الكثير من عشاق الزعيم يتسأل عن مستوى المايسترو والفيلسوف الفريدي ولماذ هبط هذا الموسم؟
والجواب أن الفريدي لاعب ذكي ويحتاج الى مهاجم ذكي يترجم ذلك الى أهداف
مع احترامي للمهاجمين الحاليين الذين تعب معهم ابو عمر وتضيع عشرات الفرص

(مثال ذلك مباراتي الاهلي ومبارة الاستقلال) ،

وبمشيئة الله سيتألق الفريدي(ابو عمر) عند عودة القناص

وخير مثال هدف القناص على الاتحاد 1/0 الذي أبدع الفريدي وترجمها القناص ليحقق الهلال الدوري 2008...

ونسأل الله أن يوفق الهلال الزعيم ونجومه شرور اعداه ...

الموضوع للنقاش فيما يعزز نجومية الفريدي بالنقد البناء

هلا اخي الغالي

والحقيقة ان الفريدي من فصيلة اللاعبين الموهبين بالفطرة

وارى انه بامكانه ان ينحت اسمه بالذهب في قائمة افضل فناني كرة القدم السعودية التي يتزعمها اعجوبة الكرة و اسطورة الفن يوسف الثنيان

فهو موهوب مراوغ وصانع لعب مميز ويستطيع تجاوز كمية لاعبين في اضيق مكان في الملعب وفي احرج الاوقات

العيب الوحيد الذي اراه بالفريدي هو البطأ الشديد الذي يقتل الهجمة ويسمح للمنافسين بالعودة للمواقع الدفاعية

اتمنى منه ان يهتم بسرعة الاداء وسرعة الانتقال بالهجمة المرتدة ، فالسرعة الان مع القوة هما العنصران الاكثر اهمية في عالم انتصارات المستديرة

شكرا لك اخي الغالي

الفريدي لاعب مميز جدنا لكان يحتاج الى انه اشوي يتحرك زي مباره بيروزي وايضنا يحاول يفتح اللعب شوي
ولا الفريدي لاعب مميز جدنا والدليل مباره الاهلي طلع مع انه لم يكن بمستواه وبخروجه سيطر الاهلي على وسط الملعب والمباره

إقتباس الرسالة الأصلية كتبت بواسطة امووت فيك ياهلال الفريدي لاعب مميز جدنا لكان يحتاج الى انه اشوي يتحرك زي مباره بيروزي وايضنا يحاول يفتح اللعب شوي ولا الفريدي لاعب مميز جدنا والدليل مباره الاهلي طلع مع انه لم يكن بمستواه وبخروجه سيطر الاهلي على وسط الملعب والمباره

الفريدي مثل التايب كان مرتاح مع ياسر ويفهم وين يبي الكرة ،
وبمشيئة الله عند عود ابو عزوز القناص أتوقع بل اراهن على الابداع لين الاثنان لمصلحة الزعيم لأن صانع اللعب بدون مهاجم لماح ويفهمه على الطاير ستكون معظم كراته بدون فائدة ....

وكذلك لاحظو ان ياسر مع العين صنع العديد من الاهداف لسامواه والعكس صحيح ..
نتمنى الابداع لحميع من يخدم الزعيم ...

اتمنى له التوفيق والابداع امام الغرافه يوم الثلاثاء

فكونو مع الزعيم ...

الفريدي لآعب مهاري و ذو نكهة مردونية باردة

الفريدي لآعب مزآآجي ( إن صح التعبير ) ..

يحكيني واحد من الربع كان يدرس ويا الفريدي بنفس المدرسة يقول نفس لعبه للحين ماتغيير

صدقوني هذه الميزة مفتقدينه من آيام بويعقوب و الثقة الملكية اللي يحملونها الفريدي لو يضبط شوي وتقل نسبة المزاجية عندهـ صدقوني راح نشوف بويعقوب الالفية الجديدة

بلآخير اللي فوق ذا رأئي المتواضع ويمكن الخاطئ بعد لآني اكن لهالإنسان معزة هلالية اخوية

يالبى الفريدي والله
ما ارتاح الا إذا كان موجود بالتشكيله

إقتباس الرسالة الأصلية كتبت بواسطة ssnn19 يالبى الفريدي والله ما ارتاح الا إذا كان موجود بالتشكيله

+1
بصراحة الفريدي لاعب نادر تلقاه في الملاعب العربية

إقتباس الرسالة الأصلية كتبت بواسطة keepoff +1 بصراحة الفريدي لاعب نادر تلقاه في الملاعب العربية

معاك اللاعب الموهوب عمله نادرة ...

اذا كانت ع هذي النقطهـ صرآحهـ ماهو ببعيد من المهاجميين في تضيع الفرص وخصوصا الي يواجهـ بهآ الحرآس
أحمد نفسيه اذا كان مبسوط ومروق والله ان يطربكـ امام اذا كان العكس الله يعينا عليه

لاعب مهاري وفنان يعيبة بعض البطء ...ان شاء يكون في يومة المباراة القادمة .
ويقدم مستوى مميز مع باقي افراد الفريق .

يبي جلسة مع محلل نفسي يغير من مزاجيته شوي
ياهو راح يبدع ابدااااع
يطربني الفريدي بأدائه وبروده

الفريدي سوف يبدع عند انتقاله الى ناديه الجديد ولمدة سنه بعدها سوف يرسل لهم رساله زودوا المبلغ انا نفسيتي تعبانه ولا...

الفريدي غير غير غير ولا عزاء للمرجفين

الفريدي هذي السنه تعرض لضغط نفسي كبير (استفزاز)لو على غيره كان سحب ع النادي

والله كل ما اتذكر اوقات دخوله للملعب (قبل النهايه بخمس دقايق او شي قريب منكذا)

اني اقول حسبي الله عليك يا................

يعني ع بالك مانفهم هالحركات التي تجاوزت مفهوم العقاب ودخلت مفهوم التطفيش والاستفزاز

شكرا لك اخوي احييك ع موضوعك

اخوك

الفريدي لاعب كبير عيبه الكل يعرفه البرود الغريب

لكنه لاعب موهوب ولايهمه الفريق المقابل وباستطاعته ان يبدع متى ماراد

يملك المهارة والذكاء والتمرير وحتى استخلاص الكرة يستخلصها بطريقة لايجيدها سوى احمد الفريدي

لكن هبوط مستوى أغلب لاعبي الهلال هذا الموسم بسبب المدربين اللي تعاقبوا على الهلال الموسم هذا

دول وهاسيك

يعطيك العافية