قرأنا من ايام قليله ان فيه فكره صفقه تبادل لاعبين من الهلال والشباب مثل الموسم قبل الماضي لمن اخذوا عمر الغامدي واعطون لاعبهم المنتهي وليد الجيزاني
وراح يحصل الهلال على حسن معاذ وراح ياخذون عيسى المحياني
اول شي حنا مو محتاجين ظهير ايمن عندا البيشي افضل منه واذا جا حسن لازم واحد من الاثنين يبقى احتياط وبكل الحالتين ماراح نستفيد شي لأنه لو جلس البيشي احتياط راح نقتل موهبته ولو جلس معاذ بالاحتياط ما استفدنا شي من الصفقه والشباب المستفيد الاول لأن عيسى مهاجم مايتفلسف وعنده حس تهديفي والي يفهم كوره يعرف هالشي وانا مستغرب الهجوم الي جاه بعد فرصة الهدف الي ضيعها قدام الاهلي ترى مو اول واحد يضيع الكوري ياما ضيعنا ولو كان المحياني مكانه كان سجلها لكن للأسف ضيعه المدربين والاصابات ولا كان ينافس على الهدافين
اتمنى الاداره ماتغلط هالغلطه مره ثانيه
ثاني شي الفريدي انا مستغرب ليه هالتعامل ما ادري من الاداره ولا من المدرب كذا راح ينتقل بدون مايفكر لنادي ثاني
لأنه ياما خدمنا عشان غلطه وحده اعتذر عنها نعاقبه وبالواسطات نلعب مكانه لاعب ثاني
اخر مباراه مع الشباب الامراتي كان الاولى هو يلعب وعبدالله الدوسر ي احتياط وكنا محتاجينه لأنه من النوع الي يخلخل الدفاعات
والمفروض بكل المبارايات هو الي يلعب اساسي وسالم الدوسري احتياط صحيح ان سالم اثبت نفسه لكن مو معناته انا نحط لاعب بالاحتياط له وزنه وخبره ويلعب واحد خبرته ضعيفه المفرووض سالم الدوسري ينزل كبديل لأنه دوبه صغير بالسن وقدامه مستقبل وعشان يكتسب خبره
اتمنى من الجماهير الي راح يحضروون المبارايات القادمه للهلال سواء بنجران او بالرياض مع الاتفاق او مع الشباب الامارتي يرفعون لوحه ويطالبون الاداره بأشراك الفريدي اساسي وعدم التفريط فيه لأنه لاعب مبدع وله وزنه وهيبته ولو راح اي نادي ثاني راح يشكل خطر علينا لأنه لاعب مهاري ومؤثر صحيح ان مستواه نزل شوي لكن مو مثل القحطاني لمن نزل مستواه جلس تقريبا موسمين مستواه بأنحدار والاداره والجماهير واقفين معاه والفريدي من مره او مرتين الكل وقف ضده وهذا االي خلاه يفكر بالأنتقال ومن حقه يطلب مبلغ التجديد الي يناسبه دامه معطينا بالملعب احلى مايكون ع الاقل افضل من المحترفين الي بملايين الريالات مثل الكوري والعربي وما استفدنا شي منهم ولا بشي


وبالنهايه انا لاحظت ع العربي اخر مباراه مع الشباب الاماراتي لعب افضل مباراه له بالموسم كله ولو يلعب كل المبارايات مثل مستواه صراحه راح تنحل مشكلة الهجووم لأن كان ناقصنا ذيك المباراه لاعب مثل عيسى يسجل مايضيع مثل الكوري ولو كان ياسر موجود كانت النتيجه عاليه لأن العربي ازعج دفاعات الشباب بتحركاته حتى توزيع الكور كان يوصل الكوره بماكنها الصحيح
اتمنى ما اكون طولت عليكم لكن بالنهايه هذي وجة نظري ...