إقتباس الرسالة الأصلية كتبت بواسطة النار الباردة!! يوم باع رادوي واعار ويلي يوم خرج ببرنامج كورة وقال الموسم القادم استثنائي حتى العجمة يساله كيف موسم استثنائي وانت محقق الدوري من غير خسارة ..! يعني وش عندك اكثر من الانجاز هذه حتى يصير استثنائي بس جد صار موسم استثنائي بالفشل

إقتباس الرسالة الأصلية كتبت بواسطة حضرة زعيم انا يا استاذي الفاضل ما ابغى اخذ واعطي بالكلام بس احب اقولك حاجة انه من الظلم ان تحكم على عمل شخص بالفشل من المرة الأولى على الرغم من اني ارى بان الادارة لم تفشل بما انها تحقق بطوله في كل موسم ،،، لكن واضح انك تبحث عن اي خطأ او زله على الادارة وتتهمها بالفشل ؟ لكن اتمنى في حال نجحت الادارة وهذا ما يتوقعه اغلب الجمهور الهلالي انك تجي في نفس الموضوع هذا وتعترف بانك اخطأت في حكمك على ادارة النادي وانا بالمثل في حال حدث العكس ،،، تحياتي لك،،،

يا حبي /
انا ما اتصيد الأخطاء وانا مع الهلال بالحزن قبل الفرح ولكن ضد إدارة الهلال بالأسترجال والمعاندة .., واخطا الادارة كثيرة منها التفريط بالدكتور فيصل الى عدم حماية رادوي الى التعاطف والتخاذل مع النجوم السكوت مع من يسب الهلال
اما قصة البطولات هيبة وجمهور الهلال قادرة عل جلب بطولة على الاقل بكل موسم ..,

إقتباس الرسالة الأصلية كتبت بواسطة هلآلي زهرآني يـآخي ترى الكذب مو زين بحقك الكذب مو للرجـآل ... حـآول تكذب كذبه تنبلع بس هذي ما تنبلع سمو الامير في اخر برنامج مع تركي العجمه يضحك ويقول نفسي ياتركي اعرف متى طلعت مني كلمت موسم استثنائي وجيبوا لي تسجيل للكلمه لو طلعت مني يعني انها تلبيسه لابو مساعد وجلس تركي يضحك معاه ..... يعني لو صدق كلامك انه قالها في لقاء سابق مع تركي كان تركي قالها بوجه ابن مساعد كان قال الا انت قلتها في برنامجي وكلنا نعرف العجمه مايخلي شي يقول كل اللي يعرفه يعني بلاشي نصب زايد ثاني شي تقوول رخيص وكويس .. وابيعهم واستفيد منهم ممكن تحلل لي كيف رخيص وينباع ويستفاد منه..؟؟؟؟؟ عشان تعرف ان كلامك ما يكتبه واحد سنه اولى ابتدائي تناقض في نفسك عشان تهاجم الاداره بس .... تعرف شي خلني اروح اصلي اصرف من بعض السواليف اللي ما تودي ولا تجيب مع اللي زيك

والله ردى لك جاهز ,, بس حجم تفكيرك وعقليتك الصغيرة ما تسمح لي بالرد على آمثالك ..!

مع تمنياتي لك بالتوفيق والرقى

إقتباس الرسالة الأصلية كتبت بواسطة حب الزعامة معليش اخوي بس ليش نسيت لي يونق ليش نسيت هرماش العربي وايمانا لاعبين ممتازين حتى لو لم يوفقوا معنا فما يلغي نجوميتهم العربي رغم انه مالعب جميع المباريات ورغم انخفاض مستواه الا انه يتفوق على فكتور في نسبة التهديف اذا شلنا ضربات الجزاء واذا على بندر بن محمد ومحمد بن فيصل واحد جاب الدعيع وواحد جاب القحطاني يعني مو كل سنه جايبين اسماء سوبر ستار و عبدالرحمن بن مساعد جاب الشهراني وافضل مدافع بعد النعيمه اسامه هوساوي وفي عهد محمد بن فيصل نسيت مسلسل ياسر القحطاني ومفاوضاته اللي كانت قصة الف ليله وليله والشباب لا تقارنه باحد عنده ميزانية دوله مفتوحه من خالد بن سلطان وهذا يكفي

