي ماقلت احساس ان اليوفي بيلعب مع الريال _( ازعجهم بهالاحساس

+ الكلام عن ايسكو

جميلَ النقاش ولو انه بدري الكلام عن الميركاتو

ايسكو ولو كان لاعب موهبة وصغير بالسنَ ، الى انك مستحيل تطلعه من ملقا الى ب مبلغ كبيرَ ، خصوصا وانهم يعتبرونة ظاهرتهم القادمة ، الفرق هذي صعب تاخذ منها لاعب عادي فما بالك بموهبة اسبانيا ..

علشان كذا الريـآل اتوقع ان جلب ايسكو ممكن يرهق الميزانية .. واشوف انه استحالة تجيب فالكاو او كافاني وايسكو ..

قيمة كسر العقد ل ايسكو 21 مليون يورو وهذا رقم كبير بالنسبة لموهبة وما اتوقع ابدأ ان الريال يفكر فيه مع مورينيو اللي جاب نجوم بقيمة اقل من هذي ( اوزيل . دي ماريا )
الىّ اذا خرج الزلابة كاكا اللي شبة متيقن ان فيه فريق بيجي يلعب على الريال وياخذه بمبلغ طفسةَ ، ويجون ذولاك يضحكون ريال مدريد اسوأ فريق في بيع اللاعبين ،

كافاني او فالكاو + ايسكو .. = تقريبا 60 مليون .. * مبلغ خرافيَ واشك انه بيندفع على لاعبين ، الى اذا الفريق جاب
الابطال وقتهأ بنشوفَ ميركاتو مليئ بالقلاكتيكوسَ

يسووووووف · #8728 15/03/2013, 02:03 AM

والله يا القيصر بالنسبة لي اشوفه 21 مليون ماهي واجد بحق ايسكو

والله انه يستاهل اكثر

لاعب يطربك فعلا , لاعب من نوعية انيستا وسيلفا وماتا
لعيبة تطربك بالملعب والكورة معاها سهلة

وزد على ذلك انه اسباني < مهمه لاسبنة الفريق وصغير بالعمر يعطيك
سنين قدام !

بعدين انت هالموسم عانيت من انخفاض مستوى دي ماريا واوزيل
وما كان عندك بديل وجودة بيعطي الاثنين دافع انهم يقدمون افضل المستويات
وهذا بيرجع بالفايدة للملكي

*

قاعد اقرى بالردود لقيتكم تسولفون عن بيعة مودريتش

!!!!
من جدكم انتم

لاعب مثل مودريتش تملكه وتبي تبيعه !!!

لاعب تعبنا على ما جبناه وشوف قيمته , وفوق هذا يلعب بكذا مركز
خلف المهاجم + محور هجومي + وسط ايسر هجومي ..
لاعب يقلب لك مباراة ويبنى عليه خطط

ولا تنسون ان الونسو ماهو صغير ومرد الونسو بيعتزل يعني ما راح يكون
في مشكلة بتواجد مودريتش ونوري شاهين

*

الشامخ بيدخل السوق بقوة وبيضبط الفريق بالاسبنة

ايسكو + كارفخال > وليش لا نافاس <

*

القرعة اليوم الساعة 1

بالتوفيق للملكي

Abdullah-88 · #8729 15/03/2013, 02:59 AM

هو صحيح تونا بدري على الانتقالات الصيفيه ،، بس بما انه مافيه مبارايات هامه وباقي ساعات على القرعه ،، ابي رايكم ،، تصويت خفيف وبسيط يعني

لو ودكم

مين تفضل في مركز الهجوم للريال الموسم الجاي ( فالكاو - كافاني - اقويرو - سواريز )

انا عن نفسي ودي ب سواريز

سواريز مهاجم متكااااامل ،، حاليا عنده 22 هدف وهو هداف الدوري الانقليزي ،، وغير كذا مدري كم اسست عنده ،، بس اللي اذكر انه صنع كثير من الاهداف لليفر ،، لاعب مركزه الاساسي هو راس حربه ،، بس داخل الملعب اتحدا احد يقدر يحدد لي مركزه ،، مره تلقاه يلعب لك جناح ،، مره خلف المهاجم ،، مره صانع لعب ،، في كل مكان بالملعب تلقاه موجود.

