|
جمهور الهلال فقـط ..المسحورين لا يدخلون هنـا .. وش ذنب الاداره ؟ يا شباب والله اول مره انزل موضوع .. بس اللي صاير هنا مسخـره وش ذنب الاداره نحملها فشل اللاعبيـن وش ذنب سامـي ؟؟ سامي هو اللي يراكض في الملعب ويقول للمرشدي جلّي الكوره ويقول للفريدي احسـن يابارد استمر ؟ الاداره هذي هي اللي جابت لنـا احلى مواسم الهلال ... واحلى بطولات.. واحلى خمســات .. واحلى مستويـات :smilie47: الخلل موب بالاداره العلّه في اللاعبين الاجانب .. اللي صاروا مقلب ولا هم قد السي في تبـعهم .. كلنا كنا فرحانين فيـهم وشربـنا المقلـب هالموسـم ... العربي السيفي حقـه يقول لاعب مجنون .. وكلنا طالبنا فيـه .. ثم مادري وش الخلل فيه هنا ... وهرماش نفس الشيء .. الكوري السي في حقـه كنت اراهن عليه وكنت اقول هذا موب مضيّع هجمـه وصار افشل مهاجم شفته بحياتي ... وهرماش موب قد الطموح ... ماغطى مكان رادوي ... والاداره ماتطلّع على المستقبل عشان تعرف ان هذا بيصير حالهم .. وكذا يصير بالانديـه موسم ناجح وموسم خاسر .. عشان نعود بقوّه الحين الهلال في اسوء مواسمه وثالث الدوري وبطل ولي العهد ! مهبل انتـم ؟ :ba: والعلّه الثانيه في بعض اللاعبين زي الفريدي ..اللي بيخلي كل لاعبين الهلال مثله استعراض ويلعب عشان نفسه والفلوس .. صدقوني هالاشكال لازم نقضبها الباب عشان مايخلي اللاعبين مثله .. وتكون رساله للاعبين اللي بيساوم الهلال يقضب الباب ووقتها دور الشهره والفلاشات بفنيلة غير الهلال ياقـمر زمانــك... صدقوني والله العظيم هذا البــلا .. حركات الفريدي بغت تجي في العابـد .. والحين بتجي في ساالـم ... والخوف على الفريـق كلـه والموسم الجاي نبدأ بصفحه جديده بمدرب محترم .. ولاعبين اجانب على قد الطموح واكيد الاداره مهيب غافله عن هالشيء وسلامتكم ياجماهير الزعييييييييم :smilie47: |
الله يصلح الحال ان شاء الله |
تسلللم يدك على الطرح الرائع فعلا الظغط الجماهيري هاائل على الاداره خلاص يكفي تحططيم |
والعلهه واكبر علهه في السسسسبآك المدرب موب بس هآسيكك ايضا دول كان من اهم اسباب تدني مسستوى الهلال هالموسم , والاجانب اللي كل واحد يقول انا ادلخ من الثاني , الله يعين وان شاء الله يتحسن حال الفريق الموسم القادمم ..! :yes: :smilie47: |
يعطيكـ الف عــافيــه يا زعيم على الطرح الهــــلال هالموسم رغم تواضعه إلا إنه نــافس على جميــع البطــولات وبقوة وهــــذا حــــال الكــورة يــوم لك ويــوم عليــك الإدارة مــــــا قصرت سوت اللي عليــها لكن بالأخير التوفيق من الله ومــا ننسى إن الفرق الثانية جــالسة تشتغل مثلنــا الهــــــلال حقق بطولة ولي العهــد وإن تأهلنــا لــ دور الـ 8 بإذن الله يعتبـــر موسم جيــد بالنسبة للزعيم ,, وليس سيء كمــا يصوره البعــض ولا تنسون يا زعمــاء : 1- إن الهــــلال أكثـــر فريق تضرر من المنتخبين الأول والأولمبي فـ المنتخب الأول من أول ما يتوقف الدوري يسحب 8-9 لاعبين والمنتخب الأولمبي نفس الشيء 8-9 لاعبين طيب النــــادي وشلون يسوي معسكر نــــاجح مثل باقي الأندية اللي مايروح منها إلا لاعب أول لاعبين . 2- الفريــق ما إرتـــاح من يوم ما تأهلنــا لدور الـ 8 في الآسيوية 2010 تخيلوا الإجازة السنوية ما حصلوا عليها والسبب إن الموسم المــاضي ما إنتهى إلا في شهر 8 واللي كــان أطول موسم رياضي في التــاريخ يــــــارب توفق الهـــــلال وتجعل الفوز من نصيبه أمام الغرافــة |
