تصدقون ألاحظ في لاعبين الهلال اذا حضرت جماهير كثيره مايبدعون الاعبين بعكس قلة الجمهور

تذكروا مباراة الهلال والكويت الكويتي الحضور يقارب ال 70000 وانتهت المباراه بتعادل 1\1 الاحظ اذا إمتلأ الملعب من الجمهور الهلالي الخصم هو اللي يبدع مو لاعبين الهلال

تحيـــاتي

جمهور الهلال في مباراة الوحدة الاماراتي




جمهور الهلال في مباراة ذوب اهان




جمهور الهلال في مباراة أم صلال القطري


ماذا فعلتم يا أدارة الهلال هذا الجمهور قد حظر و أخرجتوه حزينا كالعادة

لا تعلقوا أخفاقاتكم على الجمهور المسكين المغلوب على أمره

آلله يعطيك آلف عآفية
عاد ماشفناك حضرت المباراة
جالس في بيتكم

الله يعطيك الف عافيه. لان الاداره بس هي اللي تفهم كوره الجمهور مايفهم شي عادي راح الدوري والمركز الثاني واسيا السنه الجايه احتمال انها تروح او تقولي احضروا بعد لو حظروا جددوا معاه عشر سنين قدام الزعيم مو زي اي نادي خلاص الجمهور مايحضر على طول شيل المدرب او استقيل

أنا اقترح ينقلون المباريات لملعب النادي لعل وعسى تملي المدرجات


بصرااااحة جمهووور يفشششل بمعنى الكلمة

وأتمنى تكون كل مباريات الهلال الاربعاء والخميس عشان يحضرون جماهير الهلال من القصيم وحائل وسدير والمناطق القريبة من الرياض ... والا جمهور الرياض مافيهم طب .

إقتباس الرسالة الأصلية كتبت بواسطة حبي القديم ياليت يتم نقل مبارايات الهلال الي اي مدينه خارج الرياض علشان نشوف حضوركم، ماعندكم الا شماعة الحضور والجاسر قاعد يطبل للاداره وبعملهم السيء بالفريق وعذرهم بالجمهور بالله عليك لو حضر 20.000 بيغير شي من حال الفريق المتهالك،

عذراً أخي العزيز الي علينا نحضر ونساند الفريق
شوف جمهور الأهلي فائز أو مهزوم حاضر حاضر
أتمنى جميع المباريات ببريدة

مشكور اخوي على الموضوع بس الصراحه الاعبين مايستاهلون انك تحضر لهم وحتى لو ينقلونها لجده على كلامك وتشوف المستوى والبرود والدفاع الشوارع الي عندك وربي ماراح تحضر انا معك لو الهلال يلعب بروح ويذبح نفسه انا راضي اني احضر اما اني احضر ويلعبون لك وكل واحد فيهم يفكر انه يلعب في دوري ابطال اوروبا وغرور ومسخره انا ما ارضها على نفسي اتعب نفسي على الاشكال الي لعبت امس وبالنسبه الي على كلامك لو تنقل المبارة لا افريقيا هذا فريقك ولاراح يتغير الا اذا شلت ذا الاصلع وجبت مدرب زي الناس..

وعليكم السلام ورحمة الله وبركاته

قلت اللي ببالي كله والله

أنا أتمنى أن يلعبون الهلال بالبطولات الآسيوية غير الرياض مثل : الدمام - جدة - القصيم - حائل

قسم بالله حنا يا جماهير الهلال بحايل مشتاقين لطلة الزعيم

انقلوا مباريات الزعيم عندنا بالقصيم وستشاهدون كيف الجماهير الوفية
خلاص أهل الرياض تشبعوا من المباريات وما فيهم أمل
نرجوا من ادارة الهلال تجربة نقل احدى مباريات الزعيم خارج الرياض

للأسف جمهور الرياض يثبت دائماً صحة كلامي جمهور يمن على ادارة النادي بحضوره ولنا مثال بالموسم الماضي حينما أنهى الهلال الدوري بدون خسارة كان جمهور الرياض حضوره ضعيف أيضاً وفي المستقبل لن يتغير شيء وكما ذكرت سابقاً اللي يشوف ان الفريق فاشل الله لايهينه يروح يشجع له نادي ثاني ازين لنا وله
أما بخصوص فكرة نقل مباريات الهلال خارج الرياض فأنا أعتقد ان مدينتي بريدة مناسبة جداً وذلك لشعبية الزعيم الجارفة بكل أرجاء القصيم ولوفاء جمهورنا هناك
وفي الختام تحياتي للجميع وتقبلوا مروري وشكراً.
والشكر موصول لمعجب هلالي عشان كلامه سليم ميه الميه

أخوكم mjeedx

إقتباس الرسالة الأصلية كتبت بواسطة إبن عبـــاد الا والله ودك لو ينقلونها للقصيم خل جمهور الرياض يتربى شوي

وانشششششششششششششششششششششهد