محاورة شعرية بين الشاعرين العلجين _توني بلير ورفيق دربه بوش بن بوش _



بلير:
الله لا يجزاك بالخير يا بوش *** ورطتنا في حرب صدام ورطه
عزمتني وتقول بترول وقروش *** بس الحقيقة روحتي معك غلطه

بوش:
يابلير رد العلم عن بوش بن بوش *** الله خلقنا للمقاريد سلطه
وابوي عنده للرجاجيل دنبوش *** كم واحد شلنا فلوسه ونفطه

بلير:
أبوك والنعمين بس أنت مربوش *** تموت بالبترول وتحب شفطه
صحيح عندك مال وسلاح وجيوش *** مير أتوقع لك تدهور وسقطه

بوش:
يا بلير كأنك خفت يوم إحتمى الهوش *** حرام ما تأخذ من النفط نقطه
قبلك ترى شيراك قد راح مكروش *** شوفه يصرح كل يوم بمحطه

بلير:
وراك ماتعطي لشيراك عرموش *** تراه مشغلنا بشيله وحطه
وإذا إنتهى موضوعنا نرسل طروش *** ونجمع المبلغ من الربع قطه

بوش:
شيراك هذا عنده الفكر مغشوش *** فرط علي بمجلس الأمن فرطه
يدزه اليابان والصين ويطوش *** ومجهز الفيتو لتحقيق الشرطه

بلير:
يا بوش أنا مرهق وخايف ومدهوش *** وأنت تقول الحرب خدعة وخطه
أسراي وأسراك إمتلاء منهم الحوش *** عز الله إنه صابني منك جلطه

بوش:
ما قلت لكم كم فيه إذاعات ودشوش *** لا تكشف المعنى وأنا أقول غطه
وإن قالوا إنا علوج وأصحابنا جحوش *** ماهمنا الصحاف واللي يحطه





منقول من زميل