انتهى الشوط الاول 2-1 للفريق الضيف دفاعنا كارثي للإسف ، والسبب اشراكهم سوا لإول مرة هالموسم
للامانة قدمنا مستوى طيب هجومياً وهددنا مرماهم في اكثر من فرصة لكن ما حالفنا الحظ
الشيء الوحيد اللي يغبن هو الغاء الهدف الثاني لنا كان واضح 100% ولا فيه اي شك بإنه تسلل ، ولا لنا غير رب العالمين نشكي عليه
قبل اروح / الفوز بهالمباراة مسألة وقت ( إذا ) وحطوا تحت كلمة إذا خمسطعشر خط إذا استمرينا بنفس هالمستوى والضغط لان الفريق ان رجع للدفاع فهو بياكلها 5 على اقل تقدير
ولله الحمد مثل ما ذكرت ان الفوز جاي جاي بشرط ان الفريق ما يتراجع للخلف وسووها الرجال وجابوا النقاط الثلاث
الفريق اليوم كان مميز جداً هجومياً نكبة دفاعياً
هجومياً شفنا فليتشر وكليفز اللي مسكوا الوسط وقدموا اداء خيالي من زمان ما شفت هالاثنين كذا بالاضافة الى روني . اللي ما تمر هجمة الا وله بصمة فيها
غير كذا بيرسي اللي كان متحرك وازعجهم جداً بتحركاته ولا انسى مزتنا تشيشاريتو نجم المباراة مع كليفز اللي قدم مباراة للتاريخ رغم مستواه العادي في الدوري والكاس الا انه لعب مباراة العمر .
للامانة المزة اليوم كان خيالي . تمركز . تحرك . استلام . تسليم كلها اليوم عنده 100% ولا ندري وش سبب هالابداع اليوم .
على كل حال قدامنا مباراة يوم الاحد مهمة جداً في الدوري وصعبة بنفس الوقت مع رجعة الريو للدفاع . وتقدم كاريك لمركز المحور . وارجاع سكولز للتشكيلة الاساسية فريقنا راح يكون في وضع ممتاز بإذن الله
الفريق في الموسم الماضي حقق 9 نقاط من 6 مباريات الموسم هذا الفريق حقق 9 نقاط من 3 مباريات ..
ومع تعثر كلوج امام غلطة سراي .. فرصتنا في تأكيد التأهل كبيره جدا جدا , وللأسف كنت اتحدث مع بعض المانشستراويه يقولون ي رجال اهم شي نتأهل من درو المجموعات , وهذا للأسف ليس طموحنا , انا شخصيا طموحي اقل شي نصف النهائي هذا الموسم , ترجع هيبة الفريق الاوروبية وهي ولله الحمد موجوده ولكن اخطاء الدفاع الكوارثيه قد تحد من هيبة الفريق , واعيد واكرر المباريات الي في ارضنا لازم 9/9 الحين الحمد لله 6/9 , باقي كلوج في الاولد ترافورد وبراغا في البرتغال وحقين الشاورما فيذاك في ديرتهم , ارتفاع مستوى نجوم خط الهجوم في مصلحتنا 100% , كل واحد يبي يثبت نفسه ويبي يضمن مركزه , تشيتشاريتو اليوم اثبث انه احد افضل المهاجمين في العالم من ناحية التمركز , الميزة الموجوده في لعيبتنا ان كل واحد يتميز بشيء , تشيتشاريتو قناص وهداف , روني هداف وصانع لعب وموزع واحيانا دفاع , فان بيرسي كرات ثابتة وقدم قوية واكثر من مهاجم في بعض الاحيان , ويلباك مهاجم ثاني بإمتياز اكثر من انه راس حربه , خيارات امام السير وراح تدوخه الصراحة ولكن راح تصب في مصلحة الفريق اولا , واليوم اكد السير تصريحه في المباراة الماضية " مهاجمونا احيانا يخرجوننا من بعض الحفر " واليوم جاء دور خافير لإخراجنا منها
نائب رئيس رابطة مانشستر يونايتد عضو اللجنة الاعلامية للرياضة العالمية
تاريخ التسجيل: 12/10/2010
المكان: Ŝ ќ ā ќ ā ·
مشاركات: 1,569
-
آلف آلف مبروك آلفوز لكل مآنشسترآوي على وجه آلأرض , للاسف ماتابعت الشوط الثأني بسبب شغل آلأسوآق وزحمه آلأعيآد الي صآرت بآيخه من تآلي هـ آلوقت ,= (
حضرت المباراه في مقهى جنب آلسوق ولقيت وآحد مانشسترآوي وعزمته يجلس معيَ بما انه بس انا ويآه بـ المقهى , وكلنا مانشسترآويه , فـ قعدنا نقول ان التشكيله هجوميه بحته والسير يبيينتف برآغآ نتف , لكن ما امدانا نقول بسم الله , على طول جاء فينا هدف قعدنا نطآلع ببعض شوي ونبتسم وقلت له رآح نرجع صدقني رآح نرجع , فقعدنآ نهآيط بالمباريات الي نرجع فيها ونفوز , وما امدانا نسترجع الذكريآت , الا جاء فينا الهدف الثاني
ناظرت له , وقلت راح نرجع صدقني , لكن الي مو متاكد منه هو متى راح نرجع هل في الشوط الاول يمدينا نقلبها عليهم او الشوط الثأني , مدري وش مصدر الثقه الي جاني في ذااك الوقت , لكن لما تشوف في فريقك , روني , كاجاو , فان بيرسي , خآفيير, كليفرلي , بوتننر كللهم عندهم حلول هجوميه , وهجوم فتآك , أكيد تبي تتفأئل , المشكله في الامس كانت بـ كآريك فقط , كاريك مايصلح نهائيا لـ قلب الدفاع , انا كنت مقتنع بأن فيرغسون لازم يريح الريو لـ تشلسي , لكن ماكنت ابي كاريك لاني اعرف كاريك دجه بـ السنتر , تمنيت يلعب بـ اوتن او اي واحد غير كاريك , في الشوط الاول جاني شعور ان كاريك لازم يرجع محور جنب فليتشر ويطلع كليفرلي , ويدخل مكانه اي واحد يلعب سنتر غير الريو , لأن كليفرلي ماكان مسوي شي بالوسط ماغير يركض ومايلقى مسانده من الاطراف , لان روني يتواجد داخل الثلث الاخير حق برآغآ , او في العمق , وكاجاو كان تايه على الطرف وماعرف كيف يتصصرف
لكن الرسم التكتيكي تغير , فيرغسون لاحظ ان كاجاو سيئ على الطرف فـ لعب كليفرلي وسط يمين وروني يسار , وكاجاو في الوسط وفي اول 5 دقايق من هذا التغيير على طول تحرك كاجاو وصنع هدف لـ خافيير
بعدها ايضا كاجاو صنع هجمه ثانيه وبعدها شارك بصناعه هدف صحيح وصنع الهدف الهدف لكن الحكم احتسبه تسلل وكان القرآر خاطئ 100 %
فان بيرسي وروني , لو ماسجلو لازم يطربونكككك , لازم يمتعون ولازم يساعدون الفريق , فان بيرسي ماهو نفسه الي مع ارسنال , لما كان مع القنرز كان المهاجم الوحيد , ومهتمه التسجيل فقط , وكان يلعب بالصندوق , اما الحين مع فيرغسون فـ صار تغييير كبيير فيه , فيرغسون ماحب انه ياخذ فضله من فينجر فـغير طريقة الروبن بآللعب , صآر يصنع صآر يوزع , صآر يشبه روني كثثثثير ,
الى الان المتصدرين بـ 9 نقآط , وباقي باريات اخرى خارج الارض , اصعبها غلطة سرآي في ارضه , اذا فزنا عليهم فـكذا نضمن التاهل , ونضمن انه نحصل العلامه الكامله بعد اذن الله اكيد
يعود ويلجم يعود ويلجم يعود ويلجم , مهاجم قنآص قنآص قنآص واليب يزيدنا فيه اعجاب انه ماعمره طلع بتصريح ضد فيرغسون او انه زعلان من الدكه , خافيير يعطيك حلول تهديفيه , تطور ألولد كثير صآر يمسك كوره ويصنع , في الموسم الماضي كان زلابه بالتمرير وفي التسديد وفي الاستحواذ على الكوره وفي المهاره , كان يفتقد لكل الي ذكرتهم لكن الحين بدا يظهر , برككككآتك يَ سسسسسسسير
ألــف ألــف ألـــف مبرووك الفوز وصدرآة المجموعة في مرحلة
الذهآب بـ العلامة الكآملة بـ تسع نقآط نجي للــ مبآرآة بدآآآية
متعثرة للـــ فريق بعد أن إستقبلنآآآ هدفين في غضون 20 دقيقة
وكآنت نقطة ضعف الفريق للآسف جهة مآيكل كآريك الدفآعية
لكن سرآعآن مآ أدرك الوضع وزج بـ البرتغآلي لويس نآني ومع نزول
الآخر أعطى الـفـريق الحيوية والرووووح العآآآآلية وتغيرت النتيجة
لـ صآلحنآ ومسكنآ زمآم المبآرآة. عندي نقطة إذا لعبنـــا بنفس الريتيم
الشوط الثآني يوم الأحد أمآم تشيلسي رآح نفووز بـ إذن الرحمن على
الأقل على الأقل 3 - 1
خخخخخخخخخخخخخخخخخخخخخخخخخخخخخخخخخخخ على الاقل اجل لا حول ولا قوة الا بالله
....
كل عام وانتم بخير ياعشاق المان يو ينعاد عليكم بالصحه والسلامه
اسف ع الشطحه بس جيت باعيد عليكم وقريت شئ مهوب طيب
المهم نتمنى نشوفكم بالمستوى يوم الاحد ويظهر مستواكم ونشوف مباراه قويه ونستمتع في مباراه ممتعه من الطرفين ,, واهم شئ الروح ياشباب
خخخخخخخخخخخخخخخخخخخخخخخخخخخخخخخخخخخ على الاقل اجل لا حول ولا قوة الا بالله
....
كل عام وانتم بخير ياعشاق المان يو ينعاد عليكم بالصحه والسلامه
اسف ع الشطحه بس جيت باعيد عليكم وقريت شئ مهوب طيب
المهم نتمنى نشوفكم بالمستوى يوم الاحد ويظهر مستواكم ونشوف مباراه قويه ونستمتع في مباراه ممتعه من الطرفين ,, واهم شئ الروح ياشباب
أول شيء حيآك ربي بالرآبطة يآ أخي ديكستر ثآنياً - عيدك وعيد الأمة العربية والإسلامية بـ خير إن شآء الله ثآلثاً - فريقي و أعرفه زين إذآ كآن في مستوآه المعهود ما يرده
إلا قدرة الخآلق عز وجل + فريق ينزل بـ هوية البطل لا يهآب
أحد سوآءً دآخل مسرح الأحلام أو خآرجه فـ عالشآن كذا توقع
الـ 3 على الأقل
587Likes
.
الوضع المتطور
