لا لا لا لا لا لا .....!!! - نادي الهلال السعودي - شبكة الزعيم

سـ6ـآم · #1 10/02/2012, 12:18 AM

السلام عليكم ورحمه الله وبركاته

صبآح/ مسسسآء الخير ..... للجميع

بالبدايه نتمنى النصر لإخواننا في سوريا عاجلاً غير آجل ..

الشي الثاني اللي حبيت أتكلم عنه من فتره ..

الإلترآس الهلالي ..

جهود تذكر فتشكر ..
قدموا كل شي وأزروآ طوال المباريات وطوال أوقاتها سواءاً كان الهلال فائز أو متعادل أو حتى خاسر ..

لكن هناك بعض الأهازيج أستغرب أن يكون مكانها مدرجات الزعيم ..

أهزوجه والله إني أستحي وأنا اكتبها ..
لا فيها كلمات ولا فيها لحن ..
إذا سمعتها أول شي أتذكره إفتح يا سمسم أبوابك ..

لا لا لا لا لا .... هوهوهوهوهو

بالله هذي أهزوجه ..؟
أنا ما ادري وش الجميل فيها ..
والمصيبه إنها أكثر أهزوجه يرددها الإلتراس ..

الإتراس كان جميل ولكن أتمنى غداً أن نرى الأجمل ..

مع أنه قبل قليل ظهر الإلتراس على القناه الرياضيه ..
وكالعاده ..

ظهرت معه الأهزوجه ..

أتمنى أن تنتقى الأهازيج المناسبه للزعيم ..

بالتوفيق للزعيم ولإلتراس الزعيم ..

أتمنى أن تتقبلوا النقد ..

سـ6ـآم · #2 10/02/2012, 12:19 AM

للرفع يآ إدارتنا الغاليه ..

````amr diab```` · #3 10/02/2012, 12:25 AM

هههههههههههههههههههههه ضحكتني والله ,,من جد افتح ياسمسم بس عاد اخوي خف عليهم,,

يكفي انهم يلقون انواع الاستهزاء والسخرية في الملاعب,,

سعوديه والهلال ناديه · #4 10/02/2012, 12:40 AM

إقتباس

الرسالة الأصلية كتبت بواسطة ````amr diab````


	هههههههههههههههههههههه ضحكتني والله ,,من جد افتح ياسمسم بس عاد اخوي خف عليهم,, يكفي انهم يلقون انواع الاستهزاء والسخرية في الملاعب,,

والله السخريه والاستهزاء يمكن تكون من اشكالك
بدل ماتشكرونهم على جهدهم
تتريقون عليهم
لاتعليق على المراهقين بجد

كلي زعامه هلاليه · #5 10/02/2012, 12:56 AM

على الاقل احضروا وقدموا شي للفريق وللمدرج الهلالي يعطيهمم الف الف عافيهـ
<<<< وبدال ماانتوا جالسين ورا هالشاشات احضروا وشجعوا وساندو

ابو نـواف الهلالي · #6 10/02/2012, 02:25 AM

يعني متعب نفسك ومنزل موضوع عشان تستهئزء
طيب تعال و شرفنا بحضورك انت وخويك اللي رد معك !!!!
بس على فكرة ترا ما نلتفت للكلام اللي زي كذا و لايهمنا
بس ليتك تترك الحياء في المدرج وتجي تشجع بدال حب باجة و الترسيم في المدرج .

M . S . D · #7 10/02/2012, 03:41 AM

إقتباس

الرسالة الأصلية كتبت بواسطة ابو نـواف الهلالي


	يعني متعب نفسك ومنزل موضوع عشان تستهئزء طيب تعال و شرفنا بحضورك انت وخويك اللي رد معك !!!! بس على فكرة ترا ما نلتفت للكلام اللي زي كذا و لايهمنا بس ليتك تترك الحياء في المدرج وتجي تشجع بدال حب باجة و الترسيم في المدرج .

+1
بيض الله وجهكــ يابو نواف على هالرررد
ولاتهون اختنا سعوديـــه والهلال ناديـــه

فعــــلا بدال ماتنتقد تعااال وورنــي ابداعك
او صح ابداعك مخليه بالفصفص والببسي والتحليل يا خالد الشنيف

نــــــدى · #8 10/02/2012, 06:28 AM

ههههههههههههههههههههههه ياخخي حلوه مافيها شي

CARiiSMA · #9 10/02/2012, 08:29 AM

ردو عليك : ولآ يككككثر حكيك !! قم ورنـأ وش عندك ولآ تـلآيط و إقضب لسسإنك عنّ العيـآرهـ !! نـأإسّ تتعب و سإعتين يصيحون و تنبح أصواتهم غير اليوم كله واقفين على رجولهم لـنإدي ولآ انت و امثإلك صغإر العقول ما فيك حيله لنفسك مسكين و لآ يشرهـ عليك : ثمن كـلامك يإ جـأأأهــل

ahmed alzaeem · #10 10/02/2012, 08:48 AM

ياعمي روح موت اتحدى لو عرفت معنى كلمه التراس
هذي اهزوجة معروفه في العالم ولعلمك شوف المقطع هذا لالتراس الوينرز الودادي المغربي وشوف كيف الجمهور متفاعل معاها
اسمها اهزوجة هلالييو هلاليييو شوف كيف الملعب كله يقول الاهزوجة
Best ULTRA - أقوى جمهور عالمي جمهور الوداد - YouTube
لو تبي اهازيج الرابطه والشكشكه روح مدرج الطحالب والخدم

مشتاق ياأحلى بشر · #11 10/02/2012, 09:12 AM

صراحه الشي المحرج موضوعك
ياريت لما تتكلم عن شي تفهم معناه بالاول ok
الالتراس قاعدين يقدمون جهد جبار والاهزوجه روعه وعالميه كمان مو الالتراس الهلالي اللي جايبها
شكرا للالتراس استمروااا واتمنا نسمع هالاهزوجه في النهائي

عبدالله خالد القعود · #12 10/02/2012, 01:21 PM

يااخي والله حراام كلنا بالالتراس نتعب ونحضر وتقول هالكلام ياخي بدال ماتكتب الله يعطيكم العافيه

على الاقل اطرح موضوع قول ابيات جديده نناقش فيهاا

ياخي ماودي اتكلم بس الحمد لله على كل حاال والله نحضر ونتعب من اجل الازرق وتقول كذا

zizo7 · #13 10/02/2012, 01:36 PM

والله ما يقصرون الشباب وتعبهم على العين والراس لكن بصراحه في بعض الاهازيج لما اكون في المدرج قاعد جنبهم واشجع معاهم اخجل ارددها بصراحه

ahmed alzaeem · #14 10/02/2012, 01:59 PM

إقتباس

الرسالة الأصلية كتبت بواسطة zizo7


	والله ما يقصرون الشباب وتعبهم على العين والراس لكن بصراحه في بعض الاهازيج لما اكون في المدرج قاعد جنبهم واشجع معاهم اخجل ارددها بصراحه

انصحك خلك في البيت يادلوعه الماما لاتردد اي شي اجل تخجل هذي مشكله بعض الجمهور اخجل اقوم واشجع اخاف الكل يشوفني يااااااااااااااي
وش المهزلة هذي جاي للملعب انت مشجع ولا متفرج
اللي يحظر نبيه يكون مشجع وليس متفرج
ولا الثاني يقول ماعرف وش يقولون
من زمان اقول لكم جمهورنا مازال عايش على زمن الرابطه والشكشكه مو جمهور التراس فشلتونا تعلموا مثل جماهير شمال افريقيا
كل يوم اشوف واحد يقول ليش مانسوي مثلهم
لمن عملنا التراس واهازيج للالتراس قالوا مانحبها نبي رابطه
مع نفسكم واتمنى ماحد يحظر للهلال الا المشجع العاشق ويكون متفاعل مع الالتراس مانبي جمهور الصمت معانا

سعوديه والهلال ناديه · #15 10/02/2012, 02:29 PM

إقتباس

الرسالة الأصلية كتبت بواسطة zizo7


	والله ما يقصرون الشباب وتعبهم على العين والراس لكن بصراحه في بعض الاهازيج لما اكون في المدرج قاعد جنبهم واشجع معاهم اخجل ارددها بصراحه

يمكن عشانك كبير وتستحي
والا متعود على الاغاني والرابطه
والله الاتراس افضل وارجل
من التراقص وهز الوسط في المدرجات كانهم اكبر راقصه
والبعض يكملها بربطه الثوب
حشى ولافيفي عبده
استغفر الله