2000 مشجع والمتعة في المسارح !! - صفحة رقم 3 - نادي الهلال السعودي - شبكة الزعيم

الزعيم روح شعلان · #1 18/04/2012, 03:30 PM

اشكرك على طرحك الجميل لكن تبي الصدق جمهورنا حتى والهلال بافضل مستوياته لا يحضر فكيف لا كان في مستوى مهزوز

جمهورنا غريب ما تدري هل يعشق الهلال او يعشق لللاعبين يعني اتوقع لو نفيز ورادوي وطارق التايب وياسر القحطاني

موجودين كان الحضور كبير مره يتعذرون بالمستوى والموسم الماضي الهلال حاسم الدوري من بدري وكان الجمهور لا يحضر فكيف والهلال يبني نفسه من جديد لكن للاسف ماادري وش اقول الله يصلح الحال والف شكر لك

¨¨˜˜°هـہـلآلـہـيه · #2 18/04/2012, 03:42 PM

كلامك صحح والي الحين هناا جااين وينتقدون ويقول مطبلل ابصم لك بالعششر هم جماهير الرياض

الي يعرفون يتكلمون .. وانتقاد تجريحي .. بسس هذا الي عندهم

شووف كل الاندديه ينزل مستواها تتعثر تجلسس كم سنه ماتنافس ع بطوله

وجماهيره معهم ويحضروون ويشجعونهم كاانهم افضل فريق

ليه بس جماهير الهلال الي تزعل وماتوقف مع الفريق بمجررد ماينهزم او ينزل مستواه ...

اتمننى صرااحه يجي جواب مقنع من جماهير الرياض الي تجيب الهم

مايو1981 · #3 18/04/2012, 03:48 PM

لم أكن أتوقع أبداً أن يكون الحضور
بهذا الشكل المخجل
خصوصاً أن المباراة على ملعب
الأمير فيصل بن فهد بالملز
في وسط البلد

خالدعبدالرحمن** · #4 18/04/2012, 05:36 PM

الله يعطيك العافيه
اخوي تعاتب الجمهور اعتب على من يشوف الهلال يتخبط وساكت
هذا اللي نشوفه ثمن الاستعداد والتعاقدات الاجنبيه والمحليه الفاشله ماللجمهور دخل فيها
جمهور الهلال لوبيده جب افضل اللاعبين الاجانب ما فكر يستثمر وش نفع الهلال هالسنه التفكير بالاستثمار
لو بيد جمهور الهلال جاب افضل المدربيين مو يجيب حي الله مدرب ويقول السي في مو مهم ويضيع الفريق
لو بيد جمهور الهلال تعاقد محليين مع لاعبين مميزين مو لاعبين اي كلام ولاعبين جبر الخواطر
وين تبي الجمهور يحضر بفريق مستواه يفشل بفريق ما تعرف من بيلعب وكيف بيلعب
فريق يفوز بالموت وبعد ما يرفع الظغط ستين مره
او نجي ونحضر ويهزم الهلال بس بوجود لاعبين نجوم ومخلصين وبمستوى طيب
لا تطالب الجمهور بالحضور وهو ماله ذنب بالللي يصير للهلال
معروف من يبي اللؤم والعتب
وبالتوفيق يارب لك وللهلال ادارة وجمهور ولاعبين

هلالي اشبيليا · #5 18/04/2012, 05:42 PM

يعطيك العافيه موضوع رائع

FC LYON · #6 18/04/2012, 06:10 PM

لا تهضم حق الجمهور
من اول الموسم واقفين مع الفريق وزفوه لبطولة ولي العهد
,,,,,,,,,,,,,,
بعدين ما الومهم ناظر المستوى الباهت لفريقنا
دام المرشدي وخيرات والغنام ونامي بالتشكيل
ابشرك
العزوف الجماهيري في ازدياد

كلي زعامه هلاليه · #7 18/04/2012, 07:32 PM

الله يهديهمم وباذن الله يتعلمون الدرس .. ويأزرون الفريق ..

&الحذام& · #8 18/04/2012, 07:42 PM

اقول سااامي قال

رساااااالة الجمهور وصلت

يعني جاء الدور الإيجابي من الجمهور

الحضور لازم يرجع و تحية لجميع الاعبين

والنداء بالأسماء والتشجيع و التصفيق

على طول المباراة

حتى نعطيهم دفعة للمباراة مع بيروزي

CHOCOLET · #9 18/04/2012, 07:47 PM

والله اذا فريق يرفع الضغط ولايشجعك تحضر اصلن يعني تجي وتتعب وفي الاخير تطلع من المباراه ضايق صدرك
الا خلنا في بيوتنا نتفرج وتحت المكيف ويالله من فضلك اداره لاتسمع للجمهور ومدرب فاشل

(((C.RONALDO))) · #10 18/04/2012, 07:50 PM

للأســف الجمهور خذل الفريق اليوم في عدم الحضور .!

مباراة مهمه وفي أسيا والحضور 2000 ...!!!

مشكور على الطرح .

√ םяĸоо << · #11 18/04/2012, 07:59 PM

::

أقسم بالله شي يقهر كل اللي يبغون شد الأنتباه يكتبون عن الجمهور
لماذا لم يحضر ولماذا لم يآزر فريقه وهو بأشد الحاجه إليه !

أخي الكريم إلى متى وحنا نجامل بعضنـا .!
موسم بينتهي وحنا نجامل بعض

والله مافيه متعه أستمعت بها هذا الموسم وانا حاضر إلى مباراة وحده
الهلال والأهلي الدور الأول ..

أنظر إلى الهلال الموسم الماضي واللي قبله كيف يحضر وكيف يبيض الوجه
وجميع القنوات تتسابق لنقل المباراة .!

لماذا هذا الموسم نرجع إلى الوراء .. من المفترض أنه يكون درس للإداره
بأن الجمهور يريد المتعه يريد الأهداف بدل ما نتطور نرجع إلى الوراء
والله شي يقهر إذا عن الجمهور أنظر إلى جمهور الشباب وكم شخص إذا كانو 2000 هذا فضل من الله لهم
ياخي ما يوصلون 2000 ومع ذلك كل موسم يتطور لو جمهوره جمهور الهلال أبصم لك بأنه
سيبذل كل شي لجلب لاعبين على طراز عالي جدآ ..

انا اتكلم عن أغلبية الجمهور بأنه ليه يحضر ويجلس من أول الصافر إلى نهاية الصافر
وهو على اعصابه أو بعض المباريات يطلع وهو زعلان ..
ولا متعه ولا أي شي يذكر بهذا الهلال هذا الموسم ^_^
أبصم بأن اللي يكتب عن الجمهور لماذا لم يحضر ولماذا ولماذا
بأن راعي شاهي زياده سكر ورجل على رجل وجالس قدام التلفزيون شي يقهر وقسم بالله ..

سمو الأمير يعرف لماذا الجمهور لم يحضر ليه ينط واحد ويعاتب الجمهور
وهو يعرف بأن أكثر الجمهور يريد متعه وأهداف ولاعبين من طراز عالي

أنا كتبت هذا الرد وانا احضر أغلبية المباريات وكل ما اطلع من الملعب أقول
خلاص أخر مباراه بحضرها هالموسم لين يتعدل الفريق
وأرجع أروح أحضر والله لا عشآن عبدالرحمن بن مساعد ولا عشآن الآعبين
عشآن بس أسم الهلال

أتمنى محد يكتب عن الجمهور هذا الموسم
لكن الموسم القادم إذا كان فيه متعه تعال عاتب الجمهور

اعتذر عن الإطاله

عوآفي

::

فهد السنبلي · #12 18/04/2012, 08:41 PM

لما يلعبون ويحترقون عشان الشعار ساعتها بنحظر ليش نحظر وبالاخير نرجع وخاطرنا مكسور

alenazi · #13 18/04/2012, 09:39 PM

شكرا لك أخوي على الموضوع الجميل
يعطيك ألف عافيه وما قصرت

ياما فرحني الزعيم · #14 18/04/2012, 09:50 PM

اعتقد ان في عدم الحضوور للجمهور المخلص امر ايجابي وهو تنبيه وانذار للاعبين والادارة فقد لعبو باعصابنا كثيرا
وعبدالرحمن بن مساعد جالس يخبص في الفريق
فأنا واحد من الجمهور الهلالي المخلص الذي دائما احضر واسانده
حتي خارج المملكة
ولكن بصراحة قد بلغ السيل الزبا والهلال كلما يقترب من الجرف ويكاد ينهار
والادارة والاعبون بدون ادني احساس
ياخوفي نصبح مثل النصر. وا قهراااااه يازعيم

؛!!"البلياتشو"!!؛ · #15 18/04/2012, 09:55 PM

الله عليك يابو سواج

اتفق معك تماما في الحضور المخجل وبالذات لجماهير الرياض
لا اعلم السبب
هل هو تشبع ام ماذا ليس الموسم هذا فقط بل المواسم السابقه

واتمنى ان نجد الحلول لهذه المشكلة قبل ماتصاب هذه العدوى بقيه الجماهير الهلاليه في مختلف المناطق