|
السماح للبيشي بالغياب عن مباراة الغرافة بداعي الزواج .. هذا اسمه تهريج وعبث بالفريق حتى الآن الاخبار ( السيئة ) تقول أن البيشي سيغيب عن مباراة الغرافة والسبب ..... زواجه !!!!!!!!!!!!! اللي اعرفه أن الغيابات تحدث عادة رغم أنف الفريق بسبب الايقافات أو الاصابات أما في الهلال فلديهم سبب آخر هو ( زواج اللاعبين ) !! ما أدري هل أضحك ام ابكي .. هل يعقل أن يحصل هذا من إداره محترفه نحن في أمس الحاجة لإكتمال الفريق في الاسيوية ونضع ايدينا على قلوبنا عند كل كرت أو اصابه خوفا أن تتسبب هذه الكروت أو الاصابات في غياب اللاعبين .. ولكن أن يكون الغياب بسبب زواج هذي والله طامة كبرى بالله عليكم عمركم سمعتم عن أي لاعب في اي فريق بالعالم يغيب عن مباراة مصيريه بسبب زواج !! اليوم اصيب نامي وربما يغيب عن الغرافة .. والأخ البيشي بيعرس يعني وشلون نلعب بدون ظهير !!!!!! يعني الاسيوية باح عشان الحبيب بيتزوج !!!!! مدري الاداره مبسوطه على الكلام هذا .. اذا ما يهمها آسيا يقولون لنا عشان ما نتحمس بزود انا لله وإنا اليه راجعون |
لا اتوقع راح يغيب راح يلعب ويرجع ان حدث فهذا خطا كبير لان الجدول معروف من بداية الدوري واسيا محددة من العام الا اذا كان حجز القاعة والضيوف يحتاج علي الاقل سنتين ههههههه امزح |
هيييي انت سلامات الرجال عنده زواج يعني تبغاه يسوي موعد زواجه على جدولة اتحادك الآسيوي الفاشل يوم انشاءالله تكبر وتفكًر تعرس بتعذره بعض العالم غريبة |
ههههههههههههههههههههه شر البلية مايضحك :laugh: ؤالله مصيييبه طااامة كبرى يابؤ فيصل ؤين الاحترافيه عندنا مباراة مهممممة ؤالرجال يبي ياخذله مدام على العمؤم الله يهنيه |
اعتقد امه موقوف عن المبارة امام الغرافة لهذ اسمح له بالزواج في هذا التوقيت |
ؤششش تبي توصل له .. :rose: |
بصراحة اشووف هذا مو وقت زواج اللاعبين المفروض في نهاية الموسم اكيد راح يكوووون فيه اجازة للاعبين بالتووفيق للهلال في الاسيوية |
طيب يالحبيب تخيل نفسك بمكانه وش راح تسوي؟ تترك عرسك عشان مباراه واحده فقط ! ولا تخيل اجازة عرسك اسبوع وش راح تسوي ؟ قسم بالله راح تلعن ام الشغل فما بالك بالاعبين بعد اربع ثلاث ايام من زواجه يرجع يتدرب مع فريقه فالاعب معذور والله يوفقه بحياته |
حبيبي هدي شوي اللاعب لو رفضت له الادارة السماح له بالغياب هل سيظهر بصورة ايجابية بالتأكيد لا الله يوفق اللاعب والهلال عمره ماوقف على اللاعب لاتنساه من الدعاء بان الله يوفقه بزواجه واقدر غيرتك على الفريق بالتوفيق للهلال وللاعب بحياته يعطيك العافية |
إقتباس:
عنده الصيف كله .. وعنده بداية الموسم يعني ما حبكت الا مع الاسيوية بعدين الاسويه معروفه انها في تبدأ في شهر مارس |
اين الاحترافية يابو فيصل الاعبين عندهم اجازات مالقا يتزوج الا بهالوقت |
الف الف الف مبررروك الف الف الف مبررروك |
