إقتباس الرسالة الأصلية كتبت بواسطة ابو عايش لو كان فكر سامي عالي ليش جاب سعد والجمعان والجيزاني

يعني أفهم من كلامك إن فكره مو عالي !!
طيب بنفس طريقة نقدك أقدر أرد عليك وأقولك إذا فكر سامي الجابر مو عالي كيف قدر يحقق النتائج الإيجابية أثناء إشرافه على الفريق واخرتها كأس ولي العهد؟؟
وبالطريقة هاذي ماراح ننتهي .. أنت تستعرض اخفاقاته وأنا استعرض لك أنجازاته!
أبغى تحليل في الكلام مو كلام مجمل وعام ..وشكرا

أعتقد أنه حان الوقت لتولي سامي تدريب الهلال ..

سامي قادر على تولي المهمة لما يمتلكه من فكر و خبرة ..

أنا واثق من نجاح سامي الجابر,, أتمنى أن تعطى الثقة لـ سامي ..

شكراً على طرحك الراائع

كـلامك جميـل وعين العقـل والصـواب
والله ليش لا ؟؟؟
لكـن ممكن انها تكون فكرة غير موفقة وترجع بمردود سلبي في حال أُخفق الفريق ولم يوفق ..
وراح يـُلام ســامي أولاً وآخــراً والإدارة ...

عمـومـا هي فكـرة رائعـة وخطيرة بنفس الوقت
وممكـن تحتمـل الصـواب أو الخطأ

يعطيـك ألف عـافيـه على موضوعـك والفكـرة وتحليـلاتك المنطقـية

,, والله يآنآس أنا كنت غير مؤيد لـ الشيء هذا ,, لكن من وعوده وثقته الكبيرة ,, ومن خلآل كلآمك ,, بدأت تكبر قناعاتي به ..و ع الأقل سيجتهد لأثبآت تحديه ,, وعلى كثر ترددي بشأن جعله مدرباً,,ويخوفي من أن يخفق ,, إلا أني كلِ ثقة بسـآمي ,, وزآدت حيرتي الآن ,, أتمنى الموسم القآدم أن يكون المدرب بلا تردد . وأما الآن :\ بقوة أقول لآآ أدري >>قلق للهلال وعلى سامي>>رغم ثقتي به

بكون معك صريح , ماودنا نجرب مدرب على حساب الزعيم

نبي مدرب مضمون يمسك الزعيم موسم كامل , سامي ما درب بحياته الا مباراه

مدري مبارتين , تبي تمسكه موسم كامل ؟

وقدامك مشوار كاس آسيا والدوري نبيه وكاس خادم الحرمين الشريفين : )

الهلال ليس بحقل تجارب
سامي يبداء اولاً بالتدريب لأندية اخرى وان سجل نجاحات توازي طموحات الزعيم فأهلاً بة
اما عدا ذلك فالفكرة مرفوضة

إقتباس الرسالة الأصلية كتبت بواسطة خيال هلاليه كـلامك جميـل وعين العقـل والصـواب والله ليش لا ؟؟؟ لكـن ممكن انها تكون فكرة غير موفقة وترجع بمردود سلبي في حال أُخفق الفريق ولم يوفق .. وراح يـُلام ســامي أولاً وآخــراً والإدارة ... عمـومـا هي فكـرة رائعـة وخطيرة بنفس الوقت وممكـن تحتمـل الصـواب أو الخطأ يعطيـك ألف عـافيـه على موضوعـك والفكـرة وتحليـلاتك المنطقـية

بالمناسبة هاذي : تذكرت كلمة للكابتن سامي الجابر يوم يقول : ( ترى الكايد أحلى )
وطبيعة وكريزما نادي الهلال هو يوفنتووس الشرق الأوسط وبرشلونة العرب والريال الملكي بتحدياته ومغامرااته المدروسة ...
أطالب وبقوة إسناد مهمة التدريب إلى الكابتن المدرب القدير / سامي الجابر وبإذن الله لن نندم ...... لكن أهم شي في الموضوع هو الطاقم الذي سيجلبه الكابتن سامي الجابر بأن يكون على أعلى مستوى عالي جداً جداً من الإحترافية المهنية ... ويتكفل سامي الجابر شخصياً بهذا الأمر .. وتكون كامل المسئولية فيما يتعلق بهذا الأمر للكابتن سامي الجابر.

لا انا اعارضك

مانبغى نغلط غلطة الموسم الماضي ونتعاقد مع مدربين ليس لهم سيفي تدريبي !!!! " دول + سامي + هاسيك " !!!!

نبغى مدرب متمرس ولامانع من وضع سامي كمدرب مساعد يعلمه الطريقة والاعبين المميزين وكل شئ بس بشرط هو ان نجيب مدرب كبير + سامي مساعد

صح لسانك أخوي

والله أنا أكثر الموافقين للفكرة

والله العظيم انه راح يكون من أبرز القرارات للادارة الحالية

ياخي سامي يقول راح أجيب جهاز فني مساعد على مستوى عالي

الاستقرار من اهم اسباب النجاح
اتمنى اشوف مدرب بالهلال يستمر اكثر من ثلاث سنوات

اخوي ماجد مع احترامي لطرحك اعتقد ان الفكرة مبكرة وسامي يحتاج لوقت وممارسة مع الفريق الاولمبي وبعد ذلك الوقت يكون هناك تقييم لعملة ويتم الاختيار اما في هذا الوقت فمن الصعوبة ان يتولى تدريب فريق مثل الهلال جماهيرة بالملايين لان ردة الفعل سوف تكون عكسية على سامي وسوف تؤثر على تاريخة لو اخفق وانا اعتقد ان سامي غير موافق على الموضوع تحياتي لك

الله لايقوله اما سامي بقود جربتس فكثر منها الفضائح طلعت يوم راح

وانت الله يهديك تبي تجيب عاليها علي واطيها قل مدرب اشبال شباب

وتخب عليه الان يمكن مساعد اما الاول صعبه قويه

أوافقك الرأي بشده، فسامي عنده طموح كبير وتوقع نسبة نجاحه قويه جدا وهو يعرف جيدا طبيعة المنافسات الآسيويه، يجب اعطاؤه الفرصه كامله وبعقد احترافي كامل وجهاز فني مساعد على مستوى ومتكامل

أنا اشجع واتابع الهلال منذ خمس وثلاثين سنه، ومتأكد بإذن الله اننا نساهم في صنع مدرب وطني قدير وعلى مستوى عالي، وأن الآسيويه المتمرده سيروضها سامي وفرقته وعندها ستكون الفرحه مضاعفه بإذن الله.


اشكرك على هذا الموضوع الكبير والرائع والذي كله ثقة في انفسنا بأننا نستطيع تحقيق طموحاتنا وأحلامنا بأنفسنا وبدون الخواجات ......

تقبل تحياتي،،،،