|
الحلقه ال 11 ( لاعب يرى دورينا كدوري دوله جنوب السودان الجديده ولن ينفع الهلال ) <HR style="BACKGROUND-COLOR: #bdbdbd; COLOR: #bdbdbd" SIZE=1> بسم الله الرحمن الرحيم السلام عليكم ورحمة الله وبركاته اخواني انتهى الموسم الهلالي بخيره وشره وتحقق للهلال فيه عدة انجازات اهما تحقيق كأس ولي العهد والتأهل لدور ال8 اسيويا وتحقيق جائزه نادي العقد الاسيوي واكتشاف اللاعب سالم الدوسري ولا اخفيكم انني بعد كل موسم اكتب حلقات عن لاعبين لن يفيدون الهلال سأتطرق لهم في حلقاتي هذه ربما ينجحون في انديه اقل مستوى من الهلال اما بأعارتهم او تنسيقهم او تحويلهم كاحتياطيين في الفريق الاول او تحويل بعضهم للفريق الاولمبي ولله الحمد جميع حلقاتي بعد كل موسم تكون صائبه بنسبه 99% القصد من الحلقات 4 امور 1- اعارة بعض اللاعبين الذي لن يستطيعون اللعب في الاولمبي بحكم السن ولن يستطيعون اللعب في الفريق الاول بحكم كثره النجوم في خاناتهم 2- مقايضه بعض اللاعبين بلاعبين اخرين من انديه اخرى لتعم الفائده جميع الاطراف 3- تنسيق بعض اللاعبين لان مستوياتهم انكشفت للملا بعد سنين طويله مع الهلال دون تطور او تعديل 4- تحويل بعض اللاعبين من اساسيين الى احتياطيين 5- تحويل بعض اللاعبين من الفريق الاول للفريق الاولمبي ايمانا لاعب هلالي معار لفريق الاهلي الاماراتي ايمانا مكث في فريق الهلال الاول سته اشهر ايمانا تاريخ ميلاده 5/6/1982 الموسم القادم عمره 31 عام ايمانا لاعب صانع لعب ايمانا لعب مع الفريق الاول 11 مباراه صنع فيها هدف واحد فقط وهذه رساله مسبقه لمن يحاول اعادته للفريق ايمانا سجل اربعه اهداف كانت في فرق متوسطه المستوى مع القادسيه والرائد والفتح والفيصلي ايمانا رجله اليسرى ميته كرويا ولا يتعامل فيها ابدا وهذه نقطه سلبيه ربما لا تفيد الهلال لو قررت الاداره اعادته للفريق ايمانا حضر من الدوري الاسباني وهو متعالي متكبر على الكره السعوديه وكأنه حضر لدوري دولة جنوب السودان الجديد بعد اول 3 مباريات له مع الهلال كتبت عنه وقلت انه متعالي ولن يفيد والحمدلله صدق توقعي ايمانا كان له من المواقف السلبيه ايا كانت ظاهره ام باطنه معلنه ام غير معلنه منها تصريحه بأن لاعبي الهلال لا يتعاونون معه وايضا سالفه النقاش الحاد في غرف الملابس بين الشوطين مع احد الاداريين وايضا مشاكله الظاهره مع المدرب توماس دول وتصاريحه مع بعض القنوات الرياضيه وحادثه الاصبع الشهير التي لم تثبت قانونيا عليه ايمانا بعد كل هذه الامور وهذه المشاكل هل يوجد احد في البيت الهلالي ربما يفكر على اعادته للفريق ايمانا لاعب فنان مهاري ممتع صانع لعب متمكن لكن يعاب عليه حب الذات والانانيه والهدف الوحيد الذي صنعه من 11 مباراه دليل على انه لن يفيد الهلال الموسم القادم ايمانا لا يملك ميزه اخرى مثل اجادة تنفيذ الكرات الثابته وهذا ما يحتاجه الهلال في اللاعب القادم ان شاءالله على ان يكون صانع لعب مع ميزه اضافيه اخرى مثل تسديد الكرات الثابته وهذا ما نفع