إقتباس الرسالة الأصلية كتبت بواسطة s.Milandini من أبرز الإحصآئيات بعد نهآية مبآرآة الأمس .. / بالشوط الثاني .. سدد الأرسنال ( مرتين ) أحدهما كانت ع المرمى ، بينما سدد ميلان ( 11 مرة ) 5 منها على المرمى . لعب الميلان والأرسنال 180 دقيقة ( ذهاباً وأياباً ) ، ميلان أمتلك الأفضلية 125 دقيقة بينما ذهبت الـ 55 دقيقة لصالح الأرسنال .

انهو ارسنال الذي يستحق التاهل

قله خبره الشعراوي ومصباح وتسرع ابرا في التسديد عطتهم المباراه

الشعراوي كان يقدر يسجل هدف من انفراد في الشوط الاول ويحسم التاهل

نوتشيرينو يضيع كوره من خط السته والباب شبه فاضي

تسرع ابرا في التسديد يوم جته كوره من تشيزني والباب فاضي

مع ذلك الجمهور ما يذكر الا كوره فان بيرسي الضائعه وينسى الشعراوي ونوتشي وابرا

و اليقري ما ينلام على هذه الخساره دخل المباراه وهو ضايع ما يدري يهاجم ولا يقفل وهذي تدل على قله تجربته بس مع ذلك ضبط وضعه في الشوط الثاني وعرف
اخطائه والحمدلله ما تكررت الاخطاء في الشوط الثاني وتسيد الميلان الشوط الثاني طول بعرض

إقتباس الرسالة الأصلية كتبت بواسطة M i L @ N i يمكن انت احوج مني للسبوره 1- اي كوره حديثه اللي قاعد تتكلم عنها! ! لياقه بدنيه عاليه وشو حماس لأكثر ولا اقل 2- مااستنقصت من اليوفي لكن وشلون تقول اليوفي ونابولي الواجهه للكره الايطاليه وانت اساسا غير مشارك والا تلعبون دوري ابطال تخيلي مثل ووصلتو النهائي وانا قلت الميلن مشرف ايطاليا وعشان نشوف تأثير ناديك خارجيا ومانروح بعيد علمني وش سوى اليوفي بآخر عشر سنوات اوروبيا ؟ وبرضو ارجع واقول لك المقعد طار بسبب تراجع اللي يجيب ذات الاذنين ذليله صاغره ضد اقوى اندية اوروبا ماهو اللي يطلع من دور ال16 او ال 8 وبخصوص انك تكره او ماتكره ميلان فماراح يزيد او ينقص هالشي من نادينا بالعكس يمكن تحرم نفسك من اشياء حلوه ماتلاقيها بمكان ثاني وتمن لنا زي ماتبي فالتمنى حق مشروع للجميع ويعوض اي نقص قراااااااندي ميلان ففورزااااااا ميلان

اتمنى بس انك تميز بين كلمة فريق مشرف اوروبياً مثل ( ميلان )

وواجهه مشرقه ( المستقبل ) وانا اتوقع واتنبأ يوفنتوس نابولي لانهم غيرو طريقة لعبهم .

الاول بنا ملعب حديث وبيدخل رعاه رسميين مثل شركه قطر ونابولي راح يبدأ مشروعه في بناء ملعب جديد وباقي التنفيذ. اما من ناحية الرثم والاداء فالكلام التالي ممكن يوضح قصدي.

نعم اللياقه البدنيه العاليه وسرعه الرثم في التحول من الدفاع إلى الوسط والهجوم وتدوير الكره بشكل سليم هو محور الكره الحديثه

لك مثال في الدوري الانجليزي الي يلعبون ثلاث بطولات محليه وبطولات خارجيه وحتى ايام الوبكسينق دي( boxing day ) يلعبون وهذا يتطلب مجهود بدني كبير وهذا الفرق بيننا وبينهم وما يجعلهم يتفوقون علينا من 2004 تقريباً

كذالك برشلونه ومدريد مثال اخر على المجهود البدني وتدوير الكره وجحذ هم اللاعبيين واستنزاف كل طاقاتهم

في المقابل ميلان يمتاز بالصلابه الدفاعيه ( ولو ان تالي ميلان له بعض الهفوات دفاعياً ) محور يهدي اللعب. توصل لمهاجم او اثنين مهاري يوقف الكره ويصنع او يسجل. غياب بواتينغ اثر كثير على ميلان واذا بتسألني عن افضل اثنين يلعبون بميلان بقول لك بواتينق وبوميل لان رثمهم سريع مره خصوصا بوميل الي يعطيك مناوله في جزء من الثانيه.

