افتتاح متجر الزعيم الملكي بالخبر فل يكون رد كرامه واجبار موبايلي على زيادة نسبة الهلال او الانسحاب - نادي الهلال السعودي - شبكة الزعيم

سعوديه والهلال ناديه · #1 07/04/2012, 03:02 AM

بسم الله الرحمن الرحيم
والصلاة والسلام على اشرف الانبياء والمرسلين
نبينا محمد
احبتي جماهير الرقم الصعب
كلنا قرينا لقاء الغبيني في سبق
وكيف اتهم الجماهير الهلاليه بالبخل
والتمجيد في الاخرين وان نسبتنا لا تصل ل10%
من المشتركين

ومن هذا الكلام اللي يوح للجميع باننا جماهير بخيله
وكاجماهير تضايقنا من هذا الكلام ولم نجد احد يدافع عنا
وجتنا الفرصه لحد عندنا لرد كرامتنا ودعم نادينا الذي حاول
ينتقص من جماهيريه لكي يؤثر على الشركات بعدم قبولها عرض الهلال
خوفا من الخساره
تعرفون ان بكره افتتاح المتجر الثاني لزعيم الملكي
في الخبر
لذلك اتمنى من جميع عشاق الموج الازرق في الشرقيه وضواحيها الحضور
واغراق الخبر بالموج الازرق
ونرد كرامتنا اعلاميا ونثبت لهم ان نادينا الاول
واننا لسنا بخلى
وبحضورنا الكثيف كل الاعلام بيتناقله
وبكذا بيشجع الشركات على دفع اي مبلغ يطلبه المسؤولين في النادي
لمن يطلب الشراكه اذا لم تستمر موبايلي
وبنفس الوقت نخلي موبايلي توافق على زياده نسبة النادي او الانسحاب
بسلام وغيرها اولوف
وهذا الرابط حق خبر الافتتاح
http://vb.alhilal.com/t1091079.html

سعوديه والهلال ناديه · #2 07/04/2012, 03:16 AM

من الان نقولها للمندسين
الذين سوف يجون ويقولون
الجماهير الهلاليه مش حقت مجاني
نقول لهم لو احنا بخلاء مافرحنا بالمتجر وحضرنا افتتاحه
فلاتحاولون تثنوننا عن الحضور
المندسين صارت مشكوفه اساليبهم

relaxo · #3 07/04/2012, 03:27 AM

//

الله يعطيكك العاافيه ع الطرح

بس أختلف معكك

موباايلي عايشه على اكتاف الهلاليين لها ثلاث سنين

وما طلعها للساحه واشتهرت الا بعد شراكتهاا مع الهلال

وهي الي مستفيده من هـ الشراكه اكثر من إستفادت الهلال

والكل يعرف هالششي

وبماا انها آخر سنه شراكه بين الهلال تحاول تسبب بلبله

وتحااول انها تقلل من الهلال لأجل امرين

1- انها ما تدخل شركة معها على الخط وتنافسها على شراكة الهلال عشان ما تخسر مكانتها ف السوق وكلنا عارفين ما رفع من اسم موبايلي وقوتها في السعوديه الا شراكتها مع الهلال

2- من صآلح موبايلي الخصخصة ومن صالحها بعد انها تدخل في شراكه مع النادي الاكثر شعبيه ف الخليج والنادي الوحيد الي عنده فكر في الاستثمار بقيادة عبدالله بن مساعد

وهي عارفه لو خسرت الهلال ما راح تقدر تعوض مع أي نادي ثاني

عشان كذا نقول معصصي يا موبايلي

وإن شالله كلها 9 شهور وما نشوف موباايلي الاا اسفل السافلين

وانا وغيري من الجمهور نقدر نرد حقناا من موبايلي بنفسسنا

إن شالله نخسرها آخر سنه

خلو الغبيني ينفعهم

مشكوره ع الطرح

\\

سعوديه والهلال ناديه · #4 07/04/2012, 03:42 AM

إقتباس

الرسالة الأصلية كتبت بواسطة relaxo


	// الله يعطيكك العاافيه ع الطرح بس أختلف معكك موباايلي عايشه على اكتاف الهلاليين لها ثلاث سنين وما طلعها للساحه واشتهرت الا بعد شراكتهاا مع الهلال وهي الي مستفيده من هـ الشراكه اكثر من إستفاده الهلال والكل يعرف هالششي وبماا انها آخر سنه شراكه بين الهلال تحاول تسبب بلبله وتحااول انها تقلل من الهلال لأجل امرين 1- انها ما تدخل شركة معها على الخط وتنافسها على شراكة الهلال عشان ما تخسر مكانتها ف السوق وكلنا عارفين ما رفع من اسم موبايلي وقوتها في السعوديه الا شراكتها من الهلال 2- من صآلح موبايلي الخصخصة ومن صالحها بعد انها تدخل في شراكه مع النادي الاكثر شعبيه ف الخليج والنادي الوحيد الي عنده فكر في الاستثمار بقيادة عبدالله بن مساعد وهي عارفه لو خسرت الهلال ما راح تقدر تعوض مع أي نادي ثاني عشان كذا نقول معصصي يا موبايلي وإن شالله كلها 9 شهور وما نشوف موباايلي الاا اسفل السافلين وانا وغيري من الجمهور نقدر نرد حقناا من موبايلي بنفسسنا إن شالله نخسرها آخر سنه خلو الغبيني ينفعهم مشكوره ع الطرح \\