بصراحه .. مع كامل احترامي اللي كااتب الموضوع واللي مؤيدين له بكلامه :ranting: <<مالقيتوا شي تنبشون عليه الا على هالضعيف وش عليك منه يحدد زواجه بكيفه مو بكيفك انت ولا بكيف الاتحاد الاسيوي وش تحسون فيه شطحاتكم ياساده هههههههههههههههه قال يخلي زواجه بالصيف :ap: واللي يقول مو وقته زواج :ap: استغفر الله بس ولا احتراف وهياط اركدووا بس كبروا عقولكم :s3s: والزعيم قدها بالموجودين وهذا دليل ثقته باللاعبين :alzaeem: الله يسعده ويوفقه يارب |
والله عرسه اهم من النادي من جد والله |
خلو الرجال يعرس ـ وش حشر اهلكم ي العزابية ( هههههههههه |
.. الله يكتب الي فيهَ إلخيرَ .. وإعتقدَ اُن سالفة تحديد موعدَ زواجَ البيشَي في وقت مباراة الغرفهَ المسؤول الاول عنه هـي إلأدآرهـ على كل حال .. |
اللاعب من حقه الزواج بارك الله لهما وبارك عليهما والله يجمع بينهما في خير ولكن اللوم يقع على الاداره وليس ع اللاعب فعادة اللاعبون يتزوجون في الاجازات او ايام التاهيل بعد الاصابه يعني اذا ضمن عدم مشاركته |
لو آلآعب عند آهتمآم بآلفريق مآحدد مثل هذآ آليوم آبدآ ولو آلاعب مهتم بحضور زملآئه وآخويآه في زوآجه لمآ وضع مثل هذآ آلتوقيت ولو ألأدآره صآرمه ومهتمه بآلفريق لمآ تركته يحدد مثل هذآ آلتآريخ لزوآآآجه |
خييير معليش ي راعي الموضوع الموضوع بكبره ماله داعي من الأساس ما تدري من متى مجهز وضعه ممكن من قبل ما تتحدد مواعيد المباريات في الآسيويه لا يكون تبيه يقول معليش والله أباجل العرس عشان المباراة هذا غير التجهيزات اكييد |
تراه زواج موب نوم !! اذا كبرت ان شاء الله راح تفهم :) . |
اول شي مبروك له والله يوفقه ويرزقه الذريه الصالحه لكن فعلا عليه توقيت غلط مرررره المفروض يعرف ان عنده مباراة يأجل يقدم مو يخليها بتوقيت المباراة والحين من عندك بتلعبه ظهير لكن ان شاءالله انه يقدر يلعب لو شوط واحد الدفاع من زين مستواه وكل شوي يغيب واحد سبحانه بس اذا ربي مو كاتبلك شي وشكله هالموسم مو للهلال بالتوفيق للزعيم ويارب يرجع من الدوحه بالثلاث نقاط يعطيك العافيه |
بصراحه تخبط وين الاحترافيه الهلال يحتاج ادارة محترفه مانبي مجاملات |
إقتباس:
ما عمري سمعت عن لاعب يغيب عن نهائي او مباراة مصيريه بسبب زواج اللوم مهو عليه .. هو الله يوفقه بزواجه .. اللوم على الاداره اللي تدري عن مواعيد البطوله وتسمحله يحدد زواجه بهالتوقيت .. فهمت يا الحبيب |
ياعزيزي لو مافي توقفات عشان المنتخب بتلاقي موعبد زواج قبل مباراه نجران !! لكن وش نقول جدوله دوري زي وجيهم الله يوفق سلطان بحياته زوجيه ان شاء الله نامي يكون جاهز |
مالكم دخل فيه تبون تتحكمون فيه لانتم بالي حظرتو للملعب وجاَاَاَاَاَيين تتشرطون.. بعد ناَقص تقولون اعزم هاَذا ولا تعزم هاذا حتى لو أجل زواجه ماراح يبدع في المباراة معروف |
- من جد ايش اللي يآبوي :s5s: ! وألله لو عندي عرس لآ اسحب على ابوي :to::smilie47: ! قال الهلال والاسيوية قال :s2::laugh: ! |
ششي عادي اذا عشان المواعيد فرح اكيد الاداره تعوضه او تقول تتكلف بي مصاريف زواجه عشانها وعدته |
أول شئ نقول مبروووك للكاتبن سلطآن آلبيشي !! قبل شوي في تصريح الأمير عبدالرحمن بن مسآعد رئيس نادي الهلال , تكلم عن الموضوع هذا , وحساسية الموضوع خصوص مع إصابة البديل له الكابتن محمد نامي , فقال أن ألأمير نواف بن سعد أجتمع مع اللاعب وطرح عليه عرض أنه يقدم الزواج ويحجزون القاعه وكل شئ على حسابهم , فوضّح له الكابتن انه ممكن يصير شئ قد يلغي فكرة الزواج للكابتن سلطان بسبب ظروف عائلية , ووضّح الأمير عبدالرحمن انه ماله داعي تلغي زواج بسبب مباراة كرة قدم . |
لا الصراحه غلطان ليه يعرس !! المفروض اللاعب مايتزوج لين يعتزل عشان ماينشغل !! ياخوي يعني ماتبي الادمي يتزوج عشان مباراه !! المفروض الفريق يكون عنده البديل الجاهز |
اخي الغالي هنآآكـ اولويآآت والزوآآج نصف الدين اولى من العمل مهما كآآن فاللاعب لن يراعي شعووركـ عشآآن مباراة تتعوض !! ولن تقنع الكل بردكـ عليهم .. رأيي الخآآص انه كلآعب زواجه اولى من النادي وش عليه من النادي .. ولا تقولي احتراف الاحتراف الحاصل في اوربا هو المصلحة اهم من كل شي والدليل .. فيجو من البرشا للريال ابراهيمو فيتش من الانتر لميلان والكثير من اللاعبين انتقلوا من مكان الى اخر وباعوا الانتماء .. الاحتراف يبعد الانتماء .. والزوآآج برأيي اولى من النادي وان لعب بيلعب بدون نفس .. فأتركه يتزوج ابركـ ^^ وشكرآآ .. رآي خآآص لن يتغير .. مع تحياتي |
اشوف ان زواجه اهم له من المباره لاهنت |
يـآ خخي تبييه يعني يروحح لحرمته وهو مكسسور مثلآآأإ ترآ مآعططوه آلآجآزه إلآ عششآن صصحتهه ترآأإ مو فضـآووه ع الفـآأإضضي آلآدآرآة يلعبون بـآلآعيبةة |
عموما يبدوا أن بعض من رد على الموضوع قد فهموا كلامي بصوره خاطئة انا لا احمل اللاعب المسئوليه الكبرى المسئوليه الكبرى تقع على عاتق الادارة ( المحترفه ) اللي تسمع للاعبيها يحددون مواعيد زواجهم في أوقات المباريات المهمة .. وليس أي مباريات .. للأسف الاسيوية اما كلام الامير عبدالرحمن في الرياضية السعوديه فهو نوع من التبرير غير المنطقي الهدف منه دفع الحرج عن الإداره لا أكثر ولا أقل .. ولا هل يعقل أن الزواج لايمكن تأجيله ابدا !! |
كانه صار زواجه صدق بنفس اليوم وغاب عن الغرافه فعلا يابو فيصل مافيه اي احترااااااااف وماحصل هذا الا في عهدك المشكله ماعندنا بديل له حتى نامي موب مستواه لكن الله يخلف خل تروح الاسيويه شكلهم من الحين يبون عذر لاعب محترف يحط زواجه بمباراه مهمه مهمه جدا هههههههه ياسلام عليكم |
الله يوفقققققه................. |
وكملت اليوم بإصابة محمد نامي لاعب يحدد موعد زواجه في الوقت الحاسم من الدوري وهو يعلم ذلك؟ مثل المعلم الذي يحدد وقت زواجه في منتصف العام الدراسي وليس في الإجازة أين الاحترافية أيها اللاعبون وأين الاحترافية يا إدارة |
وصلت تدخل الجماهير في اللااعبين حتى في الزواج .؟ |
هههههههههههه وش هالعالم كيف تكتب وكيف تفكر الاسبوع الجاي اجازه رسميه والزواجات تكثر بالاجازات والهلال لا يوقف على لاعب واحد والبيشي الله يوفقه بزواجه وبحياته الجديدة اتركوا الكلام الفاضي اللي ما يودي ولا يجيب تحياتي |
اقول ياجل زواجه عشان الهلال ان شاءالله فيه اللاعب الكفؤ الله يوفقه ويسعده ويهنيه وبلا كلام فاضي بالتوفيق للهلال |
استغرب من اللذين يدافعون عن البيشي هذا لاعب محترف وهناك جدول من زمن وهو موضوع 21 مارس موعد المباراة يعني حبكت تضع موعد زواجك بهذا التاريخ هذا يدل على تخبط اداري واضح اللاعب لابد ان يستأذن الاداره لانه سيغيب عن الفريق فكيف سمحت له الاداره وهي تعلم بهذا الموعد من المباريات اليوم اصيب نامي فماهم فاعلون ويقولون عندنا احتراف |
يأجل زواجه عشان مباراه ..! فيه اللي يعوضه ان شاء الله |
انتم ورآكم وكأنكم جزمتم على غياب نـآمي .. ادعوا الله ان يتشافى نـآمي بسرعه ويعود :) |
الف الف مبروك للاعب وابوفيصل تكلم وقالها صريحه طالما اللاعب عزم على الزواج ومجبر لظروف معينه يتزوج بنسمح له لانه لو ماسمحنا له .. ماراح يكون مستواه بالشكل المطلوب لانه راح يكون متاثر نفسيا وبعدين كاتب الموضوع فعلا وش يبي الا نسوي شوشره على الفريق |
مفروض الأتحاد الأسيوي يرسل فاكس لنادي الهلال قبل بداية البطوله يحددون متى زواجات الاعبين عشان مايصير الي صار !!! أنا قايل لكم نجيب حسن معاذ ونحطه أحتياط لسلطان ونامي عشان وقت الزنقـة :d << ماتجي حسن أحتياط لهم بس بنسلك للأداره :d فريقنا سيئ وخروجنا من آسيـا مسألة وقت بوجود سلطان أو بغيابه ,, بيجي واحد الحين مطفي النور ويقول أنت فيك ومافيك ومندس ودخيل على الكيان الهلالي وهالكلام الفاضي الي مايودي ولا يجيب بس هذه الحقيقه :yes: |
ههههههههههههههههههههه شر البلية مايضحك ان صح الخبر فصراحة نسمع بالاحترافية اللاعب عنده لقاء مهم و ((محترف)) ونقول خلوه يعرس تهريج والله |
الله يعطيك العافيه والله يوفق البيشي في حياته الزوجيه |
وخلصت المواعيد يعني !! يعني اللاعب مسكين فقران مثلا ما يقدر يحطها بعز الموسم !!!!!! |
طيب ورى ما تخلون بطوله اسيا مهر الزواج لاعبين الله يخلف كل تفكيرهم فلوس ومادة وزواج وسيارات وخرابيط |
انا لو مكانه ابعتذر لازواجي فكل شخص له احقيه فلاتكبرونها شباب |
إقتباس:
الجدول والله مااوضعوه امس علشان تحط السبب على الجدول :s5s: الجدول موضوع من ثلاث اشهر , واللي زاد الطين بله اصابة نامي |
إقتباس:
اخوي هو محترف ..!! لو في الدوري ممكن نعذره ..لكن في البطولة الاسيويه ....الكل يعرف مواعيدها .. مع كامل الاحترام .... عمري في حياتي كلها ..وطوال متابعتي ..للكره ماقد سمعت لاعب يغيب ..عن فريق ...وهو في امس الحاجة له .... (عشان عرسه )!! لااا ماعليش هذي كارثة لمن يدعون الاحتراف ..لا اداره ولا لاعب ...! |
اوكي حبيب قلبي ادق على ابوفيصل اقوله لايغيب سلطان البيشي المباراة اهم من زواجه .. اهم شي ماتزعل انت .. |
صدقت وربي ع الموضوع والخطا من هاسيك ليش يحط نامي بدال البيشي المفروض البيشي اساسي علشان يدري انه ماراح يلعب قدام الغرافه |
الزواج مرهـ في العمر خلووهـ ينبسط بس والله يوفقهـ وفي الزعيم يغيب من يغيب ولا يتأثر الفريق |
سبحان اللي خلقكم اذا خلصت المباراة و انتهت تعادل تسبون اللاعبين يوم فزنا فاتح موضوع عشان امر زواج سلطان مدري لازم يجي ياخذ منك إذن والا ايش او مااسمعت عبدالرحمن بن مساعد بعد المباراة قال حاولنا لكن ظروفه العائلية ماتسمح لذلگ اضطرينا للموافقة واقدر آخذ للمباراة الغرافة بس ماراح يعطي وغير انه انسان منضبط و خلوق وبعدين سياسة الإدارة رائعة لان الاعبين ماراح يكونوا تحت الضغط فكما تحب أن تُعطى فلابد أن تعطي |
|
إقتباس:
هاذا الكلام الصح الزواج غالبا يكون فى موسم الاجازات حتى يتفرغ اللاعب لزواجة ولراحتة فترة طويلة اما يعرس اليوم وبعد اسبوع محضر ويمكن بعد مصاب بصرحة لاعبينا محتاجين ثقافة وفكر كورة |
هذا اسمه وانت الصادق عذر عند الهزيمه عشان ردة فعل الجماهير الهلاليه عندنا نقص وعندنا اصابات والفريق شي طبيعي ينهزم لان الصفوف غير مكتمله لانهم ضامنين الهزيمه من الغرافه بسبب مايجرحون اشباه اللاعبين اللي فالهلال واللي مايقدرون الشعار والمدلعين وحقين الواسطه واحنا ياجماهير نحرق دمنا. انه الفساد فالهلال والرضاء بالمحليه . يعني ياجماهيرلاتعبون انفسكم اذا تاهلتوا لدور16 يعتبر انجاز غير كذا مافيه . لعنت الله على من يريد الهلال بسوء ويسعى لمصالحه الشخصيه اللهم وفق الزعيم يارب |
اشكرك ياغالي على ماطرحت من جد شي يرفع الضغط الشغله مهزله وواسطات احنا محتاجين لكل اللاعبين ولازم يكون عندك احتياط قوي واسيا صعبه وكل مباراه لها ظروفها ماتدري امام الغرافه وش احتياجك في المباراه لكن مو مشكله الشغله ترقيع في ترقيع يعني توقع بكره يعطون لاعب اجازه بمناسبة مرور سنه على زواجه وعشان يحتفل مع المدام وتوقع ايضآ يحطون حسن العتيبي ظهير امين ويقولون نبغى اسيا بس على هالمستويات ما اعتقد نستمر في البطوله حتى الأجانب من جنبها ولاراح يفرقون معنا في البطوله والتوفيق للهلال يارب كما نتمنى جميعآ |
تأجيل وزاج البيشي سيسبب له مشاكل اسرية الافضل انه يحتفل في زواج في نفس الموعد و ترا الغرافة مو ذاك الفريق القوي بااذن الله الهلال راح يفوز بدون سلطان البيشي :s2: |
| الوقت المعتمد في المنتدى بتوقيت جرينتش +3.
الوقت الان » 09:49 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd