عدد أهداف العربي Vs الكوري .. بالموسم كامل .! رقم قياسي للهلال .. - نادي الهلال السعودي - شبكة الزعيم

آلقُنــٍآصُ © · #1 24/05/2012, 03:15 AM

السلام عليكم ..

كيفكوم ان شاء الله طيبون ..

أول شيء مبرووووك التآهل و الحقيقة ليلة هلالية لن تنسى ..
مستوى ونتيجة وجمهور وفن طرب ومستويات واهداف بكل الآشكآل ..
بإذن الله الموسم الجاي افضل من كذا ونشوف الروح هذي بكل مباراة ..
فقط يجب ان ندعم اللاعبين بالحضور ..

الحقيقة موضوعي عن الكوري .. اللي انا برآيي انه الأجنبي الوحيد اللي يستحق البقاء في الهلال .. اما الباقين فـ أعتقد مايصلحون لنا ..

بتكلم عن نقطتين بالكوري .. الآولى هي بـ لغة الأرقام والتهديف ..
مع الإختلاف بين العربي والكوري .. انا أعتقد ان الكوري أفضل لـ عدة اسباب

أول شيء اذا نظرنا لـ عدد اهداف كل لاعب ..

الكوري بالدوري 6 اهداف .. ابطآل آسيا 5 اهداف .. وكاس ولي العهد 5 اهداف ..
وكاس الملك لم يسجل ..!
هذي 16 هدف بالموسم مجملآ .. مع العلم انه احتياطي اكثر من نص الموسم
ولسى الاجواء ماكتملت عنده بحكم اللغة واول تجربة خارج كوريا ..

اما العربي .. فـ له 12 هدف بالدوري .. و4 اهداف بآسيا .. وولي العهد والملك لم يسجل اي هدف !!

يعني المجموع برضو 16 هدف .. مع انه اساسي كثير من المباريات .. ويعتبر المهاجم الأول بالتشكيلة بالهلال ..

ونقطة مثل ما يعرفها الكل .. الكوري سجل بالنصر هدفين بولي العهد .. هدف بالاتحاد بولي العهد .. وهدف على الاهلي بالدوري ..
والعربي ما سجل على اي نادي كبير .. يمكن الهدف اللي يعتبر على منافس مباشر هو هدف على بيروزي فقط ..

وبالنسبة للعمر الكوري اصغر .. وخانت لاعب آسيوي .. وغير كذا التحركات وصناعة الفرص لـ نفسة ..
مش لاعب ثقيل وينتظر الكورة توصل له ..

انا بإعتقادي الكوري يبي بس صبر .. أتوقع الموسم الجاي يكون أفضل من كذا بكثير ..

لكم الحكم .!

بالنسبة للأجآنب القآدمين .. أتوقع اللاعبين العرب ماينفعون مع الهلال .. لا هرماش ولا عربي .. التايب وبس

والنقطة الثانية .. الكوري ثاني لاعب يسجل سوبر هاتريك بدور خروج المغلوب ..
في دوري أبطآل آسيا بالنظام الجديد اللي بدأ من 2003
بعد مهاجم جونبوك الكوري الموسم الماضي .. سجل سوبر هاتريك ..

وبعد جولة على السريع بموقع كورة .. أظن هذي أكبر نتيجة بدور خروج المغلوب ..
فيه مباراة 6-0 وفي 7-2 .. لكن 7-1 أتوقع اكبر نتيجة ..

الأكيد انها ليلة هلالية لن تنسى ..
بالتوفيق بالآدوار القادمة ان شاء الله .. وفالنآ البطولة ..

ابو شجاع الهلالي · #2 24/05/2012, 03:22 AM

والله بطل هالملييح

احس انه طلع قهر موسم في هالمباراة
بس خانة اللاعب الآسيوي المفروض نستغلها بغير مركز الهجوم
لأن الهجوم خانة البرازيلين

اتمنى استغلال خانة اللاعب الآسيوي في مركز غير المهاجم

سلطان الخويطر · #3 24/05/2012, 03:26 AM

الف مبروك للزعمااااااااااااء التأهل وبإذن الله فالنا البطولة
ما قبل المباراه موسم للنسيان ولكن ان شاء الله تتغير الامور وتكون خيره لقادم الايام

بالنسبه للكوري اتوقع عدد اهدافه 21 اتمنى احد يصحح لي ؟ ماني متاكد

يمكن الاداره تفكر بالاستغناء عنه الموسم القادم لكن افضل الاعاره لاحد الانديه لاعب ينتظر منه الكثير

آلقُنــٍآصُ © · #4 24/05/2012, 03:40 AM

إقتباس

الرسالة الأصلية كتبت بواسطة سلطان الخويطر


	بالنسبه للكوري اتوقع عدد اهدافه 21 اتمنى احد يصحح لي ؟ ماني متاكد

21 هدف يمكن مع الوديات .. لانه بـ بطولة الرياض الدولية قبل بداية الموسم مسجل فيها خمس اهدف ..

