مساء الخير

هذا مووضوعي الاول بعد انقطاع طويل قدا قدا عن الشبكة ككل وعن مجلسكم الموقر خاصة ..

بسبب مايحدث لحد الان من تناقضات غريبة في منتدى الجمهور من بعض الاعضاء وبسبب الانخفاض في تفاعل الاعضاء بالمجلس العام

واكبر دليل موضوعكم المثبت اسأل والمجلس يجيب ..اللي اقترح تسمونه اسأل وبعد اسبوعين يمقن نجيب ويمقن لا


لاني استفسرت عن التقنية بما اني توني متخرج ابشركم ويوم دخلت لقيت بوابتهم العزيزه مقفله فلم اجد حل الا من حروف الغلا

عندما قالت اي ولله فعلا مقفلة والى الان ولا كأني استفسرت لكن ابشركم

قدمت وخلصت وانحلت المشكلة


..عموما ماعلينا بدخل الموضوع الحين


موضوعي هو ياجماعة الخير كل ما اشوف لقاء مع ممثل او ممثله اتحمس اكثر لاني

اكتبه ..واليوم حانت الفرصه الذهبيه قلت قبل النوم انقر على ايقونة موضوع جديد

وناخذ راي الاعضاء وابيكم تعذروني لاني منذ مبطي عن المواضيع!!

موضوعي هو عن الفنانين والفنانات اللي يستغفلون الجمهور بشكل غير طبيعي

يعني لما تجي ممثلة وتشتهر بتمثيل ادوار هابطة هابطة بشكل فضيع ..ويجي

يسالها المذيع ليه مثلتي ذا الدور؟ يكون ردها وكأنها البنت المحترمة العفيفه

انا مثلت الدور هذا لكي ابين للمجتمع موضوع معين او حدث معين!!

ولو كان هذا المشهد مايفيد احد ماراح امثله لكن المشهد هو تكميل لقصة معينة!

واصلا انا من عايلة محافظه و .........الخ

طيب اذا انتي طلعتي بمشهد مش كويس ..خلك ساكته وبلاش تبريرات

زي خويتنا شاكيرا يوم صرحت انها ماتحب الحاجات اللي تسويها لكن هذي

وظيفتها

ولونجي مثلا لطارق العلي عندما يطلع بشخصية عايض وكلنا نعرف الهدف منها

وقام الكل يرددها على معناها المعروف تعرف عايض؟ يجي يطلع بتصريح

غريب ويقول استغرب من اللي فسروا ذي الكلمة تفسير خاطيء!! لا ياشيخ يعني

توك تطلع وينك اول ما انتشرت؟! وذي على فكرة اسلوب طارق تغير عن اول

يعني صار مفلس فنيا مع احترامي له..همه يقط كلمة وصخه عشان يضحك الجمهور

ولا كاسلوب كوميدي ما عاد هو زي اول خصوصا بعد ماترك عبدالناصر درويش

ف انا مدري ليه الممثلين يقطون كلمات ويسوون مشاهد ويبون الناس تفهم على كيفهم هم!

صارت الممثله تلبس مايوه وبكيني ولما تنسأل عن الامر ذا تقول دوري كذا!!

صارت مشاهد التقبيل والاحضان كللها تحت خدمة الفن يعني مافيها شيء!

صار الممثل اللي يشارك في مشاهد هابطة هو الممثل الكبير ورمز الفن العربي!!


والجرأه بالمشاهد تعتبر تميز من الممثلين واللي يقهرني اكثر الاعلام اللي ما يركز

على الموضوع ذا ومخللي الممثلين على راحتهم ..ويتحفظون على اللي ينتقدهم

حتى لو نجي عندنا بالسعوديه اعلامنا مخلي عبدالله المزيني (رقيه)


هو واجهة الفن السعودي وأنه ممثل كبير وهو مثل ما تعرفون مشهور بدور عجوز ولا عنده غيرها

ويقدمها بشكل مخجل و مقرف وعمره تجاوز ال50 ولحد الان يقدمها ويفتخر فيها

وللاسف مطلعينه وكأنه واجهة الفن السعودي.. هو وناصر القصبي وعبدالله السدحان

اللي يستحقون التسمية ذي لكن سابقا !



