|
للاسف نعم وبكل صصصراحة نحن نحتقر الأسيويين. # VIP السلام عليكم أتمنى قرأة الموضوع لاخر كلمة ومن بعدها اطرح تعليقك:rose: بصراحة موضوعي هذا أنصاف للكوري يو اللاعب مممتاز سريع يراوغ افضل مهاجم مر علي من فترة طويلة يتمركز صح ويسهل للوسط نقل الكور له يرهق المدافع ولو تسأل اي مدافع تقوله اي نوع من المهاجمين تخشى لا قال لك ليس المهاري بل المهاجم اللذي لايهدأ ويتحرك طول المباراة انا معكم ان الكوري يضيع الفرص السهلة لكن مع الوقت والتدريب وتنبيه اللاعب راح يدرك هالمشكلة بس حبيت اوضحلكم بصصمات الكوري بالمباريات الكبيرة اللي هي معيار لكم الهلال والاهلي ..هدف جميل يدددرس الهلال والنصر ... ثلاث اهداف على ماعتقد او هدفين الهلال والاهلي بالاياب .. عندما زج به المدرب بالشوط الثاني الجميع صفق له بتحركاته والهجمات اللذي خلقها عن نزوله وكان من الاجدر نزوله اساسي الهلال والنصر امس .. خلق فرصتين فرصه تسلسل وهي هدف بالاساس وفرصة تسللل الهلال والغرافة .. اللاعب كان متمركز جيد وجعل لنفسه فرص كثيرة ولكن خانه التسجيل باخر شي وطبعا انا جبت احصائياته بالمباريات الكبيرة من غير اهدافه الجميلة اللي كانت بالرأس اتا اتمنى تصبرون عليه وعدم التفريط بهذا اللاعب والسببب ان الهلال يملك عقده واللاعب لديه المزيد وقلة المهاجمين الأسيويين ارجووووكم ارجووووكم ساندو هذا اللاعب بالذات بالملعب اهفتووو بأسمه فهذا يزرع فيه الحمااس ومن يقول يجب عليه ان يقدم لكي نهتف بأسمه ماتوقع فيه لاعب اسيوي مر علينا زي المدافع الشهير لي يونق ورغم ذلك حقققه بالتشجيع قليل وكان مظلوم اعلاميا وجمهورياً يعني السببب ليس بمستوى المهاجم يووو حتى لاتهتفون بأسمه لماذا هتفتو لويلهمسون ونيفيز وايضا لايمانا اللذي لم يفعل شي اتمنى ان أصبت بالطرح .. حسسسام :rose::smilie47: |
الكوري فيه جميع المقومات الناجحة للمهاجم من ارتقاء عالي وسرعة وتمركز ولعب الثنائي والضغط على المدافعين واسخلاص الكرة من الخصم ولاكنه فيه عيب واحد وهو كثرة اضاعته للفرص التهديفيه يمكن يتحسن بهذا الامر مستقبلا ولاكن يبيله صبر |
اشاركك الراي الكوري يحتاج لقليل من الحظ والتركيز |
- قبل ما آعلق ع المحتوى بآشكرك ع \ التنسيق ,, محاولتّك لدعم اللاعبين الملآحظه عليك ف آكثر من موضوع :rose: .. ... الكوري مييزّته الوحيدهـ .. يشتت الدفاع فعلاااا ,, لكّن المشكلة آن يعتمد عليه لحآله ! .. وتظيع الفرص .. ف يُحكم عليه آنه فاشل .. هذا شيء طبيعي صراحة .. لكن لما يلعب هو ومهاجم 2 .. غالبا يعطّونه الكوره " بحجه انه يجيد الضرب برأس "" وللأسف ما يجيبهـآ =)) ,, ولم نستفيد من المهاجم 2 إلا ف حالات " .. اللاعب ك لاعب ناجح عنده فكر هآدئ م يرتبكك .. " لكنّ ب صراحة .. يضيع كثير مرّه ,, ماذا لو آبعدـتاه وجبت مهاجم "يشتت .. ويصّوب صح (يسجل) " ,, ليس الأسوء .. ولكنه ليس الأفضل .. - ودي لكك :rose: |
الصراحه كلامك عنه مقبول وهو لاعب مهاجم جيد بس مشكلته مايدل الباب ! يعني بداله ممكن اجيب اي واحد لياقته فل من الحواري واقوله شغلتك تشغل المدافعين ولا ابيك تسجل ابرك من ان اتعاقد مع مهاجم اجنبي ياخذ خانه ويسوي كل شي وقدام الباب يقول وين اشوت ؟:s2: |
إقتباس:
وهاذي الميزة موجوده بالكوري |
الكوري اتوقع هو من سيبقى العربي سيذهب ويحتاج الى التركيز جيدا امام المرمى حتى لا يصبح أحمد علي آخر موفق أخي ....... |
.. كلآمك اعجبني كثيـرر وانا من زمآن احب هالاعب بس فرصه الي تضيع تقهرني ، وان شاء الله يتعدل |
إقتباس:
ما يحتاج تشكريني فهذا عشقي ويجب علي دائماً ان ادعم من يلبس شعار الزعيم اللاعب لو ما ارى امتلاكه مقومات المهاجم الناجح ما امتدحته اللاعب تسحرني تحركاته. اما بالنسبة للفرص مع التركيز سوف سيعرف كيف يسجل اعطوووووه فرصصصه واراهنكم على نجاحه شكرًا لك |
معك بكل حرف كتبته الكوري يحتاج الصبر والدعم وأتوقع بيصير مبدع جداً لو الجمهور وقف معه ألف شكر عالطرح الراقي .. |
تمركزه وتحركاته تعجبني بس يحتاج الى التركيز جيدا امام المرمى ،، بنصبر عليه مثل ماصبرنا على الاعبين اللي قبله وان شاء الله يبدع . . :d |
نعم الكوري صغير سن . سريع . ممتاز في الإرتقاء . متحرك . حماسي . ولابُد من الصبر عليه . فأتمنى فقط ( تشجيعه أخوانه اللاعبين . من الجهاز الإداري والفني . ) والاكيد الجمهور لا يضغط على الإدارة لإنهاء عقده . وسوف تشاهدونه ( غير ) . مشكلته ( أعتقد ) أنه عندما يضرب الكرة بالرأس يغمضها ) بس ( قليلاً ) من التوجيه والدعم والصبر . فهو أفضل بكثير من العربي . موضوع مميز .. شكراً |
ماااااااااااادري أحس مااااعنده الا الدجه بس أنه يهووووووووووون عند العربي |
الكوري لاعب ممتاز ينقصه التركيز في المرمى |
الكوري ممتااااااااااااااااااااااااااااااز لكن للأسف لا يتلقى تدريبات للتهديف يجب التركيز عليه في التهديف، وسنرى لاعب لا يشق له غبار |
+1 موضوع مميز .. ! :rose: و زين منه قاعد للحين من دون مترجم :cry: , ينرحم قسم بالله :smilie47: بالتوفيق للزعيم :rose::rose::rose: |
هذا الي يدمر الفريق .. نآس مدري من وين تشوف المباريات وتمدح بالآعبيين يآ عزيزي ,, أي إحصائيات الي تتكلم عنهآ !! لآعب من بداية الموسم مع الفريق ومسجل هدفين وتقول لآعب ,, !! لآعب مآ يعرف يثبت كورة زين وتقول لآعب في أغلب مباريات الزعيم إن كنت تشاهدها ,, أسوء لآعب بالمباراة يكون ذالك الكوري !! لآ ننسى انه قآدم إلى الهلال بصفته محترف ,, وسلملي على المحترفين غن كان هذا من ضمنهم الهلآل حآليا لآ يملك أي مهاجم بمستواه مع إحترامي الشديد للرباعي [ الكوري , العربي , المحياني , سعد ] اقسسم ان الهلال أكبر من هذا بكثير الله يفكنا من ها المشججعين بس ,, أحنآ نتابع ونحترق ,, وهم بكل برود مآ يتابعو ويتفلسفو !! |
