السلام عليكم ورحمة الله وبركاته . .

الف مبروك للهلال التعادل الإيجابي وبهذا الهلال يلعب ب 3 فرص في الرياض

الفوز ... التعادل السلبي 0-0 .. التعادل الإيجابي 1-1


المباراة الجارية ستكشف أشياء كثيرة

ستكتشف كفاءة المدرب ... ستكتشف كفاءة سامي الجابر .. ستكتشف روح وحب وعزم لاعبين الهلال .. ستكتشف التحرك الاداري وعود المكافآت وهو الخ ..



على العموم الهلال يمتلك أقوى وسط في اسيا .. وأقوى هجوم في اسيا .. ولكن قوة هذه المراكز اختفت لسببين :

1- تكتيك المدرب السيء
2- ضعف الدفاع الهلالي و الحراسة الهلالية .. وبرحيل هوساوي ستزداد الامور سوءا أيضاً ضعف المحاور الهلالية نلوم المدرب ونقول ليش اختفى هلال قريتس .. يأناس يا عالم هلال قريتي كان يمتلك افضل محاور في اسيا ... قائد منتخب رومانيا رادوي .. واللاعب الكبير الخائن خالد عزيز ونلوم المدرب الذي لأي ملك سوى هرماش المتواضع فنيا و صديق العيادة الطبية الغنام .. هلال قريتي يمتلك ظهير ين من افضل الاظهرة لي يونغ و الزوري على ايام مستوياته الجميلة ...

عموما اتمنى من الادارة الهلالية الموسم القادم بيع العربي وجلب قلب دفاع كبير عالمي لايشق عليه غبار وبيع هوامش وجلب محور من طينة رادوي وبيع ويل هامسون وجلب لاعب من طينة كماتشو نيفيز ...




هارد لك التعادل

إقتباس الرسالة الأصلية كتبت بواسطة فآإرس الحربي - بالحضور والتشجيع راح نتأهل ، ماراح نرضى الا بالفوز .. - قادرين بإذن الله ..

صادق والله

وما فيه شي بعيد الله يوفق زعيمنا في المباراه القادمـه

علة الهلال الابدية الدفاع ثم الدفاع ثم الدفاع يا عالم اقسم بالله حتى الحريم اللي تفرجون على مباريات الهلال يعرفون ان علة الهلال الدفاع و كان رادوي وعزيز مغطين فضائح المرشدي والزوري وهوساوي الحين كل يوم تبين الحقيقة لا وانضم معهم المعتوه هرماش والغنام الضائع والا كيف يسجل فينا هذف في كل مباريات الهلال جميع الفرق التي قابلها الهلال سجلت فبنا ماعدا فريق النصر
ياناس حتى الانصار وهجر والقادسية سجلو فينا ما فيه احد يفهم كورة الى متى ونحن نجامل على حساب الفريق
الهلال يمر بمرحلة صعبة والمدرب فقير فنيا واضح ان فيه تدخل في عمله والدليل اليوم الكوري يصخن من بدري وفجاة اشوف الفقراوي الحارثي ينزل الله لايبارك فيه ولا باللي جابه

الفريق بحاجه لدفاع صلب و توظيف الاعبين بشكل صحيح واللعب بتركيز امام المرمى

بالتوفيق للزعيم وفالهم الفوز ان شاءالله الخميس

يعطيك العافيه

ان شاء الله راح نفوز لكن

لي بعض التوجيهات ممكن اسميه نقد ع الفريق اليوم

اول شي اتمنى بن مساعد يسمع من بنته الي تحبه وتموت فيه لاني من جد ما اتخيل اني اشجع الهلال وانت مافي

رجاء امممم طلب امممم امنيه <<< انك لا تفكر تترك الفريق لو مهما صار

واحنا كجمهور او جمهورات عشاننا بنات راح نحلل الاخطاء وراح نصلحها مع بعض

انا راح اقولكم ع بعض ملاحظاتي في هالمباراه واتمنى ماتكرررر <<<< معصبه لاني من جد اليوم عصبتوووووني

اول شي

1- المدرب وش ينتظر يوصل للدقيقه 70 وبعدها يغير ع كذا لازم يسمحو لمدربنا مو بس 3 تغيرات ال 11 كلها

مره يتاخر في التغير شايف اللعيبه كيف يبدا يحرك ينظم يسوي اي شي في عيشته اآآآآآآآآآآآآآآآآآآآآآآآآآآه لو اني انا المدربه بس يلا الحمدلله ع كل حال لا سمحو ياخدون بنات <<< بكون اول وحده للهلال

2- اخطاء الدفاع اللي كل واحد ما يدري وين الله حاطه وكل واحد يحاول يورط خويه يناول يقوله امسك انت كمل انا مالي شغل

3- الهجوم وما ادراك ما الهجوم لا في تفاهم الحمدلله والشكر ولا فيه تنظيم كل واحد منتظر الكوره تيجي عند رجله عشان يجري فيها
ترا فاهمين الهجوم غلط

4- التباطئ في التمريرات

5- ما ادري ليه احس اللعيبه كلهم جنب بعض هم متلخبطين هم يلعبون بدون خطه كان ودي افهم بس ما لقيت احد يفهمني كانهم منتظرين القطار

6- يسوووو فاولات في اماكن خطيره مالها داعي ليه ليه ليه

7- الانانيه ثم الانانيه ثم الانانيه
ترا الفوز ينحسب لكل الفريق مو بس اللي جاب الهدف
يمشي بالكوره كان عندي امل يناول للي معاه فجاه الاقيه شاطها ليه ليه
ابعدو عن الانانيه

8- فاولات الشلهوب الي جات
حبيبي يا الشلهوب والله انك احلى وارق واغلى لاعب عربي سعودي خليجي كل شي

الفاول جا باليمين وانت اصلا تشوط باليسار كان تركته حق احد ثاني او كان ناولت رفعت سويت اي شي

بس ارجع واقول الحمدلله ع كل حال

ادري اني طولت عليكم بس مقهووووووووووووووووووورهـ ع المباراه

اشوفها مباراه سيئه في حق الزعيم

حسسوني انهم بيلعبووو تمرين مو مباراه

الله يعوضنا خير ان شاء الله في مباراه الاياب

اذا تبون لعب الهلال يتغير اطردوا المدرب واتعاقدوا مع ( صانع العاب ) حقيقي ...

الله كريم ..



.

الحضور الايجابي والتشجيع هو ما يمكن لنا كزعماء فعله الان .. وقت الحصاد الان .. اوافقك في كثير مما ذكرت .. واعتقد سمعنا اليوم انه بدأ الغزل مع مدافع استرالي .. والعين ع محور افريقي في الدوري الالماني طبعا كله الى الان كلام ؟!

الاهم اماطة الاتحاد عن الطريق .. وتعبئة الدره مساء الخميس

المدرب ثم المدرب ثم المدرب والله ماله اي شغل في التدريب اي هلال صنعت ياهيسك
دفااع متهالك.. وسط متفكك.. هجوووم الله بالخير
اتمنى من الاداااره الهلاليه ايزااع التدريب لفيصل ابو اثنين او مدرب شباب الهلال

من يقول لى هرماش وش يلعب ملخبط الاداء

هرماش محور دفاعي فقط او يستريح على الدكه

إقتباس الرسالة الأصلية كتبت بواسطة هلالي - ايمانا على العموم الهلال يمتلك أقوى وسط في اسيا .. وأقوى هجوم في اسيا ..

و الله ما ضيعنا إلا هالكلام و الترفيع و التطبيل المبالغ فيه
هجومنا يا عزيزي عقيم جداً و بالنسبة للوسط جيد لكن في آسيا ما يصنف من الأفضل
لو كان كلامك صحيح لـ تصدرنا مجموعتنا ( على الأقل ) ناهيك عن تحقيق اللقب

و اليوم شفنا وسط الإتحاد بـ لاعب إنظباطي واحد إستطاع يقلب النتيجة
و هاللاعب هو ( حسني عبد ربه ) المصري المميز اللي الكل شاهد دقة تمريراته
و ثقله في الملعب لدرجة أنك تحس أن ( محمد نور ) أفضل وسط عندهم ما غاب و الإتحاديين ما صاروا يتعذرون بغياب محمد نور لأن حسني يكفي و زيادة و فنياً أفضل من نور

الحارس تحس في اي لحظه بتجيك جلطه أو سكته قلبيه (الله يحميكم) من مستواه اللي لا يليق بلاعب في الزعيم ..يا اخوان قسما بالله يدي على قلبي مع كل هجمه على مرمى الهلال الليله وغير الليله لو أي فريق يهاجم حتى لو الانصار أحس المرمى فاضي ما فيه حارس .. الله يذكرك بالخير يا الدعيع ...

طيب حطوا السديري .. والله العظيم أفضل بكثير من الكابتن حسن العتيبي

يا إداره تكفون المجاملات معاد تنفع .. قولو للعتيبي بيض الله وجهك ما قصرت .. لازم الا يحرس عشانه كبير في السن يعني ..

أدري يا إدارة مو أنتم اللي تدخلونه التشكيله بس المشكله ان المدرب فاااااااااااااشل .. ولا يعرف وين ربي حاطه .. عشان كذا نقول يا اداره..

بعدين خيرات والغنام والمرشدي !!!!!!!!!!!!!!!!!!!!!!! لاعبين أقل من عاديين نتمنى تشوفون لهم صرفه الموسم القادم .. اذا جلسوا للموسم القادم اساسيين .. فحسبنا الله ونعم الوكيل ...

شكرا ,,,

الجماهير اللي تطالب بمدافع وتقول وان الدفاع عندنا فاشل والخ من اللي تقوولونه نفسي اعرف رايكم بدفاعات نادي الاتحاد اليوم وش تسمون
العك الكروي اللي يسوونه اذا كانت اخطاء دفاعنا كوارثيه ....
ثانيا لاعبييين يلعبووون في غير مراكزهم ويقدمون المطلوب منهم والدليل كم فرصه سنحت لمهاجميين الاتحاد ....
اما عن الاهداف فيتحملها محور الفريق الذي لادري هل مايفعله اجتهاد منه ام تعليمات مدرب فأن كان اجتهاد فهو في غير محله وان كانت تعليمات مدرب فالله يعيين والوعد نهاية الموسم..عندنا الكثير والكثير لنقوله فكونوا على الوعد اما الان دعونا نوحد صفوفنا لدعم الفريق
وتشجيعه حتى يجتاز هذه المرحله الصعبه ولنعمل على طرح الافكار التحفيزيه ...