وجهة نظرك واحترمها
بس يالغلا انا اقصد من هذا الكلام
اننا نحضر الافتتاح لرد اعتبارنا اعلاميا مثل ماقالها اعلاميا
والرد بيكون بالحضور الكثيف فقط لمجرد الحضور واثبات باننا مع نادينا ونفرح وندعمه في كل شي وبنفس الوقت نخسرها لانه بيكون فيه اشياء مجانيه
وجوائز وبنفس الوقت لا نشري شي
فقط مجرد الحضور عشان تعرف موبايلي ان جماهير الهلال
هي الاكثر بدل الانتقاص منهم بقولها 10%
وخل الغبيني يعرف انه كان غبي فان كان الاشتراك لايصل الى 10% والرقم فوق300فانهم كلهم بيشرون منتجات النادي فرضت على المشتركين فقط
والا عشاق الهلال ملايين مين الرابح ياموبايلي

^.^ Google ^.^ · #5 07/04/2012, 10:39 AM

يا أختي هو أصلا للهلال نسبه عشان يرفعونها ....؟؟؟؟

المتجر أرباحه كامله تذهب لموبايلي ,, والهلال ما يستفيد ولا ريال من المتجر ..

7 مليون ريال سنويا أرباح متجر موبايلي بالرياض .. لو كان فيه ربح للهلال من باب أولى حظور الجمهور الملكي ..

لكن الارباح تروووح 100 بالميه لموبايلي ؟؟ سلامات .. خاصه بعد تصريح الغبيني واستفزازهـ لنا ..

مشكووورهـ على الطرح ..

ولكن الي بيحضر من جمهور الملكي ممكن يحضر من باب عشقه الزايد للهلال ..

لكن لو رجعنا للواقع ,, اشووف ان الهلال ظلم في هذا الجانب .

وموبايلي جالسه تشفط وتستغل الهلال وجماهيرهـ ..

مشكووورهـ على الطرح ..

^.^ Google ^.^ · #6 07/04/2012, 10:41 AM

............. وبعدين بصراحه بعد تصريح الغبيني واتهامه لنا بالبخلاء ................

أنا غيرت نظرتي بموبايلي ..

أجل في باقة الموج الأزرق عدد المشتركين 200 الف

وارباحهم السنويه تتخطى 190 مليون من هالشريحه ويقول بخلاء ؟؟

فتـى بريده · #7 07/04/2012, 11:02 AM

طعباً هـ الكلام يشمل المندسين والمندســـات

<يعني معقوله مافي إلا رجال

أما بالنسبة لموضوعك الكريم فـ أنا أحب أعلق على نقطة مهمة جداً هي قريبة من موضوعكـ وآعذرني على الشطحـه ,

أنا أتمنـى أن تفعــل خدمة " الشراء عن طريق النت " ,

مثلاُ أنا في منطقة القصيم ولايوجد متجر بـ إمكاني شراء ماأريده والتوصيل يكون عن طريق الفيدكس أو البريد ,

كما نفعل مع الأندية الأوربيـة ,

أعتقد أنه أهم نقطة ومع مرور الوقت أعتقد أن نسبة الشراء تكون جداًُ عالية .,

м̶я.źєźǿ»20» · #8 07/04/2012, 11:15 AM

يوم ماا يفتحون بجده ان شاء الله نحضر للافتتاح ، لآهنتي

sheva_7_22 · #9 07/04/2012, 11:23 AM

أنا غيرت نظرتي بموبايلي

أجل في باقة الموج الأزرق عدد المشتركين 200 الف

وارباحهم السنويه تتخطى 190 مليون من هالشريحه ويقول بخلاء ؟

سمو الهولـاليهـ · #10 07/04/2012, 11:30 AM

إقتباس

الرسالة الأصلية كتبت بواسطة ^.^ Google ^.^


	يا أختي هو أصلا للهلال نسبه عشان يرفعونها ....؟؟؟؟ المتجر أرباحه كامله تذهب لموبايلي ,, والهلال ما يستفيد ولا ريال من المتجر .. 7 مليون ريال سنويا أرباح متجر موبايلي بالرياض .. لو كان فيه ربح للهلال من باب أولى حظور الجمهور الملكي .. لكن الارباح تروووح 100 بالميه لموبايلي ؟؟ سلامات .. خاصه بعد تصريح الغبيني واستفزازهـ لنا .. مشكووورهـ على الطرح .. ولكن الي بيحضر من جمهور الملكي ممكن يحضر من باب عشقه الزايد للهلال .. لكن لو رجعنا للواقع ,, اشووف ان الهلال ظلم في هذا الجانب . وموبايلي جالسه تشفط وتستغل الهلال وجماهيرهـ .. مشكووورهـ على الطرح ..

+1

أتفـق معــگ

يعطيـگ العافيهـ يَ الغلا

»--(¯`هلالي´¯)--»M · #11 07/04/2012, 11:59 AM

ليه نفلل المتجر والدخل كله لموبايلي ؟

عشان موبايلي تقول عنا اننا مو بخلاء !! في غنى عن مديح موبايلي والغبيني
لا احد يروح يازعماء وخلوهم يقفلونه من ثاني اسبوع
مادري ليه تروحون تشترون اشياء غاليه وتروح لجيب اللي قلل من شأننا !

خلوا موبايلي تعرف انها كلفة الغبيني ووضعته بمنصب لايستحقه وانه خسرهم

rghod.Hfc · #12 07/04/2012, 05:07 PM

إقتباس

الرسالة الأصلية كتبت بواسطة »--(¯`هلالي´¯)--»M


	ليه نفلل المتجر والدخل كله لموبايلي ؟ عشان موبايلي تقول عنا اننا مو بخلاء !! في غنى عن مديح موبايلي والغبيني لا احد يروح يازعماء وخلوهم يقفلونه من ثاني اسبوع مادري ليه تروحون تشترون اشياء غاليه وتروح لجيب اللي قلل من شأننا ! خلوا موبايلي تعرف انها كلفة الغبيني ووضعته بمنصب لايستحقه وانه خسرهم