السلام عليكم ورحمه الله وبركاته
موضوعي اليوم عن اتخاذ القرارات.. اللي اثرها سلبي على الهلال
اولا: د. عبدالله البرقان - خروجه من الهلال اثر سلبا من ناحيه الاحترافيه في توقيع العقود.. ايامه كانو اللعيبه يوقعون بلا مشاكل وراحه تامه للاداره واللاعب
ثانيا: رادوي - لاعب عن فريق كامل... كان من الممكن احتواء اللاعب ونحسسه بالمسؤوليه وانه لايلتفت للحكي لانه من اعلام الاتحاد والنصر... وانه لو مشى هم بينتصرون لمبتغاهم.. والهلال هو اللي بيخسر
ثالثا: الرئيس و تويتر ـ بطريقه غير مباشره الغى دور المركز الاعلامي.. واصبحت المواجهه بين الرئيس و كل من هب ودب في العالم العربي.. وبكل تاكيد بيصير ضغط
رابعا: تضليل الجمهور ـ حلقه الوصل بين اي نظام رآسي و الجمهور هو الامان و الثقه و المصداقيه و النتائج... بدونها فالاداره ماتسوى شي
خامسا: الاداره و الفئات السنيه ـ لابد من تلافي جميع الخلافات بين الادارتين.. وتحديد المهام والادوار..
سادسا: الاهداف - لابد من تحديدها من كل من يرأس النادي لامكانيه تحديد نجاح الاداره ام فشلها.. من قبل الجمهور... امثله: بطولات معينه، زياده المداخيل، بناء
ملعب... الخ
سابعا: التحضير - اول موسم للاداره الحاليه هو الموسم الوحيد اللي حضرت الفريق بالشكل المطلوب.. واما باقي المواسم فهي مضيعه للوقت والمال والجمهور

ثامنا: الكفاآت بالنادي: ان شاء الله كل الهلاليين اكفاء.. لكن ما اعنيه ان امثال تركي العواد من ابناء النادي اصحاب الحكمه والنظره الثاقبه لابد من اخذ رايهم لان لامجال من الشك في نواياهم... (ليس كمثل صاحب نصيحه المدرب مانويل جوزيه!!!)

من وجهه نظري كان بالامكان من الامير عبدالرحمن ان يعطي د. البرقان و رادوي عروض مغريه جدا.. والامير مقتدر ولله الحمد.. ويبقيهم بالنادي

ادري ان رادوي مشى... لكن ما حبيت اني اقوله ان بامكان التعامل مع المواقف بصوره افضل.. لراحه الجميع



وفي الاخير ما يدفعنا للكلام هو حبنا للنادي بدون تقديس للاعب او اداره بعينها... نحن هلاليين من قبل لاعبين هذا الجيل ومن قبل الاداره الحاليه...
ويجب ان يتذكر الجميع ان الجمهور هو الفيصل.. لذا لابد من كسب الجمهور.. سواء من الاداره او اللاعب... وليس العكس.. وهذا لايحدث الا بالنتائج

تقبلو تحياتي

وبس

على الصعيد المحلي . انديتنا سعيد أخو مبارك .
حنا نتخبط وهم يتخبطون .
يمكن نتفوق عليهم بمحليينا .
ونحصل بطولات محليه .
اما كوريا واليابان والصين واستراليا .
سالفتهم سالفه .
هذي عقول طلعّت كل شي في منازلنا .
من السيارة الى عود الاسنان .
حتى سراويلنا هم اللي مسوينها .
يعني هم اللي ساترين عوراتنا .
ما في امل نتفوق عليهم
ياخــــــــوك
...

إقتباس وفي الاخير ما يدفعنا للكلام هو حبنا للنادي بدون تقديس للاعب او اداره بعينها... نحن هلاليين من قبل لاعبين هذا الجيل ومن قبل الاداره الحاليه... ويجب ان يتذكر الجميع ان الجمهور هو الفيصل.. لذا لابد من كسب الجمهور.. سواء من الاداره او اللاعب... وليس العكس.. وهذا لايحدث الا بالنتائج

قلت اللي ببالنا الله يكثر من امثالك بالمنتدى و يبعد المطبلين