كماتشوا به النادي الاهلي صناعه وتسجيل اهداف من كرات ثابته ايمانا لابد من موافقه الهلال على تمديد اعارته للفريق الاماراتي لانه نجح معهم ولم ينجح مع الهلال وهذا لا يعني انه ليس لاعب ممتاز بل الهلال يحتاج للاعب يملك ميزه اضافيه غير الصناعه ايمانا لاعب جميع ادواره الحاليه يقوم فيها لاعبين سعوديين منهم محمد الشلهوب الذي لا زلت اطالب ان يرتاح بعض المباريات احتياطيا حتى لا يستهلك ونندم على عدم وجوده في بعض المباريات الهامه وايضا احمد الفريدي وكذلك عزوز الدوسري وبما ان هؤلاء الثلاثي قدراتهم نفس قدرات ايمانا فهذا يدل ان الهلال لا يحتاجه الموسم القادم ولابد من احضار لاعب اجنبي صانع لعب له ميزه اضافيه تنقص الهلال منها الضربات الحره واستخدام الراس بجداره ايمانا خوفي يطمر احد الصحفيين او الاعلاميين او الاداريين ويقول لابو فيصل تكفى رجع ايمانا وانا اقول لهؤلاء كفايه رهانات وكفايه تدخلات وكفايه نظره فنيه خاسره والدليل صفقات كثيره اتت بتوصيات اداريه واعلاميه وصحفيه كان مصيرها الفشل الذريع بل ايضا خسرنا لاعبين خرجوا من البيت الهلالي كلها من اسباب هذه التوصيات رسالتي لاداره الهلال نعم نحن جماهير وليس مدربين لكن تأكدوا اننا نفهم كوره ونعرف اللاعب الموهوب من اول اربع مباريات وارائنا لا يتخذ فيها ولكن في النهايه ننتصر في كل اقوالنا ليالي العيد تبان من عصاريها وبعض اللاعبين يستمرون سنوات طويله بمستوى متقلب وثابت دون تعديل او تطوير في مستوياتهم واشغار رقم لاعب في الكشوفات على حساب لاعب اخر ربما يكون ضاله الهلال اتمنى منكم النظر في انتقادات الجماهير فربما تجدون فيها الحل السريع واللاعب ايمانا احد هذه الحلول التي ننتظر منكم النظر فيها قريبا الحلقه ال12 للاعب اخر لن يفيد الفريق الاول حلقات سابقه الحلقه الاولى للاعب حسن خيرات <A href="http://vb.alhilal.com/t1101447.html%20%20%20الحلقه%20الثانيه%20للاعب%20فهد%20السبيعي">http://<ACRONYM title=vBulletin>vb</ACRONYM>.alhilal.com/t1101447.html الحلقه الثانيه للاعب فهد السبيعي الحلقه الثالثه للاعب بندر البيشي <A href="http://vb.alhilal.com/t1101791.html" target=_blank>http://<ACRONYM title=vBulletin>vb</ACRONYM>.alhilal.com/t1101791.html الحلقه الرابعه للاعب مبارك البيشي <A href="http://vb.alhilal.com/t1101970.html" target=_blank>http://<ACRONYM title=vBulletin>vb</ACRONYM>.alhilal.com/t1101970.html الحلقه الخامسه للحارس حسن العتيبي <A href="http://vb.alhilal.com/t1102119.html" target=_blank>http://<ACRONYM title=vBulletin>vb</ACRONYM>.alhilal.com/t1102119.html الحلقه السادسه للاعب محمد الشلهوب الحلقه السابعه للاعب شافي الدوسري الحلقه الثامنه للاعب فواز فلاته <A href="http://vb.alhilal.com/t1102702.html" target=_blank>http://<ACRONYM title=vBulletin>vb</ACRONYM>.alhilal.com/t1102702.html الحلقه التاسعه للاعب كرستيان فلهامسون الحلقه العاشره للاعب حسام الحارثي http://vb.alhilal.com/t1102936.html الحلقه ال 11 اليوم للاعب اكيلي ايمانا حسابي على التويتر https://twitter.com/#!/msdmrrsc تحياتي |
