|
نتمنى عدم السكوت عن ذالك يا ( إدارة الهلال ) ومايحدث من بعض الاعبين لن نرضى بـه ( صـور ) http://kll2.com/upfiles/gNf82554.png http://kll2.com/upfiles/CKy82554.png أثناء مشاهدتي لـ آخبار زعيم آسيا بـ الفترة المسائيه شاهدت بعض الصور لـ بعض الاعبين والتي ازعجتني كثيراً وبل أزعجت أكثر من شخص آخر وشاهدنا قصات غريبة من بعض الاعبين ونتمنى من إدارة الهلال عدم التهاون بـ ذالك ولن نرضى بـ مايحدث آخواني آخلاقنا الإسلاميه لاتسمح بـ ما يفعله بعض الاعبين نتمنى لهم الهداية والتوفيق ونادي الهلال حريص على ذالك ويعتبر الهلال قدوة لـ الجميع من إدارة و جماهير وكذالك الاعبين وأعضاء الشرف بـ جميع المجالات الثقافية والدينية والإجتماعيه وغيرها وهؤولاء يمثلون نادي الهلال ومن يفعل مثل هذا نتمنى بـ آن تكون هناك عقوبة داخليه بالنادي . وهذه الصور من تمرين الهلال لـ هذا اليوم لـ تمارين الفترة المسائيه . http://kll2.com/upfiles/8TD85171.jpg http://kll2.com/upfiles/Pt783604.jpg http://kll2.com/upfiles/ctn83604.jpg ونتمنى التوفيق لـ زعيم آسيا ياررب العالمين . |
يعطيك الف عاافيه اوافقك الراي قصاات غريبه وليتها حلوه بعد موب حلوه الله يهديهم اهنيك ع مواضيعك الرائعه تقبل مروري وبالتوفيق للزعيم |
هذا موب خالد شراحيلي ؟؟؟ والله على بالي محترف جديد قلت بدل مين جاء !!!! الله يهديك يا شراحيلي وش هالحركات المفروض سامي ما يسكت ويتكلم معاه تحياتي |
** ي ليت يحلقها ، احسن له !! |
أتفق معك تماماً الزعيم نادي نموذجي وهؤلاء قدوه لمن يشاهدهم وأعتقد أنهم لايمثلون أنفسهم فقط فهم أيضاً يمثلون نادي القرن ... موضوع يستحق التثبيت يعطيك ألف عافيه |
الله يهدي ما خلق اتمنى ان الاعبين يصلحون اخطائهم وان لايقتدون باليهود في قصاتهم هذي والله انها مقززه للناظر |
شكرا اخوي وهذا شي مرفوض ولازم علي الادارة يكون هناك عقوبات علي البس او القصات ورقص بعد تسجيل الاهداف عقوبات رادعه او حرمان من المشاركه حتي ينظبط الفريق ومايكون حب التقليد موجود في النادي |
|
تسلم اخوي على الموضووع المهم جدا للهلال والله انك جبته على الجرح لزم اداره الهلال يكون له موقف في هذا لانه اطفالنا يقالون ان شاء الله تكون الاداره قرار ينااسب الكل وشكرا |
شراحيلي و الدعيع و خيرات انتم بـ بلد مسلم مايصلح هالحركات لآزم تتدخل الاداره بالموضوع |
حنا مسلمين والقصات لا تقدم ولا تأخر في الشخص ولكن امتثالاً لقول حبيبنا محمد صلى عليه وسلم نبتعد عن هالتقليعات الله يحفظكم ودرب السلامه |
اذا احنا جلب انتباهنا كيف الاطفال |
اتفق معك ارجو من الادارة تشوفهم وتكلمهم !! |
خير ان شاء الله ذولا مايستحون ولا ايش..؟ لازم تتدخل الاداره هذا الامر مرفوض ومرفرض ومرفوض عيب والله عيب اللهم لك الحمد |
من جججد شي غرريب المفروض الاداره تفرض عقوبات على القصآت المخالفه بالذات المشمئزه ذي الله يهدينآ ويهديهم لآهنت اخوي |
