معليش اخوي هذي المره جانبت الصواب في كلامك لان مو كل واحد ينتقد صار مندس ...
كل سنه نقول اللي بعدها نقدر ننافس على الاسيويه ..
الحين ممكن نستفيد من تجاربنا في اسيا ايام التسعينات ولا لانروح بعيد ناخذ تجارب الاتحاد في اسيا ...
بسألك سؤال: ماهو هدف الهلال هذا الموسم ؟؟؟ بالنسبه للامير عبدالرحمن الله يحفظه مقدرين كل شي سواه مع الهلال لكن ترى ماحد اجبره على رئاسه الهلال هو جاء من كيفه وزي ماقدرنا واشدنا بنجاحه لازم ننتقد بأدب.... تقبل رأيي والاختلاف لايفسد الود..

مافيه احد فوق النقد لا رئيس ولا اداري ولا لاعب .... المهم مصلحة الهلال.

الرئيس دوره خدمة الهلال اذا ما نجح يا يرحل يا يصحح أخطاءه ويستفيد من النقد.. والاداري واللاعب مثله.

بعدين ما احد يذل الهلال انه بذل الغالي والنفيس..... الغالي والنفيس هو الهلال فقط

يعطيك العافيه على الموضوع
ومعاك ياهلال على الحلووه والمره
واللي حاصل كبوه جواد وبتعدي بإذن الله
تحياتي

إقتباس الرسالة الأصلية كتبت بواسطة الزعيم روح شعلان ابشرك ترى الهلال للحين بالبطوله ما طلع واذا على مبارتين تعادل بطل اسيا النسخه الماضيه اخذها بحتجاج الفريق الي لعب قدام الغرافه مافيه الا الشلهوب والغنام كبار والباقين كلهم صغار تفقد خط دفاع كامل ومع ذالك تتقدم وتسيطر على المباره صراحه فريق يخليني اصفقله تدري ليه لنك انت تشوف تحت قدميك اما انا كامشجع هلالي اشوف الى المستقبل ممكن اسوي فريق قوي وبعدين يجيب لي بطوله ثم وين يختفي وعندك اكثر من مثال استريح وروق اعصابك ترى غيرك هو الي يدفع الملاين وهو الي يتحمل النقد وهو الي يسهر ويسافر ويروح ويجي وصراحه انا بعد موضوع ايمانا والضغط الي مارسناه على الاداره والاداره وافقت وجابت اللاعب وتحملت التكاليف الكبيره صدقني عرفت وش معنى حنا لنا رائي ولنا قدر عند الامير والاداره بس اذكرك بكلام سامي قال لا تطالبونا ببطوله يعني هم عارفين وش يسون فالا تضغط بزياده على الاداره

بيض الله وجهك كفّيت ووفيت يا قلبي .
مشكوووور يالغلا

يعطيك العافية على الكلام الحلو والصحيح والزعيم والله قادر ان يتجاوز هذه الظروف بس يبيله صبر

إقتباس الرسالة الأصلية كتبت بواسطة هلالي فـ القمه لحالي عزيزي سارق جوهـ لقد سرقت جونا بهالموضوع المميز والذي يعتبر من المواضيع القليلة للأسف اللتي نتابعها في المنتدى هاليومين معظم المواضيع سب في لاعب لعن في إداري إتهام بعدم الفكر للإدارة وإستهزاء باللاعبين والتريقه عليهم بأسلوب سمج ورخيص وينم على حقد وكره للهلال ومنسوبيه وبعد كذا يتعلل الواحد بحب الزعيم والحرص على مصلحته والله ثم والله لوإني مشرف من مشرفين هذا المنتدى لحذفت أي موضوع فيه إستخفاف وغمز ولمز في منسوبي الهلال من لاعبين وإداريين حتى يتأدب من أراد إثارة البلبله واللعب على وتر عواطف الهلاليين وقت الإخفاقات 0 يأخي تابع أنت ليست المواضيع فقط هي من تستخف بلاعبي الهلال وإدارته بل الأدهى والأمر العناوين تلاقيها بالبنط العريض تشهر بلاعبي الزعيم وجهازه الإداري لمصلحة من يحدث ذلك وماهي الأهداف والغاية والمقصد التي ستعود على الهلال من مثل تلك العناوين وهل هي ستصب في مصلحة الزعيم أم ستصب في إناء إثارة البلبله والزوابع والإصطياد في الماء العكر من أجل تحطيم وإحباط لاعبي الزعيم وجعلهم يلعبون ما تبقى من مباريات الموسم بأسلوب الضغط النفسي والذي سيؤدي الى مزيد من الأخطاء ومزيداً من الإنتكاسات وهذا ما يريده هؤلاء من إنزال مثل هذه المواضيع السمجه 0 هناك فرق واضح وكبير بين الإنتقاد والتجريح الإنتقاد ضروري للتصحيح كل شخص مهما بلغ من ثقافه يستطيع التجريح ولكن ليس أي شخص يستطيع الإنتقاد بطريقة بناءة وهادفه الإنتقاد له أسلوب ممكن العضو ينتقد من أراد إنتقاده من دون تجريح تماشياً مع المصلحه العامه للهلال وعندها سندعم هذا الإنتقاد ونؤيده إذا كان في محله وسنمتدحه لأن الهدف من الإنتقاد واضح وغايته ومقصدهـ مصلحة الزعيم 0 اللهم وفق الهلال فوق كل أرض وتحت كل سماء

تسلم يا غالي .. بس إللي برا اللعبه مو عاجبه لأنه يبي يكون جوه .. والناس مو فاهمه .
أشكرك حبيبي سرقت قلبي بطلتك يا الغلا

الحمدلله على كل حال .

وان شاء الله يتطور المستوى الى الافضل ..

إقتباس الرسالة الأصلية كتبت بواسطة Nada 7 بأذن الله الهلآل قآدر على تصدر مجموعتهه هذا الزعيممم عودنآ انه مآيتأهل الا من الطرق الصعبهه .. كل التوفيق لهلآلنآ يوم الآحد امام الفقرخلونا نفكككر في الدوري من الان ي جماعه وننسى هالمباراه لسسى امامنا طريق اصصعب .... يعطيك الف عآفيهه آخووي ..

إقتباس الرسالة الأصلية كتبت بواسطة مشعل الظفيري .. كفيت ووفيت اخوي ، كلامك كله عين الصواب ويمدي الهلال انه يتصدر باقي له مباراه مع بيروزي ب ارضهم !! وباقي له مباريات اتوقع اشوف بعض الردود احس اننا طلعنا من اسيا فيه اخطاء ويجب تعديلها وان شاءء الله تعدل

إقتباس الرسالة الأصلية كتبت بواسطة ابو عدي911 كلامك سليم ولكن .. كل اداره لها اخطاء .. واحسن شي بادارة الهلال انها تعترف باخطائها ان حدثت . ونحن الجماهير بارائنا نحاول ان ندلي بها بما يخدم الهلال وذلك هو ماجعلنا دائمآ بالقمه .. ويوجد هناك اخطاء ولدي خطأين بس وابيك تقول رايك فيها .. البيشي ابدع وايما ابداع وبمستواه لايقارن بنامي ومع ذلك عندما عاد نامي من الاصابه لعب اساسيآ وبقي البيش بالدكه ثانيآآ . هل تعتقد ان الزوري افضل من شافي او الفرج بخانة الظهير الايسر ؟؟؟ لاتقولي مدرب .. من قبل لايجي هاسيك والوضع هذا حاصل .. ابي رايك بهالنقطتين بس الله يحفظك .

هذا كل ما استطيع قوله اختصرته في 3 ردود

الله يوفق الزعيم في المباريات القادمه

يعطيك العافيه على الموضوع
افضل ان تتعثر في بداية المشوار
وتعمل على تلافي الاخطاء مستقبلا
خير من ان تفوز وانت لك اخطاء فادحه وتخسر
في نهاية المطاف والزعيم قادر على تجاوز المجموعه
وتصدرها باذن الله
ورجاء لجمهور الزعيم لاتكونوا مع الاعلام وجماهير الفرق
الاخرى ضد الفريق كونوا مع الفريق فيوالفوز والخسارة
فاغلب جماهير الانديه الاخرى تتمنى سقوط الزعيم سواء
جماهير من داخل المملكه او من خارجها
فل نكن يدا واحدة لدعم الزعيم في ماتبقى من الموسم
واسف على الاطاله

كفيت و وفيت يابطل

كلنا ثقة بسمو الامير عبدالرحمن

وبنجومنا الابطال والاسطورة سامي

ثقتنا فيهم كبيرة بتحقيق البطولة الاسيوية

وليس تصدر المجموعة فقط

إن لم أكن هلالي وقت الإنكـسار لـن أعترف بهـلاليتـي وقـت الإنتصـار

يبقى الهلال زعيم آسيا

وأفضل فرق القارة

وله هيبته على مر الزمن قديما وحديثا ومستقبلا

وغالب أو مغلوب هلالي وما أتوب

إقتباس الرسالة الأصلية كتبت بواسطة (الحل الصعب) والله ما اضعينا الا المراهقين امثال كاتب الموضوع فريقنا لايستحق ان يتأهل الى دور ال16 رضي من رضي وأبا من ابا فريقنا فاشل بكل ما تعنيه هذه الكلمة فريق يقوده ارباع مدربين وارباع ادرايين لن يفلح ابدا والعالمية صعبه قوية

الله وكبر عليك ياناكر المعروف
اجل فريق فاشل ومنو الفريق البطران اللي انهزم من نجران
عالميه بالترشيح ماتشرف يانصر
ماتوصل ماوصلنا لاتحاول ياصغير
فريقنا وراضين به لانه ببساطه يرفع الرأس الحمدلله

إقتباس الرسالة الأصلية كتبت بواسطة هلالي عالي الهامة كل هذا عنوان .. هذي وسوسه ...الزبده انت جايزلك الوضع خلاص طبل بس لا تبلش العالم الي تحترق على ناديها

انا ماشوف انه فيه شي يستدعي كل اللي اشوفه
من البعض ماخلو احد الا قالو ابعدوه
والله شفت من امس للحين فوق ال10مواضيع
اقل مايقال عن من كتبها انه غبي او انه مندس مليون بالمئه
او انه مو عارف وش معنى كوره
اجل فيه احد يقول نغير مدرب واربعه لاعبين اجناب وسامي والاداره
واربعه لاعبيم محللين بالله هل هذا كلام واحد فاهم

إقتباس الرسالة الأصلية كتبت بواسطة هلـالـي مـلـكـي إن لم أكن هلالي وقت الإنكـسار لـن أعترف بهـلاليتـي وقـت الإنتصـار

عباره المفروض تكون على صدر كل هلالي مخلص وعاشق مو بس هلالي
بالوراثه او عشان الاسيويه
مشكور ياصاحب الموضوع على روعة ماكتبت
وكلنا مع الهلال مهما كان وضعه