وفايز المالكي ومحمد العيسى ينتقدونهم بشكل كبير اهم شي لا احد يقول انهم

تفوقوا على عبدلله وناصر وغيرهم من الممثلين المفلسين

ف اعتقد ان في الف طريقة وطريقة لتوصيل فكرة النص بدون مشاهد وكلمات

لا اخلاقية ..لكن عندنا مخرجين يبي يدخل المشاهد ذي تحت اسم الفن للاسف




::

نقطتي الثانية عن قناة MBC ياجماعة الخير ولله اني ما اقدر اجلس مع اهلي

وانا حاط عليها حتى ام بي سي ون اللي تقدر تقول اقل من القنوات الثانيه!

ما اقدر احطها في البيت ..والمشكلة يسمونها قناة الاسره

اي اسرة قسم قسم اني اطلعها واشوف بعض البرامج والافلام بعدها

احذفها طوالي ..ولله ياجماعه افلامهم فيها تخريب للفكر بشكل غير طبيعي

اعذروني على الصراحه اقسم بالله العظيم اني اتابع فيها افلام البنت تكلم امها

وتقولها عادي الحين امارس العلاقة ولا لا !! تخيل بالله لو اني جالس مع اهلي

ويطلع قدامي كذا؟ اجل قناة الاسره وربي مع نفوسكم انا قناة الجزيره اذا حطيتها

قدام ابوي اكون على اعصابي لايطلعون لنا الحسناء ماريا شارابوفا ذو الشعر الاشقر

والعيون الزرقاء تلعب كرة التنس كيف لو فيلم وفيه مشاهد مش ولا بد






؛؛

اخر سؤال ليه حنا يالسعوديين اذا سألنا عن ممثلة منقطعه اخبارها يكون اول جواب

انها تزوجت امير وقالها لا تمثلين>>وربي كللهم كذا

وعلى طاري الممثلات اخبار زينب العسكري؟؟! وينها ووين ايامها






مزة الطيبين


تحياتي واعذروني على الاطالة

عمر العنزي

إقتباس الرسالة الأصلية كتبت بواسطة @@almoreb@@ بصراحة قنوات MBC تغيرت كثيرا عن السابق .. او خلني أقول نزعت عن نفسها عباءة الاخلاق وانها صالحة لجميع الاسرة .. في بداية قنوات MBC كان كل شئ في السليم والمرأه ما تطلع الا متحجبة ومافي مشاهد قبل واحضان وعري الا فيما ندر في المسلسلات المكسيكية .. وبعد ما طاحوا فيها الناس ووثقوا فيها وأصبحوا يضمنون وجود ابنائهم وبناتهم أمامها ... غيرت اسلوبها واصبحت قناة هابطة بشكل غير طبيعي وأصبحت مشاهد القبل والاحضان شئ مألوف .. وعلاقات الغرام شئ اساسي في حياة البنت .. والمسلسلات التركية يجب ان تكون حاضرة ... ما اعرف هل هذي خطة طويلة المدى أو هواجس في مخي .. لكن هذا اللذي حدث .. وبصراحة انصح جميع من بيده الأمر أن يحذف هذه القناة بأي ثمن ... والله الاجيال في اخر 5 سنوات ما خربها غير ه القنوات وغيرها .. بالنسبة للفنانات وبائعات الاجساد .. فهذولا ما عليهم شرهة لو ايش ما قالوا .. قلك ابي أوضح نقطة للمجتمع هههههههههههههههههه .. يعني خلاص ما لقيتي غير هذا الاسلوب .. اللي يسمعك يقول ان المجتمع أبكم وأطرش وما عنده الا عيون !! ... وحتى لو عنده عيون تقدري تكتبي له جملة تربوية ويقراها .. مش شرط تمثليها له !! أجل لو قلت لها وضحيلي المخاطر الصحية الناتجة عن الزنا ؟؟ وش حتسوي .. حتقوم تعملك فلم ...................... !! << مشفر في النهاية خليني أقولك حاجة من الاخر .. الاعلام الحين أصبح يصنف لصنفين لا ثالث لهما .. هابط وسامي .. معروفين كعين الشمس .. احذف الهابط من الرسيفر واستمتع بالسامي لك ودي