صرااااااااحه غريبه من لاعبين الهلال مارح يسكتون الأداره عن هذا الشي سخاااااااااااااااااااافه |
قصاتهم غريبة بالمرة متأثرين بالغرب ذولي اتمنى الادارة تسوي حل للهشي |
اشكرك عليى غيرتك المشكله يااخوي الاجانب كلهم الي جونا ماقصوا مثلهم الله يهديهم فعلا لازم يحلقونها بس المشكله بيقولون شي خاص مالكم دخل فيه الف شكر لك |
. جالسين في نادي و لا مدرسه ابتدائيه ؟ اشوفها حريه شخصيه لكل لاعب و كل اساليب التنفير من النادي و من الكره السعوديه ذاقها الاعب الهلالي و ما يدرون يلقونها منكم و لا من الاعلام الاصفر و اللي صار مع رادوي اكبر مثال |
انتم تططالبو ادارة الهلال تدخل وش بتسوي ! بتجبرهم على شي مايبونه ! اصلآ بيقصونها غصب عنهم لان ممنوعه هالقصات بالمباريات يعني لاتشيلو هم كلها يومين لين ترجع المباريات وراح تشوفونهم متعدلين لانهم ماراح يلعبون قبل لايحلقو |
آلله يهديهم لآزم آلادآرة تتكلم معهم مآيصصير هآلكلآم وبالتوفيق للزعيم |
والله شيء يندا له الجبين الله يهديهم ان شاء الله ، واتمنى من إدارة النادي التدخل |
لازم تدخل عاجل من الادارة تقليعات الخوال مرفوضة لدينا على الادارة المحاسبة لهم حالا والله ماشفت هاللي يسوي هالحركات غير الخوال حقين حركااااااااااات |
أتفق معك تماماً الزعيم نادي نموذجي وهؤلاء قدوه لمن يشاهدهم وأعتقد أنهم لايمثلون أنفسهم فقط فهم أيضاً يمثلون نادي القرن ... موضوع يستحق التثبيت |
اوخ والله توني اشوف هالقصات ! مااني عارف اصلا وش الفايده منهاا وما اقول غير الله يهدينا ويهدي الجمييييييييييع يارب . . لآهنت فخآمه ع هالنقطه المميزة واتمنى الادآره عدم السكوت ع ذالك . . !! |
صحيح انهآ حرييه شخصيهه !! لكن ولو يآخي شكلها مقزز .. واحنا جماهير الزعيم مانرضى بهالقصآت .. يكفي الاجانب اللي جونآ ماسووها .. حتى رادوي غطّا الصليب عشاننا بس هم حبو يكشخون في هالفتره ( التوقف ) وكلها كم يوم ويحلقوون طرق :D ولا حلقوهم فالملعب |
مدري وش يحسون فيه بالظبط بالله هذي حلاقة ؟؟ وين الإدارة عنهم المطلوب حلاقتهم فورا وإنذارهم وعدم تكرارها مستقبلا ولاحول ولا قوة إلا بالله |
اتوقع هذي حريه شخصيه اللاعب يمثل نفسه سواء حلق ماحلق شي راحع له !! |
صدقت والله هالصوره اكثر شي لفت انتباهي في التمرين وكثير تضايقت منها هالامر مرفوض شرعاً لانه قزع ومدام الامر فيه نص شرعي اتمنى من الاعبين الامتثال لان الامر ليس حرية شخصيه |
لاحول ولاقوة الا بالله، الله يهديهم يفترض من مدير الكره يناصحهم وعند التكرار خصم من المرتب اخلاقيات اللاعب وسلوكه قبل لعبه بالملعب، نتمنى توجيه درس للاعبين انهم قدوه لكثير من الاطفال والشباب المراهق، وايضاً سفير لوطنه بالخارج |
اتفق معك .................. |
( آخواني الغاليين بـ النسبة للي يتحدث وذكر بـ آنها حرية شخصية ) نتمنى بـ آن تكون هذه الحريه خارج أسوار نادي الهلال لـ آن الكيان الهلالي تاريخه وسمعته آهم من الحرية الشخصية في الأخير هم الآن يمثلون الكيان الهلالي , كنا نتكلم ونتحدث ونضحك على نور وهزازي قبل كل مباراة نراهم بجانب الخط تعديل بالمقص من كل الجهات , والآن أنظر مايحدث لنا ... نتمنى التدخل لـ آن الأطفال والبراعم راح يتأثرون لو يشاهدون مثل هذه الحركات ونادي الهلال يعتبر قدوة للجميع مثل ماذكرت آعلاه يالغاليين الله يسعدكم ويوفقكم وقبل ذالك يعتبر القزع محرم لـ آن فيه تشبه . تحياتي |
الله يهديهم يارب ونتمنى من ادارة الهلال تشوف حل لهم قال صلى الله عليه وسلم "لتتبعن سنن من كان قبلكم حذو القذة بالقذة حتى لو دخلوا جحر ضب خرب لدخلتموه" ياليت نعتز بديننا وقيمنا واخلاقنا بدل التقليد الله يهديهم |
اتفق معكـ ، يجب ان نقف ضد هذه الأشياء ولاكن يا حبذا لو اتت النصيحه خاصة وليست امام الملا ( بإرسال رسالة خاصة الى احد المشرفين او المسئولين ) لكي لا نفتاح لإناس ابواب كانو ينتظرونها... تحياتيـ لكـ,,, |
قصآت مخالفه مشمئزه الله يهدينآ ويهديهم امين ,والله الواحد يستحي لما يشوفها قسم بالله تشوه اللاعب وهو يفكر أن أصبح جميل |
خالد شراحيلي مسوي بالوتيلي على غفله هههههههههههههههه |
أتفق معك تماماً الزعيم نادي نموذجي وهؤلاء قدوه لمن يشاهدهم وأعتقد أنهم لايمثلون أنفسهم فقط فهم أيضاً يمثلون نادي القرن ... موضوع يستحق التثبيت يعطيك ألف عافيه |
يعطيك الف عاافيه <CENTER>اوافقك الراي قصاات غريبه وليتها حلوه بعد موب حلوه الله يهديهم اهنيك ع مواضيعك الرائعه تقبل مروري وبالتوفيق للزعيم </CENTER> |
جزاك الله كل خير الله يوفقك ويقولك المثل من سبق لبق انت سبقتني في الاجر والله اني خلاص كنت على وشك اكتب الموضوع لكن الحمدلله بالصدفه شفت موضوعك وقلت الحمدلله في واحد كتبها قبلي وكفا ووفى .. على الله بس توصل للإدارة ويتخذون أجراء في الي حاصل |
الله وش من اللقافه ي اخواني ذي حرية شخصية المهم لعب اللاعب بالملعب اما مايتعلق بشخصيته فهو حر اتمنى تعلم احترام رغبات الاخرين وعدم التدخل فيما لا يعنينا تحيتي ،،، |
من جد ه القصات بعدين تقلل من الشخص وغير كذا مهيب حقت مسلمين |
قلة حياء سخافه .... بصراحه يجب عدم السكوت علهم |
شكرا لك ، و بصراحة تلك المناظر المقززة أثارت استياء كل من شاهدها .. و أستغرب بصراحة من الصمت عن ذلك و خاصة من سامي الجابر الصارم في عمله و قبله من الأمير عبد الرحمن و الأمير نواف اللذين نعرف عنهم الحزم في الأمور الأخلاقية .. نتمنى منهم أن ينبهوا هؤلاء اللاعبين و ينذرونهم .. فإن لم يستجيبوا فباب النادي يسع الجمل و عليهم أن يبحثوا عن ناد آخر .. فمثل تلك التقليعات المخزية لا تمثل الهلال و لا الهلال يمثلها و الهلال منها براء .. و لا ننسى أن هذا الفعل محرم شرعا و هو القزع الذي هو حلق بعض شعر الرأس و ترك بعضه مثلما نهى عنه الرسول عليه الصلاة و السلام . |
كلام سليم 100% حركات مالها داعي |