اتفق معك بكل ماذكرت ، الكوري لايهدأ طول المباراه ويضغط ع المدافعين عندما تكون الكوره بالخطوط الخلفيه للخصم الله يعطييييييك العافيه |
احنا جايبينه يسجل وليس يضيع الفرص حتى وان كان يصنع يراوغ يرهق المدافعين حن نبغى ترجمه لمجهوده في مرمى الخصوم بس للاسف التهديف عنده صفر على الشمال الاختلاف بالراي لايفسد الموضوع شكرا لك |
ياخوي هذا لاعب اجنبي يروح ويجي . مب لاعب محلي نقول مع الوقت يتطور . الكوري ضعيف جدا جدا . لدرجة ان يسبق الكوره لاجته .!!!! المحياني والحارثي افضل منه ولاتقول ماخذ فرصه صارله اكثر من 4 مباريات لاعب اساسي . مع احترامي للأداره لكنها اخطأت بجلب هذا المهاجم الفاشل . اتمنى تبديله بمدافع اجنبي . تـحــيــآتــي ..~ :rose::ba1: |
الف شكر لك اخوي قواك الله |
الكوري لاعب يصنع خطورة بتحركاته وتمركزه الرائع ميزته هي ضربات الراس وان كان يضيع الفرص في بعض الاحيان لكنه في كل الاحوال افضل من العربي |
هو متحرك ويرهق المدافعين بس فيه هجمات سهله وتضيع هو مهاجم مفروض يكون انهاء الهجمه هو احلى ميزه فيه الكوري عكس كذا يسوي كل شيء الا انهاء الهجمه والتسجيل اتمناء انه يتوفق في المباريات القادم وانا معك مفروض ندعمه ونهتف في اسمه عشان يقدم الي عنده يعطيك العافيه اخوي :rose: |
يوو مهاجم جيد بس الى الان الادارة ما جابت له مترجم يعني يفهم على المدرب بالإشارة بالتوفيق له مع الزعيم عوووافي |
اتفق معك جملة وتفصيلا كاتمركز لاعب يعرف وين يكون موجود دائما حتى لو لاحظت فى الركنيات اخرج اكثر من كورة خطرة ضد الهلال كحماس ونشاط وحيوية ممتاز جدا اتفق معك العيب الوحيد الاستعجال فى انهاء الهجمة وضياع الفرص !! اعتقد أن افضل طريقة مع الكوري أن يكون بخط المقدمة لحالة يعنى مهاجم واحد ان لم يسجل على الاقل يفتح المجال ل لاعبين الوسط بالتسجيل سجلنى معك للهتاف والتشجيع بأسم الكوري يو تحياتى |
الكوري ممتاز بس يبي يتدرب شوية على التركيز قدام المرما وراح تشوفونه يسجل في كل مباراة |
+ 1 مميزات الكوري كان الجمهور كله يطالب بتلك المميزات العام الماضي وكل واحد يرجع لموضوعه ويكوون منصف : المميزات : (( من خلال المتابعة للمباريات وارجعوا لها تتأكدوون )) 1- يلعب الكورة من لمسه وحده يغمز الكرة ويتحرك وشاهدوا لعبه واحكموا 2- يتحرك بكل أرجاء الملعب عرضيا وطوليا وقطريا مما يرهق الدفاعات ويتيح الفرصة للاعبين الاخرين للتسجيل (( مثل انفرادة ويلهامسون )) 3 - يشارك بالكرات الطولية المرسله من الحارس ويكسبها لصالح أقرب لاعب وهذه كان الهلال يفتقدها على مدى 15 بعد أن كانت كل كور الحارس لصالح الخصم 4- لا يحتفظ بالكرة كثيراا ( ميزة رائعة جدا ) يفتقدها 90 % من اللاعبين 5- يقاتل على الكرة ان لم تكن بحوزته وعودوا للمباراة السابقة وغيرها كرتين بالامس حصل عليها بقتاليته وصنع هدفين احدهما اضاعها النجم سالم بقلة الخبرة. 6- يجيد ضربات الرأس باتقان وهذا ماكنا نطلبه. 7- لاعب سريع وسريع جداا . العيوب : (( بصراحة عيب وحيد )) وهو : الطــفـــاقـــة قدام المرمى وأنا أعزو السبب للثقة التي افتقدها بعد أن قام (( دوول )) بتهميشه على الدكة . والدليل : أنه كان هداف بارع بالقدم والرأس قبل (( الدكة )) مايحتاجه الكوري للابداع مايلي : 1- وجود مهاجم مساند بنفس المميزات وخصووصا ( السرعة - كثرة الحركة - ضربات الرأس - قوة التصويب = مهاجم لاتيني )) 2- وجود أضهرة ولاعبي وسط يتقنوون الكرات العرضية (( قوية + لافه )) وبصراحة نفتقدها بالهلال مثلا الفريدي ويلهامسون والشلهوب والعابد كراتهم تفتقد للدقة + التفاف الكرة التي تصعبها على المدافع . 3- وجود لاعب ينفذ الكرات الثابته البعيدة - ركنية أو فاول - داخل الصندووق وأرشح (( عادل هرماش )) مع تتدرب بقية اللاعبين على التمركز بالــ 18 وتشتيت الدفاع وهذا مقطع يبين خطورة اللاعب + قرادته + أخطاء التحكيم ‫الاخطاء التحكيمية في شوط الاول II الهلال × النصر ج23‬‎ - YouTube |
الكوري كل شي صح بس اذا صار قدام الباب جاب العيد |
سبب عدم تالق لاعب يو الاداره ماحضرت له مترجم وهو ماييجد تحدث بالغله الانقليزيه هذي احد اسباب مستوى الي يظهر فيه بالتوفيق له مع الزعيم لاهنت |
نتمنى أن يتطور مستواهـ للأفضل ويوفق في باقي المباريات ويضع بصمته تهديفياً ولا ينفع التفوق والأداء الجميل والقوي منه كمهاجم بدون تسجيل أهداف لكن السؤال: هل الهلال أولوية الهلال هي الحاجة لمهاجم؟ |
رأيك وانا احترمه بس هالكوري مادخل مزاجي بالمرررررررررة واكثر من مرة اخذ فرصته بس ما قدم الشي اللي يشفع له واتمنى استبداله بمهاجم مميز |
الف شكر للجميع على المرور تحياتي |
الكوري بطل... بس لازم يتدرب على الحطات.. موب كل الكور شوت بقوه.. اتمنى استمراره |
|
الكوري ناقصه التركيز فقط ولا هو لاعب رائع يبي له فقط يركز وبنشوف هداف |
الله يعطيك العااافيه أستاذي على طرحك .., \ \ والكوري يحتاج إلى دعم الجمهور له واضح أن اللاعب لديه الكثير ليقدمه إن شاء الله |
معليش انا اجيب المهاجمم ابيه يجيب لي اهداف مايهمني يشغل المدافع ولالا ! وبالنسسبة للي يقولون اصبروا عليه ترانا في الجولة 23 وماسسجل الا قولين او 3 بالدوري :d !! خلص الموسم وانتم تقولون اصصبروا عليه :laugh: انا اتمنى تغيير جميع الاجانب ما عدا هرمآش فقطط ! وجهة نظري :rose: شكراً لك .. |
اللاعب الكوري يحتاج الى الثقة قليلا واتوقع مع باقي مباريات الهلال في هذا الموسم سيكون له دور ان شاءالله في تحقيق كأس الملك والتأهل لدور الثمانية في بطولة أسيا بإذن الله اللاعب حطمه دول في بداية مشاركته مع الهلال |
الكوورري يشتت الدفااااااع بس مشكلتـــه الترركــيـــزز لو يرركز شوياات رااح يكووون اخطر مهاااجع ورااح يبدع..كثيير يعطيك الله الف عاافيه لاتحرمناا من موااضيعيكـ ي بطل |
