مدافع اجنبي+حسن معاذ+ياسرالشهراني+صانع لعب+مهاجم قوي+محوركرادوي+كوزمين+ واسيا تجي للنادي - نادي الهلال السعودي - شبكة الزعيم

لا دموع بعد اليوم · #1 14/04/2012, 05:21 PM

بسم الله الرحمن الرحيم

السلام عليكم ورحمة الله وبركته

احبتي جماهير الزعيم

اتمنى لكم ولفريقنا كل توفيق

من وجهة نظري الخاصه الهلال يحتاجــــــ

1 . مدافع يكون قوي بكل مافيه متكامل والهلال قادر على احضار من يريد .

2 . محور دفاعي كرادوي يخدمك بالدفاع مثل الهجوم وليس كهرماش هجومي وبس ودفاعي ضعيف جدا وانا كتبت كرادوي لان اشوف رجعة رادوي مستحيله والا ماظنتي بنحصل مثله .

3 . صانع لعب كنيفيز يسجل ويسدد ويصنع ويحرك كامل الفريق وهو من ساعد جيريتس كثير بطريقة اللعب الممتعه اللي انتم خابرين .

4 . راس حربه وحشي ضارب راس يسدد يراوغ يصنع واشوف ان العربي زين لكن جانا بوقت الهلال يمر بظروف والا انا اشوفه ممتاز جدا وراح يتصاعد مستواه مع مستوى الفريق واذا بيجي بديل اتمنى برازيلي بديل له .

5 . حسن معاذ ينتظر مفاوض هلالي فرجاء ياادارة الهلال سارعوا بالتفاوض لان فريقنا بحاجته مع اني اشوفه مستواه مو كـ دوخي شليه الرشيد ولكن لان بالوقت الحاضر يعتبر هو الافضل وليس لقوة مستواه ولكن لضعف البقيه فاتمنى احضاره قبل فوات الاوان .

6 . ياسر الشهراني مايستاهله غير الهلال لان مستواه بصراحه رهيب ونحتاجه بديل للزوري فاتمنى عودة المفاوضات بعد هبوط فريقه المنكوب وبعد نكبة النصر له اتوقع راح توافق ادارة القادسيه لان المفاوضات الاولى رفضوا نصراويين كانوا قريبين اعتقد من البيت القدساوي فاتمنى معاودة المفاوضات لانه لاعب متكامل ويلعب ايسر وايمن .

7 . اتمنى الابقاء على عيسى المحياني ورحيل سعد الحارثي مع عودة ياسر القحطاني ويكون هجومنا محترف<العربي> + ياسر + محياني فالمحياني يستحق البقاء واثبت نفسه بكير من المباريات وسعد اشوفه اقل من عادي اذا فكرنا بالعقل .

8 . اتمنى عودة المدرب الكبير كوزمين لانه مدرب يلعب للفوز وبس ولديه قدره بالتغيير وسط المباراه ووقت ماتكون الامور مش ولا بد وليس كجيريتس اللي اشوفه مدرب اعداد ويبدا المباراه تمام لكن اذا استقعدلك الفريق المقابل ماله قدره على تغيير طريقة لعبه وماشوف انه يقرى المباريات تمام عشان كذا افضل كوزمين فاتمنى احضاره .

9 . ابعاد عبداللطيف الغنام لانه من اضعف اللاعبين بالدوري ومانشوفه الا كل 7 مباريات وبهالمباراه يسوي مصايب .

اتمنى من ابوفيصل يتحرك من الان مدام فيه كذا لاعب نجم فيه امكانية احضاره

فالهلال قادر على احضار من يريد بس لو نفتك من الوعود اللي ماله داعي

فالشباب اخذوا مننا عزيز والغامدي وماشفنا منهم شي الا كان الجيزايي يتسمى لاعب فهذا شي ثاني مع احترامي له كشخص .

< تحذير > الشباب الاماراتي سيعود لاعبيه الاجانب الاوزبكي حيدروف والدولي التشيلي "كارلوس فيلانويفا" القادم من نادي بلاكبيرن الانجليزي فهم اقوياء جدا فالحذر لان الفريق سيتغير عن المباراه السابقه .

.

< ان اصبت فمن الله وان اخطأت فمن نفسي >

بالتوفيق للزعيم ويارب يجبر بخواطرنا بالسنه الجايه

دمتم كما تحبون

.

محبكم سليمان