بين عليك من الناس اللي تهاجم لاعب وش مشكبتك مع الفريدي احسن لاعب بالمباراه بعد نواف والغنام قال بارد قال اللاعب مبارتين يلعب مصاب وتحت مسئوليته يجي المدرب يخرجه وتبيه مبسوط يعني .. مشي دقيقه زعلان دخل الكوري مكانه وش بيسوي الكوري اصلا بدل الفريدي شكل لك فتره تترصد باللاعب .. الفريدي قدم مستوى وهو مصاب وضحي لاجل الهلال وعنده اصابه قد تحرمه من اللعب سنين .. ماسكه على الفريدي وهو يحاول يقدم كل شي .. اخطاء في كور صحيح ولكن لاعبين امثاله كبير عليك .. امثال نيفيز اتى وسبيتوه يوم قال ابي اروح البرازيل .. وهو احسن لاعب بالهلال انت ماسكه علشان الفريدي .. يبي فلوس حتي انت لو جاك عرض وضيفي فقط الفرق 4000 ريال استقلت ورحت للعمل الثاني الماده مهمه كيف لو داك عرض بفرق مليون ولا مليونين .. بتقول لا ابي الراتب الاول .. الفريدي قدم مستوى كبير وحصلت منه اخطاء اما سالفه الاستعراض ... تشوفها انت لحالك |
إقتباس:
والله لاعبين الهلال مع لاعبين اجانب على مستوى عالي .. بدون الفريدي هاللي يتمنن وبيخلي العدوه الفريديه الاستعرضيه تتنشر بالفريـق .. قادر يهزم اي فريق وهو مغمض .. عندنا احسن عناصر على مستوى المملكـه .. بس شويّه ترميم وهذا اللي قاعده تسويه الاداره وبدأت من الحيـن |
إقتباس:
انت والله اللي من النوع المطبل للاعب معيّن .. نفتك من مطبلين ياسر .. يجونا مطبلين الفريدي لاعب مايقاتل عشان الشعار .. مانبيـه |
هاردلك يا زعماء قدر الله وما شاء فعل الحمدلله على كل حال لابد نطوي هالصفحة ونحضر لمباراة الغرافه الثلاثاء القادم |
إقتباس:
ثالث الدوري بطل كأس ولي العهد متصدر المجموعه :naughty: |
. من اللي جاب لك هالمدربين الدلوخ ( هاسيك - دول .. ) ؟ من جاب لك هالاجانب الزلايب العربي و طقته ؟ من اللي اصر عليهم في فترة الانتقالات الشتويه و رفض تغييرهم ؟ من اللي سكت عن هجوم الاعلام على رادوي و ياسر مما ادى الى رحيلهم ؟ من اللي رفض زيادة مرتب الطبيب فيصل و جاب لنا هالابله ؟ |
إقتباس:
بس انت شكلك كنت داري انهم بيجون وبيثبت فشلهم من قبل لا ندري .. ياراعي الكره البلوريـه :s2: فترة الانتقالات الشتويـه من وين يجيبون لك اربع لاعبين على مستوى عالي في فتره بسيطه ؟ وكيف يتخلصون من الرباعي في فتره انتقالات شتويـه ؟؟ لازم يصبرون عليهم لنهاية الموسـم.. شكلك تحسب الدعوه في حراج بيع اشتر وانت مكبر الوساده :naughty: واخيراً الاداره وش تقول للي تسب رادوي .. يطلع عبدالرحمن بن مساعد يقول لا تهاجمون رادوي يا اشرار ؟ هذا دور الاعلام الهلالي اللي للاسف .. ماقام بأدواره .. وياسر اكبر حسنه صارت هالموسم رحيلـه ... :s5s: |
اخالفك الراي بهرماش لاعب ممتاز بس مشكلته مالقى فريق يساعده مرات يدافع ومرات يهاجم تشتت المسكين كل الحمل عليه بالعكس اشوف فيه من رادووي كثير اما البقيه لاتعليق والاداره مو عيب اذا انتقدنا لان كل انسان بالحياه له اخطاءه واول خطاء الاداره الاصــــرار على بعض الاعــــبين رغم فشلهم من الموسم الي راح ولاقدمو مايشفع لهم واكبر مثال المرشدي +العتيبي والابقاء على هاسيك والله يستر نهاية هالاصرار على هالاصلع الفاشل |
^ ^ هرماش مع وين ممتاز ؟ تقارنينه برادوي والفاولات شايل الدفاع وغلطات المرشدي على ظهره الرباعي الاجنبي كله محتاج وقفة واعادة نظـر ... وتلخص فوري الاداره ايه طبيعي تخطيء ..وان شاء الله تصحح اخطاءها .. وبدأت فيها .. يحييى .. والشهراني ..والقادم اجمـل اما المدرب ..اذا كل الشعب الهلال موب راضي عنه ؟! تتوقعون انه مرضي الاداره ؟ الاداره تتكك وتضبط من بعيـد واملنا بالموسم الجاي كبيـر عندي احساس ان الهلال بيرجـع يضرب ويضـرب بقوّه .. |
انا ماقول غير الحمد لله على كل حال انا اريد وانت تريد والله يفعل مايريد :ba::ba1::ba::ba1::ba::ba1: :alzaeem::alzaeem::alzaeem::alzaeem: |
لانلوم مدرب ولا محترفين ولا عبين اللوم كله على الاداره المؤقره اللي جابتهم بالله عليكم سعد الحارثي مكانه الهلال مااستغرب اذا جابوا ريان بلال الموسم الجاي ؟؟؟؟؟ يا اخوي الشق اكبر من الرقعه والهلال متعود على البطولاات لكن |
الــلـــه يـعــين على الاداره اتمنى حفظ ماء الوجه والاستقاله |
إقتباس:
معاهم معاهم عليهم عليهم :s4s: |
انا قلت مبطي ان العله بالاجانب والدليل لاعبينا هم هم عندما كان جيرتس مدربنا ابدعو مع اجانب على مستوى عالي رادوي نفيز ولي لييونق ا |
إقتباس:
ان شاءالله الاداره تغير الرباعي .. وتجيب قلب دفاع ومحور وصانع لعب ومهاجم .. |
من اللي جاب لك هالمدربين الدلوخ هاسيك - دول من جاب لك هالاجانب الزلايب العربي و طقته ؟ من اللي اصر عليهم في فترة الانتقالات الشتويه و رفض تغييرهم ؟ من اللي سكت عن هجوم الاعلام على رادوي و ياسر مما ادى الى رحيلهم ؟ من اللي رفض زيادة مرتب الطبيب فيصل و جاب لنا هالابله ؟ +++++++ 1 صدقت اخووي بالاضافة الى مين الي طفش اللعيبه خلى واحد يروح من ديرته والثاني يعتزل رغم رغبته بالبقاء كل هذا خوف من نجوميتهم وانها تطغى على نجوميته |
إقتباس:
مشكلة الاعضاء اللي مثلك .. اللي يعانون من مـس :d انهم عندهم قصر نظر في رؤيتهم للامور .. ودلاخه في الاستيعاب الدعيع رجل يحلف ويقول انا اعتزلت بتصرفي وبأرادتي والله سامي ماله دخل ويجينا واحد ممسوس .. مايصدق ويشك الذمم ويدخل بالنوايا :yes: ياسر القحطاني يعترف بلسانه يقول انا رحت بأرادتي وبرغبتي .. وسامي يطلع بلقاء ويقول انا رحت لياسر قبل يروح العين وقلت له (لا تروح ترى الهلال بيتك مالك الا جمهوره) .. وماسمع كلام سامي وانتقل .... وخرج بتصريحات انه الله يعينه اذا رجع الهلال .. وودي اصيراداري بالعين :D >>> هذا جزاء من رفع مقادرك ياولد سعيد ياسر راح بأرادته .. رغبه في تغيير الاجواء منها بنبسط هو والمداام :s2: ويطق 6 مليون في جيبه في موسم واحد انتي يابنت عمان راح اسجلك مع الناس اللي راح اقرأ عليهم ضروري :naughty: |
إقتباس:
استمر في التطبيل على القوه حنا ممسوسين ومعهم معهم عليهم عليهم وانت الانسان الفاهم والواعي والمخلص والمطبل |
إقتباس:
وضعك خطيـر بالمـره :to: |
الظاهر انك متابع مبارة ثانيه اجل الفريدي مب عاجبك مع اني على فكرة ضد الفريدي وكنت اطالب بخروجه من الفريق لكن الان صار العكس صرت ارتاح لمن اشوفه بالملعب يعني الحين انت خليت كل هالمواضيع والمشاكل الي موجودة وما لقيت غير تتكلم عن الفريدي طيب مين الي جاب توماس بندول ؟ ومين الي جاب هاسيك مين الي جاب الفلبيني الكوري ؟ مين الي جاب هرماش مين الي جاب العربي الي وزنه وزن بقرة ما يقدر يركض مين الي رجع ويلهامسون ؟ مين ومين ومين ومين ياخي ما نبي نطبل جالس تقول الاجانب مب عاجبينك والموسم القادم بأذن الله كل شي يتعدل اوكي كلنا نبي الموسم القادم يتعدل بس مب شرط نبيها بي اداراة عبدالرحمن بن مساعد يا حبيبي الهلال حقق انجازات وصار اكبر نادي بي اسيا من قبل يجينا عبدالرحمن بن مساعد يعني مو شرط اانك تتطبل وتقول بأذن الله الوضع يتعدل بدايه الموسم مدرب جديد واجانب يعني انا استغرب حتى سامي يقول وعبدالرحمن بن مساعد على انه الموسم القادم رح يعدلو الوضع وتعاقدات جديدة كأنهم جالسين يسكتونا ويقولولنا الموسم القادم رح نجهز الفريق زي دايمن تعودنا على هالاسطوانه ويقوللها بطريقة لا تحاسبونا يا جماهير الموسم القادم رح نعدل كل شي !!!! شي غريب ما عمري شفت ادارة مثل كذا للأمانه عموما اتوقع للأسف رح تستمر هالادارة لكن كل الي نقوله فقط وفقط بالتوفيق لي فريقنا ولاعبين فريقنا الي ماسكين فريقنا مو مشمول منهم |
أما أنت والله ياعليك مخ يوزن بلد كيف الادارة مالها علاقة باللاعبين والسبب اللاعبين؟؟؟؟ هذي إشرحها لي طال عمرك ؟؟ مين اللي جاب هالأجانب العاهات وأبتلا بهم الهلال؟؟؟ مين اللي جاب بعض المحليين العاهات ونكب بهم الهلال؟؟؟ مين اللي جاب هالمدرب الفاااااااااااااااشل مع اللي قبله وأمتحن بهم الهلال؟؟؟ مين اللي فرط في دكتور إصابات ملاعب متميز وجاب طبيب بيطري بداله وأنكبنا بالاصابات في مراحل الحسم؟؟؟؟ وبالناهية من هو المسحور اللي ما زال له وجه يرقع لهذه الادارة الفاشلة التي طفشت المدرج الهلالي حتى أصبح الحضور لمباريات الهلال يعدون بالأصابع بعد ما كان المدرج الهلالي يضرب به المثل؟؟؟ والله وتالله ما مسحور إلا أنت وأمثالك من المطبلين , والله الذي لا إله إلا غيره بأنني لم أذق طعم النوم من القهر والغبن على من جعل هلالنا مرتعاً للمتردية والنطيحة وما أكل الذئب من العاهات الذين يطلق عليهم مصطلح لاعبين كرة قدم هذا مع شكري وتقديري للنجوم نواف العابد وسلطان البيشي والقرني أما البيقة بالله لا يوفقهم حرقوا دمنا الله يحرق دمهم |
طيب هاللاعبين الأجانب والمدربين الفاشلين + عدم جلب مدافع أجنبي قوي بديل للمرشدي خطأ مين ؟ |
الله يجيب الي فية الخير الله يعطيك العافية |
الاداره عليهآ ظغط مو طبيععي واوفقك ان العله في اللاعبين اكثر شي صح ان المدرب الاصلع فآشل بس حتى ولو اللاعبين لقوه عذر والاجانب حدث ولاحرج |
كلنا نتألم لخسارة الهلال ولكن لا بد أن ندرك أن الأيام دول فيوم لك ويوم عليك ، والخسارة واردة مهما كان وضع الفريق ، وهنا جمال ومتعة الكرة . لا شك أن لإدارة فريقنا الهلال سلبياتها ، ولكن لا يصل الأمر أن نلصق كل شيء بها . الأهم أن الهلال لم يلعب بمفرده بل كان خصمه فريق كبير تطلعنا لهزيمته وتفاءلنا بذلك ، ولكن قدر الله وما شاء فعل . |
إقتباس:
ملعوب عليك الله يصلحك اجل سآمي:smilie47: طفششهم :laugh: لاحول ولاقوه الا بالله >>مسوى لهم غسيل مخ بعض الجماهير:naughty: |
يا رجال خلوكم منه هذا فاضي وطفشان واي احد ينتقد الادارة يقول عنه ممسوس وبقرأ عليه كأنه هوا الي فاهم كل شيء وهوا مع التطور ومع الادارة وشايف الادارة جالسه تطور بالفريق سبحان الله محد فاهم غيره كورة ياخي انت انسان يا مريض يا من جد مسحور يا صاحب الموضوع وش فيها لو انتقد الادارة وعملها وليش نسكت ونقول يلا رح يصححو الوضع الموسم القادم طيب ليه هما الي يصححو الوضع ليه ما تجي ادارة غيرهم الموسم القادم وهما الي يصححو الوضع ؟ الله يعينك على تفكيرك ما ادري وش الي شايفه لين الحين ومقنعك بالادارة والفريق |
إقتباس:
+1 مشكلة الزعماء, إما المركز الأول أو الغضب ضد الإدارة أيضا لديهم صفة المقارنة: مقارنة هرماش برادوي وإيمانا بنيفيز والكوري بالكوري والعربي بالقتاص أول موسم كأس ولي العهد والمؤامرة ضد كوزمين بعدها موسمين إستثنائيين بالدوري وكأس ولي العهد بعدها موسم عادي (وليس دمار كما يصور البعض) أتوقع موسمان إستثنائيان قادمان أرجو الهدوء والسكينة حتى الآن الزعيم بطل كأس ولي العهد وثالث الدوري الشباب بطل الدوري الأهلي ............ لاشيء حتى الآن, فقط ثاني الدوري الإتفاق ............ لاشيء حتى الآن, فقط رابع الدوري الإتحاد............ لاشيء حتى الآن, , فقط خامس الدوري الجار............ لاشيء حتى الآن |
إقتباس:
كلنا مع انتقاد الإدارة ولكن .. هل السب انتقاد ؟ - هل المطالبة بالرحيل من حقك وحدك ؟ - أتحداك تنتقد نقد خاص بالإدارة ، وتضع حلاً له . إدارة فريقنا عليها الكثير من الملاحظات وذكرها الإخوة بعضهم بهدوء وعقلانية ووضع الحلول ، وبعضها مستفزة هجومية بها من الشتم أكثر من الحلول . تخيل .. معلم يوجه ابنك في المدرسة يقوله ( الله يلعن ...... ادرس تراك ذبحتنا ) هل هذا توجيه وإلا مخاصمة . - يا أخي الفرق هو طريقة البوح ، ليتنا نحرص على النقد بدون اندفاع من حبي للهلال وخوفي على صحتي 3 سنوات لم أشاهد أي مباراة مباشرة ! |
إقتباس:
اذا انت معك الكره البلـوريه السحريـه اللي تشوف فيها المستقبـل ياليت تعجـل بها على نادي الهلال ترا موقعه بالعريجا.. الهلال يوم يجيب العربي جاب هداف الدوري الفرنسي .. ويوم اذيع خبـر انتقالـه .. انت وعشره الاف واحد غيرك من جمهور معاهم معاهم عليهم عليهم .. كان يصفق للاداره .. ويقول ياسلام بطـل وصفقه ناجحـه ويوم الهلال يجيب الكوري .. جاب هداف الدوري الكوري .. ويوم شفتوا السي في حقـه باليوتيوب .. عشر الاف واحد ثاني من جمهور معاهم معاهم عليهم عليهم .. قام يصفق ويرمي عقاله ويقول هذا هداف الدوري السعودي .. اما موضوع ايمانا ... مثلك شايف الناس كيف قامت تبكي وتحط صورته من قبل لا يجي ... ولكن ياعزيزي " صاحب الكره البلوريه التي ترى كل شيء "... اللاعبين لم ينجحوا مع الهلال ..