لاحول ولا قوة إلا بالله ؛ اللهم لاشماته ..
يعني أوكي هم أحرار بتوجهاتهم وميولهم .. وليس مطلوب منهم إنهم يشجعون الهلال أو يتمنون للهلال الفوز ، لكن في ذات الوقت لانكون مسخرة أمام الخليجيين ويجاهرون بمثل هالأمور هاذي ..!!! اللي ماأدري وش اسميها ؟؟
يعني فعلاً بدل مايتوجهون لإعادة فريقهم النصر وإعادة خططهم واستراتيجياتهم
وتغيير جلدة فريقهم اللي أصبح وبكل أمانة الفتح ونجران اقوى منه !!
سبحان الله رجعت بي الذاكرة للخلف قليلاً .. وتذكرت تحقيق الزعيم السداوي بطولة آسيا وهو يستحقها بلا شك ؛ لكن من الأشياء اللي ساعدت السد على تحقيق البطولة وهاذي حاجة ( نعترف فيها كسداويين ) هو الإعلام القطري ووقفة جميع الأندية القطرية ودعمهم للسد ، وشفنا كيف الأندية القطرية استقبلوا لاعبين السد في المطار بعد تحقيق البطولة !! يعني من أشرس الأندية تنافس مع السد وديربي السد معروف هو النادي العربي تقريبا والكلاسيكو مابين الغرافة والريان ، ومع هذا هذه الأندية الثلاثة كانت من أوائل الداعمين للسد ، ولا أقول إلا الشكوى لله ، لكن فعلا ( أغلب السعوديين في المجال الرياضي ) للأسف محتاجين فكر وثقافة رياضية مو محتاجين زيادة أمراض وتشنجات نفسية .. وفكر دمار وخراب على جيل قادم !!!

مو غريبه منهم
وهذي عاداتهم وليست مستغربه

ومساكيين هم وبأذن الله العالميه من نصيبنا

دامهم يعرفوا نقاط ضعفنا خلهم يفوزوا علينا هههههههههه

والله ياهل الفقراويه مسوين قلق مفشلينا بكل محل لامن رايس لامن جمهور لامن لاعبين والله مشكله كبيره هالفقر ياليت يحطولهم بطوله مع نفسهم يلعبون مع نفسهم وياخذون البطوله صدق خبيلان ماصديقي الا انا

الله يعطيك الف عافيه مو مستغرب من الفقراويه
الهم وفق الزعيم في كل مكان

يعطيكم الف عافيه على المتابعة , وتسلم يديكم ..

الهلال دائماً وأبداً شوكةً في حلوقهم !
لهذه الدرجة وصل الحقد على الهلال !

ليش مستغرب الاخ هذا الفقر وهذا جمهووره الله ياخذهم
هم وقفوا مع شيعه فمو غريب اذا وقفوا مع دولة خليجية

الحمدلله الذي عافانا مما ابتلاهم به !!
..............

انا راح اعتبرها احدى بشائر النصر
فالتاريخ يقول كل مره يساندون فريق ضدنا يخرجون يجرون اذيال الهزيمة والفشل

شي موسف يضهر به جمهور النصر
وليس غريب ان يقفوا ضد الهلال
والنصراويين اللي واجهو فوزي بشير
ليش ماتشوف نقاط الضعف على فريقك
كي تواجه رئيسكم وتخبره كي يعالجها
وتهتم بنادي ووجود الحلول لفريقك الذي
لازال يدخل عمر الثالثة عشر لم يحقق اي بطوله

لله درك ياهلال
ستبقى يازعييييييم انت العقده البهيييييييم
بالتوفيق لنادي القرن

حي الله الكابتن فوزي في بلده الثاني اولا .. وثانيا الموضوع بسيط جدا اذا ما عرفنا مدى التنافس بين الناديين وهالشي يحصل في كل بلدان العالم بين فرقها المتنافسه ولو كان الفريق المنافس لفريق فوزي النصر لوجد نفس الشعور والاماني من الهلاليين .. لذا يجب ان نتجاوز مرحلة الاماني والتحدث عنها لانها محسومه سلفا والالتفات والالتفاف حول الفريق لدعمه ومساندته على ارض الحدث بالحظور والتشجيع .. بالتوفيق للفريقين

لاحول ولا قوة الا بالله وبعدين مع هالمساكين عقليا