السلام عليكم ورحمة الله وبركاته

وش بلاكم يا ربعنا صرتم اردى من الجيران !!!

مدرب باريس سان جيرمان يدرب الزعيم وتتحلطمون !!!!!
والله لو ان الهلال فريق اوربي
ادري بعيونا الهلال شي ثاني بس خلونا نكون صريحين
راس مالنا فريق اسيوي !

انا اشوف ان المدرب ممتاز وضربه معلم من ابن مساعد
انا اشوف نلخص مشاكل الهلال الموسم الماضي
كان الدفاع فيه فهاوة بوجود هوساوي < حلوها الحين راح هوساوي
كان عندنا مشكلة بالركنيات والضربات الثابته .
انا اشوف ينباع واحد من الاجانب ويجيبون لنا لالعب وسط صانع لعب + متمكن من الضربات الثابته .

اتمنى من اخواني المشرفين حذف كل المواضيع الي فيها تكسير مجاديف الفريق
خلونا هلالين ودايم متفائلين وبإذن الله هذي السنة ( اسيا _ ولي العهد _ كاس الملك _ الدوري )
وما فيه شي بعيد بإذن الله

صحيح مدرب ممتاز بس الزعماء مايعجبهم اي شي لكن انا متفائل فيه كثير

بأذن الله لكن الله يسـتر وان شاء الله يكـون المدرب ذو شخصية قوية وانضباطية عاليه واهم شي صاحب فكر هجومي

الله يكتب الي فيه الخبر للزعيم
وان شاء الله يكوون مدرب مميز جدا ونؤخذمعاااه الاسيؤؤؤؤيه
يعطيككككككك العافيه

اول شي الموضوع انتهى واقعنا عقد وخلاص لازم ندعمه

ثاني شي المدرب مهب كل شي والا يقوول كوزمن والا جرتس تراهم ما جابوا الاسيوية وكوزمن يوم طلع من السد جابو الاسيوية بمدرب ماله سي في قوووي

ثالثا اهم شي اللاعبين الاجانب وعودت روح اللاعبين المحليين



.

إقتباس الرسالة الأصلية كتبت بواسطة ها//////وي الزعيم والله ماودا فريقنا بستين داهيه الا مثل هالعينه وين عايشين وش ها الأسلوب ياعمي وشو أنا من أنتقد الاداره وش عنده رئيس أعضاء الشرف والا السير فيرقسون ترا حدك جالس تنظظر من ورا شاشتك أقول أوووووووووص وألف أووووووووووص لك ولأشكالك وخل الاداره تشوف شغلها والله يقويها وحنا معها قلبا وقالبا وبالتوفيق للزعيم ان شاء الله.

هذا الكلام جالسين ورى الكمبيورترات ويهايطون
ولا سألتهم كم مره حضرت مبارات لهلال قالك

إقتباس الرسالة الأصلية كتبت بواسطة المصرقع الكبير هذا الكلام جالسين ورى الكمبيورترات ويهايطون ولا سألتهم كم مره حضرت مبارات لهلال قالك

لأتحط بذمتك شي ،
المره القادمة بصور تذكرة تذكرة علشان حضرتك تصدق

تسلم اخوي من جد بعض الجماهير مدري وش تبغى لايعجبها العجب ولا الصيام في رجب كل شي في النادي مو عاجبها وعلى طول تنتقد وتنتقص من كل عمل تقدمه الاداره وتستبق الاحداث وتتوقع الاسوا من الحين مدري على ايش الله يوفق الهلال ويكتب الخير في قادم الايام يارب

إقتباس الرسالة الأصلية كتبت بواسطة المصرقع الكبير خلونا هلالين ودايم متفائلين وبإذن الله هذي السنة ( اسيا _ ولي العهد _ كاس الملك _ الدوري ) وما فيه شي بعيد بإذن الله

والأولومبي ياخذ كاس فيصل .. ربعنا يحبون التحطلم والقرقر ...

المدرب ممتاز وضربه معلم هذي وجهه نظرك ونحترمها لكن من قله الادب وعدم الاحترام انك تصادر اراء الاخرين وتبي اي راي يخالف راي سموك الكريم ان يحذف وتريد الديكتاتوريه المطلقه للادارة واسمعوا اعو واياكم ان تناقشوا .. معليش اخوي هذا المنتدى للتنفيس قليلا عن اراءنا التي لا تجد اي قبول لدى الادارة ولكن على الاقل لا تمنع المتوجع من انه يقول اي او حتى ما تبينا نقول اي

والله خوفي من كلامكم واستنقاصكم من المدرب يصير الاعبين مايحترمونه ولا يقدرونه ويفشل الله يستررررررررررررر بس ع الهلال

إقتباس الرسالة الأصلية كتبت بواسطة هلالي عالي الهامة المدرب ممتاز وضربه معلم هذي وجهه نظرك ونحترمها لكن من قله الادب وعدم الاحترام انك تصادر اراء الاخرين وتبي اي راي يخالف راي سموك الكريم ان يحذف وتريد الديكتاتوريه المطلقه للادارة واسمعوا اعو واياكم ان تناقشوا .. معليش اخوي هذا المنتدى للتنفيس قليلا عن اراءنا التي لا تجد اي قبول لدى الادارة ولكن على الاقل لا تمنع المتوجع من انه يقول اي او حتى ما تبينا نقول اي

+11111111111111111111111111111111

والله انك كفووو موضوعك في مكانه
مدري وشو فيهم الجماهير متذمرييين
ان شاء الله ما يصير الا كل خير

مدرب جامد..... بعض الجماهير مادري وش تبي... اقترح على البعض تقشير البصل... قال ايش قال الكلاب تنبح... اسلوب مبزرة

بالتوفيق للزعيم