حصريآ :: العلاج الفعال باذن الله لشفاء ركب جداتكم ,,
بسم الله الرحمن الرحيم ,, ياخوان وياخوات هالعطله غريبه مدري ليه احس في اي لحظه بيقولون لي كنت معنا في برنامج صادوه
احس الناس كلها معطله الا انا مدري ليه ,,
وصاير واصل مابقى احد الا رحت له وفيني فضاوه مب طبيعيه ماغير اشوف الفنايل حقتي وش اكثر شي شاريه دروش ولا الدفه ,
مالقاها بهالعطله الا حقين الزواجات ماغير مفاطيح وبوفيه مفتوح وساعه الصدر ,,
المهم انا لاطفشت رحت عند جدتي وجلست اسمع سوالفها هي وجيرانهم وهيك ,,
المهم انا انسان الاحظ شي في الشيبان والعجزان الله يعافيهم ,, يعني اللحين هالعجوز تقول ركبي توجعني والصابونه توجعني
وتجلس يالله تمشي معها هالعصاء وتحن لها وترحمها والله لكن تعال شفها فَ الزواجات ماغير رقص دقني وسامري وساعه صدر وشايله هالشيله وعاشت ام مشجّر
وانت ماغير تشوفها ومطيّر عيونك ماشاءالله عليها ولاعصاء ولا شي ولاجاء بكره قالو ركبنا توجعنا بسم الله عليهم
,, وهالشيبان نفس الحكآيه كنت مره رايح لواحد من العيال وكان عندهم جده
وهالجد من خبرته مايمشي الا بعصاه ويرقل يالله يمشي وحتى انك ترحمه واكثر واحد يشتكيمستشفيات الشميسي حاطين صورته من كثر ماراح لهم عشان رجيلاته ,, المهم
فَ الشتاء كنت جالس مع خويي وجده وكان هالشايب جالس جنب الدفايه ومسيكين معه هالعصاء وجالس عَ هالكرسي
وشوي بدون سابق انذار انفجرت الدفايه من الروعه كلنا قمنا وانحشنا برى الغرفه والمصيبه والمفاجاه ان هالشايب ماشاءالله
من الروعه سابقنا ولاعصاء ولاهم يحزنون طالع هادي صوعان لو كان في حواجز طمرها جالس يركض كانه ابو 14 سنه
وكان بيطلع برى البيت ماشاءالله وش هالنشاط حنا نسينا الدفايه وجلسنا نطالع فيه ماشاءلله ناقص آلبسّه فنيله واكتب عليها احمد الدوخي ,,
شوي يجون عياله وكذا وماشاءلله لقيناه متمسك بالجدار يقول يالله امشي والله اني مسيكين انفجرت الدفايه ويالله طلعت والعيال عَ نياتهم سم الله عليك يابوي وهيك
وانا ماغير طايره بوهتي جالس اناظر وفاق خشتي ,,
اللحين بسال صدق ورىآ هالكبار تسذا يعني شي نفسي ولا مدري كيف !!
اللحين انت تركت كل ابو شي فالحياه و جيت للجدان ،،!
انا جدتي عمرها الف سنه الا خمسين عام م شاء الله يعني تخيلوا ان بنت اخوي كبري و اللحين و جدت أبوها عايشه
المهم جدتي ذي فالديره تمشي و تتحرك كنها البخت م شاء الله على ان الارض عسره و كلها بطانيج و حفر لكن م شاء الله تمشي و تحمل اثقال بعد و يوم تجي بيتنا تحبي !! و تقول انتم تبون تطرحوني يومنكم حاطين رخام و لا م تبوني اجيكم الله يخليها لنا بس
اخووي انت تقول رقص وساعه صدر قصدك سعة صدر لأني يوم قريت ساعه توقعت اللي بعدها صندل على العموم جداني الله يغفر لهم ويرحمهم كلهم رايحين ولكن فيه ماشاء الله واحد من شيبان الحارة اذا شفته رايح للمسجد مع الآذان يخيل لك انه روبرتو كارلووس حتى بالمارية وهو رايح لللمسجد يعلق عليه المعلق الاجنبي اللي بالدوري ياباني 4 اللي يقوول روبرررررتو كارلووووس
ذكرتموه يافتيان العرب والعروبة عندنا شيبان الحارة 2 الله يحسن خاتمتهم بينهم عداء غير طبيعي انا مدري من اللي فيهم يتبع ايران ومين اللي ضاحك على الثاني وقايل له جارك عنده نووي دائما بينهم منافسه شديدة وقوية حتى انهم مايتقهوون مع بعض يالله المستعان وواحد منهم يسأل كل شوي عن مؤذن المسجد اللي متوفي له 7 سنووات ونقوول بخير ولكن انه شد مع عياله لديرة ثانيه هالحين هالشايب بلغ 106 وهو بعافيته بس مايوصل للمسجد بس يعرف اللي يجيه ودق حنتس او حنك
للأسف الحركه عندنا قليلة جدا في المدن .. لكن روح شوف في الأرياف والقرى .. تلاقي الشيبان واعمارهم تجاوزت ال 70 وما شاء الله مافيهم الا العافية ..