معك بكل حرف كتبته الكوري يحتاج الصبر والدعم وأتوقع بيصير مبدع جداً لو الجمهور وقف معه ألف شكر عالطرح الراقي .. |
انا ضدكم كلكم .. الكوووري مادامه بالهلال سيستمر مسلسل التعادلات واضاعة الفرص .. رآيي الخآآص .. |
الكوري لايملك مهاره ولايعرف يشووووووت اهدافه اما براس او خطا من دفاع اللهلا محتاج مهاجم مثل فيكتور سيموس او الحوسني على الاقل افضل من الكوري |
الي ينتقد الكوري بالغالب الجمهور الي يتابع من خلف الشاشات اما الي حضر مباريات للفريق وشاف بالملعب تحركات الكوري ماشالله تبارك الله يعرف مجهوده بالملعب لاعب متحرك ومزعج للدفاع ويتمركز صح ويتحرك بدون كره وسريع بس فيه عيب انه بالفتره الاخيره تركيزه باللمسه الاخيره صار ضعيف اتوقع انه بسبب الضغط فهو يريد اثبات نفسه بالتسجيل وهالشي مسبب له ارتباك امام المرمى والحل اتوقع انه لازم يلعب معه مهاجم يسانده بالاضافه للاعبين الوسط لازم يساعدونه بصناعة اللعب له بشكل اكبر وخصوصا العرضيات وراح يتحسن بشكل اكبر |
إقتباس:
وهذا اللي مخلي االمدرب مقتنع فيه :rose: |
ياخي اي يرهق المدافعين واي مهاره .؟ عن الفرص اللي تجيه كلها من الوسط وعن المهاره وربي ماعنده مهاره وعن اهدافه بالنصر صدف وعن هدفه بالاهلي توفيق وعن مباراه الاهلي الثانيه قل لي ايش سوا وايش حرك اللعب.؟ ياخي اقسم بالله قهر لما يكون الكوري مهاجم شفت الفرص قدام الغرافه ياخي من اول الموسم معنا وش فادنا الكوري اذا الكوري بيظل مهاجم بنظل نفوز باهداف الوسط او حتى يمكن مانفوز العربي مع بطئه افضل من الكوري بالف مره والحارثي والمحياني على الاقل يعرفون يشوتون يعني الحين اللاعب معنا من اول الموسم وعمره 24 سنه يعني نصبر لما يصير 30 اللعب موهبه والكوري ماعنده غير الارتقاء مع سوء التركيز بالراس ما اقول الا الله يعينا وينصاب الكوري عشان مايلعب:d تحياتي:wub: |
نعم اخوي أنا معك بها النقطة الكوري لاعب مميز لكن حظه في التهديف سيئ جداً الله يوفق الزعيم وين ما راح |
الكوري مواصفات مهاجم فايف ستار لكن ينقصه الحظ والتركيز سرعة / كسر لمصيدة التسلل / تمركز / إجادة ضربات الرأس / تحرك بدون كره عيبه الوحيد / إضاعة الفرص صح ان هذي الزبده في المهاجم التسجيل بس من المفترض على الجهاز الفني تخصيص حصص تدريبيه للاعب على التسديد من أماكن ومسافات مختلفة |
الله يعطيكم العافيه لاهنتم |
من وجهة نظري المتواضعة وما اشاهده من أداء للكوري وتحركاته المزعجة لأي دفاع يعتبر عامل ايجابياً لأنه يفتح مساحة وثغرة للقادمين من الخلف من لاعبي الوسط اياً كان هذا اللاعب ؟ وهذا العمل كان ينتهجه الهلال في السابق بشكل كبير والذي من خلاله تأتي خطورة واهداف الهلال في الاختراقات من العمق،اما الأن فهذا العمل يفتقده الهلال بشكل كبير ،،، نأتي للكوري واضاعته للفرص الكثيرة والسهلة نعم هي كثيرة وتحترق قلوبنا على ضياع تلك الفرص لكن ؟؟؟؟ وهذا طلب اتمنى من جماهيرنا التي تحضر في المباريات القادمة أن يساندوه ويدعموه ويرددوا اسم الكوري ويصفقوا له حتى لو اضاع الفرص السهلة وأن يفعلوا هذا الشي اكثرمن مرة في أكثر من مباراة. واجزم للجميع بأن هذا هو ما يحتاجه الكوري وانتم ايها الزعماء لن تخسروا شي مقابل هذا العمل جربوا فقط وسترون هذا العمل ينعكس ايجابياً بإذن الله تعالى ،، والشكر موصول للأخ كاتب الموضوع فقد اصبت فيما كتبته،،، تحيــااااتي |
الحيين وش مقنعك بالكوري هجمات بالهبال تضيع قدامه احد ولا فآضي المرمى ماتفرق ماغير يضيع واغلب اهدافه بالراس ولا عنده مهاره ولاشئ على كذآ نرجع العنبر والله مآفرقت ترقع له على اييش..! والله لاعب ضآآيع ان شاء الله يجي الي افضل منه ويروح ونفتك منه بالتوفيق للزعيم |
يوو لـآإعب حماااسـي ومتحرركـ يتعب المداافعين لـآإعب مشااغب يعجبني حييييييييييل لـآإكن في فرص سهله يضيعهآإ انشااء الله يطوور من نفسوو ويركز بالتووفيق .. |
الكوري مهااااااجم ممتازز مشااغب لاي دفاااااع بس ينقصه التعاامل الجيد في مواجهته للمرمى ولا زال الاعب صغير بالعمر محتااج تدريبااات لا اكثر ولا اقل |
اتفق معك يا اخوي لكن الكوري مشكلته ما ينهي الهجمه |
لاوالله انا هالكوووري ماحبييته شفتو شلوون قهرنا في مباراة الغراافه ّّّ حسبي الله عليه ولاعب ما استفاد الفريق منه وان اقول نجيب مهاجم برازززززززززيلي احسن لن من ذا |
انا ما قريت موضوعك بس دامه بالكوري اقول لايكثر لاعب يفتقد للكنترول هو وخوي دربه العربي الهلال يبغى لاعب جاهز ناقصين نجرب احنا |
حلو كلامك وفيه انصاف للاعب المجتهد .. بس بسالك صحيح يقولون اللاعب يعاني لعدم وجود مترجم ؟ وهل صحيح انه مايتحدث الانجليزيه ؟ لو هالامور صحيحه واللاعب يقدم هالمستوى ماينلام .. انا معك بكلامك اللاعب الكوري ممتاز وافضل من القحطاني والمحياني بمراحل .. |
انا معك ياصاحب الموضوع والكوري يحتاج من يتكلم معه بسسسسسسسسسسسسسسسسسس |
راح أتكلم باللي أشوفه أنا وألاحظه على اللاعب .. اللاعب باين عليه أنه خايف,,وباين أنه مو مرتاح أبداً مع الهلال, يمكن لانها أول محطة احترافية في سجله التاريخي .. ويوم فاز الهلال بكاس ولي العهد , ما أظهر فرحه بالبطولة . وهذا السبب أدى إلى انخفاض في مستواه عن السابق .. وجة نظر . |
أمس كان أفضل لاعب في الهلال وتفاجأت لقيام المدرب بأخراجة |
الكوري وربي عاجبني بعدة أشياء 1 - عدم إعطاء الخصم فرصه إنه يستلم الكره ( يضغط عليه ) 2 - كذلك يضغط ع الحارس اذا أحد عطاه الكره 3 - السرعه الفائقه لديه 4 - يجيد ضربات الرأس 5 - المراوغه بس عيبه الوحيد اضاعة الكرات السهله جدا |
| الوقت المعتمد في المنتدى بتوقيت جرينتش +3.
الوقت الان » 06:49 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd