السلام عليكم ،، اخباركم ياحلوين ؟
اشوف العالم متفلته على بنزيما
والحين حتى دي ماريا صار مع هيقوين وبنزيما من اللاعبين الغير مرغوب فيهم !!
فيه بعض الاخوان يقولون ياليت لو سيلفا موجود بدل دي ماريا ، وانا بعد اقول ياليته موجود بس مو بدل دي ماريا ، الحين نحكم على دي ماريا عشان نص موسم ؟!! بداية الموسم كان يقدم اداء جيد ، والحين له فتره مستواه مرات يبدع ومرات يخمبق ، ونفس الشغلة تنطبق على سيلفا ، ترا سيلفا ما يبدع في كل مبارايته ، مباراة عن مباراة تفرق.
انا والله احترم وجهة نظر كل شخص مدريدي او غير مدريدي ، بس فيه كلام تستغرب منه والله
اذا على كلام بعض الناس ، اجل زيدان وش قعده مع الريال كل فترة عقده ؟ اذا نمشي على مبدا اذا ما لعبت زين اطلع من فريقنا ف زيدان كان اول واحد مفروض يطلع هو وبيكهام ، ومع هذا استمرو وبدعو مع مرور الوقت.
دي ماريا وغيره من اللاعبين توهم صغار ، ما اكتسبو الخبره الكافيه ، بالله عليكم دي ماريا قبل ما يجي للريال وين كان يلعب ؟؟؟ بنفيكا
وجا لنادي عظيم ، ويبيله وقت عشان يكتسب الخبره الكافيه. هو من يوم ما جا وهو مبدع ، الموسم هذا اللي بدا يجيب العيد ، نصبر عليه ونشوف
اما بالنسبة للبنز ، ضيع شي اتوقع بزر عمره 3 سنين مايضيعها ، بس برضو كريس ضيع اللي العن منها
رونالدو يضيع فرصة سهلة جدا - YouTube
وبالاخير كل واحد له وجهة نظر ، احترم وجهة نظر اي احد ، بس انا وجهة نظري ان ( بنزيما - هيقوين - كاليخون - اوزيل - دي ماريا - فاران ) هذولي مستقبل الريال ، يغلطون الحين ، بس بالمستقبل بنشوف شي ثااااني منهم والله اعلم