يآحبي لك تقول حلقآتك صآئبة بنسبة 99% من شفت حلقتك عن محمد الشلهوب وانا داري انك تكتب من راسك ! وآلله مآظنيت آنهآ بتصيب 2% |
الله يعطيك العافيه اللهم وفق الزعيم في كل مكان |
هو ما ينفع هالاعب ما ينفع لكن حلقاتك اشوف انها مستمره مدري من بتبقي لمعسكر النمسا يعطيك العافيه |
ايمانا جاء من الدوري الاسباني وليس الفرنسي للتوضيح فقط وايمانا لاعب كبير لاكن السباك دول لم يجد توظيفه اتمنى جلب من هو افضل منه او اعادته واعتقد ان الادارة ستعيده للفريق يعطيك العافيه اخوي الناقد الصريح وبالتوفيق للملكي الهلالي |
ايمانا جاي من الدوري الاسباني وليس الفرنسي لاعب كبير لكن لم يوظف جيدا مع دول والرأي الأول والأخير للمدرب القادم وأتمنى تكون هذي أخر حلقه مع احترامي لك |
كلامك صحيح اللاعب كانه جاي من برشلونه لاتنسون اللاعب جاي من نادي صغير ريال بيتيس |
حرام عليك ياشيخ الاعب افضل لاعب بالدور الاسباني لاعب ما اخذ فرصته . السباك دول اعدمه بعدين للمعلوميه الاداره متورطه فيه . الاعب هلالي الحين وماعنده اي عروض واحتمال يكون الاجنبي الرابع ! ويمكن المدرب الجديد يخليه من ضمن الاجانب ! |
يعطيك العافيه بالتوفيق للهلال |
اللاعب ظلمهـ دول..... ولم يوظفهـ بالشكل السليم... الاداره تحااول الخلاص منهـ واحتماااااال يكون المحترف الرابع للملكي في حااااال لم يجد العرض المناسب..... |
مع احترامي لك يالناقد انا كنت احترمك كثيراً واتابعك بشده !!! لكن حلقاتك زادت عن حدها مما افقدك متعة ماتطرح ! انت تهرف في اخر حلقاتك في ما لاتعرف .. كُلنا نتابع كره ونعلم مايحصل ليس انت فقط ! انت لك فقط وجهة نظر ليس حلقات صائبه ! انت شخص لم يبقى الا ان تقول في الحلقه القادمه وفي الخط العريض! عبدالرحمن بن مساعد لن يفيد الهلال ! يارجل ارحم عقولنا واترك حلقاتك !! انت تحلل بسرعه مما افقدك صواب ماتقول ! |
اشوا ان الاداره ماتسمع كلامنا كجماهير والا كان مابقى ولا لاعب لمعسكر النمسا من بقيت الله يطول بعمركـ يالناقد الصريح خف شوي مواضيعكـ تغيرت هالموسم بالذات مدري ليش ، وعلى فكرهـ واتفق معكـ في ايمانا انه مايصلح للفريق لكن فيه بعض اللاعبين اللي سبق وان طرحت رايك فيهم مااتفق معكـ فيها ابداً يعطيك العافيه |
ايمانا لاعب كبير لكن لم يأخذ الفرصه الكامله او لم يتأقلم بشكل جيد في النادي بمعنى اصح ,, اخي الناقد الصريح , انا كنت من المعجبين في كثير من مواضيعك القديمه لكن في الفتره الاخيره ارى منك تجاوزات على بعض اللاعبين اللذين ارى انهم يشكلون خارطه مهمه في تشكيله الفريق واذا لم نراهم في التشكيله الاساسيه فهم احتياط ممتاز جدا والكل يعلم انه لابد من وجود احتياط يحمل صفات اللاعب الاساسي متى ماغاب الاساسي فهناك البديل القادر على تعويض الغياب والنقص لدينا ,, اتفق معك في بعض اللاعبين والبعض الاخر اخالفك الرأي فيه ( اختلاف الرأي لا يفسد للود قضية ) .... تقبل مروري |