ميلان يعتمد على الفنيات بشكل عالي لذالك يعاني اما الفرق المتطوره مثل المذكور اعلاه وفي المقابل ياكل الفرق الايطاليه المتوسطه والصغيره نظيراً للفنيات الموجوده لدى زلاتان الشعراوي روبينهو كاسانو.

/

فريقنا في اخر عشر سنوات 2002-2012

لعب نهائي دوري ابطال اوروبا 2003 وفاز فيه ميلان بالتعادل امام انتر ذهابا وايابا 1-1 و 0-0 وفاز على اليوفنتوس بلنتيات بعد ما انتهت المباراه 0-0

في غياب نيدفيد ودافيدز عاد ما يحتاج نتكلم عن نيدفيد ولاكن هذا بعض مما قدمه اليوفي في اخر عشر سنوات

ثم خروج من دور الــ 8 اعوام 2005 و 2006 امام ليفربول والارسنال والبركه في خشيمان الي كان يجيب الاسكوديتو ويخورها بالابطال.

وبعدها كالتشيو بولي. كيف تبينا نقدم شي بعد المصيبه هذي؟

المقعد عباره عن نقاط تراكميه واليوفنتوس كانت نقاطه ايجابيه في الابطال دائماً ولاكن بعد اختفائه قلت نقاط الفرق الايطاليه ولا يوجد معوض لليوفي مثلما انه لا يوجد معوض لميلان او انتر ومن ينكر او يجحد هذا الشي فهو مكابر

اذا تاثير اليوفي على المقعد الراتب هو تاثير مباشر.

نعم اليوفنتوس كانت له اخفاقات اوروبيه لان في الاخير الناس تتكلم عن عدد الالقاب ولاكن كان يلعب بتفاني ويقدم مستويات عاليه توصله لادوار متقدمه واعيد واكرر لعب 7 نهائيات فاز في اثنين وخسر 5

واخيراً اتمنى التوفيق للكره الايطاليه والكالتشيو ونلحق الركب

فورزا كالتشيو

إقتباس الرسالة الأصلية كتبت بواسطة عساف 505 يلوموني يوم اقول اليغري داج المفروض يروح يبوس راس ابياتي اللي انقذة من الخروج من البطولة حتى يوم سجل ارسنال في الشوط الاول ثلاثة أستمر على كل شي لا سوا تبديل ولا شي ودخل فيها بالشوط الثاني طبعا لا انسى روبينهو فيه انانيه عجيبة نوتشيرينو كيف ضيعها ههههههههههههههههههههههههههههه الحكم يلعن بليسة فاول ابرا اصتد بلاعب ارسنال المفروض ركني واضحة يروح يحتسبها مرمى ولا قوي عين يعطي نوتشيرينو كرت اصفر لو أنا مكانة عطيته كف على وجه ههههههههههههههههه احسن لا يتأهل ارسنال ماراح يسوي شي في الادوار القادمة عكس الميلان ممكن يسوي شي ابراهيموفتش اذا تحتاجة في المباريات الحاسمة يختفي ما الومك ياغوارديولا نجم المباراه بوجهه نظري ابياتي الف مبروك لعشاق الميلان التأهل هاردلك عشاق الارسنال تحياتي للجميع

الحين عشان اليغري ماغير صار داج .؟
اولا اليغري غير التكتيك وغير مسار المباراة بين الشوطين واختلف اللعب تماما والدليل ان الارسنال ما قدر يوصل لـ ابياتي على ما اعتقد وان لم تخني الذاكرة الا مرة واحدة كانت بشكل خطير اللي هي كرة فان بيرسي اذا فيه غيرها ذكرني ..

ثانيا : انت شفت الاسماء اللي بالدكة او لا .؟

اما ربينهو .. والله اني ادعي عليه بـ اصابه تفكني منه لنهاية الموسم وبعدها يكرشونه من الفريق .. لاعب يقتل الهجمات ويضيع فرص سهلة ..

ابرا لايظهر بالمباريات الكبرى !؟ ترى اللي حسم التأهل هو ابرا في مباراة الذهاب ولايغرونك اللي يقولون ان نجم الذهاب هو ربينهو .. ابرا سوا كل شيء في ذيك المباراة .. وترى دائما في المباريات الكبيرة يكون دور ابرا تكتيكي .. يخلق مساحات لزملائه بتحركاته لان الدفاع يكون مركز على ابرا .. بس امس كان معه ربينهو والشعراوي عشان كذا لم يستغلوا دور ابرا ..

اللي بقوله من الاخر ان اليغري مو داج الغيابات جعلته يلعب باسلوب كان فعال لولا اخطاء بعض اللاعبين وثورة الارسنال اللي استطاع اخمادها الشوط الثاني الذي يعتبر " شوط المدربين "

لاتحسب ردي من باب التعصب لمدربنا لا والله .. لو قال احد الكلام نفسه عن فينغر راح يستفزني لاني اشوف ان فينغر برضو نجح تكتيكيا

واختلاف الرأي لايفسد للود قضية وتقبل ردي

مبروك لميلان التاهل وحظ اوفر للارسنال اللي يحتاج الي شغل الموسم القادم جلب لاعبين كبار

انا ابي ارد علي اخوي black n white فقط

هو يقول ان ايطاليا فقدة المقعد الرابع بسبب اليوفي كيف فسر

اليوفي فريق كبير

يعني خلنا نقول ان اليوفي غاب عن البطوله من ٢٠٠٧
يعني ٦ سنوات

والمقعد الرابع راح من ايطاليا هذا الموسم مع العلم ان ميلان بطل ٢٠٠٧ والانتر ٢٠١٠

إقتباس الرسالة الأصلية كتبت بواسطة THE KOP فان بيرسي .. هل كان مسوؤلين الاتحاد الدولي بكامل قواهم العقلية يوم ابعدوه من جائزة افضل لاعب بالعالم .. طبعاً الاتحاد الاوروبي مغسولة اليد منهم ومعروف محاباتهم لبعض الاندية .. لكن فان بيرسي ان لم يحصل هذا الموسم على جائزة افضل لاعب اوروبي كأقل تقدير ... فاللعنة على كرة القدم !

إقتباس الرسالة الأصلية كتبت بواسطة Black N White وانا اتوقع واتنبأ يوفنتوس نابولي لانهم غيرو طريقة لعبهم . لعب نهائي دوري ابطال اوروبا 2003 وفاز فيه ميلان بالتعادل امام انتر ذهابا وايابا 1-1 و 0-0 وفاز على اليوفنتوس بلنتيات بعد ما انتهت المباراه 0-0 في غياب نيدفيد ودافيدز عاد ما يحتاج نتكلم عن نيدفيد ولاكن هذا بعض مما قدمه اليوفي في اخر عشر سنوات ثم خروج من دور الــ 8 اعوام 2005 و 2006 امام ليفربول والارسنال والبركه في خشيمان الي كان يجيب الاسكوديتو ويخورها بالابطال. وبعدها كالتشيو بولي. كيف تبينا نقدم شي بعد المصيبه هذي؟

متابع بصمت ولكن ردودك !!

هنالك فرق بين ماتتوقعه انت وتتنبأ به (اللي ودك )
وبين الحقيقه التي تقول ان ميلان لوحده يساوي جميع اندية ايطاليا
على مستوى المشاركات الخارجيه

اما عن تاريخ اليوفي في الابطال اخر 10 سنوات
ياله من تاريخ (يخقق) يجب ان تعلم ان تاريخ ميلان في اخر 20 سنوات
في البطولات الخارجيه اكبر من تاريخ اليوفي خارجيا !!
نعم نعم انها الحقيقه المرة

اما عن مباراة البارحه ,,

الميلان دخل بغيابات كبيرة ودكة شبه خاوية امام فريق كبير ليس لديه مايخسره
هدف الارسنال الاول بتوقيته كان له الاثر الكبير على باقي مجريات الشوط الاول
الميلان في اكثر من مناسبه رغم غيابه عن مستواه الحقيقي كاد ان ينهيها
الارسنال فريق كبير ولعب بروح ومستوى عالي لكن سرعان ماستفاق الميلان
في الشوط الثاني واستطاع ان يلعب بتوازن اكبر

اخيرا هارد لك للارسنال

ومبروك للميلانيستا

إقتباس الرسالة الأصلية كتبت بواسطة s.Milandini فان بوميل يصل للمرة الثامنة بتاريخه إلى دور الـ 8 بدوري الأبطال .. أكثر من تواجد اليوفي بهذا الدور منذ تأسيسه ولغاية اليوم !

