السلام عليكم ورحمه الله

في البداية انا لا اقول اني رجل فني لكن من خلال ممارستي ومتابعتي القوية للمباريات اتضح لي ان المدربين 3 أنواع كالتالي:
1- مدرب صاحب لمسة فنية كبيرة تكون إضافة للفريق مثل (جيرتس - كوزمين -الخ..).
2- مدرب إمكانياته عادية لكن يعطي الحرية للاعبين ولا يقيدهم بأمور تكتيكية معقدة طبعا هذي النوعية من المدربين محتاج لاعبين ممتازين علشان ينجحونه مثل (كالديرون).
3- مدرب سيئ في إمكانياته ويخرب في الفريق بالفلسفة الغير مجدية ابدا والتغيرات البدائية ( مثل توماس دول - وخوينا طيب الذكر هاسيك).

طبعاً المتابع لمباريات الهلال لا يرى فرق بين دول وهاسيك اي شي جميعهم يبدأون المباريات بتخبط في التشكيلة ووضع التكتيك الخاطى للمباراة ويكملونها بالتغيرات العشوائية. حقيقة انا صدمت لما شفت مستوى هاسيك , المفروض نجيب مدرب ينسينا دول تماما اللي حدث اننا جبنا دول اخر بس بدون شعر.

عندي سؤال للجميع : في الخمس المباريات الاخيرة هل شاهدتم هاسيك يغير التكتيك او خطة اللعب ؟ انا عني ما شفت شي دائما التغيرات تكون مهاجم بمهاجم او وسط بوسط مافية اي تغير او قراءة للمباراة وكأنه متفق على التغيرات قبل المباراة.
وأكبر دليل امام الغرافة فريق فائز بفارق هدفين والمدرب لم يقم بأي تغير وغيرها الكثير .

اخواني آسف على الإطالة ولكن اقول لكم سيحدث ما لا نتمناه اذا استمر هاسيك على رأس الفريق وتذكروا كلامي.

أتمنى تغيير المدرب نهاية الموسم لأنه مدرب مع احترامي الشديد له ليس في مستوى الزعيم
وياهاسيك ترى الزعيم غير الأهلي الإماراتي أتمنى تستوعب أن الهلال لايرضيه غير الفوز والمستوى وياليت يشوف أيام جريتس كيف كان يفوز الهلال كان يفوز ويمتع .

أتمنى عودة جريتس للزعيم

يعطيك العافية على الموضوع ماقصرت



تحياتي

إقتباس أتمنى تغيير المدرب نهاية الموسم لأنه مدرب مع احترامي الشديد له ليس في مستوى الزعيم إقتباس وياهاسيك ترى الزعيم غير الأهلي الإماراتي أتمنى تستوعب أن الهلال لايرضيه غير الفوز والمستوى وياليت يشوف أيام جريتس كيف كان يفوز الهلال كان يفوز ويمتع . أتمنى عودة جريتس للزعيم

الله يسمع منك ويرجع غيرتس او يجي مدرب غيره لكن أهم شي يمشي هالمفلس والا سيدمر الهلال

اتفق معك في جميع ماذكرته ...



لاكن الله كريم ..



.




.

بصرآحة ...
المدرب ما عندهـ شيء ..
المدرب ك مدرب تحسسه لازم يمسك الفريق من بدآية .. يحدد هو اللاعبين .. يبي يجيب شيء مع الفريق ,, "
لكن ف النص وكذـآ.. صعبه ترى "
,,
لكن إن شاء الله يكككّون ف بداية الموسم القادم مدرب آفضل منه .. ويمسك الفريق بدري مرهّ .."

كلام واقعي وصحيح
واضم صوتي لصوتك
مدرب راح يدمر الهلال
مع العربي والكوربي

يا اخوان وش فيكم على المدرب

الحين اللي يجيب الخساره المدرب ولا اللاعبيين ؟ اترك هالسوال لكم

اللاعبيين هم اللي يصنعون الفوز للفريق ويرفعون المدرب للنجاح

لا تستعجلون في اقاله المدرب نتظر ونشوف

ما دام سامي معا المدرب لا خوف على الهلال وادم عزك يا هلال


بالتوفيق للزعيم

إقتباس الرسالة الأصلية كتبت بواسطة عبدالله الغاامدي يا اخوان وش فيكم على المدرب الحين اللي يجيب الخساره المدرب ولا اللاعبيين ؟ اترك هالسوال لكم اللاعبيين هم اللي يصنعون الفوز للفريق ويرفعون المدرب للنجاح لا تستعجلون في اقاله المدرب نتظر ونشوف ما دام سامي معا المدرب لا خوف على الهلال وادم عزك يا هلال بالتوفيق للزعيم

للاسف كلامك غير صحيح اخي الكريم لما يأتي مدرب بالهمستوى الضعيف تأكد ان الاعبين لا يسطيعون فعل شي معه وكمثال في مباراة النصر لما غير الشلهوب لعب العابد مكانه خلف المهاجمين وكلنا نعرف ان العابد لاعب طرف يعني لاتلوم العابد اذا ما قدر يقدم لان المدرب احرجه وقس عليه عبدالله الدوسري لما لعبه ظهير يمين وهو لاعب يلعب بالقدم اليسرى وايضا اشراكه للقرني في نفس المركز.

يعني لو نلعب بدون مدرب صدقني الاعبين بيأدون أفضل من أدائهم مع هاسيك لانه مدرب يلخبط الفريق بأختصار.

الله يستر لايلخبط اوراق الزعيم في مراحل الحسم وبطولة الملك

...فعلاااا أحس المدرررب ماااعنده مااااعند جدتي...

...والله ينهي هااالموسم على خير عشااان يروووح...

بالتوفيق لزعيم
يعطيك الف عافيه

صحيح كلامك ان هاسيك مو بعيد بتكتيكه عن دوول.. لكن!!

الاداره ماعندها غير هاسيك بعد دول لان التعاقد معاه كان بمنتصف الدوري

ومستحيل تحصل مدرب متفرغ بهالوقت فاكيد الي بتلاقيه بيكون دون المستوى

ادارة شبيه الريح تعمل كل شي لعيون جمهور الزعيم لكن للاسف مايبين بالعين

انا ما اختلف معك برؤيتك ورأيك، لكن انا اخذ بأيدك واقول نترك الاداره تعمل

والنقد يكون بنهاية الموسم، كل التوفيق لزعيمنا بالاسيويه والابطال.

إقتباس الرسالة الأصلية كتبت بواسطة زياد 2007 صحيح كلامك ان هاسيك مو بعيد بتكتيكه عن دوول.. لكن!! الاداره ماعندها غير هاسيك بعد دول لان التعاقد معاه كان بمنتصف الدوري ومستحيل تحصل مدرب متفرغ بهالوقت فاكيد الي بتلاقيه بيكون دون المستوى ادارة شبيه الريح تعمل كل شي لعيون جمهور الزعيم لكن للاسف مايبين بالعين انا ما اختلف معك برؤيتك ورأيك، لكن انا اخذ بأيدك واقول نترك الاداره تعمل والنقد يكون بنهاية الموسم، كل التوفيق لزعيمنا بالاسيويه والابطال.

أخوي زياد كلامك جميل ورائع وفيه من التعقل الشي الكثير وتشكر عليه , ولكن اذا جاء نهاية الموسم وطلع الهلال من البطولة الأسيوية ومن كأس خادم الحرمين الشريفين وش بيفيد النقد وقتها , انا نتكلم من الأن لأن ليالي العيد تبان من عصاريها وانا اخوك.