الكوري ستكون له صولات وجولات مع الهلال بالموسم القادم ( إن شاء الله ).

الكوري لاعب ممتاز بس ماعنده حظ قدام الباب

يعطيك العافية لاعب تحركة ممتاز لاكن تركيزة امام المرمى سيء ,,
لذا فنحن نحتاج لهداف وليس لمشاغب اتوقع ماينفع للهلال هذا اللاعب .

الكوري مصيبة نحن في كرة قدم لسنا في ألعاب قوى

اللاعب فاشل ويضيع جميع الفرص والميزة الوحيدة الي فيه هي التمركز اما غيرها اسمحلي اقولك تراهه داج

الكوري باختصار افضل ان تتم اعارته الى نادي سعودي من اندية الوسط و تحت بحيث يضمن اللعب اساسي كل الموسم و يتعود على اللغة و الأجواء اكثر, مع وضع شرط في الإعارة انه ما يلعب امام الهلال في أي مبارة

معظم اندية اوروبا القوية تسوي نفس الشيء مع الاعبين الصغار من خارج القارة

منها نشوفه بشكل مستمر و يتم التقييم بشكل صحيح و ممكن نرجعه في الشتاء اذا احتجنا

بعد سنه يرجع و هو عمره 23 و اكثر نضج و نقدر نبيعه بسعر احسن اذا ما احتجناه

الكوري اخذه الهلال وكان وقتها الدوري الكوري ب منتصف الموسم ..

وع طول راح للمعسكر يعني سنه ونص وهو يركض..

ف بداية المعسكر كان كل مباراه يسجل ويبدع.. ولكن للاسف اصيب وماعاد لعب وطبعا دول صككه ب الدكه.. واي مباراه يلعبها يبدع ولا انسى مباراة الاهلي..

مع ان الفريق هالموسم ،مافيه نجم لكن الكوري يكون افضل 3 لااعبين ف الهلال هالموسم وثاني اجنبي بعد هرماش...

وفعلا لو فرط فيه الهلال راح يندم خصوصا اذا انتقل لنادي سعودي!! عمره صغير ، وماعنده مترجم ولا يعرف انقليزي واول مره يطلع برى كوريـا؟؟ ع كل هالحوسه الا انه نجم!! واتمنى يبقىىا..

إقتباس الرسالة الأصلية كتبت بواسطة ابو سلمه الهلالي اخوي اضم صوتي لصوتك الكوري فنان بس ما اعطي الفرصة ولا تهتم ببعض الردود الي تقلل من اللاعب الكوري خطيرللاسف فيه ناس اعمارهم صغيرة وما تفهم يبون المهاجم يكون مثل الكابتن ماجد الكوري يستلم ويسلم صح ويتمركز ويقاتل وبنيته ممتازه وتلاحظ كل الكور العالية يحولها صح للوسط يعني لاعب تكتيكي من طراز نادر لاحظ العربي على طوله الكور العاليه للخصم ولا يهون هرماش بس اخوي لا مانع اذا كان البديل افضل منه لأني بصراحة ودي باثنين قلوب دفاع وواحد محور ومهاجم واحد تقبل مروري ,,,,,

يَ خوي نبي مهاجم يخلص أهداف مب أي كورة تجيه يرجع للدفاع وإذا جت عرضية له تلقاه بعيد عن المرمى ؟

إيش اللي تكتيكي يناول تنقطع كل مناولاته خطأ :@

سول إللي مانجح معنا والله أنه أفضل من يو بيونق

جمهور الزعيم العزيز اهتمامكم بهلالكم هو وقوده للبطولات والانجازات
وتدخلكم في عمل الادارات يلخبط احيانان الخيارات وانظرو الى ايمانا
وحملتكم الشعواء والمطالبه به بسبب اشرطة يوتوب
وتراني انا كتبت معكم مطالبات كثيره بإيمانا وندمت بعد شفت مبارته الاولى
الان لدينا لاعب شفنا مستواه وعلى الطبيعه اليس كذلك
طيب فيه ناس تطالب فيه ؟ لماذا
وفيه ناس ماتبيه ؟ ايضا لماذا
انا مع اللي يبونه السبب اراه مشاغب ومجتهد لم يوفق حتى الان
الم ترو هدفه اللي ماشافه الحكم وش ذنبه يشوت على الباب وتدش
ومايحتسبه الحكم
اللاعب لن يأتي للهلال افضل منه الا اذا كان مغموراً من البرازيل
مثل سيرجو المجنون اشوفه لاعب مناسب مع ياسر 100%
اوافق على اعطائه فرصه للسنه القادمه
طرد هرماش ويلهامسون على المطار مباشره لاتقول هرماش
هرماش مايتقيد بتعليمات المدربين ويترك منطقته دائماً
ويتداخل في عمل المهاجمين ويضيع عليهم فرص كثيره
ويلهامسون عرفتو مستواه في ثلاث سنوات الله لايبارك فيه
العربي لاعب تكتيكي لم ينسجم الاستغناء عنه في حالة عودة ياسر
فقط فقط لاعب مدافع ضروري ومحور هذا اللي بيجيب العالميه
وليس اسيا
زعماء كونو على الموعد الاربعاء وقفت رجل واحد وزي واحد
وسووو زي الحرس الجمهوري اللي في جده مـــــــــــــــــلكي
زعماء احبكم من قلبي

اقووول تلايط بس

والله ماعنده ماعند جدتي

فرص ولا اسهل منها يضيعها قدام المرمى لاتقوللي يبي مترجم يقول له ترى القول قدامك !!!!

القناص قناص ياخوي واللاعب هذا مايعرف طريق المرمى زين

نبي مهاجم قناص يجيد استثمار الفرص مو يضيعها

احترامي لك

الهلال ليس نادي للاعداد الاعبين حنا جبناه تراه اجنبي لو سعودي ممكن نصبر عليه لكان اجنبي

؟
؟
كلامك سليم 100%

انا من رايي ان اللاعب لو حصل راحه نفسية الموسم المقبل ووفرت له الاداره علاقات ومترجم
ويزوجونه بعد
انه راح يكون هداف الدوري السعودي الموسم المقبل
لاعب بنيته قويه ومهاري

بس يبغاله ترصيص وكفرتين صغار حقت سيكل على الجوانب
عشان مايطيح

؟
؟

اللاعب متميز ومقاتل لكن مشكلته الحظ وكثرة ضياع الفرص هذا حلها عند مدرب عالمي يعرف اللاعبين صح..
أهم مافي اللاعب هو لياقته وطاقته ما شاء الله اللاعب الكوري ماعنده مشكلة يكمل 120 دقيقة بدن تعب ماشاء الله..
عنده طاقة ما شاء الشاحن كوري أصلي..