إقتباس الرسالة الأصلية كتبت بواسطة »--(¯`هلالي´¯)--»M المساحات كبيره جداً بين الملعبين !!! ستامفورد بريدج : حجم الملعب : العرض 69 متر والطول 100 متر . الكامب نو : حجم الملعب : العرض 68 × الطول 105 متر يعني 4 متر زياده فقط في الطول والعرض برشلونه بيعمل مساحات في 4 متر !؟

والله صراحة أنا ما ادري , من النقل التلفزيوني تحس إنه ملعب الكامب نو أكبر من ملعب ستامفورد بكثير

ولا تدقق ثاني مرة خلاص ..

في البداية أبارك للبلوز .. و أقول هارد لك للبرشا

صراحة ما استمتعت بالمباراة بشكل كبير والسبب تكتل لاعبي تشلسي في ملعبهم
و كذلك استحواذ البرشا على الكوره ( الممل احيانا ) !!

كنت اطمح ان تكون المباراة مفتوحة ولو بشكل قليل .. من جانب تشيلسي طبعا
ولكن تشيلسي لعب بـ الشيء الي يكسب به .. وفعلا تحقق له ما اراد ..

برشلونه ليس سيء اليوم .. وانما الحظ هو السيء كالعاده !!

من شاهد المباراة يلاحظ وجود جميع لاعبي تشيلسي في ملعبهم
ومسكرين من جميع الجهات .. وهذا الامر صعب على البرشا اختراقهم في اغلب مجريات المباراة !!

ولكن و على الرغم من تكتل جميع لاعبي تشيلسي في ملعبهم
الا ان لاعبي البرشا اخترقوا ذلك التكتل في بعض الكرات النادره
وهنا تبرز براعة لاعبي البرشا .. ولكن هو الحظ الذي دايما ما يخذلهم .. و اه منك يا الحظ

من وجهة نظري .. البرشا ابدع وادى اللاعبين ما عليهم من جميع النواحي بإستثناء تضييع الفرص !!
وعدم التركيز امام المرمى .. كعادتهم طبعا .. ولكن بالاخير هي مسألة توفيق وهذا ما ذكرته سابقا


عندي بعض الملاحظات البسيطة :

1_ فابري اليوم كان بطيء خصوصا في الكرات الي تجيه من الخلف سواء من ميسي او تشافي
ولو كان فيه مهاجم سريع .. اتوقع كان استغل احد تلك التمريرات وسجل هدف

2_ دائما عندما تنقطع الكوره من لاعبي الوسط تكون الهجمه علينا خطيره جدا او تكون هدف كما حصل اليوم بعد ما انقطعت الكوره من ميسي .. ولكن ما هو السبب في ذلك ؟؟
هل الدفاع مب حاطين في بالهم خيار ان الكوره مارح تقطع .. لذلك اذا قطعت يتفاجئون ويتبهذلون كل هالبهذله ؟؟
يعني الى هالدرجه وصلت ثقتهم بلاعبي الوسط .. للدرجه الي تخليهم ما عاد يحطون في بالهم خيار ان الكوره ممكن تقطع وتسبب هجمه خطيره او هدف ؟؟
او ما هو السبب يا ترى ؟؟


عموما اتمنى ما تأثر نتيجة اليوم على الفريق يوم السبت .. وبالتوفيق للبرشا

king london صـدقنـي لـو فـيا مـوجود او لو عنـدنا فـان بـيرسي او دروغبـا كـان ماطلع البرشا بالنتـيجه هـذي ,, مـا استصـغر فـريقك لـكن هذا زمن بـرشلونه

وصعب اي فـريق يـقدر يجـاريه في اللعب ,, فـريقك كان له فرصه وحده واستغـلها دروغبا ,, دفاع بـرشلونه مـهوب ذاك الـزود

سـانشيز مسـتواه مـتذبذب وكـذلك بـيدرو ,, كل الي يحتاج برشلونه قلـب دفاع + مـهاجم مـايرحم ,, الله يـهديـك يـا بـيب يـوم قـلت ما احتاج ايـتو

.

مبروك تشلساوية ، فريقكم لعب على امكانياته مقارنة بخصمه من خلال خطين دفاعيين و بعشر لاعبين ! تسديدة وحدة على المرمى طول المباراة منها جاء الهدف !

برشلونة لعب اليوم مباراة جميلة جدا و بمستوى حلو ما تقدر تلوم أي أحد ، النقطة السلبية الوحيدة ضياع فرص سهلة جدا جدا قدام المرمى !

رغم تفرغ تشلسي للدفاع التام و المباراة بملعبه الا اننا خلقنا فرص محققة للتسجيل أكثر من أي مباراة ثانية لعب فيها خصمنا بنفس هالطريقة ، باقي جولة اياب قدام 90 ألف وبملعب تتوفر فيه المساحات والى الأن الفرص مفتوحة للفريقين !

كرة القدم رياضة مجحفة بحق متابعيها ، بكل الرياضات الثانية الأفضل يفوز ، هنا تكون أفضل من خصمك بعشر مرات تخلق فرص كثيرة كورة بالقائم و كورة بالعارضة ومن تسديدة وحدة على المرمى من الخصم تخسر !

الآن يجب أن توضع هالمباراة بالأرشيف ، السبت : الكلاسيكو و الثلاثاء : الاياب وكل المباراتين لازم تفوز لو بغيت تحقق هالبطولتين ، الأهم استغلال لو ربع الفرص المتاحة !!

..

المباراة بكوم و تساقط الخال المتغنج دروقبا بكوم ، شيئ مقزز رغم أننا متعودين على هالحركات منه !!!

إقتباس الرسالة الأصلية كتبت بواسطة هلالي الكتلان . المباراة بكوم و تساقط الخال المتغنج دروقبا بكوم ، شيئ مقزز رغم أننا متعودين على هالحركات منه !!!

^^

ايه متعودين ! دروغبا له مباريات كثير يسوي فيها هالمسرحيات ، فيه مقطع قديم باليوتيوب بس عجزت أجيبه يتكلم عن هالشي ، بالله عليك نصف نهائي دوري الأبطال فيه 5 دقايق وقت ضايع بين الشوطين بسبب لاعب واحد ، لا ويجلس بالأرض لين يوقف الحكم المباراة ويدخل الطاقم الطبي و خاصة الطبيبة الحلوة و بعد مايقتل الرتم و يضيع هالوقت يقوم مافيه شي !

##

فيه نقطة مهمة أحب أتكلم عنه ، أنتم فاهمين فكرة الاستحواذ بشكل غريب أو انكم - وهذا الأغلب - بس تحبون التهريج والضحك من خلال هالنقطة !

يا أعزائي لما استحوذ أنا ما أسوي هالشي من أجل الاستحواذ ومن دون هدف لهالعملية ، لما استحوذ أحرم خصمي من الكورة ، ولما أحرمه من الكورة أبحرمه من صناعة الفرص ، تخيلوا معي أن ميلان سدد 3 كرات فقط بين الخشبات الثلاث في مباراتي الذهاب و الاياب ، و أيضا اياب دور الثمانية العام الماضي سدد أرسنال 0 تسديدة بين الخشبات الثلاث ، تشلسي أمس على ملعبه لم يصنع فرص و سدد تسديدة واحدة على المرمى وهكذا !

الاستحواذ ينرفز الخصم ويخليه ياخذ كروت و يتعبه كثير لأنه صعب تلعب 90 دقيقة بدون كورة وبامكانكم الرجوع لتصاريح اللاعبين اللي يلعبون ضد برشلونة بعد نهاية المباراة أقرب مثال تصريح تشيك بالأمس عن المباراة !

الاستحواذ يخلي ميلان و ريال مدريد و كبار أوربا تدافع ضدك حتى بملاعبها ، تخلي جماهير سنتياغو برنابيو تصفر على فريقه لما تشوفه مايقدر يلعب كورة لان الكورة ليست بحوزته !

صحيح أن الاستحواذ لم ينفع أحيانا و هذا شي طبيعي بكرة القدم لكنه بالغالب نجح ، وهو سر نجاح هالفريق التاريخي ، و أحد أسباب ظهور الفرق بمظهر مثير للشفقة وهي تلاحق الكورة طوال 90 دقيقة !

أنا ما أستحوذ عشان أجيبلك صورة الاحصائية بعد المباراة و أقول هيييه أنا قوي استحوذت، للمرة الثانية أنا استحوذ عشان أحرم خصمي من الكورة و بالتالي أحرمه من اللعب ، والنتيجة ألعب قدام أحد عمالقة أوربا مايقدر يهاجمن الا هجمتين بسبب أنه مايمتلك الكورة !

كل واحد يسأل نفسه ليش فريق بيلسا أتلتيك بيلباو تطور هالموسم ؟ ليش خلانا نضحك على مانشستر بالأولدترافورد ؟


نلقاكم على خير الاسبوع الجاي ,,

مبرووووووووووووووووووووك فوز ((( البــــــــــلــــــــــــــوز))
ان شاء الله دوري الابطال تشلساوي

. .

السلام عليكم ورحمة الله وبركاته " ..

الف الف الف مبروك فوز الاسود .. وهاردلك للبرشا | |

دي ماتيو لعبها صح .!!

دروجبا نحله في ملعب الميدان في الهجوم في الوسط والدفاع .!!

واستغرب من الي يقول دروجبا يسبح ويمثل ومدري ايش.!! بصراحة اشوف اغلب الطيحات يكون صادق فيها

اسود يابلوز اسود