بسم الله الرحمن الرحيم
اخواني واخواتي الزعماء صباح / مساء الخير جميعا

اعزائي .. الهلال بهالفتره من الموسم يدخل بمنعرج ومفترق طرق قوي يتطلب مننا كلنا نكون يد وحدة لنصرة الزعيم بجميع المبارايات القادمة بالكاس والبطولة الاسيوية مهما كانت النتايج
لان الانتقاد بـ هالوقت ما راح يفيد ولا يزيد الفريق ابدا .. الا يمكن يحطم المعنويات ..
لـ معلومات الجميع حط نفسك مكان اي لاعب من لاعبين الهلال ... شي طبيعي انه يمكن يوميا يفتح المنتدى ويقرا كل الاخبار وكل الموضوعات وبالذات اللي تتكلم عنه
ايش نستفيد احنا لما ننتقد لاعب بهالوقت الا اننا نهز ثقته بنفسه وينعكس على اداءه سلبا بالملعب بدال ما اننا نوقف معه بالذات ان اغلب لاعبينا صغار بالسن .. لازم نوقف مع اللاعبين
اتمنى اتمنى اتمممممنى من الكل يأجل مواضيع التعآقدات والحكام والانتقاد .. لانها ما راح تزيد شي بهالوقت الا زيادة تخبط ولاننا حاليا مو مطلوب مننا كجماهير الا المؤازرة والحضور والباقي لابو فيصل وانا واثق بلاعبين الهلال ما يخذلون جمهورهم ، الهلال بحاجة ماسة لوقفتنا معه لازم نثبت للكل اننا نعشق الهلال ككيان ومعاه بكل حالاته .. واننا باذن الله بنزفه للبطولة 54
اتمنى الحضور بكثافه للمدرجات بالايام الجاية .. ولما ينتهى الموسم لك حق وقتها تطلع كل حرتك وتكتب كل مطالبك لكن الحين صدقوني ما راح يغير شي
الا بالعكس بيهبط العزيمة ويحسس الكل ان الهلال ضعيف هالموسم ..
بأذن الله رجال الهلال قدها وبيقولوا كلمتهم ..
الحضور الحضــور الحضور

الموضوع مو مرتب .. ومو منسق واول موضوع لي من سنين .. كتبته من القهررر وربي جمهووور الهلال .. اكبر ججمهور باسيا .. حضور بهالعدد بسس !!
اخر همسة :

المبـاراه الجايه باذن الله حاضر من المدينة لعيون الهلال

مع احترامي لرايك ووجهة نظرك لكن الانتقاد في الشبكة هو من عشق للهلال ووجهات نظر للجماهير وليست مدرج للتشجيع والفريق يلعب مع العلم ان الادارة الهلالية محترفة واذاكانت تطلع على مايكتب فهي تعرف الغث من السمين وتستفيد من الطرح الايجابي وتتفادى السلبي امااللاعبين فالمعروف ان الافضل لهم البعد عن الاعلام بكل اشكاله سواء صحف او منتديات سواءً تنتقد او تمتدح او تكسر مجاديف او تطبل

إقتباس الرسالة الأصلية كتبت بواسطة عذب السجايا مع احترامي لرايك ووجهة نظرك لكن الانتقاد في الشبكة هو من عشق للهلال ووجهات نظر للجماهير وليست مدرج للتشجيع والفريق يلعب مع العلم ان الادارة الهلالية محترفة واذاكانت تطلع على مايكتب فهي تعرف الغث من السمين وتستفيد من الطرح الايجابي وتتفادى السلبي امااللاعبين فالمعروف ان الافضل لهم البعد عن الاعلام بكل اشكاله سواء صحف او منتديات سواءً تنتقد او تمتدح او تكسر مجاديف او تطبل

احترم روعة اسلوبك . واحترم وجهة نظرك ..

وبكلامي ما امنع احد من الانتقاد .. لان هذا حق من حقوق كل مشجعين الهلال .. لكن مو بهالوقت لان هالوقت وهالفترة الانتقاد ما راح يزيد بأي شي ..
بنهاية الموسم الكل له حق الانتقاد لكن حاليا .. ما راح يجيب نتيجة ..
اشكرك اخوي