http://files.alhilal.com/images/7168...8483300245.jpg مصختوووهآ أنت ويآه .. يجب تدخل الإدارة في مثل هذه المواضيع .. |
اتمنى يوصل صوتنا للادارة لان الموضوع بيأثر على النشئ اتمنى التثبيت للموضوع |
مناصحه فقط لاغير ........................... |
الحين قولوا لي : وش بتزيد هالحركات في لعب اللاعب إلا الدجة والضياع! عادة اللاعبين اللي يسوون هالحركات يصيبهم غرور وتعالي...بعيدن بيصيرون وقدوة سيئة لأطفالنا فعيب أقولها لكل لاعب يسوي هالحركات البايخة. مظهر غلط التربية قبل الرياضة ! تقليد ومخالفة شرعية أين الإدارة عن هذا الخلل..؟؟ |
وفقك الله أخي الكريم أتفق معك كثيراً إن ديننا الإسلامي يحثنا على عدم التشبه بالكفار وينهانا عن القزع كما يجب أن يعرف اللاعبون أنهم متابعون والكل سيدقق في كل ما يخصهم ومنها المظهر الخارجي |
إقتباس:
1+ اتفق معك اخوي بالنهاية هاذي حرية شخصية والاهم اداء اللاعب في الملعب |
قصة طريفة :s2: انا شخصيآ ضد هذي القصات لان الاطفال ممكن يقلدونها |
وش دخلت فيهم الان فضحتهم عند لجنة الانحطاط الصفراء والله انك ملقوف حريه شخصيه لللاعب مالنا صلاح فيه بالتوفيق للهلال في كل مكان |
مفروض غرامه ماليه علي هاذي الحركات والقصات الغريبه |
موضوع في وقتـه وفي محلـه اخوي ,, من جد لآ تعليـق ,, حلقـة لى تليق بآلعقيدة الإسلآميـة أولاً ,, ثآنياً مآودنـآ نشوف مثل هذه آلحلقآت و القصآت آلغريبـة عندنـآ ,, و أتمنى من الإدآرة تتخذ آلقرآر آللآزم في مثل هذه آلتصرفـآت آلغريبـة ,, |
من جد وش ذا ؟؟؟؟ اتفق معك اخوي بكل شي |
شفت هالديك اللي قاص شعره تراه لاعب فاشل ولاعب واصطته أبوه اللي كان لاعب بالهلال والله حرام هالديك وأمثاله يمثلون الهلال وخذها مني , أي لاعب تشوفه يركز على شعره وألوان حذائه أعزكم الله أعرف بأنه لاعب مفلس فأخذ يغير في صورته علشان يجذب الناس له لأنه مفلس فنياً وماعندك أحد والله يخلي الواسطة |
النجم سالم الدوسري اكتشاف جديد لكرة القدم السعودية قدّمه الهلال هذا الموسم مؤكداً مرة جديدة أن الهلال معين لا ينضب لكرة القدم السعودية من المواهب والنجوم.. أسأل الله العظيم أن يحفظه ويرعاه ليكون أحد نجوم الأمل لمستقبل الكرة السعودية. |
موضوع رائع جداً وأنت أكثر من رائع الحقيقة النوادي لابد أن تكون بيئة تربوية قبل ماتكون بيئة رياضية وهؤلاء اللاعبين تأثيرهم على المراهقين جدا شديد فالحرص من إدارة النادي مطلوب جداً |
إقتباس:
«نهى رسول الله صلى الله عليه وسلم عن القزع» متفقٌ عليه. وعنه قال: رأى رسول الله صلى الله عليه وسلم صبياً قد حلق بعض شعر رأسه وترك بعضه، فنهاهم عن ذلك وقال: «احلقوه كله، أو اتركوه كله». رواه أبو داود بإسنادٍ صحيحٍ على شرط البخاري ومسلم. |
نحن جميعا نؤيد هذا الشي صراحة امر مقزز ومقرف |
| الوقت المعتمد في المنتدى بتوقيت جرينتش +3.
الوقت الان » 02:51 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd