-





مسّاكم الله ب الخير

بعد الامطار الغزيرة اللي شهدتها مدينة مانشستر
كان هناك شك بإن المباراة راح تتاجل ، بسبب ان الملعب ماهو جاهز لإستقبال هالمطش

وولله الحمد ابشركم انه قبل شوي الحكم نزل وشيّك على الملعب
وامر بإقامة المباراة في نفس توقيتها دون أي تغيير !

-





قبل أبلش < ، لمانشستر وما يخص مباراة مانشستر اليوم
حاب اشكر العيال على نشاطهم هاليومين
ما قصرتوا جميعاً ، لان وضع الرابطة هالايام بدأ يتحسن وبدأت ترجع رابطتنا مثل اول شيئاً ف شيئاً

وبوجهة نظري اشوف لو انهم عملوا افضل معدل مشاركات في روابط العالمية هالاسبوع بتكون رابطتنا الاولى بدون منازع
وكل اللي نبيه منكم المشاركة مثل كذا واحسن

’،

نروح لمطش اليوم على السريع
قبل شوي وانا اشيك ب الاخبار اللي ب تويتر تقول انه من الممكن كلارك يريح بعض لاعبينه
والسبب ضغط المباريات
ولو سوّا هالشيء اعتبره ذكي ، لان الخروج على الاقل بنقطة من الاولدترافورد شيء صعب جدا جدا بالنسبة لهم
فـ مو مستفيد اي شيء من هالمباراة سوى إرهاق لاعبينه

على السريع برضو بعض من التاريخ قبل ندخل للامور الفنية والنقاش

- لعبنا ضد الوست بروم 12 مباراة 10 مرات فزنا ومباراتين بس تعادلنا ولم يخسر اليونايتد منهم ابداً ، طبعاً بدايتنا معهم من 2002
- من عام 2002 سجل فريقنا عليهم 30 هدف
- آخر 5 مواجهات ضدهم ، فزنا في 4 مباريات وتعادلنا مرة وحيدة ، وسجلنا 13 هدف واستقبلنا 4 اهداف بس
- مسجلين اهدافنا ضدهم من اللاعبين الحاليين ( 5 روني ، 4 سكولز ، 2 ناني ، 2 تشيشاريتو ، وهدف لكل من قيقز وفيديتش والريو واشلي يونق )
- مسجلين اهداف الوست من اللاعبين المتواجدين معهم حالياً ( لونق ، موريسون ، أولسن )

وبما ان الوقت ما يسعفنا نروح للنقاش على السريع



- توقعاتك لسيناريو المباراة ومجرياتها .

توقعاتي تقول ان مانشستر راح يستحوذ على المباراة من اولها لاخرها
ولا راح يكون للوست بروم المرتدات فقط
خصوصاً إذا ما علمنا ان لاعبين من وسطهم غايبين

اتوقع بإن بداية المباراة راح نستحوذ دون خطورة تذكر الى اول ربع ساعة
او بمعنى اصح الى ان يحس فريقنا بخطر الوقت المهدر
بعدها راح نسجل هدف ننهي به الشوط الاول وهو اللي يكون قاتل لمجريات المباراة وشكلها
يعني ما راح نشوف مباراة ممتعة مثل مباراة المكبايس
واتوقع اننا نزيد الغلة ب الشوط الثاني ب 3 اهداف اخرى ، والله اعلم

- توقعاتك للتشكيلة المباراة .

التشكيلة نزلت ولا مجال لي ب التوقع ، وهذي هي التشكيلة

دي خيا
جونز ، ايفانز ، فيديتش ، إيفرا
كاريك ، كليفز
فالنسيا ، يونق
روني
بيرسي

- النتيجه المتوقعه ومسجلين الاهداف ونجم المباراة .

النتيجة المتوقعة ، 4 - 0
مسجلين الاهداف ، كاريك هدف وهدفين لروني وواحد لبيرسي
النجم كالعادة كاريك