اسامه هوساوي جاء بعهد محمد بن فيصل وعبداللطيف الغنام

صباح الخـــير ..
ماشاء الله على جمهور الهلال دائما يلقون شي يتناقشون فيه حتى لو كان هالشي ماهو صحيح
تناقشو بموضوع مانويل جوزيه طلع سامي وقال المدرب ماهو مانويل ركدو يومين وارجعو يتناقشون انه ليه مانبي مانويل
ارحمونا كل ماادخل هالموضوع الاقي ياهواش ياتلفيق كلام
استغفر الله العظيم

مصادري الخاصه عن وقت وصصول الممدرب ؟
الكل عنده مصادره الخاصه وقلت ليش مايكون عندي مصصدر مثلهم























ممممدربنا ماهوب جاي الا بالععععيد <<عاد من اللي يتكفل ويجيب العيد بدري هع

والله ياحبيي يافواز لو تقفل الموضوع ابرك

الموضوع استهلك لم نستفد منه الا الأخبار الكاذبة

وبعض الردود السطحية

والمشاحنات لو فيه عصي كان الدم للركب

تسجيل خروج من الموضوع نهائياً لكم

اخواني الاعزاء

ابي انقل لكم وجهة نظري

اولا انا تابعت الكثير من الاسماء في تويتر على انها مصادر موثوقه

وكل ما سالت واحد عن معلومه لمح لها مثل يوم يقول واحد تم الاتفاق مع المدرب والخ...

اقوله انت تعرف المدرب قال ايه قلت طيب علمني

قال الكتمان ومدري وش بعد

وفالحقيقه انا ومن خلال وجهة نظري ان لا احد يملك معلومه ابد

ولكن كل شخص يبي يكون قريب من الحدث ويغطي بكلمة الكتمام

والحقيقه ان الامر مايستحق هالكتمان وخاصه المدرب

الامر واضح مفاوضات ومن ثم توقيع او عدم اتفاق

وفي هالصيف الهلال ماخلى ولا مدرب

والاسماء كثيره وانت عندكم منها خبر ولا يحتاج اقولها كلها

وفالاخير جميع مصادرنا في التوير مضروبه ولا يؤخذ منها شي

واعتذر على الاطاله

وانا اتحدى اي واحد يقول اني مصدر موثوق او عنده معلومه

واذا هو صادق وواثق يرسلها لي على الايميل

او على معرفي في تويتر

وانا اعاهد الله ثم اعاهدكم ان مايعلم عنها احد

واني متى ماكان صحيح المصدر اني اجي وافرد لها موضوع خاص وانزل رسالته واشهد له بالمصداقيه


فالاخير انا اقول حملنا الموضوع اكثر مما يحتمل الامر بسيط جدا

حماس الجمهور والمحبين جعله هكذا

اعتذر جدا

حسابي في توتير

https://twitter.com/#!/m7mdbnnjr

كأني بديت ارتاح
الاداره اكيد وقعت مع المدرب بس باقي الاعلان
لان يقولون الاعلان بيتأخر بعد وفاة نايف يعني حنا موقعين وقاضين

العربي وهرماش العربي نستغني عنه بس هرماش والله خساره

إقتباس الرسالة الأصلية كتبت بواسطة قهوه فرنسي اسامه هوساوي جاء بعهد محمد بن فيصل وعبداللطيف الغنام

اسامه انتقل عام 2008 وهي نفس السنه الي استلم فيها عبدالرحمن بن مساعد رئاسة النادي

ما من جديد يا زعماء ؟

و اخوي كرستيانووو ما اوفقك الراي ابد
الموضوع انقاش و تضييع وقت على ما تطلع الاسماء
و الاختلاف في الراي لا يفسد للود قضيه

إقتباس الرسالة الأصلية كتبت بواسطة النار الباردة!! الاعبين الأجانب استرجال من الأدارة من غير استشارة المدرب اما المدربين الهلال كان قادر ان يجن الكثير من المال بفسخ عقد جريتس بس ( حنية وطيبة قلب الأدارة ) اضاعة علينا الملايين

ممكن تفسر استرجال من الادارة !!!
وبعدين كلامك متناقض
مره تقول ادارة الهلال همها الاستثمار ومره تقول اضاعة الملايين من وراء جريتس
اسمح لي اذا رسيت على بر وعندك مآخذ حقيقيه على الادارة ساعاتها يكون النقاش حقيقي مو مضيعة وقت