07/03/2012, 11:04 PM
|
 | زعيــم فعــال | | تاريخ التسجيل: 13/06/2010 المكان: Saudi Arabia
مشاركات: 468
| |
|
التعادل شي افضل من لا شي
بسم الله الرحمن الرحيم
  اسعد الله اوقاتكم بكل خير
اول شي خلونا نكون واقعيين ،، الهلال ناقص من نص الشوط الاول بطرد مدافع له حجمه في الهلال يعني التعادل يعتبر شي زين علما ان المجموعة الرابعة كل ( الهلال - بيروزي - الشباب الاماراتي - الغرافه ) كلهم يمكلون نقطة واحدة يعني ان شاء الله فيه امل ..
لكن فيه نقاط كثير اثرت علينا في المباراة :
* الفريدي :
اشك انه يبغا يقتلنا من بروده ,, لاعب يعني بالقوة لازم يجيب هدف عالمي اناني بدرجة كبيرة وحتى ان مرر للكوري تجي خاطئة الميزة الوحيدة في الفريدي قطعه للكرة من خلف لاعب الخصم ..
* الكوري لي يونق بيو :
ياناس هذا مااايصلح يكون راس حربة وحيد بين دفاع بيروزي هذي نقطة النقطة الثانية كم هجمة حصلتله هجمات بالهبل وكلها للاسف لم يستثمرها .. يعني بصراحة صدق فيصل ابو اثنين يوم يقول لاعب لايستحق ان يكون لاعب اسيوي في الهلال
* هااسيك :
ابي افهم شي واحد وش يحس فيه ،،، قاعد يشوف برود الفريدي وتضييع الكوري للهجمات ولا يحرك ساكنا
ياااخي ويلهمسون وش يسسوي بالاحتياط حن مطلبنا لعب سريع طلع الفريدي ودخل ويلي الكوري ياااخي خلاص الشوط الاول مااسوى شي خلاص طلعه ودخل العربي الذي اجزم ان لو دخل من بداية الشوط الثاني ان يكون قد احرز هدف ثاني
*عبدالله الزوري  :
لاعب سيئ في الظهير يجي هاسيك يضعه في الدفاااااع يااخي وين حسن خيرات علامة استفهااام كبيرة على المدرب اليوم ؟؟؟
* سالم الدوسري :
قدم مستوى لابأس به لاكن ماادري ليش كثير يفقد الكورة او يسقط على ارض الملعب عندما تتمرر الكوره اليه ..!!!
* الهلال اليوم كان اللعب الفردي طاغي عليه اكثر من اللعب الجماعي ...!!!!
للاسف نقاط لو تلافينها كان كنا متصدرين للمجموعة بفارق نقطتين عن كل من الشباب والغرافه
لاكن قدر الله وماشاء فعل الامل باقي في باقي الجولات
اخيرا اتمنى ان لا نقسو على اسامة هوساوي فا الواحد يخطأ وكثير نخطأ لاكن الاهم ان نتعلم من اخطائنا وان نتلافها في القادم
واحب اشكر كل من حضر وشجع ويعطيهم الف عافية
ختاما
تقبلو تحياتي
الحد الجنوبي .. |
الوضع العادي
