بسم الله الرحمن الرحيم

بصراحه المفروض أكتب الموضوع بعد مبارات الاربعاء بس عجزت أصبر
أقسم بالله العلي العظيم أني صادق ولا أرمي بالذمم وعندي إثبات على ذلك
في مبارات الفتح زعلت موا على الاعبيييين لا على إدارة الهلال ليش ماتكلموا
عن حكم مبارات الفتح وأخطائه خصوص الفأول للهلال ولاعب الفتح واقف قريب
والحارثي شاته بالاعب والكل يعرف اعاده وكرت على اللي واقف ومشاه وكذلك
البلنتي وشفت تحمس رجل الخط لما رفع الرايه واشاره فيها لاحضوووه بغى
يطير فرح وانا اقول يمكن فيها دفع او احتكاك عادي لاكن فيه اشياء اصعب من
هذي وتمشا لاكن أرجع لقسمي وأثباتي اليوم اعادوا مبارات الهلال والفتح وبالصدفه أحد
أقاربي قال رجل الخط اللي رفع الرايه درسنا في مدرسه سهماء الابتدائية بحايل
أسمه ( خلف زيد المهناء ) وقال والله أنه المفروض مايصير حكم لأنه يشجع النصر
وبقووووه والله يقول لافاز النصر جاء وقال وش تبون اليوم تبون اطلعكم رياضه
او راحه او تدللوا بس واللي يشجعون النصر رغم انهم قليلين بس يعاملهم معامله
خاصه شوفوا وهو صغير منتقده لازم نأخذ الحيطه من هالاشكال وعلى الاقل
نخليهم بالقائمه ونتحذر منهم او ما يحكموا لأي مبارات للهلال عاد أنا وصلت
صوتي وعندي إثبات على ذلك وشواهد ومن حبي للهلال واخلاصي كتبت
الموضوع وعارف تقولون واجد الحكام اللي على هالاشكاليه لاكن لازم نفضحهم
ونخليهم تحت المجهر أنا أبريت ذمتي وقلت اللي عندي والله شاهد على ما أقول
ولا أحد يقول المبارات موا مهمه لازم ندافع عن حقوقنا للمستقبل لاتكلمنا واخذنا
موقف من حكم ماتكرر ثانيه مثل مطيرف حرمنا نقاط الله لايرده والله لايوفق
كل ظالم خائن للأمانه والله يفضحه قدام الله وخلقه أنه سميع مجيب

اه بس ..
مانقدر نقووول الا حسبي الله ونعم الوكيل ..

لو اهتمينا فيها وبتفاصيلها

كان مالعبنا بالصف الثالث


يستاهل الفتح ونعتبرها هديه من زعيم قارة اّسيا

لأنه انظلم بقبل النهائي من الفقراوي المرداسي

الي فات مات

عندنا مباراة يوم الاربعاء لازم نركز فيها

ألف شكر للجميع وعارف كلامكم سليم الهلال مايفكر الأ بالاول
بس مانبي حق لنا يضيع ولازم نأخذ الحيطه من هالاشكال وتنقهر
لاعرفت إن فيه حكم مكانه المدرج لاصار ماله ذمه وذمته يتحكم
فيها الميول على الاقل نبعدهم عن هلالنا الغالي
والله يوفق هلالنا يوم الربوووووع ياكريم والف شكر للجميع

الله يوفق هلالنا في مباراتنا الاسيويه

إقتباس الرسالة الأصلية كتبت بواسطة رعد الجنوب1 مع احترامي لجميع الردود الا انها خارج نطاق ماكان يرمي له صاحب الموضوع 0صاحب الموضوع يقصد اخذ الحذر من هذا الحكم في قادم الايام لاتسند له مباراه للهلال مع فريق منافس نتيجتها تحدد مصير الفريق ويكرر نفس الخطاء0وليس الهدف مباراة الفتح0

تسلم لي وبلا قصور بالجميع إيوالله هدفي زي ماتكرمت
وحتى الحكم لاأنكشف ميوله خلاص عرف أنه تحت المجهر
يا يخلص بعمله ويكووون أمين يا يبتعد عن كل الشبهااااااات

والف الف الف شكر لكل من شرف لاعدمتكم يالزعماء
والله الله بالربووووووووووووووع تكفوووون بيضوا الوجه

إقتباس الرسالة الأصلية كتبت بواسطة ابومعلا اخوي الموضوع مو مو وقته ...لكن هذا اتهام صريح بامانه شخص ... انا مايهمني نصراوي فقراوي طحلبي ...لكن انا احسن ظني واثق في امانته ...هذي كوره =جلد منفوخ على قولتهم يعني ...اذا خان الامانه فلا انا ولا انت قادرين نعاقبه لان فيه رب وهو اشد عقاب ... صدقني اعتماد الميول على مصادقيه الاشخاص خطأ نصراوين واهلاوين وهلالين واتحادين لكن الامانه طريق لن يحيدوا عنه ...وطبعا في العكس ... يعني الميول لاتهتم فيه ...اتمنى اخوي تبعد عنك الظن السيء ...لانك بتسأل ومؤكد ستعاقب اذا انت ظلمت الرجال ... في الاخير ...هي مبارة ثالث ورابع ..مبارة لاتهمني ولا لم اعرها اي اهتمام لكن غضبت للنتيجه الكبيره 3-0 كـــبيره في حق الزعيم فقط ... بالعكس الخساره كنت اتمناها لاني ابي التركيز كامل على الاربعاء ... والزعيم يبي الاول غيره ماهو همنا ... بالتوفيق للزعيم وابعد وانا اخوك عن الظن السيء ...لان الله فقط يعلم مافي القلوب ..

امااا اتهام اقووول لك والله متعصب لفقراويته وأنا اللي ابي اسأل عن هالكلام
يفرح بفوز فريقه ويعامل اللي يشجعون الفقر معامله خاصه ويحاول الباقين
يكونون معه بفقره يا أخوي اللي بيسوي كذااا يبعد عن هالمكان ويكون بالمدرج
ويشجع على كيفه وماقلت له لا عساهـ على فقره طول العمر أنا أحذر منه
وكان حناااا من الحيييييين وأنت هلالي صميم رااااااح تتذكر كلامي زين
لاوقع الفأس بالرأس وحرمك بطوله مثل مطيرف أو العمر وش فايده الندم
وأنا ليش أخترت هالشخص لأن المعلومه قلته ومتأكد منه ويظلمني ربي كأن
ظلمته والله ماقلت هالكلام الأ متأكد مليووووووووووووون بالميه