فل تكن لنا بصمه .. - نادي الهلال السعودي - شبكة الزعيم

hilale 50 · #1 09/02/2012, 06:47 PM

السلام عليكم ..

إن شاءالله تكونون بأتم الصحه والعافيه

هههه انا في كان ودي أحضر في مباراة الهلال والإتفاق بس دعواتكم للمبتعثين ...

ياليت بكرا ياجماعه تجلسون في المدرج دقيقتين في لحظة صمت

^^ انا ما أتكلم على الجمهور الهلال وبس .. انا أتكلم على كل جمهور الفريقين

وهذي فكرتي

مو العيب ياجماعه أخوك من الإسلام يذبح ولا همك

انا ياجماعه قصدي لحظة عتب على ما يحدث لهذا الشعب

وألف شكر لكل من قرا الموضوع

تحياتي

أخوكم hilale 50

هلال منك يازعيم · #2 09/02/2012, 06:50 PM

الله يوفقك يالمبتعث وبعدين على ما اظن انو هذي حداد
وتحياتي لك

جواهر الفرنسيه · #3 09/02/2012, 06:50 PM

فعلا اتفق معك .. كان الله في عونهم وفرج عنهم

ع ـبود الودعاني · #4 09/02/2012, 06:53 PM

بدأ يأثر فيكـ الفكر التغريبي
اخوي هذا ع معتقد انهـ حرآآآم
ولو كل شخص يستغل دقيقة بالدعاء لهم افضل من السكوت

hilale 50 · #5 09/02/2012, 06:56 PM

ههههههه

الله يجزاك خير اخوي مالي شهر مبتعث

وثاني شي هذي مجرد فكره

والف شكر لكم على الرد

fallaj · #6 09/02/2012, 07:02 PM

اهلا بك أخي هلالي .. والله يعينك وترجع لنا بالشهاده الكبيره ..

ثاني شيء ياغالي مشكور على شعورك الطيب تجاه اخوة لك مسلمين .. لكن ياغالي ماطلبته لاوجود له في ديننا الحنيف .. وهذه من التشبه باليهود والنصارى .. فهم من يقفون لحظات الحداد .. وبارك الله فيك وانتبه لنفسك ياغالي ولمعتقداتك .. وحافظ على صلاتك ولاتنسى قراءه القراءن .. والله يحفظنا ويحفظك ياغالي وكل مسلم ومسلمه .. وان يعجل بفرجه على جميع بلاد المسلمين ..

<هلاليه> · #7 09/02/2012, 07:07 PM

كم مرة قلت يا جماعه
ههههههههه

ما أتفق معك بموضوع دقيقة صمت

لانها اولا ماهي ثابته شرعا ولا عقلا بتفيد إخوانا

مارح يفيدهم غير الدعاء الصادق من قلب اما الصمت وهالاشيا امور لاتسمن ولاتغني من جوع

بالنسبه لصاحب رد التغريب احترامي لك بس ترى مخلين الابتعاث شماعة لكل راي مايعجبكم

تحسسوني ان السعوديه مافيها اي خلل كانها مدينة أفلاطون الفاضلة

fallaj · #8 09/02/2012, 07:20 PM

إقتباس

الرسالة الأصلية كتبت بواسطة <هلاليه>


	كم مرة قلت يا جماعه ههههههههه ما أتفق معك بموضوع دقيقة صمت لانها اولا ماهي ثابته شرعا ولا عقلا بتفيد إخوانا مارح يفيدهم غير الدعاء الصادق من قلب اما الصمت وهالاشيا امور لاتسمن ولاتغني من جوع بالنسبه لصاحب رد التغريب احترامي لك بس ترى مخلين الابتعاث شماعة لكل راي مايعجبكم تحسسوني ان السعوديه مافيها اي خلل كانها مدينة أفلاطون الفاضلة

انا اتفق معه اختي هلاليه .. وبخصوص رد الاخ عبود ربما لايقصد التعميم .. ولكن النسبه بسيطه وهناك من تأثرت معتقداته .. وضعف ايمانه .. والسبب البعد عن موطن المعتقدات الدينيه الصرفه هنا ..

وبعدين اختي التغريب خطر عظيم .. وصار البعض يرميه على الموضه وماشابه .. ويدعي بمن يذكره بانه رجعي او متخلف .. هل اصبح التمسك بالاسلام وبمعتقداتنا رجعيه في نظر البعض ..

اعيد واكرر التعميم خاطي فهناك اخوة لنا شرفونا وشرفوا الاسلام بنشره والدعوه اليه ..

ومانخاف عليه الاخوة الصغار والذين يذهبوا بعد الثانوي مباشره فعمره صغير وهو ارض خصبه للتغريب .. ونحن لاندعي ان السعوديه ليست مدينه فاضله ولكن هناك من ينصح ويوجه باستمرار اذا انحرف احد عن الخط وهنا الميزه عكس الغرب الذين ربما يؤيدنك ويغسلوا الادمغه حتى يتغرب الشخص وربما يترك دينه ومعتقداته الاسلاميه مع الوقت والعياذ بالله .. وتقبلي مروري ..

...عاشقه al-zaeem... · #9 09/02/2012, 07:24 PM

الله يوفقك
بس ياخوي هالمعتقد مايجوز شرعا
وجزاك الله خير ع تفكيرك فيهم

ملكه بعشق الهلال · #10 09/02/2012, 07:59 PM

الله يوفق زعيمنا
وهذا الشي لا يجوز الا فضل الدعاء لهم
وربي يوفقك بدراستك
عوااااافي

hilale 50 · #11 09/02/2012, 08:10 PM

الف شكر لكم أخوتي على الردود

وهذي مجر فكره بس مو مشكله نسوي كنسل <<< أكتبه بالانجليزي طيب

مشكوريين حبايبي ودعواتكم

تحياتي