رجعنا لموال مدرجات ملعب جده امام الاتحاد...يا ادارتنا حسوا فينا - نادي الهلال السعودي - شبكة الزعيم

king.yasser · #1 19/04/2012, 07:45 PM

ماني عارف سبب اثارة الاتحاديين والاهلاويين موضوع تقسيم المدرجات في مبارياتنا معهم اذا كانت المباراه في جده وكأننا نعيش في دولتين !

الغريب ان المباراه اذا كانت في الرياض تختفي حكاية التقسيم واذا كانت في جده تظهر نغمة 80% و20% مع العلم ان ملعب فيصل بن فهد مايفرق كثير في سعته عن ملعب عبدالله الفيصل يعني المفروض التعامل بالمثل اذا كانت المباراه بملعبنا .

سبحان الله صوت الهلاليين ضعيف اذا كان الموضوع متعلق بحقوق وكرامة الجمهور واذا تكلموا يكون على استحياء حتى الاهانات اللي يتعرض لها الجمهور الهلالي في جده مافيه أي شكوى للجهات المختصه ولا حتى اقل شيء بيان يستنكر مايتعرض له جمهور الهلال بملعب عبدالله الفيصل ..والله الفريق اذا لعب بجده نحس كجماهير انا نلعب خارج المملكه ومع فريق دوله معاديه .

ياليت من الآن ادارتنا تتحرك في الاتجاهين في نفس الوقت يعني تطالب باحترام جمهور الهلال في ملعب جده وحمايته من المضايقات اللي نتعرض لها وايضا تطالب بتساوي نسب التقسيم بنفس المقدار في الملعبين.