ليتهم رقدو ياخي خلاص من مواضيعك هذي يلي لا تودي ولا تجيب يعني الاداره بتقتنع بكلامك الفاضي ؟ |
مجهود تشكر عليه ولو تحتفظ بالحلقات القادمة شوي عشان نشتاقلهن اكثر اقترح على ادارة المنتدى فتح قسم جديد (عيادة نفسية) لمثل بعض الحالات اللي تخطم بالمنتدى |
ماكثر الشي الى وسمج تبي تكثر مشاركاتك لاتجرح ياخي انت فقاش مواضيعك صايبه ومخليت احد الى سدحة فيه حلقه شف لنا رئيس النادي اجل ولي تقول فاشل لانه ماحقق اسيا طيب شف لنا رئيس الهلال ماحقق اسيا نقول مايصلح حنى ماقدرنا على الدوري خل اسيا السنه الماضيه يالناقد الفقاش بعض الاعبين ايدك ماعدا الشلهوب العتيبي ولي شافي حسام ؟؟؟ ابو فارس شف لنا حل مع جمال الشريف |
يلا ياشباب كلا واحد يعطيني اللاعب اللي يتوقع يكون بالحلقه القادمه انا اتوقع فهد الجهني |
اقراء الردود اشوف فيها الكثير من التجريح ! اخونا الناقد الصريح مكسب للمنتدى والرجل طرح رأيه . مواضيعه من اهم المواضيع ف المنتدى اكيد مستحيل احد يتفق مع طرحه ! لابد من مؤيد ومعارض . لكن اشوف ردود مالها اي داعي ياخي شوف المواضيع الثانيه كلها تتكلم عن الملكي ولا تصويت صحيفه سبورت مواضيع ما منها اي فائده .. استغرب من بعض الاعضاء يا رد زي لناس ولا اكرمنا بسكوتك |
إقتباس:
ياخي فاشل في بعض طرحه معه انا في بعض الحلقات ماعدا الشلهوب وهو ابن النادي ولي افضل اجانبك وشافي الي حتى يقول كبيره بحقك مرو سته لاعبين وانت احتياط والعيبي افضل حارس الموسم قبل الماضي يطالب بتنسيقه دليل الناقد الان اذا قال تنسيق اعرف انه فاشل حنا بعصر احتراف مو بعصر طقها والحقها انتهى وقت تنسيييييييق وكم حلقه له 11 من بقى سواااال لك يافارس وحنا ماجرحنا يقول اشيا يجرح فيها الاعبين مثل شافي والشلهوب ويقول الفريدي افضل يكون بعلمك لو الفريدي يرجع ماهو مقدم افضل لانه خلااااص عاف النادي ويكرش العروض ويساوم النادي هاذا سبب مقالات الناقد |
الصراحة المفروض ان المشرفين يشوفون حل للردود الصبيانية من قبل بعض الاعضاء ! |
اخوى ناقد ايمانا فوق قلمك وفوق مستوى الكرة الخليجيه في نظرى المتواضع |
اغدينا نسكر النادي بكبرهـ ونرتاح خلصو اللاعبين يالحبيب مابقى الا رستم اللي يجيب الكور |
هههههه وش فيكم قلبتوو على الرجال خليه يحلل وشسمه من حق اي عضوو يقوول رايه يعني خلاص الادارره تنفذ كل مايقال ويقيل خل صدرروكم وسيعه شكررا ياصاحب المووضووع |
القصد من الحلقات 4 امور 1- اعارة بعض اللاعبين الذي لن يستطيعون اللعب في الاولمبي بحكم السن ولن يستطيعون اللعب في الفريق الاول بحكم كثره النجوم في خاناتهم 2- مقايضه بعض اللاعبين بلاعبين اخرين من انديه اخرى لتعم الفائده جميع الاطراف 3- تنسيق بعض اللاعبين لان مستوياتهم انكشفت للملا بعد سنين طويله مع الهلال دون تطور او تعديل 4- تحويل بعض اللاعبين من اساسيين الى احتياطيين 5- تحويل بعض اللاعبين من الفريق