مباراة الاهلى اذا مشينا على هالنقاط بنفوز فوز على الكيف ,, وهاسيك يفتقد الشخصيه القويه
اكبر مشكله تواجهه هاسيك , انهً مدربً ماله شخصيهً , حتي ولو كان له مميزات حلوه كا تعامل مع الاعبيين وقربه لهم , لكن ذو شخصيه ضعيفه , والدليل مايحرك ساكن وسط المباراه يعني على توجيهات بداية الماطش وبس 
والتاريخ يشهد انَ لاعبي الهلال بحاجه ل مدرب انضباطي لأنوَ يبرز امكانياتهم وبيني وبينكم يخافون منه 
لان قاعدة المدرب الانضباطي , يا العب زين يا اضرب الباب والدكه بانتظارك 
<< بالعامي عطنا اللى عندك ولا ريحنا منك وفكنا مباراة جده مع الاهلى , تذكرنى يوم كنا ورعان بالحاره اذا كان فيه واحد قوي واحد ضعيف , الضعيف هذا يجي يضرب القوي من قفاه وينحاش لانه جبان مايقدر يواجهه , بس بالنهايه بعد يوم يومين يمسكه القوي ويلعن خامس جد له ولا يفتح مشاريع في خشته , هذا هو الاهلى مهما انحاش بيحشره الزعيم في زاويه واذكروها يوم الجمعه اذا مالعبنا في حسبتهم لعب ماجيكم بعلم 
يوسف العربي لاعب كبير وهداف لكن مع الهلال يضيع فرص كثيره لسبب استعجاله
تدرون ليه لانه مايطمع ان الكوره تجيه ويحاول يسوي فيها كل شي وهذا يدل على
ضعف الامدادات من الوسط باستثناء تمريرات الفريدي النادره
عبدالله الدوسرى في ذمتي المباراه اللي فاتت انه جسرر مرور وخط سريع لباب الزعيم , ولا الومه لانه مو مركزه والخطا على الاصلع اللى راكن البيشي جنبه الاعب الاساسي بالفريق وجاهز للمباراه تلقائيا لعبه لعبة المجنه في راسك اذا ان الدوسرى ابدع مره ماهى سالمه لك كل مره . اجل الجيزاوي نجم المباراه وبالعاده لا لعب ضد الزعيم مانشوفه غير لا جاء يغيره مدررربهم بصراحه فقدنا سلمان الفرررج اشهد انه اهم لاعب الحين في الزعيم لانه يغطي 3 مراكز في وقت واحد ايسر ومحور وجناح ولايهون الغنااااام اللى عرفنا قيمته الفنيه يوم شفنا غيره القرني من اشد المعجبيين فيه , بس من يوم انه قام يبحث عن الكوبرى والمراوغه بديت اخاف منه , المحور الناجح هو اللى يمشي الكوره بسرعه ولا كيف رادوي
يكون افضل محور في اسيا يوم كان مع الزعيم مباررراة الجمعه
عودة سلمان الفرج , والغنام , والعابد مع ويلي بتكون اضافه والمفروض يبدون
اساسي .
سالم الدوسرى لازم يمسك الدكه شوي لاجل يعرف انه يمثل الزعيم , بدي مستواه
في انحدار والسبب التصاميم اللى يلقاها والمدح اللى بكل مكان , حتي اتوقع
ان الظاهره الثنيان مالقي في بدايته مثل هالمدح .
الشلهوب بيض الله وجهه على كل ماسوي , بس المفروض انه يكون بديل لضروف
المباراه , لان لاعبي الاهلى متحمسين وقويين على الكوره والشلهوب الحركات هاذي
ماتناسبه بالمره .
المرشدي , امر ابتلينا به , والربع مازالوا متمسكين فيه , اذا بيلعب المباراه القادمه
لازم يلعب الفرج محور ثاني لاجل يغطي على عيوبه ويكون الغنام قريب منه بعد
اكثر مايقهرني في المرشدي قدام الاهلى انه يخااف من الحوسني
الاهلى فررريق يشهد عليه التاريخ انه يموت الف موته قبل مباراة الهلال
يخاف من لاعبي الهلال ومن جماهيره ومن الاعلام , والدليل انه يضغط على كل
الفرق غير الهلال مايتجرى يهاجمه , والنقطه هاذي اتوقع انها هى اللى بتخلص
مباراة الجمعه لصالحنا .
اتمني المباراه القادمه الضغط على حامل الكوره , والتمريرات البينيه
والضغط اكثر من العمق لان معتز الموسي اذا انضغط عليه كثير يطلع من جو المباراه.
من خلال متابعتي لمدرب الاهلى , انه اذا تاخر بالنتيجه , يندفع للامام اندفاع مبالغ فيه
وتغيراته تكون عكسيه على فريقه , ويفتقد لقراءة الملعب , ولجل كذا الهدف بداية
اللقاء حلو لنا , بعكس اذا كانت النتيجه مصالحه , يكون متوازن جدا .
باذن الله نشوف روح الزعيم مثل مباراة بيروزي .
جماهير جده لبي قلوبهم مايحتاج دعوة ينصفهم التااااريخ انهم اهل مواقف 
الوضع الشجري