وهذا شيء يصيـر عــادي لكن انت شكلك معك الكره البلوريه .. وعارف كل شيء وتاكي في مقهى بسروال سنـه وجالس تفتي في امور الاداره يالخبيـر :d بالنسبه لموضوع العابد والبيشي وباقي لعيبة الهلال الصغار .. ايه هذولا اللي اراهن عليهم اذا حضر معهم الرباعي الاجنبي المميـز غير العاهات اللي انخدعنـا فيهم .. اداره وجمهور .. s13s اما انك بترمي كل شيء بوجه الاداره هذا اللي مايعقل ... بطل كاس ولي العهد ثالث الدوري والمنافس عليه لولا عثرات التحكيم ومتصدر مجموعتك في اسيا بنسبة 75 % مدري وش انت زعلان عليه ؟ لين الحين الموضوع بيد الهلال .. كلها مدرب ..وجت اخباره .... ولاعبين اجانب ؟ بالنسبه لك وللاخوان .. ترى موعد القرايه الجماعيه بكره العصـر .. اتمنى الحضور لانكم من جد في امس الحاجه لها :naughty: |
صح الادارة مالها ذنب . لان الذنب على الحارس السكيورتي الي بالنادي هو من تعاقد مع دول ومع هاشيك ومع العربي و الكوري وهو الي جاب المرشدي والعتيبي و الزوري و الغنام وهو الي خلى سامي الجابر مساعد للمدرب . وهو الي ابعد نواف التمياط و الدعيع و ياسر القحطانــي وهو التي ضمن لنا وليد الجيزاوي و المصري احمد علي و سعد الحارثـــي كلها من راس الحارس السكيورتي اما الادارة مالها اي ذنب بالعكس الادارة ممتازة 100% وماعليها ايش غلط ابد ابد صحيح شر البليه ما يضحكـ !!!! |
للاسف مادام ماتتقبل الراي والراي الاخر ليه كاتب موضوع يعني اذ ماسرت معج انا ضدج تفكير عربي ............ |
إقتباس:
عقليات مريضه شغاله تطبيل للإداره على فشلها وعلى حساب الفريق وعندي احساس انهم مسبقين دفع |
إقتباس:
احسب كم بطوله جابها الهلال في عهد هالاداره .. وكم بطوله خسـرها ...!! اذا سويت الحسبه واستحيت تنزل رد ... اوكي خذ راحتــك :d |
إقتباس:
|
أسالك بالله يا الهلالي بامر الله مالك علاقة بالاداره ؟؟ في ذمتك جاوبني ؟ ياخوي في كل موضوع ناط فيه وردودك ببرودة اعصاب .. كن الهلال فايز ؟؟ وتمدح الاداره بشكل غير طبيعي .. |
كهلالي ...أنا معك في كل ماكتبته ...وبالذات عن الفريدي ..! |
ايه انا سامي الجابر متلطم وعبدالرحمن بن مساعد يقول كل حرف تكتبـه بـ 100 ريال .. عشان كذا جالس اطقطق عليكم :D بديـنا بالوسوسـه هههههههههههههههههههههههههههههه على فكره .. الحسابه بتحسـب حالياً .. وكله برصيدي :D ياخوي موبايلي انا انظر لشغل الاداره بحيـاديه .. وارى عملها وارى عيوبها ولكن ماأبخـسها حقـها ..ولا اتدخل بمشيئة الله وتوفيـقه.. قامت وشالت ورفعت وحطـت.. وكل جهودها عشان الهلال يعتلي المنصات ..لكن ما الله اراد .. |
انت تقول وش ذنب الإدارة ؟ وانا اقول من المسؤول عن التعاقد مع الطاقم التدريبي والطبي ؟ من المسؤول عن التعاقد مع اللاعبين الأجانب ؟ من المسؤول عن التعاقد مع اللاعبين المحليين ؟ من المسؤول عن الدفاع عن اللاعبين وعن حقوق النادي المعنوية قبل المادية ؟؟؟؟؟؟ من المسؤول عن رحيل جريتس ونيفيز قبل نهاية الموسم وعدم الالتزام بالعقد ؟؟؟ |
^ ^ مشوار اعيد لك الكلام .. لكن اقرأ الردود :D بالنسبه لنيفيز تراه ماراح بلاش .. |
موسم للنسيان على الصعيد المحلي لكن التفائل في الاسيويه |
إقتباس:
ومن ناحيه بتقول المطالبه بالرحيل قصدك مو من حقي لحالي اطالب في غيري مؤيد وفي غيري ضد بقائهم هذا قصدك طيب انا صنفي مع الي ضد بقائهم اخي الكريم وش المانع يزيد عددنا ونكون الاكثر وتتغير الادارة رغم ارجع واقولك للأمانه شفنا احلى فريق مع ادارة الامير عبدالرحمن بن مساعد شفنا مواهب شفنا نواف العابد وشفنا عبدالعزيز الدوسري وسلطان البيشي وسلمان الفرج وسالم الدوسري وشراحيلي وكثيييييير مواهب والحمدالله وبالعكس ما ابخص حقهم وطلعو لنا جيل من المواهب الجديدة مدحهم موجود وما رح اكل حقهم بالمدح لكن انا من وجهة نظري كفو ووفو وحان وقت التجديد هذي وجهة نظري كثير عاجبهم الموضوع ويبغو يتمسكو بالرئيس لكن لو هوا هلالي عن جد حتى لو ترك الفريق يدعم الفريق كعضو شرف مثل البقيه من الرؤساء تركو مناصبهم وما زال يدعمون الفريق واعتقد من ابسط حقوقي انا وغيري ننتقد وبكل احترام طبعا ونطالب بالتجديد s13s واذا استمرو الموسم القادم والي بعده ما رح اكون ضد الفريق طبعا لاني مع الفريق اكثر من اني اطبل لي لاعب او لي اداريين وبالعكس رح اساند الفريق انا والي جالسين ننتقد كلنا رح نجلس نساند الفريق وندعو لهم بالتوفيق سواء استمرت الادارة الحاليه او استقالو اتمنى وصلت وجهة النظر |
^ ^ ^ صحيح كلنا بالأول والاخير نبي مصلحة الهلال .. ومصلحته ببقاء الأداره .... اداره دلعتني ثلاث مواسم .. اقلب عليها عشان موسم واحد .. اي منطق هذا .. وحتى هالموسم .. ماهو الموسم السيء ... راح ينعكس مساره ويكون بدايه احلى المواسم بأذن الله |
إقتباس:
والحقيقه انهم ماشتغلو صح الا في سنه وحده بس اما باقي السنين خبط لزق والله العظيم لولا مدرسة بندر بن محمد والنجوم اللي جابهم محمد بن فيصل والله مايجيب ولا بطوله |
إقتباس:
اي نادي سعودي او خليجي يتمنى ادارة عبدالرحمن بن مساعد لدرجة في اتحاديه ونصراوية واهلاوية وشبابيه الجميع يشيد بي عملهم وشفت منهم رده افعال يتمنو يكون عندهم مثل هالادارة لكن انت بتقول الادارة دلعتني 3 مواسم اوكي ما ننكر وكنا اول نادي سعودي يحقق الدوري بدون اي هزائم كل هذا ما ننكره ما جاء من فراغ جا من جهود الادارة اكيد وعملو الي عليهم وسهرو كثير لمصلحتهم على النادي وتفكيرهم بي النادي وجمهوره وطريقة ارضاء الجماهير كل هذا احنا معاك فيه والله لكن برضه انت بتقول الادارة دلعتني بي 3 مواسم احسب كم حققت من بطولات واحسب للي قبله كم جابلك بي موسم واحد :yes: او موسم ونصف وانا لا احب المقارنه بين ادارة وادارة لكن مو عيب لو طالبنا بالتجديد رغم اعجابي الكبير بي الامير عبدالرحمن بن مساعد وحتى لو جات ادارة جديدة تمسك الفريق اتمنى يكمل دعمه الامير عبدالرحمن بن مساعد والناقور وغيرهم يكملو دعمهم بالفريق كأعضاء شرف وحتى لو استمرو للموسم القادم والي بعده صدقني ما رح نكون ضدهم ولا رح يجي يوم نقول يارب ننهزم اليوم من حقدنا على الادارة ما رح توصل لهل المواصيل وحط براسك جمهور الهلال ارقى من انهم يوصل هالمواصيل حتى الي قلت عليهم مسحورين :yes: |
إقتباس:
منهم الاربع نجوم ؟ لاني ما اسمع فيهم الحين .. ذكرني تكفى :s2: خبط لزق خلت الناس تنبهر بالهلال ولعب الهلال والكره اللي يلعبها الهلال وخلت الوسط الرياضي ينهبل ويقول الدوري ضعيف .. وبيوم وليله صار الدوري قوي ..s121s كل هذا والاداره خبط لزق .. ماشاءالله عليك يامحترف بالنسبه لمدرسة بندر من محمد والنجوم اللي جابهم محمد بن فيصل ؟ ياخي ترا كلهم تحت مضلة نادي الهلال ولا كل واحد يخلص ياخذ لاعبينه معه ؟ !! اي تفكير هذا ؟ الاداره مدتها اربع سنين .. تبيها تجيب لاعب صغير عمره 10 سنين تكبره خلال اربع مواسم ويصير 23 ؟ :d وش هالتفكير ؟ |
برظو الادارة لها النصيب الاكبر في اخفاقات هذا الموسم لانها وباختصار من تعاقدت مع دول ومع الاعبين الاجانب |
احمد ربك ان عندك لاعب زي الفريدي و لازم تجددله الادارة |
إقتباس:
العربي يوم تعاقدنا معه ماكنت توقع انه راح يسوي بلاوي بالدفاعات ؟ الكوري ماكنت متوقع انه راح يصير الهداف ؟ هرمااش ، ويلي هامسون..؟ الحين الإداراة جابت اللاعبين هذولا على C.V الرائع حقهم ولاكن ماتوفقوا ولا قدموا المستوى المتوقع منهم ! وش ذنب الإدارة طيب؟؟؟ اذا اللاعب نفسه ماقدم شي ؟؟؟ ممكن افهم ليه ماقلت منهو جاب لنا جيرتس ؟ منهو جاب لنا نيفيز ؟ منهو جاب لنا الدوري السنه الي طافت برقم قياسي بدون هزيمه ؟ اتمنى من النوعيات هذي من الجماهير عدم كتابة موضوع او رد |
انا ماقول غير الحمد لله على كل حال </B> انا اريد وانت تريد والله يفعل مايريد |
شكرا لصاحب الموضوع طرح جميل وموضوع هادف ارجوا من اخواننا من الجمهور ان يستفيدوا من مثل هذه المواضيع وان لا ينساقوا خلف المندسين الذين يبثون سمومهم من وجهة نظري يوجد اكثر من شيء لابد من تطبيقها باسرع وقت من قبل الادارة: 1- البحث عن مدرب بمستوى عالي وان يكون صارم...مع طاقم مساعدين واخصائي لياقة عالمي 2- البحث عن فريق (جهاز) طبي للفريق على مستوى عالي -اعتقد عانى اللاعبون الكثير خلال الموسمين المنصرمين- 3- البحث عن لاعب قلب دفاع من ماركة تفاريس -صغير في العمر ولديه الطموح- لان اللاعبين في اوربا لا يطمع الا بالاموال لدينا -اذا ما استثنينا رادوي وويلي- 4- البحث عن مهاجم اجنبي افضل يكون البرازيل. 5- البحث عن محور ارتكاز اجنبي (ياليت يكون من ماركة رادوي) 6- البحث عن لاعب آسيوي ممتاز او لا يلزم 7- ابعاد كل من: سعد الحارثي (اكبر غلطة في تاريخ الزعيم من يوم تأسس)-اي لاعب صاحب مشاكل مثل شراحيلي وغيره. 8- مع كل ما سبق لابد من ان يقام معسكر طويل لاعداد الفريق ويخوض خلالها الفريق مباريات مع فرق خليجية واوربية وآسيوية -ان امكن- اتمنى من الرئيس عدم الاستعجال بشراء عقود لاعبين قبل بداية اشراف المدرب على الفريق فلابد ان يكون اختيار اللاعبين الاجانب حسب احتياج الفريق من خلال رؤية المدرب |
آلله يكتب اللي فيه الخير للهلال تحيتي |
الحمد لله على كل حال اهم شي مباراه الغرافه ولي ارى انها بيد الجماهير اذا ماارادوا اسيا والسنه الجايه يتغير كل شي |
هذا راجع لأن كثير من الجمهور</B> إما جمهور لاعب ومدرب</B> أو جمهور فوز فقط</B> وليس جمهور كيان لذلك يرمون باللائمة على من لا يريدون استمراره |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 05:02 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd