بسم الله الرحمن الرحيم
السلام عليكم ورحمة الله وبركاتة
اول مرة اكتب موضوع وانشالله مو الاخيرة
عدة نقاط ابي استرجعها معكم يا زعماء وخاصة اللي ينتقدون الهلال بعنف وادارته
أولا: طلعنا من الحرب بأقل الاضرار يعني طلعنا من الموسم ببطولة وغيرنا سنين ويتمنى يوصل النهائي لو بطولة تنس.
الحمدلله ادارة ابوفيصل كل موسم تشتغل وتعد الفريق لموسم ومو غلط اذا فيه اخطاء تمر على الادارة والفريق الامير عبدالرحمن بن مساعد والامير نواف بن سعد وسامي الجابر صرحو من قبل ان اعدادهم للموسم كان مو بالشكل المطلوب وما قصر الهلال وحقق بطولة وتكتمل لو تأهلنا لربع نهائي كاس اسيا اللي انا اشوفه هو الأهم.
برشلونة هالسنة ولا بطولة ويبقى الفريق الأقوى والافضل.
على قولة الامير خالد الفيصل
الوقت لو زان لك ياصاح ما دامي
ياسرع ما تعترض دربك iiبلاويها
ثانياً: كلنا أمل من ابو فيصل لموسم استثنائي قادم وننتظره نحن عشاق الموج الازرق من تعاقدات مع مدرب عالمي تكتيكي يرجع لنا ذكرى قريتس والخمسات.
الكل لاحظ امس هاسيك دخل بالتشكيلة المتوفرة له لاكنه خربها بتطليعت الفريدي اللي كان رابط الوسط ويوم خرج الهلال وسطه ضاع والهجوم يرجع يصنع لنفسه كان الافضل ادخال الكوري على حساب الغنام والا القرني مجازفة عشان احد المهاجمين يتحرر من الرقابة العربي كل شوي متراجع للوسط ولا كورة شفته عند مرمى الاهلي.
ثالثاً: ياسر القناص اشتقنا لطلتك بين تشكيلة الزعماء مهاجم من طراز نادر حتى لو ما يسجل وباقل مستوياته مربك دفاع الفرق العربي وجودة زي عدمة لا هو اللي يخلق فرص للوسط ويفتح لهم مجال ولا شي اهدافه امام الفرق الضعاف الاتحاد الاهلي الشباب النصر الاتفاق ما شفناه سجل عليهم وهذا يعكس مسواه المتواضع يقول بيروح اوربا لو برشلونة روح اهم شي الهلال يتعاقد مه مهاجم عالمي او امنية لو يتواجد عماد الحوسني بجانب ياسر راح يتكون ثنائي نار وتحرق الفرق كلهم
عماد الحوسني لاعب مهاري قناص لكل الكور هوائية ارضية يا ليت ادارة الهلال تفاوضه لانه بيغنينا عن اللاعب العالمي وتكاليفه ونستفيد منه بخط الوسط والدفاع المحترفين الاجانب.
رابعاً: جمهور الزعيم حتى الهلال بأسوى مستوياته لحد يتخلى عنه والوعد مباريات كاس اسيا القادمة اتمنى الملعب يمتلي ونتوج موسمنا بالتأهل لربع كاس اسيا لنخطط للأسيوية وتقترب منا جمهورنا الرقم الصعب في كل المباريات ولا ننسى مبارة ذوبهان يوم امتلئت المدرجات حتى ادراج الملعب من الجمهور اللي اتوقع وصل 100 الف.
خامساً واخيراً : حنا معاك يا ابو فيصل جمهورك الوفي وبطولتنا انت
وبالتوفيق للزعماء بمبارة الغرافة و الدور 16
طلعنا من الحرب بأقل الاضرار 
الوضع الشجري