لكن اللي في المدن يجلس بعد التقاعد متكي في البيت .. ويطلق اوامره لعياله ومستحيل يتحرك حركة ... فمن الطبيعي توجعه ركبته .. وبعضهم يتدلعون عشان يحس انه بجد صار جد هههههههههههه ..
والله نصيحتي لكم الجري والحركة والرياضة .. لاني أحس ان جيل البلاك بيري والايباد حيعجزوا بعد الأربعين والله أعلم ... وحتجينا أجيال تعجز بعد مرحلة المراهقة هههههههههههههههههه ..
للأسف الحركه عندنا قليلة جدا في المدن .. لكن روح شوف في الأرياف والقرى .. تلاقي الشيبان واعمارهم تجاوزت ال 70 وما شاء الله مافيهم الا العافية ..
لكن اللي في المدن يجلس بعد التقاعد متكي في البيت .. ويطلق اوامره لعياله ومستحيل يتحرك حركة ... فمن الطبيعي توجعه ركبته .. وبعضهم يتدلعون عشان يحس انه بجد صار جد هههههههههههه ..
والله نصيحتي لكم الجري والحركة والرياضة .. لاني أحس ان جيل البلاك بيري والايباد حيعجزوا بعد الأربعين والله أعلم ... وحتجينا أجيال تعجز بعد مرحلة المراهقة هههههههههههههههههه ..
الله يعيننا ويرحمنا ويحفظ لنا ابائنا وامهاتنا ..
ولله كلامك سليم من جد لازم تصير ركبتك توجعك ولا كذا راح تكون شاب
هههههههههههههههههههههههههههههه
الظاهر والله أعلم إن بعض منهم يستعطفون عيالهم وأحفادهم عشان يديرون باالهم عليهم على قولة إخواننا الكويتين أممآآ مقدّمة موضوعك تححفة
بصرآحة مدري ليه بس مواضيعك انت اللي أضحك أول مآأشوف عناوينها وأضحك وأنا أقراها وبعد ماأخلص منها بعد أحس فيهآ كمّية فكاهة مو طبيعية الله يسعدك بس
إقتباس
الرسالة الأصلية كتبت بواسطة @@almoreb@@
..
والله نصيحتي لكم الجري والحركة والرياضة .. لاني أحس ان جيل البلاك بيري والايباد حيعجزوا بعد الأربعين والله أعلم ... وحتجينا أجيال تعجز بعد مرحلة المراهقة هههههههههههههههههه ..
تسلمين يَ خيتي دوٍم ان شاءالله
عاد صدق ليتك شايفه هالشايب اللي يوم انفجرت الدفايه انحاش
يعني من اول دايم اشوفه منسدح كآنه وحده فيهآ نفآس
وسم الله يوم انفجرت الدفايه طلع اسرع مني
وهي وقفة على الجدان بس
حتى الشباب من تالي ركبهم رايحه فيها
اذكر واحد من خوياي بالمتوسط كنت لاعب كوره وطقت ركبتي
عاد جالس احرك الصابونه وينهبل يقولي يا مجنون انفكت صابونتك رح المستشفى
وبصراحة روعني والا شوي يحرك صابونة ركبته وتتحرك ويقولي أنا بعد صابونتي تتحرك هههههههههههههههههه
والله الوالده الله يحفظها تشتكي من ركبها وشريت لها اوزان وانواع التمارين
والحمد لله ارتاحت لكنها الله يصلحها سحبت على التمارين
لذلك الرياضة والسباحة بالاضافة الى الدفايات