غير الاهداف بالمعسكر الاوروبي .. لانه له هدف هناك بعد ..

ومبروك مرة ثانية للجميع ..

عبودي الهلالي 2011 · #5 24/05/2012, 03:28 AM

شوف الكوري اتمنا يبقى ويجلبون مدافع بدال العربي ووسط طرف بدال ولي اتمنى يكون

سياو الي مع الشباب الاماراتي او يجلبون احسن بعد مع بقاء هرماش او يجلبون احسن منه

سريع لان هرماش بطيئ وتكون التشكيله كالتلي

شــــــــراحيلي

يا سر الشهراني ...... يحيى المسلم ..........مداف اجنبي ........البيشي

الفرج .................................محور اجنبي

طرف اجنبي ........ ياسر .............. العابد

الكوري

هلاليه ودمها خفيف · #6 24/05/2012, 03:34 AM

الف مبرووووووووووووووك الفوووووووز والتأهل ،،واتمنى ابقاء (ويلي) وجلب مهاجم افضل من الكوري واذا ما فيه افضل منه اتمنى بقاءه

عآشقه الهلاآل · #7 24/05/2012, 03:43 AM

اتمنى بقاء الكوري وهرمااااش

لاتستغرب انا هلالي · #8 24/05/2012, 03:45 AM

هو يمكن لسى مادخل جو المبارايات
وان شاء الله مع مرور الزمن يبدع اكثر
والله يوفق هلالنا

Ganso · #9 24/05/2012, 03:59 AM

مادخل جو المباريات الموسم انتهى يالطيب
عالعموم اتمنى ان الكوري يبقى وبعدين اشوف فيه مواضيع
تكتب التشكيله للموسم القادم بدري ياخووووان
الحين وقت مواضيع نجمع السلبيات والايجابيات للموسم المنصرم
عشان الادراة تتلافها ونقطة اخيرة <بعض< الجماهير ظلمت الفريدي
بس الذهب مايصدا ابد يافريدي

نزف الحقيقه · #10 24/05/2012, 03:51 AM

مبروك لك
والكوري يبقى فقط ..وويلهامسون

والبقيه بيباي

Mr.MemoOo · #11 24/05/2012, 03:51 AM

اتنمى بقاء هرماش والكوري وجلب مدافع بدل وليهامسون وصانع لاعب بدل العربي ويرجع ياسر والتجديد مع الفريدي مهم جدا

كياني 15 هلالي · #12 24/05/2012, 03:52 AM

اتفق معك تماماً في بقاء الكوري وأكيد الموسم المقبل بيكون قوة تهديفية للزعيم إن شاء الله

أما الباقين فنقول لهم مشكورين وما قصرتوا وأتمنى تغييرهم مع عدم عودة إيمانا نهائياً .

هـ ضرماء ـلالي · #13 24/05/2012, 03:54 AM

ما يعيق الكوري هو لغة التفاهم مع اللاعبين .. اذا عنده استعداد يطور لغته الانجليزيه
خلال فتره وجيزه ما يمنع يبقي ام غير كذا فالاثنان الافضل رحيلهم ..

شكرا لك ..

ALHLAL-20-15-14-9 · #14 25/05/2012, 11:08 AM

إقتباس

الرسالة الأصلية كتبت بواسطة هـ ضرماء ـلالي


	ما يعيق الكوري هو لغة التفاهم مع اللاعبين .. اذا عنده استعداد يطور لغته الانجليزيه خلال فتره وجيزه ما يمنع يبقي ام غير كذا فالاثنان الافضل رحيلهم .. شكرا لك ..

الكوري الان يتعلم اللغه الانجليزيه ...

اوزيل · #15 24/05/2012, 04:01 AM

اتمنى بقااااء الكوري فقط

لان العقده في الهجوم

وجلب مدافع اجنبي

ومحور اجنبي

وظهير اجنبي

الوسط ماعليه خوووف بتواااجد العابد الدوسري سالم ومحمد الشلهوب وعبدالعزيز الدوسري وسلمان الفرج