احس بيفيد الريال كثير ،، لان فيه اوقات بتواجه انديه تقفل على مفاتيح لعبك ،، بتمسك اوزيل والونسو ،، وماراح تجي امدادات لمهاجمينك ،، هنا تحتاج للاعب من طقت سواريز ،، يرجع يستلم ،، يفتح لك لعب ،، يسحب لك كم لاعب ويعطي مساحات للاعبين ثانيين.

باختصاار شديد ،، سواريز = سرعة + مهاره + حماس + قتالية بالملعب + عدم يأس ،، وهذي نااااااادر ما انك تلقاها في اي مهاجم

هذا كم مقطع للاعبين اللي ذكرتهم ، بس ياليت لو تقصرون على الصوت

فالكاو
Radamel Falcao Best Goals Ever HD - YouTube

كافاني
Edinson Cavani Super Goals HD - YouTube

سواريز
Luis Suarez Best Goals Ever HD - YouTube

اقويرو
Sergio Kun Aguero - Skills And Goals - 2011/2012 - YouTube
http://www.youtube.com/watch?v=LBpsEX6MZrM

عـــ الزعيم ـــاشق · #8730 15/03/2013, 03:28 AM

إقتباس

الرسالة الأصلية كتبت بواسطة Abdullah-88


	هو صحيح تونا بدري على الانتقالات الصيفيه ،، بس بما انه مافيه مبارايات هامه وباقي ساعات على القرعه ،، ابي رايكم ،، تصويت خفيف وبسيط يعني لو ودكم مين تفضل في مركز الهجوم للريال الموسم الجاي ( فالكاو - كافاني - اقويرو - سواريز ) انا عن نفسي ودي ب سواريز سواريز مهاجم متكااااامل ،، حاليا عنده 22 هدف وهو هداف الدوري الانقليزي ،، وغير كذا مدري كم اسست عنده ،، بس اللي اذكر انه صنع كثير من الاهداف لليفر ،، لاعب مركزه الاساسي هو راس حربه ،، بس داخل الملعب اتحدا احد يقدر يحدد لي مركزه ،، مره تلقاه يلعب لك جناح ،، مره خلف المهاجم ،، مره صانع لعب ،، في كل مكان بالملعب تلقاه موجود. احس بيفيد الريال كثير ،، لان فيه اوقات بتواجه انديه تقفل على مفاتيح لعبك ،، بتمسك اوزيل والونسو ،، وماراح تجي امدادات لمهاجمينك ،، هنا تحتاج للاعب من طقت سواريز ،، يرجع يستلم ،، يفتح لك لعب ،، يسحب لك كم لاعب ويعطي مساحات للاعبين ثانيين. باختصاار شديد ،، سواريز = سرعة + مهاره + حماس + قتالية بالملعب + عدم يأس ،، وهذي نااااااادر ما انك تلقاها في اي مهاجم هذا كم مقطع للاعبين اللي ذكرتهم ، بس ياليت لو تقصرون على الصوت فالكاو Radamel Falcao Best Goals Ever HD - YouTube كافاني Edinson Cavani Super Goals HD - YouTube سواريز Luis Suarez Best Goals Ever HD - YouTube اقويرو Sergio Kun Aguero - Skills And Goals - 2011/2012 - YouTube Sergio Agüero Skills and Goals 2012-2013 - YouTube

تدري إني كنت أحسب عمره ٣٣ وكنت برد عليك إن صحيح من أفضل مهاجمين العالم هالموسم بس نحتاج واحد صغير عشان المستقبل ! من أيام كان بأياكس وكان كابتنهم وأيام كأس العالم وانا أحسبه ٢٨ أو ٢٩ ! توني أكتشف إن عمره ٢٦

أنا معك ١٠٠٪ سواريز لاعب يسجل من أنصاف الفرص ومهاري ويصنع أهداف ومقاتل وذكي وفيه كل صفات المهاجم المرعب .. بعد ماشفت عمره راح أحطه خيار ثاني بالنسبة لي في حال ما وقعنا مع فالكاو

فالكاو يميزه بنيته الجسمانية وتأقلمه بالدوري الإسباني وتحركاته المجنونة .. إنسان من الآخر ( مايرحم ) وهذا أكثر شئ يخليني أبيه قبل أي مهاجم بهالدنيا ..

خيارات المهاجمين في الصيف كثيرة: أقويرو كافاني سواريز فالكاو والإشاعات مؤخراً تقول روني .. وان شاء الله محد منهم راح يكون صعب على الريال إلا فالكاو بسبب رئيسهم الحقير ..

تحيتي .،،.