فرصتك يا هلال لخطف عماد الحوسني..الاعب يرغب بالبطولات. - نادي الهلال السعودي - شبكة الزعيم

king.yasser · #1 27/04/2012, 03:27 PM

الموسم قارب على نهايته والهلال ماهو هلال اول اللي كان يطرب خصومه قبل عشاقه ..وين اللعب الهجومي؟ ..وين القتال على الكره؟ ..وين السرعه في الآداء؟..وين الصلابه واليقظه في الدفاع؟..وين الحارس المطمئن للجمهور؟..وين سيطرة خط الوسط على الملعب؟..وين اسمك المرعب وسمعتك وفنك يا هلالالالالالال.؟حتى لو حقق الهلال كأس الابطال ان شاء الله وحتى لو تأهل للأدوار القادمه من البطوله الآسيويه فهذا ماهو هلالنا اللي كنا نعرفه ومازال البحث جار عنه لكن على قولة البعض الموسم هذا للنسيان ولازم من آخر تسعين دقيقه يلعبها الهلال هذا الموسم نبداء بالاعداد للموسم القادم واللي وده يصيف في اوروبا والهلال عنده مرتبه ثانيه الله لايهينه يترك الهلال مهما كان اسمه سواء كان من الجهاز الاداري او الاعبين لان الهلال يختلف عن كل الفرق واللي ودهم يخدمون الهلال بالملايين.

من اول الاشياء اللي نتمنى من الهلاليين الاهتمام بها التعاقد مع مدرب عالمي ومعروف اما مدربين يجون يتدربون على الهلال فيكفينا دول اللي قالوا لنا ان الرجال ماقد حقق بطولات ولكن عنده طموح يحقق في المستقبل وللأسف ماربح ولا ربحنا معه.

ايضا الاعبين الاجانب نتمنى استبادلهم بالكامل واذا فيه احد بيبقى فما اعتقد الجمهور متفق الا على هرماش اما البقيه للأسف ماقدموا اي فائده مع حبنا وعشقنا وشكرنا للاشقر وليهامسون .
اتمنى من كل قلبي لو تتعاقد الاداره مع النجم العماني عماد الحوسني هذا الاعب اللي كان قريب جدا من ارتداء شعار الهلال في عهد ادارة محمد بن فيصل ..اعتقد ان الاداره الاهلاويه تفاوض الحوسني على تجديد عقده والى الآن ما خلصوا معه وايضا اعتقد بل متأكد ان الاعب لو عرضت عليه ادرتنا مبلغ كبير مارح يرفض العرض الهلالي بغض النظر عن حكاية عدم الدخول في مفاوضات مع الاعب لان ادارة الاهلي ناس محترمين فمصلحة الهلال فوق كل شيء وكلكم عارفين انهم كانوا يفاوضون اسامه هوساوي بالرغم من توضيحه لهم ان هدفه الاحتراف الخارجي والآن يفاوضون المحياني وهو مايزال يلعب للهلال حتى ولو على طريقة مفاوضات اعلاميه من خلال اخبار صحفيه عن قرب انتقاله لفريقهم.
الحوسني لاعب اجنبي ومن السهوله احضاره للهلال لان الحوسني لاعب يحب تغيير مكان احترافه بدليل عدد الفرق اللي لعب لها وايضا العماني يعشق الفرق اللي تحتفل كل عام بالبطولات وهذا ماهو موجود في الهلال ولا يوجد في الاهلي ..فرصتنا على طبق من ذهب ياليت نترك المثاليه اللي ذبحتنا ونتعامل مع الغير مثلما يتعاملون معنا وهذا اولا واخير احتراف يعني اللي يدفع اكثر يخلص اول.