العرب ماراح يحذفون قناة ام بي سي والله لو وش ما يصير

فيه قنوات اسلامية كثيرة في الفضاء العربي ولكنها لا تحظى بـ قبول واسع بين المشاهدين العرب

بينما القنوات كـ الام بي سي و روتانا و مثلها من القنوات لها شعبية جارفه

ببساطة المشاهدين يحبون مشاهدة ما يعرض في الام بي سي

بـ اختصار المشاهد عايز كده

تدري كم سعر الاعلان على قناة MBC1 في رمضان

لو اقولك ماراح تصدق شي يفوق الخيال

سعر الثانية بـ 12 الف دولار و تخيل كم عدد دقائق الاعلان على MBC

على فكرة ترى ارباح مسابقة الحلم على MBC1 .

35 مليون ريال و عدد المشاركين بالمسابقة من السعودية 7 مليون

و تبي المشاهدين يحذفون القناة

على شان تتاكد من الكلام الي قلته فوق شوف هالفيديو

حكمة الرادار اللاقط @ كلما تقدمت التكنولوجيا ازدادت القطيعة بين الارحام وازداد التوسع العمراني وازداد عدد منتجات المرطبات وازداد الازدياد بزيادة الازاددة نعم هي حكمة مغلفة بالكورارث ومغلفة بالعصيان والغضب ومغلفة بقطعة ثقيلة يقال انها سجاد ايراني

إقتباس الرسالة الأصلية كتبت بواسطة GLAXY تقول شآكيرآ : انا على الشاطئ لا ارتدي المايوه لاني بطبيعتي خجوله .. لكن ملابسي في اعمالي هي متطلبات الوظيفه ^ يَ حيآتي والله طلعت بنت رجآل

يارجل هي هي متفصخه على الشاطئ او بالفندق او بأعمالها لابارك الله فيها والله هزلت حتى شاكيرا يجي طرياها هوون لك اووولاه بسك اولاااااه شاكيرا وبيكيه على الاريكه ولا على الشاطئ جلكسي يجيب العلم وووافي لله درك وكفى وصلي على المصطفى

جميع القنوات مشابهه لـ MBC
لذالك حتى لو حذفتها فهناك غيرها وجميعها في نفس الطريق (خصوصا قنوات ابو ظبي)
اتوقع لو استمريت بالحذف راح تكسر الدش وتجلس ع السعوديه الاولى (بث ارضي)
لان مافي غيرها محترمه (طبعا مو محترمه بكيفها ولكن معفنه ومحد يتابعها عشان كدا ماتشوف عليها اي شي مفيد كلها مسلسلات مصريه قديمه واذا جاء رمضان يحطون البرنامج السخيف سباق المشاهدين والجائزه 1000 ريال بعد )

ومنطقيا القناه تبحث عن المال من خلال المشاهده وتبث الي يطلبه الناس والحين الناس تبي كدا ف انا اشوفه طبيعي لان هذي طلبات الناس

مفروض لانطلع الى على البرامج الهادفة ولاكنها في الحقيقة نادرة
وبنسبة ل mbc هدفها واضح وهو الاستغلال من جميع النواحي

إقتباس الرسالة الأصلية كتبت بواسطة GLAXY تقول شآكيرآ : انا على الشاطئ لا ارتدي المايوه لاني بطبيعتي خجوله .. لكن ملابسي في اعمالي هي متطلبات الوظيفه ^ يَ حيآتي والله طلعت بنت رجآل

بكره ترتفع متطلبات الشاطئ

و تكون زي متطلبات الوظيفة

قنوات mbc خطر على مجتمعنا
بما فيها من افكار هدامه ولقطات نساء شبه عاريات
والله الواحد يخجل يضع هذه القناة وهو وسط اهله
لانه عارف راح تجي لقطة يمكن يتكسر التلفزون او الرسيفر على راسه
من امه او ابوه

الحمدلله بيتنا كامل مانتابعها ..
هي عندنا بس التلفزيون محد يشغلة الا انا وابوي انا اناظر الهلال وابوي العربية بس ..
طيب ياللي ماتبي اهلك يشوفون الي تعرضة ام بي سي انت تشوفة بلحالك عادي !!!
اتوقع الي عندة mbc ويتابعها هو سبب لضعفة من ناحية الدين ..
والسلام عليكم ورحمة الله وبركاتة