عدد أهداف العربي Vs الكوري .. بالموسم كامل .! رقم قياسي للهلال .. - نادي الهلال السعودي - شبكة الزعيم

آلقُنــٍآصُ © · #1 24/05/2012, 03:15 AM

السلام عليكم ..

كيفكوم ان شاء الله طيبون ..

أول شيء مبرووووك التآهل و الحقيقة ليلة هلالية لن تنسى ..
مستوى ونتيجة وجمهور وفن طرب ومستويات واهداف بكل الآشكآل ..
بإذن الله الموسم الجاي افضل من كذا ونشوف الروح هذي بكل مباراة ..
فقط يجب ان ندعم اللاعبين بالحضور ..

الحقيقة موضوعي عن الكوري .. اللي انا برآيي انه الأجنبي الوحيد اللي يستحق البقاء في الهلال .. اما الباقين فـ أعتقد مايصلحون لنا ..

بتكلم عن نقطتين بالكوري .. الآولى هي بـ لغة الأرقام والتهديف ..
مع الإختلاف بين العربي والكوري .. انا أعتقد ان الكوري أفضل لـ عدة اسباب

أول شيء اذا نظرنا لـ عدد اهداف كل لاعب ..

الكوري بالدوري 6 اهداف .. ابطآل آسيا 5 اهداف .. وكاس ولي العهد 5 اهداف ..
وكاس الملك لم يسجل ..!
هذي 16 هدف بالموسم مجملآ .. مع العلم انه احتياطي اكثر من نص الموسم
ولسى الاجواء ماكتملت عنده بحكم اللغة واول تجربة خارج كوريا ..

اما العربي .. فـ له 12 هدف بالدوري .. و4 اهداف بآسيا .. وولي العهد والملك لم يسجل اي هدف !!

يعني المجموع برضو 16 هدف .. مع انه اساسي كثير من المباريات .. ويعتبر المهاجم الأول بالتشكيلة بالهلال ..

ونقطة مثل ما يعرفها الكل .. الكوري سجل بالنصر هدفين بولي العهد .. هدف بالاتحاد بولي العهد .. وهدف على الاهلي بالدوري ..
والعربي ما سجل على اي نادي كبير .. يمكن الهدف اللي يعتبر على منافس مباشر هو هدف على بيروزي فقط ..

وبالنسبة للعمر الكوري اصغر .. وخانت لاعب آسيوي .. وغير كذا التحركات وصناعة الفرص لـ نفسة ..
مش لاعب ثقيل وينتظر الكورة توصل له ..

انا بإعتقادي الكوري يبي بس صبر .. أتوقع الموسم الجاي يكون أفضل من كذا بكثير ..

لكم الحكم .!

بالنسبة للأجآنب القآدمين .. أتوقع اللاعبين العرب ماينفعون مع الهلال .. لا هرماش ولا عربي .. التايب وبس

والنقطة الثانية .. الكوري ثاني لاعب يسجل سوبر هاتريك بدور خروج المغلوب ..
في دوري أبطآل آسيا بالنظام الجديد اللي بدأ من 2003
بعد مهاجم جونبوك الكوري الموسم الماضي .. سجل سوبر هاتريك ..

وبعد جولة على السريع بموقع كورة .. أظن هذي أكبر نتيجة بدور خروج المغلوب ..
فيه مباراة 6-0 وفي 7-2 .. لكن 7-1 أتوقع اكبر نتيجة ..

الأكيد انها ليلة هلالية لن تنسى ..
بالتوفيق بالآدوار القادمة ان شاء الله .. وفالنآ البطولة ..