<center> السلام عليكم
حبيت اشارككم خبراتي المتواضعه في الالتميت تيم وكيف تبدا
بفيفا ١٢ سويت فريق فيه IF ميسي واقويرو وفورلان وتشافي وانيستا وكازولا و IF بيكيه واكثر من فريق انجليزي وايطالي وفضي برازيلي
طبعا بالبداية راح يجيك لاعبين كلهم برونزيين العب فيهم ٤ الى ٥ مباريات اوف لاين يسير عندك حول ال ٢٥٠٠ وتقدر تبدا بهذا المبلغ ويمكن خلال اسبوع يكون عندك حول ال ٧٠ الف وشهر تقدر تجمع اكثر من ٥٠٠ الف
بعد ماتلعبلك كم مباراة اوف لاين
(طبعا الويب اب راح يفتح اليوم ولا راح تقدر تلعب مباريات بس راح يكون فيه باكيجات يوميه مجانيه الى نهاية سبتمبر فتعوض عن المباريات بالباكيجات) روح وشوف لاعبينك البرونزيين اذا فيه احد منهم سريع مثلا او شوتاته قويه او دفاعيا قوي بيعه ب ٥٠٠ او اكثر وشوف سعره بالسوق كم قبل تبيع
باقي اللاعبين العاديين بيعهم ب ١٥٠ الى ٢٠٠ واغلبهم راح ينباعون
بعد كذا افتحلك باكج برونزي ونفس الطريقة بيع السريع او الشويت بمبلغ اعلى شوي والباقين على ١٥٠-٢٠٠ ودايما حاول تحطهم ١٢ ساعه ولو تبيعهم الظهر بتوقيت السعوديه فهو اغلى وقت لبيع اللاعبين وحاول انك ماتشتري لاعبين بهالوقت(الليل مناسب جدا لشراء اللاعبين) وبرضو حاول انك تشتري اللاعبين بوقت الهابي اور لان الناس تفك باكيجات وتبيع برخيص اصبر عليها يومين وبعدين بيعها بالدبل تقريبا
اذا وصل المبلغ اللي جمعته حول ال ٣ او ٤ الاف كوينز بعدها ابحث بالدوري الانجليزي وبخطة ٤-١-٢-١-٢ وحدد السعر بين ال ٣٠٠ وال ٥٠٠ وابحث عن لاعبين فضيين اذا قدرت تطب بلاعب سرعته من 84 واعلى عادي لو تدفع فيه الى ٧٠٠ اشتريلك مجموعه من اللاعبين الين تخلص فلوسك وبعدين بيعهم الظهر وحط ٦ ساعات ودبل اسعارهم واللي يكون سريع مرره مثلا ٨٨ او ٩٠ روح شوف سعره بالسوق بكم وحطه ارخص منهم ب ١٠٠
بعد ما تسوي هالطريقه ويوصل المبلغ اللي عندك حول ال ١٠ الاف ابدا باللاعبين الذهبيين وحاول تشتريهم اخر الليل من بعد ١١ حط الخطه نفسها والدوري الانجليزي افضل شي للبدايات لان سوقه مربح وابحث عن لاعبين يكون عندهم شي قوي مثلا السرعه او الشوت او الدفاع ولا تدفع في اي لاعب اكثر من ١٠٠٠ الا اذا لقيت لاعب يسوى اكثر وتعرف قيمته ومتاكد انك بتربح منه واشتري لاعبين ولا تزايد عليهم كثير وحاول تصيد لاعبين مشهورين بتلقى رخيص ومافي زحمه عليهم في هالوقت فبتاخذهم رخيصين وتبيعهم الظهر يمكن بدبلين او ثلاثه
ونفس الفكره تجمعلك مبلغ بعدين تبدا بلاعبين اسعارهم ما بين ٣ الاف و ٥ الاف وتستخدم نفس الطريقه
وبعدها لاعبين ب ١٠ الاف
بعدين لاعبين اغلى واغلى
بعدين لاعبين ان فورم IFs وزي كذا
مجرد افكار اتمنى تكون افادتكم واعذروني على عدم الترتيب </center>