بوميل بس عمل اللي عجز عنه يوفنتوس ، يوفنتوس الآن يتفرج علينآ ويتعلم ..
ولآ زآل البعض يقول إنهو اليوفي المشرف والمستقبل والمدري وشو !!
أحلى شيء نسب فشل اليوفي الذريع إلى الحبيب إبرآ أجل يخورهآ هآه والله يآ فيه نآس حآسدينآ عليه حسد

مره ثانيه مبروك ميلانيه .. فريقكم استحق التاهل خلال 180 دقيقه

بس ودي اعلق على سالفة الاصابات

ارسنال امس ما عنده الا 2 وسط جاهزين .. الفريقين فيهم اصابات بس الارسنال اكثر

إقتباس الرسالة الأصلية كتبت بواسطة allqnas مبروك لميلان التاهل وحظ اوفر للارسنال اللي يحتاج الي شغل الموسم القادم جلب لاعبين كبار انا ابي ارد علي اخوي black n white فقط هو يقول ان ايطاليا فقدة المقعد الرابع بسبب اليوفي كيف فسر اليوفي فريق كبير يعني خلنا نقول ان اليوفي غاب عن البطوله من ٢٠٠٧ يعني ٦ سنوات والمقعد الرابع راح من ايطاليا هذا الموسم مع العلم ان ميلان بطل ٢٠٠٧ والانتر ٢٠١٠

المقعد الرابع خسرناه بسبب العدد النقطي المتراكم كل خمس سنوات

يعني ماهو كل سنه يسحبون مقعد ويعطون مقعد لا لا لا الموضوع ماهو كذا

من 2006 إلى 2011 نتائج الفرق الايطاليه او نقاطها في دوري الابطال وكأس الاتحاد الاوربي كان اقل من نقاط فرق البونديسليغا لذالك تم سحب المقعد مننا ومنحه للألمان

نظام الفزعات ( ميلان 2007 ) و ( انتر 2010 ) ما يفيد بكثر ما يفيد ان يكون عندك اكثر من فريق مؤثر في الابطال وهذا الي اقصده

اليوفنتوس في الفتره 2006 -2011 كان غائب اوروبياً بسبب الكالتشيو بولي

وهذا انعكس على المقاعد وعلى مستوى المنتخب

للمره المليون انا اتكلم عن مستقبل الكره الايطاليه وسبب فقدان المقعد الرابع

ماهو ضروري انك تفوز بالابطال وتجلس 6 سنوات تجيب نتائج مخزيه بكثر ما تكون فريق دائم مؤثر ومن هذا المنطلق استغرب تهميشكم للليوفي اوروبياً

لاكن بعذر البعض لانه ما تابع التشامبينز فتره كافيه او يمكن تابعها بعد سقوط اليوفي

سابقاً ميلان احتكر ثلاث نهائيات 1992-1993-1994

ويوفنتوس احتكر ثلاث نهائيات 1996 -1997-1998


اما ااذا تكلمنا عن التاريخ فــ تتعبون نفسياً ويكفي فخر ان اليوفنتوس هو او فريق حصد جميع البطولات عام 1996 وبرشلونه كذالك عام 2008 على ما اعتقد

حتى يعود المقعد الرابع لابد من نتائج مشرفه والفوز بالابطال وحده ما يكفي
تحتاج ثلاث اربع فرق تقدم نتائج مميزه من عام 2011 إلى 2016 حتى يعود المقعد

تششششاوز

إقتباس ميسي اول لاعب في التاريخ يسجل ( 5 ) اهداف في مباراة واحده !

سامي .. حسب علمي سجل 6 بـ مباراة وحدة : )