أعتقد مباراة أمس ما كانت بالمأمول .. من وجهة نظري
لأسباب أهمها الإرهاق .. كان واضح على اللاعبين .. خصوصا حول نهاية الشوط الثاني بدوا وكأنهم يلعبون شوط ثاني إضافي ..
السبب الثاني .. الضغط اللي يواجهه كلا الفريقين من التفكير في هالمباراة ..
والمباراة القادمة أوربيا ..
كلاهما مهزوم أمام فريق قوي .. وكلاهما يريد الفوز في كل شيء .. وفي الوقت نفسه كلاهما مرهق .. مرهق جدا .. أسبوع عاصف
أعذر قوارديولا لو أخطأ .. فالضغط الرهيب الذي واجهه والظروف العصيبة مثل غياب بيكي وفيا في مباريات حاسمة كان لها أثرها في لخبطة حساباته .. وعموما لكل جواد كبوة .. وجواردي تألق لفترة طويلة مع فريقه فلا يصح من سقطة أن نستخدم معه المنطق العربي العقيم : إن فزت أنت الملك .. وإن خسرت هلكت مع من هلك ..
في المقابل تألق دفاع الريال وكاسياس في تطبيق خطة دفاعية صارمة كان له دور كبير في الفوز .. خصوصا في ظل الرعونة التي لازمت الفرص القليلة التي سنحت للبلوقرانا .. شعرت بالأمس أن مدريد فريق إيطالي .. مورينيو غير جلد مدريد .. وفي الحقيقة لم يعجبني هذا .. لا أعرف مدريد إلا مهاجما .. عموما .. حقه .. اللي تكسب به العب به
يا إخوان نحن أكبر من التهجم والتهكم لأجل كرة .. الكرة الهدف منها المتعة .. وترى والله ما أحد داري عنا ..
مشرف منتدى الرياضة العربية والعالمية رئيس رابطة تشيلسي
تاريخ التسجيل: 23/02/2009
مشاركات: 2,075
أجل هذا جحيم الكامب نو الي أزعجونا فيه ؟ جايينكم ي برشلونهه خخخ
مبروكك مدريديه ، هاردلكم برشلونيه وعلى راسهم ضاري ،، للأسف م لحقت أشوف المباراه كامله لـ ظروف خارجه عن الإرادهه ،، جيت على دخول سانشيز وتسجيله للهدف ،، ويوم سجل الدون وقالهم " إركدو " قلت أجل أمورهم بالسليم وبعدها مادريت عن شي .. ولاهي بأول مره يفوتني الكلاسيكو يعني متعودين خخخ .. حتى هدف خضيره ماشفته للحين ،، فارق السبع نقاط تزيد من حظوظ مدريد بالحصول بالدوري ،، الأمور بيدهم ، فوزين بالجولتين الجايه ونباركلكم رسمي ،، وإن شاء الله تكون ها الهزيمه من صالحنا
الله يهديكم بس الدوري بين يدينهم وانتم فرحانين أنهم متقدمين عليكم +4 هههههههههههه
أصلاً هم ماطقوا خبر لنا بس مقهورين راح عليهم الطابور هههههههههههههههههههههههه
ما كنت اتمنى الريال يتعثر بالتعادل لأنه بيلعب وبيدخل كل مباراه بحماس قوي جداً ولا أظن
تعثره حتى في الكامب نو ما اعتقد يخسر يمكن تعادل !!
ان شاءالله الضغط يأثر عليهم خصوصاً أنهم مو متعودين على الضغط ومثل ماقال تياغو
عليك أن تتعرق يا مدريد
.
^^
رد سابق لي في استوديو الجوله 32 بعد مباراة الريال × فالنسيا وفعلاً صار اللي كنت أتوقعه، لو كان الفارق ثلاث نقاط لما شفنا استهبال بيب بالتشكيله ولا شفنا الراحه النفسيه اللي دخل فيها الريال المباراه، الريال لعب المباراه بذكاء وكان داخل بنفسيه عاليه ولأول مره أشوف الريال بهالنفسيه مش قدام البارسا حتى قدام الانديه الصغيره بالأمس مافيه نرفزه نهائياً !! اعتقد أن مورينيو لعبها صح وذكرهم بالنقطه التي لصالحهم هذا ما جعلهم يلعبون بكامل الأريحية .. بيب كان عنده تفكير في مباراة الامس وتفكيره جميل ولكنه ماضبط ونقول ما لقحت معه حب ان تيو كما هو الواضح للكل أنه يلعب في ظهر أربليوا السيء ولكن تيو يفتقد للخبره ومع ذلك شفناه طلع بكورتين أو ثلاث وسبب مشاكل كبيره للريال .. تقريباً هذا السبب اللي حد من خطورة البارسا ماشفنا دفاع يتفكك ويتيح لميسي المساحات ولا شفنا في العمق اختراقات وكل هذا بسبب تفكيره بتيّو
المباراه انتهت بخيرها وشرها ومبروك للريال وهاردلك للبارسا
شكل بيب يتبع نظام لا جيت رايح كثّر الفضايح .. الله يستر
من فترة طوووويلة , للأسف , الوآحد يدخل تقديم مباريات نآدر يحصّل اللي يحلّل لك المباراة ( بالتحديد بعد المباريات ) , اغلب الردود إستفزآزية ومافيها اي فايده للقآرئ .
,,,
بخصوص الكلاسيكو
ببدأ بالمُضيف برشلونة , المدرب بيب أعتقد يتحمل النسبة الاعلى لخسارة برشلونة , فاجئ الجميع بالتشكيلة وبـ ابقاء فابري و سانشيز ع الدكة , قد يكون معذور في سانشيز على اعتبار كثرة اصابات اللاعب + تنتظرة مباراة مهمة يوم الثلاثاء + كان فيه شكوك في مشاركة اللاعب ( لذلك ممكن يُعذر بيب من هالناحية ) اما ابقاء فابري ( حتى وإن كان بعيد عن مستواه ) إلا انه يبقى لاعب عنده خبره وله ثقلله بالملعب ومتفآهم كثيير مع اللاعبين , عكس تيو أو تيلو < ( مو متاكد من اسمه ) اللي وآضح عليه الارتباك مما سبب في ضياع فرصة محققة + تصرف غرييب في كذا كورة دآخل منطقة الجزآء , غوارديولا ايضاً تأخر في تغييراته و ماكان موفق ابد في اخراج تشافي وإبقاء تياقو .
للامآنة كنت متفآئل كثيير قبل المباراة بأيام ( وكان توقعي , إذا مافزنا مآراح نخسر ) لكن قبل المباراة بساعة ولما شفت تشكيلة برشلونة قلت غير الفوز مايرضيني حتى لو كانت المباراة ع الكامب نو وهذا ماحصل الحمد لله .
بخصوص ريال مدريد
اعجبن مورينيو لما لعب بنقاط قوته في التشكيلة الاساسية ومالعب على نقاط قوة الخصم ( مثل ماكان في الكلاسيكوات السابقة ) , كمشجع لريال مدريد تمنيت مارسيلو اساسي على حساب كوينتراو لاخطاء الاخير في اكثر من مباراة ابرزها مباراة البايرن واللي كلفنا خسارة , لكن كوينتراو كآن قد الثقة اللي منحها له مورينيو وقدم مباراة ممتازة دفاعيا وماكان يعيبه الا التشتيت رغم امكانية بناء هجمات للريال , باقي الدفاع والمحاور كانو في افضل مستوياتهم وقدرو يمنعون خطورة برشلونة وخصوصاً من ميسي و الفيس , دي ماريا وبغض النظر عن مساهمته في الهدف الثاني إلا انه قدم مباراة سيئة , اوزيل بوجهة نظري نجم المباراة الاول كان صانع لعب وقام بدور جديد وبأمتياز واللي هو دوري المحاور وقدر يفتك كثيير من هجمات برشلونة , الريال كان بالامكان يطلع باكثر من هدفين لولا اسعجال بنزيما ( اللي كان احد نجوم الريال ) , اما كريس فكان بطل وحآسم كعادته وقدر يضرب عصفورين بحجر ( بتصدر الريال بفارق 7 نقاط و تصدره لـ هدافي الليغا بـ 43 هدف ) .
احد اهم اسباب فوز الريال في الكلاسيكو كان هدوووء اللاعبين , اللي وبالرغم من تسجيل برشلونة لهدف التعادل في وقت جيد وكان بإمكانه قلب الطاولة إلا ان اللاعبين قدرو يلبعون بنفس الهدوء مما سآهم في تسجيل الريال هدف ثآني .
هآردلك برشلونة ,,, مبروك ريال مدريد
وبالتوفيق للريال يوم الاربعآء وبإذن الله تكتمل الافرآح
انا ودي اعرف وش عبقرية مورينهو امس نفس الاسلوب الي يلعب فيه ضد البرشا امس بس الي ورط برشلونه بيب جوارديولا الثقة الزائده تنكبك اجل بيكي احتياط وسانشيز وفابريجاس وبيدرو فسلسفه زائده ويوم الاربعاء يجب على بيب الفوز على تشيلسي
آلف مبـروك فوز مدريد و هآردلك لـ عشآق البرشآ , على كثر مآ آمتعني ميسي و صفقت له رغما عني آلآ آن آدآئه آلبآرحه كآن شيء مقزز , لست آلقي باللوم آو آحآول آشفي غليلي , آلآعب هذآ رقم وآحد في العآلم سوآء كآن رونآلدو سبب فوز مدريد آو لم يكن , لكن كآن على الوقف , مآيضغط آبدآ على الكوره , آنييستآ / تشآفي .. لآ يستطيعوآ توصيل كور صحيحه .. معقوله !! على العموم تـيلو كآن ب آمكآنه يكتب آسمه ب نفس طريقة ميسي [ في الكتابه فقط ] .
ريآل مــدريد وش آقـول عن آمس .! آنضبـآط تكتيكـي رهـيب جدآ جدآ , مآ آخفيكم آني كنت مع البرسآ لأن لعبهم يمتعني و غير كذآ كآن تشجيعي لعآنه لآخوي المدريدي , لكـن المرنقـي آمس كآن [ آغنـيه طربيه قديمـه ] آممم تشعر ب آنك بلغت من العمر عتيآ و آنت ترى تلك الاغنيه اللتي عرُضت للمره آلآولى قبل 50 سنه آيآم صبآك ! الدفآع مآهـو عيـب ي جمآعه , آستشفيت من بعض الردود كذآ .! كل الفرق تدآفع ضد برشلونه , مآفي مشكله .. المشكله كآنت آنهم ب دفآعهم آستطآعوآ ضربكم ب مقتل بعد التعآدل على طـول ب لمستين وصلت الكوره رونآلدو , و تعآمل معهآ بوآقعيه دون ذكآء لآنه آستخدم غبآ المدعـو فيكـتور في ذآلك .
على طآري فيكـتور , في نصف نهآئي دوري الابطـآل , مبآرآة ريآل مدريد و البآيرن كآنت النجوميه المطلقه ل آيكر كآسيس و نـوير .. آسمآئهم ثقيله جدآ على مستوى سوق حرآس المرمى , كآنوآ قد مآ هم عليه من مكآنه . مبآرآة تشلـسي و برشلونه .. بيتر كآن وآقف غصه في حـلق الفريق الكتلـوني , اللي مآحآلفه الحظ في نسبه مئويه و النسبه الثآنيه كآنت ب سبب بيتر . آمآ فآلديز .. ف الفريق الكتلوني ب شكل عآم هو من يستر عورته , بدلآ من آن يسترهم , لكم في هدف دروجبآ و خروجه الآ مسئول في كورنر هدف خصيره , آضآفه آلى عدم آجآدته آغلآق المرمى بعد آخل الدون ب توآزنه عندمآ آخذ به نصف خطوه آلى الزآويه ثم لعبهآ في موضعه اللي كآن آولى به آن يقف به .
نهآيةً .. مثلمآ في كل ديربي يمتعني البرشـآ , آستمتعت البآرحه ب آنضبآط مدريد ب هدوء مدريد , ب كبريآء مدريد , و خصـوصآ ب تركيز مدريد اللي جعل من لآعبي البرسآ في حآلة نرفزه مآ دعآهم ل التشتت الذهني .. آجل برشلونه لآ يستطيع آيصآل كرآتهم كمآ يريدون ! بالفعـل مورينـهو آتى بهآ كمآ آرآد , القآدم آمتع آن آستمرت الكتآئب كمآ هي في الدفه التدريبيه .
امس بيب دخل بتشكيله ماهي تشكيله كلاسيكو صراحة حتى لو انه يفكر في البلوز
هذا كلاسيكو وعلى ارضك ويقلص لك الفرق لنقطه واحد ممنوعه الفلسفة يا بيب
مورينهو لعب بواقعية كبيرة وغير في اسلوب لاعبية امس من النرفزة الى الهدووء
لاعبين الريال امس داخلين وتفكيرهم في الكورة والكورة فقط مركزيين جداً في المباراة
وهذا احد اسباب فوزهم
المباراة تحكيمياً نظيفة ولا يوجد فيها شي من وجهة نظري والحكم كان قد الكلاسيكو امس
جماهير برشلونة ترا منتم لحالكم بالليقا في غيركم يكد ويكدح ليل نهار يبيها
اهدو وقولو لهم مبروووك وفالنا التشامب وكاس الملك ان شاء الله .. ؛)
الف مبروك لكل مدريدي الريال استحق الفوز امس وبكذا استحق الدوري بجداره الرريال امس لعب مبباره خرافيه بخصوص اللي يتكلمون عن الحكم انا اشوف ان الحكم ادى مباره كويسه وومافي اي اخطاء اثرت ع مجرى المباره قدر الله وماشاء فعل وهاردلك برشلونيه الفرريق امس سيئ للغايه الان التفكير بالابطال الله ييسرها علينا ونتأهل من قدام تشلسي العنيد
همسه للعقلاء( يا ليت نبتعد عن الكلام والتجريح بأحد اتمنى
جايينكم ي برشلونهه خخخ 
) .
, لكـن المرنقـي آمس كآن [ آغنـيه طربيه قديمـه ] آممم تشعر ب آنك بلغت من العمر عتيآ و آنت ترى تلك الاغنيه اللتي عرُضت للمره آلآولى قبل 50 سنه آيآم صبآك !
: ميسي لعب امس ؟؟؟ 
الوضع المتطور
