أكد الرئيس التنفيذي للآتحاد الالماني لكرة القدم " كريستيان شيفرت " أن الدوري الالماني في طريقه إلى تحقيق رقم قياسي يُعتبر إمتداد للآرقام
السابقة للدوري الالماني من ناحية الحضور الجماهيري و كثافته ، حيث وصل متوسط الحضور في المباريات إلى 44 الف خلال الموسم الحالي
و هذا الرقم هو من بداية الموسم حتى التوقف للعطلة الشتوية في المانيا ، و قال كريستيان : " هذه الارقام تدل قوة الدوري الالماني و المنافسة
التي تجذب المشجعين للملعب و ينافس فيه البطولات الكبرى " ، كما أن متوسط اسعار التذاكر هو 22 يورو تقريباً .

ماهو جديد ع الدوري الالماني

الموسم الماضي شفت لقطات من مباراه بالدرجه الثاني عندهم والملعب مليان ومتفاعل ع طول

وأحنا هنا أقوى مباراه في الموسم مانوصل خمسين الف , واذا حظرو مانسمع لهم صوت

يعطيك العافيه أخوي

نآقصهم قوه آعلآميه ودفعآت قليله لتحقيق الآنجآزآت في المستقبل !

ملاعبهم محفزه انك تجي لمها
وهي الافضل في العالم والاجمل .
لاجديد

دوري قوووووي لكن بدون اعلام اللي يفرض كل شي ..!

الألماني تابعته ممكن 3 سنوات
جماهير أحسها تعبد الكوره الملعب دايم أشوفه فل و تفاعل

مو زي عندنا مافيه غير 10 يتفاعلون و الباقي حول البلاك بيري يتراسلون

جماهير المانيا معروفين بكثافة الحضور والتشجيع المستمر .. وعندهم الحضور يمكن قبل المباراه بنصف ساعه يبدا الحضور وكل واحد يعرف مكانه زين وبالرقم مافيه عندهم( ياخوي هذا مكاني انا حاجزه) يعني غصب بتحصل جماهير جايه مبسوطه وتشجع وهي متحمسه..

وفي المقابل عندنا الله يخلف لكن انا مالوم جماهيرنا الوم المنظمين عندنا .. انا اذا ابي اشوف مباراه قويه لازم احضر من الظهر وبالكثير العصر واقعد لين يدخلون اللاعبين كذا اكون تعبت من الجلوس الممل وشي طبيعي اذا جا وقت المباراه ماتحصل تشجييع بمعنى الكلمه..

وبعد لاتنسى ملاعبنا ماشاء الله تفتح النفس تخلي الواحد غصب يروح يشوف المبارايات ولايفوت ولامباراه وانا الوم الجماهير بعدم ذهابها للملعب في ظل هالترتيبات الجميله اللي ماتحصلها في الدوري الالماني << مايقلد عبد الرحمن بن مساعد..

لاهنت ياخوي على الخبريه .. يعطيك الف عافيه.

يآلبيه وآلله هنآآ سحررر كرة القدم ... وربي تتآبع مبآرآه ماتعرف من رآح يفوز حتى وان كآنت بين متصدر ومتذيل الترتيب

متعه يـ نااس بس حسبي الله على دبي وتغطيتها الفآشله

والله لو يجي لي اتابع مبآريآت الدوري الالماني جميعها في الموسم لآتآبعها وبدون ملل


تابعته تقريبا من 7 سنوات ولـ الحين مافوت فيه ولا مبارااه

< جذبني له الفيررردر

ومآلآحصـآئيات هذي الا تأكيد لتفوقه على دوريات العالم بأسرهاا


مشكور اخوي

دوري رائع كلها حماس وندية ومهارة

بس مشكلتها الوحيدة التواجد الاعلامي

بالتوفيق للنادي البافاري

إقتباس الرسالة الأصلية كتبت بواسطة Lover Sami كما أن متوسط اسعار التذاكر هو 22 يورو تقريباً .

اسعار التذاكر مقارنه بالدوريات الاوروبيه تعتبر رخيصه جدا زياده على ان المانيا هي اكثر الدول الاوروبيه كثافه سكانيه اذا استبعدنا روسيا و ما ننسى ملاعبهم الي على أعلى مستوى .. كل هالعوامل هي تجذب الجماهير و تجبرهم على الحضور ..

السلام عليكم ورحمة الله وبركاته

لا جديد على هالاتحاد البطل والدوري المثالي
بلاتيني دائما يمدحهم ويقول ما اقدر انتقدهم بشيء

متوسط سعر التذكرة 22 يورو بس !! في انجلترا تصك 55 باوند وانت تضحك يعني فوق 70 يورو
ناس همها المتعه وعدم تجاهل الاقتصاد ايضا

ملاعب رائعه كلها ممتازة مع مرتبة الشرف عدا ملعب بريمن الظاهر فيه مضمار والبقية تحف معمارية

شكرا عبدالهادي

إقتباس الرسالة الأصلية كتبت بواسطة skroo السلام عليكم ورحمة الله وبركاته لا جديد على هالاتحاد البطل والدوري المثالي بلاتيني دائما يمدحهم ويقول ما اقدر انتقدهم بشيء متوسط سعر التذكرة 22 يورو بس !! في انجلترا تصك 55 باوند وانت تضحك يعني فوق 70 يورو ناس همها المتعه وعدم تجاهل الاقتصاد ايضا ملاعب رائعه كلها ممتازة مع مرتبة الشرف عدا ملعب بريمن الظاهر فيه مضمار والبقية تحف معمارية شكرا عبدالهادي

لآآ خلآص ، وين رآآآح آلحين بدون مظمآر وترى حلآته بمضمآرر كآن آدآء آلبريمن خورآآفي