الاول للفريق الاولمبي قــــــــف عند حدّكـ...!! آذآ موضووووع آيمآنآ وويلي يندرج تحت هذي البنووود آنآ مآ آفهم شي بكرة آلقــــــــــــــــــــــــــدم ... حتـــى ... شووف حتى لو انهم بيستمروآ بالفريق برضه الحديث عنهم ماله دخل بالبنود اللي انت كاتبها .... الى هنا راح اتوقف عن الرد على مواضيعك لانها بكل صراحه وضحت مين المقصود فيها .... اذا انت حاولت تتذاكى او تهرب مقصدك وآضح وصريح من موضوعك القديم اخطاء اداريه سابقه [[ سمو الامير عبدالرحمن بن مساعد .. والكابتن سامي الجابر ]] هذا هو مقصدك وخلاصتك من كل مواضيعك وحلقاتك اتمنى تتوقف هنا لان مستحيل اللي تكتبه وكاننا نزلنا للدرجه الاولى وفي كل مره تلمح للاداره وفي موضوعك عن الحارثي ايضا رجعت تقول سامي وسامي |
الله يهديك يالناقد متى تخلصنا من حلقاتك انت تقريبا الحين الغيت فريق كامل(11 لاعب) |
تسانه مثل ما تقول يشوفنا مثل ماحنا نشوف الدوري التانزاني مادري الصومالي فهو صاز لانه مافيه مقارنه بين دورينا ودوري اي دوله اروبيه .. يبي لنا سنين بل عقود من الزمان عشان نوصل نص ما وصلوا له .. ياللي بعده |
شكل الحلقه الثلاثين النادي مافيه احد نسقتهم بارك الله فيك |
اشوا ان الاداره ماتسمع كلامنا كجماهير والا كان مابقى ولا لاعب لمعسكر النمسا من بقيت الله يطول بعمركـ يالناقد الصريح خف شوي مواضيعكـ تغيرت هالموسم بالذات مدري ليش |
وعليكم السلام ايمانا اخوي الادارة اعتقد واضحة وتبحث عن بيع عقده مايحتاج تطالبها بالشيء لكن والله يمكن اللاعب ظلم مع المدرب دول ولم يوظف جيدا واتمنى اعطائه فرصة مع المدرب الجديد ويدخل المعسكر ويقرر المدرب يعطيك العافية اخوي |
ليش الشخصنه من بعض الاعضاء المفروض يكون الرد والاقناع من الموضوع نفسه مو التطرق والتجريح بنفس العضو اتمنى ان نكون هلاليين واعيين كما نحن نحترم الطرف الاخر بالحوار ونرد على المضمون ونترك الاشياء الشخصه من وجهة نظري المتواضعه ايمانا لاعب مميز ولكن قد يكون هناك ظروف لم تشفع له بالابداع بالهلال او يكون وصل حدهـ يعني مستحيل يقدم شي جديد اتمنى من الاداره اعارة اللاعب او بيع عقدهـ شكرا لك |
احترم رأيك لكن صراحه احس كثير زودتها ولا بتبقي احد .. ويلي هامسون انتقدته وهو قدم كل مايستطيع وانتهى عقده ولا فيه اي داعي تنتقده .. الشلهوب اكثر لاعب في السعوديه حقق بطولات وكل مايوقع عقد مع الهلال يوقع بدون اي مساومات شوف الفريدي الي مايجي ولا 10% من مستوى الشلهوب او تاريخه مسوي زحمه وهو نص الموسم احتياط .. والشلهوب لو حسبت مستوى لعبه طوال تاريخه تحصله جيد جيد مرتفع .. ايمانا لاعب اكبر من الدوري السعودي ومن يوم ماجاء انظلم من السباك دول وصراحه لو رجع للهلال الموسم القادم ماراح اعترض لانه لاعب كبير .. انا اؤيد ان تنتقد اللاعب لكن بعض اللاعبين عشقه وتضحيته للهلال وروحه تغطي ع مستواه .. مو معقوله تترك الفريدي ومساومته وتروح للشلهوب الي ضحى بكل شي لاجل الهلال .. |
لاعب جاي للهلال مافي راسه كوره جاي سياحه .. و حتى مع الفريق الاماراتي قدم مستوى فااشل و بالنسبه للاعب ي اخوي الناقد الصريح احنا عارفين انه مو راجع للنادي ولا فيه امل اصلا ف ماله داعي تتعب نفسك و تكتب عنه .. تحياتي لك :rose: |
ايمانا ماعاد ينفع لكن عندي نقطه ايمانا منفذ رائع للكورات الثابته ويملك قدم يمنى من فولاذ صاروخيه لكن يوم جا للسعوديه متعالي لكن من الممكن تكون المشكله من المدرب نفسه شكرا لك |
السلام عليكم ورحمة الله وبركاته آخي العزيز .... حلقاتك حلوة وفكرتها رآئعه وأتوقع لها بصمه كبيره .. لكن !!! يجب عليك التفكير حول اللاعب قبل كتابة الحلقه ... و الله يستر من حلقاتك الجآآييه |
ياشيخ حرام عليك .. كلنا نعرف ان ايمانا لاعب كبير بس دول ماوظفه صح ومع احترامي لك اخر حلقاتك كلها سيئه وياليت هذي الحلقه الاخيره بسسس |
ياخوك ما بقى ولا لاعب هلالي يصلح اتوقع ما راح يروح للمعسكر الا الامير عبدالرحمن بن مساعد وين الاداره عنك :d |
,, بالعكس اشووف انه لاعب ممتااز ونادر جداً لكن دوول اعدمه ,وقتل ابداعة |
متى تنتهي حلقاتك التركيه؟؟؟؟؟؟ |
حلقاتك اشوف انها مستمره مدري من بتبقي لمعسكر الفريق القادم |
ايمانا + ويلهامسون لن يفيدو الفريق اتمنى ما اشوفهم بالمعسكر الخارجي شكرا لك |
اذا كان هؤلا ال11 اسوا مستوى من نامي فاسمح لي انت لاتجيد التحليل مطلقا اين نامي وفهد الشمري وسعد الحارثي ممكن حلقة مبارك البيشي اتفق في اعارته لوجود عدد كبير مميز بالوسط الايسر |
الله يعطيك العافيه اللهم وفق الزعيم في كل مكان |
والحلقه رقم 53 من بيكون ؟؟؟؟؟؟؟؟ اتوقع عبدالرحمن بن مساعد .. ما بقى احد ما كتبت عنه |
ايمانا لاعب رائع جدا لفقت عليه اقاويل غير صحيحه |
يآحبي لك تقول حلقآتك صآئبة بنسبة 99% من شفت حلقتك عن محمد الشلهوب وانا داري انك تكتب من راسك ! وآلله مآظنيت آنهآ بتصيب 2% اقترح على ادارة المنتدى فتح قسم جديد (عيادة نفسية) لمثل بعض الحالات اللي تخطم بالمنتدى |
أيمانا , اللي ماقدر يوظف قدراته هو " فيفادول " لاعب مستحيل نقول مايعرف يلعب او أنه متعالي على الكره السعوديه !! مثله , مثل يوسف العربي , لم يحالفهم الحظ مع الهلال بوجود " دول " وتابعه هسيك , المدرب القادم هو من يقرر بقاء أيمانا أو رحيله ! توقعاتي " بأن ايمانا راح يبدع بوجود مدرب ولاعبين يفهمون طريقه لعبه , |
http://www.slstat.com/webpics/player_672.jpg هذا اللاعب اعادته للهلال كارثة هذا اللاعب في اول 3 مباريات كان يحرث الملعب بعدها صار يسحب رجليه بالملعب يعتقد انه اكبر من الدوري السعودي |
يعطيك ألف عافيه الناقد الصريح أتى من الدوري الأسباني وكان مع نادي ريال بيتيس ! أتفق معك أخوي وأتمنى أن يذهب عن الهلال : ) الله يكتب اللي فيه خير للهلال |
بمآ أنك انك تقول أحنآ جماهير وليس مدربين !! ليه تطالب بأبعاد وجلب بعض اللاعبين وكأنك أحد مدربين الهلال !! الاداره : تبحث دايمآ عن اللأعب المميز اللي يقدر يخدم الهلال .. وان شاء الله تتوفق في اختياراتها ملآحظه : بقاء بعض المحترفين او تغييرهم كليا بيد المدرب الجديد .. " لاتتعبون أنفسسكم " |
حسن خيرات , محمد الشلهوب , حسن العتيبي , مبارك البيشي , شافي الدوسري , فواز فلاته الاغلبية اللي ذكرتهم صغار بالعمر كبار بالاداء , ونخرج منهم العتيبي والشلهوب اللي كبار بالاداء والعمر كيف تبي احتياط طال عمرك يشيل فريق وانت كرشت نص الفريق ترا مايحتاج تكتب موضوع لمجرد انك تكتب موضوع , كنت من المعجبين بقلمك لكن بعد حلقاتك , الله يعينك ميسي لاعب غير مفيد لبرشلونة لانه بدون تشافي وانيستا مايسوى شي حلقتك الجاية عن ابوفيصل , مانحتاجه لانه عنده حساب بتويتر , عجبي |
ياخي مدري ليه انا غاسلن يدي منك لا عرفت ليه بسبب انتقاداتك التافهه واللي ماتودي ولا تجيب .. |
اعتقد ان دول لم يعطه الفرصة الكافية كما انني ارى ان اسلوب لعبه لايناسب جماعية الزعيم "اختلاف الرأي لايفسد للود قضية" |
والرأي الأول والأخير للمدرب القادم |
ياخوفي أن مسلسلك تركي وتبدأ في أعضاء الموقع واحد واحد .. |
الله يعينك على جمهور اللاعبين، بالفعل إيمانا غير مفيد مع الهلال و أفضل المدرب الجديد يجربه في المعسكر و يحكم. مشكوووورر،، |
متى يخلص فـلــــمك المكسيكي ننتظر حلقتك الاخيرة مع اني اعرفها تنتهي بموت البطل أقترح ان آخر حلقة عنوانها : (( رئيس النادي يطلق على رأسه النار في الموسم القادم )) وبكذا نرتاح من هالفيلم المكسيكي |
ياصاحبي دور لك شغلة بلا هرج ناقد صريح قال وايش 99% صائبة!!! تكفى لاتكتب خلاص خبصت المنتدى |
اقول تراك زوووتها وش ذا والله شكل بتوصل الحلقات 50 خلاص وقف والله ماعندك غير الكلام الفاضي قال ايمانا متعالي ياخوي دول ظلمه وانت تقول متعالي |
ليتك ترد على الردود أيها الناقد الصريح ا |
انا اؤيدك في كل حلقاتك المطروحه بدون استثناء لانك تنتقد بعيد عن العاطفة بعض الاعضاء اللي مدري وش اقول عنهم معصبين لانك انتقدت الشلهوب وويلي والان ايمانا .. بالنسبة للشلهوب لاعب مهم لشوط واحد فقط .. مثل ماذكرت .. وش فيها لو جلس بالاحتياط ؟ وكانه شيء مقدس !! نحبه ونحترم تاريخه لكن اللي يخدم الفريق بالملعب هو اللي يلعب اساسي بغض النظر عن الاسماء .. الخلاصة : الشلهوب مفيد كورقة رابحه وليس كأساسي بالنسبة لويلي يقولون بعض الاعضاء : ليش تنتقد ويلي وتجحد تاريخه مع الهلال!!!!! يعني اذا اللاعب قدم مستويات ممتازه بالسابق وحاليا لا يقدم كما في السابق خلاص ممنوع ننتقد ونخليه يستمر بإسم ماضيه وتاريخه !!!! وين المنطق يابعض الاعضاء اللي ما شاءالله فاهمين بالكوره !!!!! بالنسبة لايمانا لاعب مستهتر وفعلا جاي سياحه زي ماقال احد الاعضاء وانا مااحط اللوم على المدرب دول .. المشكله باللاعب نفسه وبطريقة تفكيره .. وهو لن ينفع الفريق واخيرا اشكر الناقد الصريح على جميع ما كتبه من مواضيع تصب في مصلحة الهلال .. والله يكتب كل مافيه خير للزعيم :ba: |
| الوقت المعتمد في المنتدى بتوقيت جرينتش +3.
الوقت الان » 02:23 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd